The Square

Open Now

Now Closed

Being recommended to try this restaurant because of pet-friendly. We spent our gathering here during weekend. It was quite an atmospheric restaurant. Simplistic white themed with plants everywhere. Staff was welcoming and approachable to both guests amd pets. Nachos were relatively small portion comparing with other appetisers and many out there. A small amount of tortilla chips piling with loaded toppings. Love the smokiness and spiciness of tortilla chips. Dice tomatoes were topped with dollop

對西貢墟一向有份特別感情，除以前喺度返工外，佢嘅自在、簡單同小店嘅人情味都係成日入嚟嘅原因。今日試咗The Square嘅lunch set，有哂上面提到嘅西貢特色。餐廳分室內外，裝修佈置風格屬南歐風，採光度足，感覺cozy又暖和。Order左Avocado Chicken Salad同Ribeye Steak，沙律伴以芒果絲，有打開味蕾之效，Ribeye新鮮之餘最緊要係有燒烤香味，兩個set都係高性價比之選，滿足！。仲有店員窩心幫忙借位充電，Chef嘅真誠互動都係加分位，值得推介！

諗住有意粉，啱小朋友食就坐低咗。坐低見到有外國人做廚以為穩陣，但味道令人好失望。1. 兒童menu肉醬意粉：就咁比一碗細份量意粉就當係兒童餐，碗意粉睇上去似食剩的。味道真係食得出分開既芝士味、蕃茄味同意粉味，無融合過。2. 龍蝦扁意粉：無龍蝦味，得蕃茄味。3. 全日早餐：除了炒蛋，其他食材包括煙肉全部都凍。4. 雞胸青醬意粉：雞胸要加$50先有，好細塊。（另一人食，試唔到味。）埋單3位大人1個小朋友$631，唔係貴，但無關價錢問題，真係都有啲難食。個外國人係攞嚟擺？無廚藝可言？大家不怕伏可以探究一下。

位置唔算就腳，不過服務同食物都好好，職員態度有禮，環境好輕鬆，今日坐閣樓，上面幾枱客人都有狗狗，感覺自在放鬆，真心覺得好正，我一定會再去（◎可惜掛住食唔記得影相，下次一定影多幾張～

喺北潭涌行完山，本來想自己出嚟求奇食個下午茶先返屋企。點知鄰居話有興趣一齊食，咁就一齊出西貢。咁鄰居話想坐得舒服啲又唔想等位，碰碰撞撞就去咗呢一間店，原來已經轉咗手之前我印象中係食墨西哥菜。入到嚟第一個感覺同之前完全唔同，多咗一份恬靜嘅感覺同埋十分悠閒。出嚟食嘢梗係掂啲自己唔會喺屋企煮嘅嘢，所以就點咗個龍蝦Risotto。鄰居嗰個豬腩卷先上，切咗啲嚟試，燒得脆脆有焦香嘅味道。不過實在太邪惡，冇乜quota可以食，跟住又見佢哋叫咗杯shake～感覺好似幾清新，我都嗌咗杯雜莓嚟試。咁行完山嚟講嘅話又真係入口幾清爽，不過就唔知係咪啲急凍生果，都好似有啲熟個頭嘅感覺。跟住我個龍蝦Risotto嚟啦，冇我想像中啲飯粒軟，但係其實我都覺得係唔錯嘅，個龍蝦湯滲晒落去啲飯粒嗰度。本身餐前想要湯，但係佢話要等20分鐘。所以最後我哋要咗沙律，但係另外一個鄰居點分龍蝦三文治同個沙律嘅配菜係一模一樣，忍唔住笑咗一下。咁下次嘗試多啲嘢就要醒目，唔好嗌三文治😂

當日我同朋友一齊入去餐廳食飯，見到其他餐廳都需要等位，所以入咗呢間餐廳試試。當日嗌咗一個龍蝦Resort、煎魚扒及兩杯飲品，感覺好唔抵食，亦都唔好食。叫咗一杯奶昔，上錯咗杯梳打，另外叫咗杯奶茶好似奶水咁樣。心想算啦，當體驗吓試過一次就夠。埋單時覺得點解張單咁貴？埋單後原來發現，餐廳用咗貴嘅價錢收費，如果唔check收據上嘅項目或者冇攞到單，就明目張膽收多我。明白而家做生意艱難，但係明掠水就係接受唔到。可一不可再。

一心想食青口⋯⋯點知佢講賣曬之後信佢推薦既蜆，白酒係煮得唔錯，仲有兩塊包跟埋，不過又唔似係蒜包，似就噤焗過既法包黎不過蜆超過一半有沙⋯⋯細隻得黎又瘦⋯⋯抵讚既係全部蜆都開口既另外叫左個肉眼扒5成熟件扒係應該5成熟既，不過點解要將一塊大既1-1.5cm厚度既牛扒分成0.5-0.7cm厚既兩塊牛肉噤⋯⋯本身塊扒都唔係厚嫁啦⋯⋯牛扒燒到又乾又鞋⋯⋯反而個配菜原條紅蘿蔔仔同個汁比扒更好我6:00左右去到，唔怪得其他鋪都比佢多人⋯⋯我錯係俾佢青口海報吸引左入去

必食推介，喺我人生當中試過最好嘅甜品，一定要食🫶🫶 今日試西貢嘅square，一試之下，真喺好食到不得了，如果去開西貢一定要試，呢個甜品喺用心之作，好食嘅程度值101分，爆分

我地係門口經過研究食咩既時候，有個侍應出嚟同我地講，入嚟試下，我地有兒童餐添㗎（因為我地拖住個小朋友），最後我地都入咗去。但侍應就冇比到兒童餐牌我地，之後有另外既小朋友入嚟，有兒童餐牌同有顔色筆比佢地玩。講番野食，我地嗌咗個薯條，好熱辣辣，但就好普通。一個豬鞍扒，近乎冇味道，要靠醬汁，但啲醬汁都係冇咩味😓。最後仲有個意大利飯，呢個終於都有啲味道。（但就等咗勁耐，應該係漏單，因為見到隔離遲過我地既都上咗都未到我地）

🎂生日去左西貢staycation🏡中午果陣周圍行吓睇定夜晚食d乜🥰經過呢間餐廳，個vibe都幾舒服，加上店員姨姨親切既介紹，就book左位夜晚食🍽️.我地被安排坐樓上雅座😆好中意餐廳充滿原木同植物既佈置，樓上仲有張好大既原木餐枱，岩晒一大班人黎聚會🌿🌴.✨Beef Tartar ✨香料味十足🌱配搭埋蛋黃，演變成溫馴既一道前菜🥰一d都唔腥✨Roasted Cauliflower ✨外表平平無奇但好好食😆😋椰菜花好juicy, 配合埋淡淡既薑黃味、微微辣但惹味既醬汁，係好balanced既菜式✨Porchetta✨主菜係weekend限定既烤豬肉（另外仲有牛/雞可選擇）🐖外表好脆，豬肉都仲好多汁，加埋卷住既應該係肝醬同香草🤤真係好正😚惟一覺得係d蔬菜可以熟多少少，同埋個gravy唔太岩口味✨Italian red wine, Strawberry smoothie✨有6/7款紅酒可以揀，都唔錯呀，士多啤梨沙冰酸酸甜甜都好好飲✨餐廳性價比好高，兩個人食埋單差不多600蚊，市區食應該唔得！係好滿足既一餐飯🥂

西貢新開西餐廳，廚師細心烹調，菜式有特色，賣相精緻，味道優質，讓你和朋友放鬆心情享受晚餐的好地方！餐廳設有戶外位置，讓你chill住和朋友飲酒聊天吃美食！晚餐設有set dinner，有前菜、主食和飲品。前菜方面點了《5 SPICED CAULIFLOWERS》和《SMOKED SALMON SALAD》。5 SPICED CAULIFLOWERS即是焗椰菜花，配搭了咖哩烹製的方式，椰菜花的質感軟身，易咀嚼，加上豐富的調味，很惹味！另外SMOKED SALMON SALAD即是煙三文魚沙律，同樣地是一大碗的沙律，配上酸味味的醬汁，開胃足料！主食方面點了一份扒類和一份意大利飯。《8oz SIRLOIN》 $288美國頂級西冷牛扒，配上奶香焗烤馬鈴薯和多款西式蔬菜，牛扒煎得時間剛好五成熟，肉質呈現粉紅色，口感軟熟，牛味香，配菜也是有質素，蔬菜是新鮮的食材！《LOBSTER RISOTTO》 $168龍蝦意大利飯，用上了真正的龍蝦肉，龍蝦肉彈牙，啖啖肉！！意大利亦煮得很軟淋，口感煙韌，龍蝦汁的美味很香濃美味，配搭了奶油南瓜和巴馬臣芝士，令味道更惹味！不飲酒的朋友也有另類的選擇！可選西方茶！餐

每次入西貢淨係會去食海鮮， 其實這區的西餐也不錯，The Square，位於西貢灣景街22號地下及閣樓。 店內裝修很有新派法式風格， 餐廳的菜式種類多， 可以散叫或套餐， 我點了兩個晚市套餐，Barramundi Papillote $158、 Lemon Prawn Linguini $158、Crispy Pork Belly Bites 、 5 Spiced Cauliflowers。 🔴Crispy Pork Belly Bites ～ 脆皮燒肉做得好香口， 皮脆肉嫩，口感不錯。 🔴5 Spiced Cauliflowers ～ 焗椰菜花鮮甜味配上咖哩，惹味又香濃。 🔴Barramundi Papillote ～ 紙包魚， 清清地原汁原味， 採用澳洲盲曹，肉質紮實而嫩滑。 🔴Lemon Prawn Linguini ～ 檸檬大蝦意粉， 大蝦好爽口， 意粉軟硬平均，加上檸檬汁就更加清新可口。 整體食物質素好，價錢抵， 服務好， 去到西貢不妨一試。 🏷️溫馨提示～ 整個用餐體驗均屬個人分享意見， 只作參考😊。

十分喜歡自駕到西貢，車程不算長卻有郊遊感，平日的西貢遊人不多，可以細味一下周遭的景物，甚至選一間雅致的食肆享受一頓午餐。這天逛到一家新張沒多久的食肆，從餐廳的環境佈置看出老闆花了不少心思，估計食物也差不到哪裡吧！入內坐下後，禮貌的侍應生端來一杯水，這是我見過最好看的水，以檸檬和薄荷葉點綴，看來一絲不苟，小至一杯水都是心思啊！點了個午餐，主菜是chicken ＆ waffle，上枱時有點意外，原來是炸雞來的，馬上擔心會過份油膩，沒料到吃後只覺美味，碟上的油不算多，窩夫亦香脆、微甜有蛋香。最後以可愛美麗的cupcake作結，是美滿的一頓郊遊lunch。室內有樓梯上閣樓，侍應生表示可用作私人聚會，能夠容納多於10人，好一個具私隱的派對小天地！

🌟西貢灣景街「The Square」門口好靚，好有度假風味，好多外國人入座，恍如置身於外地，吸引我坐下來享受一下一個咁Chill環境。***** ***** ***** ***** ***** ***** *****Menu有好多選擇，因為我唔係肚餓，所以只叫咗一份🐓Chicken & Waffle 🧇 鬆脆炸雞配鬆脆窩夫，好味道👅雞肉夠Juicy, 有雜莓醬伴碟，另外有新鮮藍莓同紅莓🍒☕️Cappuccino ☕️咖啡好香濃，好啱口味好順滑。***** ***** ***** ***** ***** ***** *****總括嚟講，餐廳每一個角落都好有心思，環境好靚，有outdoor座位選擇，動物友善餐廳，仲有老闆嘅熱情招呼，眼見有好多熟客都嚟幫襯。

人均$200起｜西貢｜西餐｜The Square一直以來都很喜歡西貢的慢活vibe 🍷⛵️在舊墟漫步的途中，發現這間新開的「The Square」！裝修、環境都十分有格調，門外的外國人拖上小狗，暢快的飲着啤酒🍻，好不寫意！餐牌上晚餐都只是百多元起跳，沒有一絲猶豫，立即探店😂5 SPICED CAULFLOWERS 🥦用上了印度式的烹飪方法，加入了咖喱、薑黃粉等等香料製作，感覺新奇獨特。CRISPY PORK BELLY BITES 🐽中西融合，香脆的五花腩，配搭上酸酸甜甜的果醬🍒，意外的相襯。8OZ SIRLOIN ($288)(USA Prime Sirloin / Polato Gratin / Steam Vegetables)我們選擇了七成熟，八安士的西冷扒份量，兩個人分享剛剛好！肉汁很豐富， 脂肪煎得油香四溢，牛扒🥩是上乘的牛肉，沒有多餘的跟腱，牛味香濃；猶如千層酥的薯卷，很鬆脆，第一次吃這樣的烹煮方法LOBSTER RISOTTO ($168)(Lobster meat / Butternut Squash / Parmesan cheese)已經去殼的龍蝦肉🦞伴着意大利飯一