意粉屋 (Closed)

平時通常來食lunch/dinner 今日係試左下午茶 menu上選擇好多 有light d 既沙律 又有飽肚既意粉/pizza 又有甜品 價錢$60幾至 $70幾不等 男朋友減肥食雞胸藜麥沙律 佢話味道唔錯 而且有蕃茄仔 雞蛋等 都飽肚 我就食呢個朱古力綿花糖pastry 仲有雪糕添 我覺得味道唔錯 綿花糖燒到個面脆卜卜 同融左既朱古力好夾 加6蚊有青檸梳打飲 大大杯 爽😋😋

係屯市閒逛，朋友話想食spaghettis house，所以就陪下佢。叫左個1人餐同慢煮牛尾意粉。1人餐要左 雙重芝士焗煙火腿煙斗粉，雖然係雙重芝士，但食落唔會好膩，2個人傾下食下，都食得晒。而餐湯係南瓜湯，味道還可以。令我驚喜嘅係 慢煮牛尾意粉其實最初見佢係闊條麵先叫，我對闊條麵真係情有獨鍾。牛尾炆得好淋，而且肉嘅份量足夠，一啲都唔吝嗇。個汁酸酸地，今人食指大動。麵嘅軟硬度適中彈牙。食完真係有衝動再叫多份！

大家暫時除下口罩，來共進晚餐。感謝意粉屋今年又再送VIP生日晚市優惠券。每次來意粉屋，都是點選套餐。秋日已過，餐牌仍好有秋意，「秋日2019套餐」。晚市有免費贈送肉醬薯條，可惜我和朋友不想吃炸物，加上我又戒了牛肉，浪費了貴店的贈吃。點選了$398的套餐，見到鄰座食客也有點選，再另加甜點。真的好飽肚了。天使麵可以改轉意粉，好多配料，龍虾粒也大粒。薄餅好香口，以青椒配料為多。最喜歡的甜品仍然是蜂蜜蘋果批，配料和質感多年不變，好香，今晚吃的雲呢拿雪糕球比之前的大。最近因為疫情的影響，令人卻步出外去用饍。今晚的意粉屋也沒有之前的滿座，反而多了外送生意。

今日食乜好呢？好耐無食過意粉屋嘅酥皮湯有啲掛住😋😋😋我地叫左一個卡邦尼意粉,一個煙肉pizza，肉醬意粉,酥皮忌簾湯等等主打緊係酥皮忌簾湯啦，皮脆鬆化的酥皮，香濃嘅忌簾湯，簡直係最佳拍擋,小麵包配合湯味道更加一流!👍👍😍卡邦尼通粉,味道好好，不會太鹹，而且有香濃忌廉汁!肉醬意粉,不會意粉好多,汁和肉少，兩旨都好平均，意粉不會太硬，剛剛好😋😋最後係個煙肉pizza，pizza焗得剛好，外脆內軟，濃濃的芝士配搭煙肉，口感難以形容幾好味😋😋😋

與家母二人到了意粉屋食晚餐，點了一個兩個一人餐。餐湯跟沙律都不錯，意粉跟通粉軟硬適中，不會因為煮得太久而沒了應有口感，總的來說算不錯。特別要注意的是成為會員能夠在九月份內以四百蚊購入一千元現金卷，而且意粉屋會員優惠十分多：有迎新現金卷、堂食八五折及下午茶買送一，實在不容錯過！

晚餐黎食意粉屋，叫左個2人餐，平均每碟菜色都唔錯！當中最滿意既係呢個餐湯-龍蝦湯，有濃郁龍蝦味，而好creamy，好好味，令人好滿足！主菜係西班牙海鮮飯同埋豬肋條，西班牙海鮮飯好足料，啲飯都幾入味，不過啲海鮮感覺唔係話好新鮮。豬肋條更加係份量十足！好長！呢度用既係丹麥豬，有來源保證，食落好安心！可以好輕易整到肉同骨分離，加埋啲燒烤醬食都幾惹味，肉質略嫌唔夠嫰滑，薯條都炸得好脆！沙律既黑醋汁好惹味，啲沙律菜都好新鮮！食物質素同價錢成正比，埋單500左右，以用料，食物味道同環境黎講價錢尚算合理，但要批評既係枱面既礦泉水好難飲。

今日跟家人到市中心行街見到意粉屋有午市套餐價錢都算合理 所有二話不說馬上入去🍽森林蘑菇忌廉湯配特色軟包蘑菇湯十分creamy濃郁滿滿是蘑菇碎粒加配酥皮只需加$9 好抵 將酥皮浸入熱辣辣的忌廉湯中別有一番風味跟餐的麵包十分香軟加上牛油 味道不錯🍽意式燴牛肋條配新鮮蛋麵牛肋條炆得十分入味軟腍加入了蘑菇和洋蔥 增加口感醬汁跟蛋麵頗夾不過蛋麵略硬 煮多一陣會較好🍽意式海鮮炒飯有大蝦 魷魚圈 魚柳等等份量頗多 飯粒彈牙 調味亦剛好整體食物質素唔錯環境舒適 價錢合理

7月24 日，原本訂了晚上7:30。但好多人要等，咁我地就走左去新裝修既玩具反斗城行街街～之後8點幾先有位，店員很有禮貌對我們說不好意思首先來的是這個包，小朋友秒殺了再來是這沙拉🥗，生果又甜又大大舊！之後就是洋蔥圈，略嫌外面粉太厚，炸得太燶呢個雞翼非常野味好快清哂這個就一般般，肉有點老，難咬兩個pizza 都各有千秋，小朋友吃不錯，但下面那個有辣肉腸的這個意粉好正，岩哂中意西餐既我最後，係呢個芝士檸檬凍餅！好飽飽啊

早前年初六，我們一行4人連埋好姊妹的老公一起去屯門市廣場 <意粉屋> 來個姊妹聚！ 飯聚之前，我們先去他們兩公婆的新居，並睇番當時他們結婚的精華片段！新年期間，店方推出節日餐牌，節日餐牌比較平日餐牌相對前者較貴！香脆風乾火腿、刺身帶子配意大利茄醬扭紋粉 $178特色的扭紋粉軟硬適中帶煙韌，鹹香的風乾火腿與酸香的茄醬，同樣令人開胃！配上本身淡味的帶子恰到好處！香煎北海道刺身帶子、煙肉忌廉汁意大利粉 $138幸好！忌廉汁夠味得來又不會膩！意大利粉口感略為煙韌及入味！意粉屋脆味拼盤 $115拼盤包羅萬有！ 蘇格蘭煙三文魚、風乾火腿、檸檬蜜糖雞翼、脆洋蔥圏、春卷及美國薯條！檸檬蜜糖雞翼酸甜交織，外脆而內有肉汁！春卷加入黑松露，食味濃郁又突出！雜菌薄餅薄餅薄身香脆，雜菌有冬菇、蘑菇、本菇...等，簡單配以茄膏及芝士，清新配搭的美味！有機香草茶：有機愛茶 $38包括：玫瑰花、薰衣草、接骨木花、洋甘菊，花香滿載，味道清然淡雅！食完整餐豐富的意式晚餐，清一清味蕾的好選擇！

因為會員優惠 生日月份晚市可享68折所以就跟老公一嚐意粉屋晚餐晚市每一枱都會送一個肉醬薯條我們點了一個二人餐再加一個沙拉餐湯肉醬千層麵這個是招牌食品份量大 肉醬很多不過有些少過咸期間限定的焗雞醬汁很好味 熱辣辣的雞件加上栗子和洋蔥等配料十分夾藜麥沙律

前排去咗屯門市中心嗰度有間意粉屋嘅餐廳度食 但係去到嗰度呢入面啲人呢多到呢要等位等成個鐘呀 不過都算啦為咗食入面嘅美味下午茶我唯有食啦 我去到入去呢就叫咗個週打海鮮湯咁呢個湯呢都未到ok嘅都幾重忌廉味啲海鮮都 算好味嘅 而我仲叫咗個薄餅餐咁呢個薄餅我就覺得呀普通嗰啲個餅底呢就太晏但係整體嚟講呢都算好食嘅跟住仲叫咗個意粉餐咁嘅意粉呢個味道呢都ok嘅但係呢個原來雜菌可能我唔係咁鍾意食什菇啦所以我覺得我都係鍾意啲有肉嘅意粉好啲 但整體嚟講啲餐都算ok嘅

見好耐無食過意粉屋 就走左試下今次我地嗌左個二人餐 包左湯 兩個MAIN 同兩杯飲品 ($468)一坐低就有一客送既肉醬薯條感覺啲肉醬仲差過大型既連鎖快餐店 不過唔洗錢黎講 就算啦餐湯方面 係 波士頓龍蝦湯 得個咸字 唯一可取之處係叫做有啲龍蝦肉食下醬燒原條丹麥豬仔骨‧脆薯條‧意大利黑醋雜菜沙律 (710g)依個份量好大  薯條新鮮送上不過個RIBS 就差緊啲 無乜BBQ味 同埋啲肉既質素都麻麻 香煎紅鯔魚XO醬燴意大利飯魚都係大份既~ 不過就好油但係XO醬燴意大利飯就真係完全唔夾同埋成個飯好乾身 好似中式炒飯咁之後仲有兩杯餐飲連加一514.8埋單 感覺真係好唔抵食 早知五百幾蚊既話就可以簡間高質啲既餐廳

年三十，在出去食團年飯之前就在屯市食午飯。意粉屋已經不是第一次食了，但以往都是食夜晚多。今次午餐就叫左兩個意粉，其中一個跟SET有埋餐湯。海鮮湯很好喝，不過芝士煙肉意粉就略膩，幸好煎帶子煎得很香口。另外一個番茄三文魚意魚反而很好味，可能因為番茄開胃少少。午飯時間加上是年三十，人不算多，坐得都算很舒服。看來新年出來食午飯的好處就是不用排隊，加上才十二時，所以我們來的時候都不用等位。最後意粉都有少少食唔晒，假如個白汁煙肉意粉無咁甜，輕手番少少可能會好少少。如果係叫SET有埋餐湯,好難唔飽,麵面係送既。

一年一度芝士火鍋！每年都會同Mr Wong ，和芝士火鍋約會一次～以前試過好幾間，但我地最鍾情意粉屋。芝士底係法國康提芝士，又白又濃哦！我地仲加左個凱薩沙律，食到好飽哦。餐廳服務都好好呀，好細心，會問你要不要熱水。

今天因晚上要看電影，所以我們二人決定到意粉屋吃一個下午茶餐當晩餐。打開餐牌，選擇不算多。我們二人最後選了一個pizza和一個意粉，打算share 來吃。珍寶雜錦板板薄餅賣相吸引，材料豐富，內裡有菠蘿、磨菇、青椒、洋蔥、加拿大煙肉、意大利辣肉和沙樂美腸。薄餅皮脆，上面的材料味道有甜有鹹，味道可叫包羅萬有。再加上板上旁邊的沙律菜，為這個薄餅添上清新味道！ 黑椒汁煎厚豬排意粉的黑椒味濃、厚豬排仍淋軟、意粉軟硬適中。這個下午茶餐還配有一個酥皮周打海鮮湯。這個湯外脆內熱，酥皮浸在湯內變軟，吸了湯的味道，非常美味！喝下這個湯後已飽了一半！ 最後，滑滑的咖啡和熱擰茶為這豐富的下午茶餐劃上句號。