意粉屋 (PopCorn 2)

Open Now

Now Closed

疫情過後，久違地約朋友出去小聚吃晚餐。我們特意選這裡，人不多，也不會限時，更不會被趕走，我們可以暢談一番。侍應安排我們坐卡位，位置相當寛，叫一台食物也不怕，餐牌上的食物全都十分吸引，絕對會選擇困難症，我們最後決定了一個一人餐分享，再加多客蒜蓉包。女生太細吃，不想浪費。一人餐包括了餐湯，主食，飲品。我們升級了酥皮帶子龍蝦湯，另外再加了一份蒜蓉包，龍蝦湯很濃郁，材料好足，有龍蝦肉帶子，酥皮絕對是這個湯的靈魂精粹，外脆內軟，牛油味重，一下浸落個湯到，簡直令人垂涎欲滴，一下就把酥皮吃光光，意豫未盡之時， 蒜蓉包到😋，人生最愛蒜蓉包，呢到蒜蒜包夠哂熱，新鮮焗起，勁香蒜蒸味，再配埋個湯，無得頂，飲完湯都飽左5成，再黎就是主菜了。主菜：芝士焗龍蝦汁帶子白菌意式飯這飯勁香濃芝士味，金黃色，意大利飯夠淋，不會太硬又不稀爛，火侯剛剛好，帶子新鮮大粒，配上龍蝦汁，把鮮味更突出，還有少許沙律菜，可以減輕肥膩感，份量也足夠多，男生吃也絕對足夠，女生可以兩人一起吃☺️驚喜最後一杯餐飲，聊了大半晚，十分開心，下次聚餐會再來😆

一行3人叫左lunch set二人餐（$328）揀左220克石燒牛肩肉連沙津薯條 （+$20）& 火腿波羅pizza，仲有兩款前菜同野飲。前菜同野飲正常野，都係湯呀，蟹子多士果啲。到主菜，本身都驚唔夠食，但個牛肩肉好大份，完全唔止220克，上菜時好生，岩曬小弟，食落好夠肉味，就算燒熟啲食亦唔會好韌👍🏻，薯條有薯皮好有薯味，沙津就正常。靜係食完果個都飽飽地，好彩冇眼闊肚窄叫多個意粉，有機會再試。而pizza亦好味，味道正常。總恬而言，全餐有前菜，有兩樣主食，仲有野飲都係$38x，好抵食，起碼石燒牛肩肉好食過將軍澳中心間石燒牛先啦，有肉味得多又唔會韌。Sorry冇影到相，因為冇諗過咁高質。

一向對意粉屋評價不錯 ，平時食大大塊好好美 ，店員服務也很好，但現在退步了不少 ，這次吃的size 一半 價錢一樣 。要求店員換過，但他說是這樣不肯換，不次不幫這間了 ，態度差。食物質素 更差，對他好失望。

真係有10年冇食過意粉屋，喺網上外賣平台見到諗住試吓，叫咗兩樣嘢食，第一個芝士肉醬薯條，個肉醬好Hea，芝士又唔夠味，重點係個薯條好乾好硬，食到最後根本就食唔到落去另外一個煙肉煙斗粉，第一下食舊煙肉好難食，似低價罐頭味嘅肉味，即刻面都青埋，再食煙斗粉，口感似係乾咗嘅通粉，但係啲芝士有好水好唔夠味，完全唔知應該繼續食定係掉咗佢，最後都夾硬食咗七成，材料調味料全部得2分，加加埋埋煮得差真係負10分 第一次頂唔順要寫OpenRice一個喺香港幾十年嘅牌子可以做到咁差真係諗唔明

離哂大譜，係咪外賣就可以俾垃圾人食！!放落盒就見到燶哂啦！！唔會再買spaghetti house 外賣！！嚇死人，已經唔係難唔難食，係唔食得！！真心問pack外嗰個自己會唔會食？！

諗住 丹麥豬肋骨 收番咁上下價錢會有番d正常既味結果得d已經淋晒上去既燒烤汁已經好咸燒得又焦，結果就係咸同苦...........食落d豬仲有少少豬臭味，姐係無醃好....又叫左個素豬肉丸，超級咸..... 已經好懷疑佢有無試過味....雞肉千層麵，d雞又係雪到無晒味，少少腥，同係出面快餐店食d料完全無分別, 咁點解要比貴倍幾去食？記得幾年前奧海城食過個記憶都已經唔好，今次更加確立左唔會再光顧這間偽中級餐廳

行完將軍澳我哋九秒九趕去意粉屋食下午茶，因為疫情關係要六點鐘交枱， 帶位同事入座前都提一提我哋要六點離座。休閒下午茶拼盤:包括有兩隻雞翼、羅馬生菜、配parma ham，上面加咗少少黑油醋汁、三件黑松露配蛋沙律三文魚酥，酥皮焗得好香脆、兩隻蜜 燒雞翼、一小筒粗粗薯條，熱辣辣香脆，夠薯仔味;周打海鮮湯天使麵，好大碗，包括青口、魷魚、鮮蘑菇，天使麵好爽口，彈牙。另外，加配 一碗酥皮海鮮湯，香滑，足夠海鮮。餐飲:凍檸茶，凍咖啡。餐廳乾淨，雖然好open ，但每張枱都有一段距離，食得安心。值得加讚，意粉屋有長者優惠，每位長者送一杯飲品。

老公一直都好欣賞意粉屋嘅意粉🍝，疫情下唸食咩都會唸自取外賣意粉屋，ok la，揸車🚙去將軍澳順便去行個圈，比亞女出下街☺️叫個個外賣自取餐：一個沙律、一個大pizza、一個意粉、一個小食都係2百幾蚊，都算抵食。沙律：普通凱撒沙律🥗，份量細咗啲，如果大份啲就好啦意式Pizza：薄批鬆脆🍕，餡料都算豐富，亦都夠晒大個（食唔晒，留左第二餐）肉醬意粉🍝：老公最愛，味道不錯，意粉唔會太軟太「林」，亞女都食到舔舔脷😋小食：星星薯角，雖然係外賣自取，返到屋企食都仲有啲脆，唔錯👍

at this moment it's very hard for us to eat inside the restaurant, so I have ordered take away. the guy in telephone is very nice to take our order, the food is still very hot till arrived home.the rib is classic taste, penne and fried onions were good too,only the lasagna is just OK, a bit disappointed.

意粉屋在香港開業至今已四十年 其實中價連鎖式西餐廳 已經賣少見少 ，能夠在香港屹立不倒 我相信除了價錢合理，食物還保持高水準喜愛意粉屋 因為它獨有一款好好飲既酥皮海鮮湯，酥皮鬆脆，海鮮湯好足料，有蝦又有蜆肉下午茶 只需要加$18咋！！下午茶我們點了珍寶雜錦pizza ，pizza 好脆 而且份量都好多 煙三文魚海鮮炒飯都唔錯，不過我覺得炒得乾身左，都算可以 ！ 餐廳服務方面，服務員好有禮貌，而且好細心問食物到齊未希望意粉屋再開更多分店啦

好耐沒有吃過意粉屋，因為對意粉不太有興趣。但原來現在的意粉屋跟西餐廳沒有太大分別，大大改變了我原本對它的想法。原本沙律裏面有一隻小小蟲，服務員很快便幫我們更換，並很有禮貌地交代，值得欣賞和安心👍🏻沙律味道是不錯的，大蝦🍤爽口。最近很熱愛吃ribs~~這個ribs都很juicy，肉質嫩嫩的，骨肉易分離。平日吃Pizza都會不吃邊，因為厚身又不好吃。但這pizza連邊都吃了，夠脆和薄。甜品兩款都好吃，兩款都會再食！夜晚都比較多人等，內在環境設計挺舒服，但枱與枱之間是較近的。

今日朋友生日，剛好手上有現金卷就跑到半世紀沒去的意粉屋吃午餐。根據上世紀去吃的記憶，沒一樣好吃的。意粉太多油，飯又乾又硬，員工的那個服務態度(╯‵□′)╯︵┻━┻。那是沒態度可言。還好是我這個隨便的人，換了其他人都要把這員工一巴掌拍死。好了這題外話。沒想到今天這個麵，好了還是太多油，忘了拍個吃完的，都能倒出幾匙羹。 不過味道不差，淡淡的天使麵（對了是天使麵 我那個相片名稱應該寫錯）配上那乾茄那乾了幾年的乾茄味==我都不會形容了。總之，可以一吃。

昨晚和家人一起去Pop corn意粉屋食晚飯，女主管服務態度奇差，一直面濃濃，好似好唔想做你生意咁，男主管好少少，但也是茶餐廳以下服務水平。難怪隔離咁好生意，意粉屋就冇乜生意，老闆請了這種主管真惨。雖然其他員工服務很好，食物也不錯，也絕不想再去。现在疫情期間都咁嘅服務態度，真的很趕客。其實餐廳好多位，只是女主管懶得做嘢，唔想咁多客人幫襯，所以刻意唔幫你安排坐位(同疫情無關，已有1.5米距離)，可能驚人多會晏收工。

今晚得閒，所以出來振興經濟。來到餐廳，原來好多人同我諗法一樣，都想為疫情籠罩下嘅香港出一分力，所以要等侍應得閒執好枱之後，我地先有位坐。呢排意粉屋得一個龍蝦湯+意粉套餐，可惜張餐牌無影到相。於是我地叫咗呢個套餐，其他野食散叫。個龍蝦湯實在太好味，我都來唔切影相，已經畀我屋企人飲晒喇其他食物都有影到相，睇相介紹啦﹗最後叫咗個蜂蜜蘋果批、芝士餅同朱古力薄餅雪糕，不過我掛住食，無影到相。其實呢幾樣野真係幾好味，尤其係蜂蜜蘋果批，做咗會員一定要用張優惠券來買成個。一年一次，回味無窮。臨走嘅時候，見到佢地有個外賣套餐，會員價抵到喊，希望下次有機會買啦﹗

平日下午茶去到1800,早收工鳥兒有飯開。叫左個芝士焗肉醬意大利粉，幾好食，好多醬汁同肉。另一個龍蝦湯海鮮天使麵，個湯好好味，個麵口感麻麻地，有D 似中式幼麵。再叫左個小食拼盤，酥皮煙三文魚盒普普通通無咩特別，煙三文魚太細，呢個拼盤唔太抵食。