品坊 (Closed)

因為屋企人生日所以揀食buffet由於見到呢間香港九龍諾富特酒店嘅buffet有減價 所以就book左la入到去其實地方環境好闊落坐係到食嘅時候一d都唔會覺得好狹窄所以用餐環境方面係okay的但係食物方面作為原價500嘅自助餐來講我覺得水平中等...食物款式唔多 海鮮種類有生蠔 蜆 蝦蟹 青口 但係食落無咩肉 佢所提供嘅蘇格蘭生蠔好瘦 所以食落都比想像中差一dd不過佢嘅生果係唔錯嘅 佢d菠蘿唔係罐頭菠蘿而係新鮮菠蘿整體來講同普通放題無咩分別 性價比低

在宣傳活動中見到星期六、日食Lunch buffet 只是$198一位，而且有我最愛的Haagen Dazs 🍨食，所以預先Book定位！然後準時12:00nn 排隊等候，很開心安排坐在Sofa的位置，感覺舒服一點！第一round 通常吃日式料理，有一點失望竟然沒有安排一個㕑師負責即order即切魚生，所以只是食2-3片三文魚及壽司！見到有my favourite 魚片粥，立即試試，如果切薄片，效果更好！熟食方面選擇不多，幸好仍有我喜歡的鯛魚及魚柳，如果改為蒸魚更吸引，而蔬菜類連普及的炒西蘭花🥦/翠肉瓜也沒有， 只有椰菜！幸好我是最愛甜品及雪糕，可以食兩round 及六球Haagen Dazs 滿足我的胃，再加上DIY 🍋茶，已經很🈵️足！

/香港九龍諾富特酒店 品坊 the SQUARE
午市自助餐 6⃣點5⃣星期一至五💰158星期六至日 💰198‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧‧海鮮篇佢地主要提供三款海鮮， 海蝦、白蜆、青口。三款都算水準之上，特別係海蝦肉質幾鮮甜。我果日係星期五中午去，唔知係咪價錢好平所以都坐滿晒，唔洗5分鐘所有海鮮都見晒底，海鮮篇三張相真係分三次影，不過佢地re-fill既速度都幾快下。-熟食篇種類唔算話好多但整體味道中中等等，有梅子烤豬柳、藍芝士肉丸、雜菜咖喱、蘑菇竹筍煙鴨胸同埋牛扒等等。同埋仲有個即場煮越式河粉添！-甜品篇佢地甜品篇以午市自助餐黎講真係款式好多，例如斑斕椰汁糕、香橙杏仁蛋糕、雲石芝士蛋糕、麵包布甸、草莓慕絲蛋糕等等。小編真係好想影埋佢地既 Häagen-Dazs，一共有六款口味，但最後又唔記得左，食多幾杯真係已經回本啦。-飲品篇飲品方面有大家好熟悉既罐裝飲品， 除左呢d仲有四款果汁特飲， 雜果賓治、熱情果茶、凍檸檬茶同埋小紅莓汁。但小編覺得小紅莓汁如果無咁甜就正D健康D!-冷盤篇佢地最近主打越式風味，單係越式沙律就已經有五款咁多。好老實講好多配搭都係小編第一

因為有2位家人生日，諗唔到咩菜式又要長用膳時間，所以就鎖定左食自助餐俾我地揾到Novotel 做緊越式主題，重有即開生蠔，都係約三百蚊一個人，即刻去訂枱平日buffet用膳時間係長d既，我地揀左星期五晚。屋企人一早已到，而我要遲1個鐘先去到。 食客比想像中多，但係除左拎生蠔之外，都唔洗點排隊攞野食既當晚重有好多越式食品例如米紙卷供應，現場有即煮生牛肉河、即整豬肉包等。可惜米紙浸水時間過長，以致粉皮又厚又lum。最期待既當然係即開生蠔，係蘇格蘭蠔。 每人每次只限拎2隻，廚師開到冇停手。 開完之後，會浸冰水幫你掃一掃以防殼碎。生蠔好鮮甜，我自己都食左半打以上。刺身係一盤盤上既，有三文魚，少量吞拿魚、八爪魚、希靈魚、螺片，三文魚都ok肥美，八爪魚好快無，無機會試。冰凍海鮮就有蜆，青口，蝦，小龍蝦，長腳蟹。蝦中蝦size，味道正常。小龍蝦望落幾污糟，無試。另一buffet必食長腳蟹幾失望，冇海水味（甚至少少“宿”味），蟹肉都比較梅。雪糕係Haagen-daz, 要自己裝，重可以加d topping 上去，都有6款口味俾你揀。

I came here alone for lunch on a weekday. The restaurant was doing a promotion of HKD 158 (plus 10% service charge) for the buffet lunch, which was excellent value. Naturally with a buffet that cheap, the place was jam packed. Although the variety was limited, the quality was good. The salads include your normal green leaves and vegetables. The pre-mixed salads included squid, chicken feet and pork neck (which was a bit too spicy for me). The other appetisers were more in demand. There was cold

最近就發現佐敦彌敦道這邊的這家品坊以即開生蚝、蟹和海鮮做自助餐主題,還有折扣優惠,所以也即時相約朋友來試試。餐廳環境不錯,座位之間不會很緊密，服務中規中矩吧。海鮮是最吸晴的,當中即開生蚝是主角之一，是分別來自法國、愛爾蘭及澳洲的新鮮生蚝，蚝殼薄身,蚝肉夠鮮甜,完全唔腥。其他海鮮仲有加拿大長腳蟹,蜆,青口,小龍蝦,海蝦,味道也都不錯。燒牛肉,肉質柔軟而肉味濃郁，只是加點黃芥末同吃,已經很美味。冷盤方面, 三文魚等的刺身任食, 但味道就比較一般啦。甜品區當然最正係Haagen-Dazs雪糕,有六款不同味道的雪糕，當中我最喜食朱古力味道。其實這裏的食物味道不錯,整體價錢唔貴,仲有優惠,平價自助餐入面算係好抵食。

早排假日同咗我嘅幾位好友去食lunch buffet，呢到嘅buffet，就算係紅日都只係要$198一位，價錢都幾經濟，咁當然，咁平嘅價錢，大家對食物種類嘅期望都要因應價錢有所調整。海鮮有好幾款選擇，小龍蝦、 海蝦、白蜆等等都有，新鮮，好快被人拎哂，不過refill都幾快。餐廳最近promo緊越式食物，都幾驚喜，淨係越式沙律都有成5款，牛肉沙律同魷魚沙律真係第一次試，都幾特別值得一試。刺身我都唔知有幾多款，因為太搶手，長期都唔齊腳😆 三文魚壽司我都食咗好幾轉，雖然唔算肥美，但都新鮮好食。熟食區嘅龍脷柳好好食，佢係蒸嘅，雖然無咗份煎香嘅味道，但由於個汁處理得唔錯，完全可以帶出魚味，要試吓。話明越式，當然唔少得食越南pho，有多款配料可選，湯底當然未去到越南嗰啲咁濃郁，但都唔錯，可以過吓口癮。甜品賣相精美，都幾多款揀。其中檸檬撻幾好食，撻邊鬆化，檸檬味清新。最特別係呢到有即製雞蛋仔，我就去拎埋haggen-dazs雪糕伴住嚟食。飲品方面呢到既有罐裝飲品，又有果汁特飲等，誠意十足。需加一服務費，埋單4人約$870。如果你鍾意睇我嘅食評，不妨關注我，支持吓我，謝謝你☺️💕

其實平時都好少去食lunch buffet，因為平時嘅星期六日晏晝我都有嘢做，好難抽到時間去食buffet咁嘆，今日難得朋友都得閒，決定放自己一日假，同佢哋一齊去食餐好嘅！ 呢間位於Novotel嘅The Square 平日係$158一位，假期貴少少$198一位！冰鎮海鮮有三款，分別係海蝦、白蜆同埋龍蝦仔，我試咗蝦同蜆，兩款都算新鮮，夠晒冰凍！刺身款式唔多，但refill速度好快！熟食方面，講下幾樣我鐘意嘅；第一次見有龍利魚好似中式蒸魚咁整，感覺好新鮮，味道都唔錯！參巴醬鯛魚，呢個都係第一次聽，參巴醬係辣辣哋得嚟又帶少少甜味，好特別！Daily Pasta今日有芝士長通粉，好香好creamy！甜品有好多款式呀！麵包布甸、檸檬撻、芝士蛋糕、法式焦糖燉蛋、雜莓乳酪等等！雪糕櫃有幾款Häagen-Dazs雪糕！我見有個counter係有即叫即整雞蛋仔，不過我食得太飽，所以冇去排了！仲有唔同種類嘅水果！飲品方面，除咗一般汽水，仲可以選擇果汁，都係唔使另外加錢嘅！今餐大家都食到好飽，聽講晚市仲有更多嘢食，睇下幾時得閒再食先🤣🤣🤣

6月頭上yahoo團購買了優惠劵。買之前先打電話去確認有無位先買既，佢話有位，之後我咪上網買，買完之後就立即book位，餐廳都確認了booking ，點知6月28號中午我和朋友去到，個餐廳經理話（即係28號）有人包了場，無buffet 食。之後，我咪同佢地嘈，話明明你地話有位，我先買coupons，依家又話無，最離譜既事係個經理話早幾日有打過電話比我，但我根本就無聽過你地餐廳打來的電話，話要改booking ，根本就係離曬大譜，完全不負責任。最終個餐廳經理話同意退款，但要自己同yahoo 團購直接退款，佢地餐廳退唔到比你。完全不負責任。

今晚去嘗試從團購嘅自助晚餐， 入到去見到大部份餐枱都未有人坐， 心中已經打突， 跟住出去行咗一圈， 先尼睇吓有乜嘢食， 真係失望， 基本上以自助晚餐嘅要求， 食物種類很少， 以主代越南食品為例， 粉包淡而無味， 食落毫無美味可言， 跟住最多人客排隊攞嘅生蠔， 當晚係蘇格蘭蠔， 十分細隻但海水味濃， 但果位獨自開蠔員工十分抵讚， 密密開無停過手， 又洗得十分乾淨， 為酒店攞返些少分。其次負責執拾客人用過杯碟嘅侍應可能十分不足， 往往食完幾輪杯碟仍然留返係度， 原封不動， 而客人嘅背囊留係椅上亦未有用布袋覆蓋， 欠缺安全同小心， 有待改善。魚生亦唔係厚切， 加上唔係即切， 新鮮感欠奉， 而負責分切牛扒嘅女員工切得好薄， 有客人想要多塊亦會拒絕， 實非酒店待客之道， 所以試完今次， 應該再無下次。

新派越菜生蠔海鮮自助晚餐 300幾蚊可以食到咁豐富嘅自助晚餐真係物超所值一入到去已經被色彩繽紛嘅食物吸引著.🎏各款顏色悅目嘅越式米卷越式蝦米卷、越式火龍果芒果米卷、越式卷心紫米卷、越式墨魚米卷、越式草莓米卷🎏一大盤色彩繽紛嘅三色冷麵冷麵的顏色是以純天然的紅菜頭汁(紅色)、普里茶(黃色)、和蝶豆花(藍色)製成的🎏各類越式沙律：燒牛肉、燒雞、豬頸肉、鳳爪和魷魚🎏越式大頭蝦湯和越式熱盤：越式茄汁會牛肉、越式蒸鱸魚、蔗蝦、越式香茅炸雞、薑黃鰻魚炒米粉、越式蔥燒排骨、菠蘿海鮮炒飯、越式肉碎米餅和即叫即淥嘅越南牛肉粉等等🎏越式甜品：斑蘭糕、珍多冰和龍眼冰等🎏冰鎮海鮮：即開生蠔、加拿大雪場蟹腳、扇貝、紐西蘭黑青口、賴尿蝦和小龍蝦等。全部都好新鮮。🎏魚生壽司🎏還有鮮嫩嘅羊架和燒牛肉

上星期同朋友收咗工之後去食自助餐，見佢依家閒日六折一位$288，所以的就去試試。味道：🌕🌕🌕🌗🌑環境：🌕🌕🌕🌑🌑服務：🌕🌕🌕🌑🌑衛生：🌕🌕🌕🌑🌑抵食：🌕🌕🌕🌑🌑食自助餐好少有越南菜，有d藍色粉絲幾得意，青咖哩雞同蔗蝦係最推薦。呢到仲有魚生、生蠔、蟹腳等。沙律都有好多款，不過我唔太喜歡食越南沙律，但佢呢到都仲有普通西式沙律，咁都ok ，$288有自助餐食都幾好。

窮遊香港-任食越菜生蠔海鮮自助餐👍🏻即刻like @hkfunfoodrecord 同follow先啦.今日講下一間主打越南菜自助餐如果網上官網訂位仲有6折係一間幾抵既自助餐.野食方面一定要講下海鮮啦今日有⭐️蘇格蘭蠔 呢隻高質wo 勁多人排隊拎生蠔夠鮮甜完全唔腥 鹹味偏重唔算大隻 一個人可以食番十隻 勁回本.其他海鮮仲有 加拿大長腳蟹 蜆 青口 小龍蝦 海蝦.越南菜方面重點講講必食既野即場烹調既⭐️越式牛肉湯麵 個骨湯幾甜⭐️越式大頭蝦湯 重香料 蝦膏味⭐️越式米卷 呢個勁多人食 賣相靚靚 全天然材料個皮都做得唔錯 軟熟 唔易穿有好多唔同味 同配料 蝦米草莓芒果 沙律菜必食 但唔好食太多呀 飽肚.甜品方面數量都ok 大概20款最主打當然係任食Häagen-Dazs啦 有6隻味 草莓 藍莓 比利是朱古力 雲呢拿 芒果.......整體價錢唔貴 仲有優惠 平價自助餐入面算係好抵食

家中長老說很久沒有吃過自助餐，結果他們於網上團購購買了這間餐廳的自助餐300多元就可以食到即開生蠔、長腳蟹、刺身等結果一行多人，準時6:30到場品嚐由於選擇了星期一晚上，所以於6:30時，不算很多人，可以讓我慢走全場一轉才決定先吃什麼一開始最多人排隊的是，即開生蠔當日有愛爾蘭生蠔及蘇格蘭生蠔，每人每次只可取兩隻，的確新鮮終於明白長老們為什麼要一早於自助餐開始時便要入座，因為第一轉選擇什麼食物都可以。可是有其他親友七點來的時候，大多好吃的食物都已餘下一兩件，恍如被洗劫後的場面酒店refill的速度不算太快雖說自助餐是3小時，可是到8:30左右，菜式大多也不再refill

母親節唔響香港所以星期二夜晚食左呢間自助餐同母親大人補祝！因為買團購飛，所以人頭計大約$250，真係好抵食！一埋位個個都去排生蠔同蟹腳，我又習慣自助餐食熟食先所以去左熟食area，點知比我發現好野！係大大條蟶子皇！好新鮮好爽口味道岩岩好！好想食多幾條但廚房不定時拎出黎，每次又最多拎得3-4條，所以要食既真係要無時無刻𥄫住！見過有個女人唔甘心分得一條瀨死要個廚師拎出黎何必做得咁核突呢🤣另外想推薦下切肉，因為好香牛味好好食！有時出面食既扒又貴又無牛味，但佢呢度既牛肉真係好好食！一放入口成陣牛味出哂黎，配埋佢一路加熱滾住既醬汁真係一流！後悔無食多幾塊！蟹腳唔錯，好大隻又有海水味好新鮮，而且fill得好快唔擔心無得食！生蠔就最多人排隊，我都拎左2隻試，味道係幾濃好有海水味，而且陣味響個口度stay好耐，但我個人唔鐘意生蠔既口感，所以試完都無再拎。甜品選擇好多，我自己就食左Haagen dazs、tiramisu同焦糖燉蛋。Haagen dazs仲要係我最鐘意既雪芭！焦糖燉蛋我都食左3杯，但fill得好慢，臨尾先出多round好彩仲食到！總括黎講呢間自助餐種類幾多、味道唔錯，值得encore既一