Video
Introduction
In December of 1998, a new dining concept was introduced to Hong Kong – The Strongrill. It quickly established itself as a firm favorite amongst Hong Kong’s fickle food culture, and is constantly rated as one of the city’s best restaurants. Customers can enjoy the unique and delicious Stonegrill flavors in Tsim Sha Tsui’s Ocean Terminal and will be opening new branch in Causeway Bay.
continue reading
Opening Hours
Mon - Sun
12:00 - 00:00
Above information is for reference only. Please check details with the restaurant.
Signature Dishes
今日幫個friend慶祝生日佢亦成日講好想黎呢度食野，所以早幾日就訂左位先，所以都唔駛等。沙律全部蔬菜材料都好新鮮、個汁酸酸地好開胃食落非常爽口好正。最吸引我當然係首選石燒美國上等牛肩扒、煮得岩岩好！牛身咬落軟熟，肉汁亦多有油脂香、個汁又配得好味。一句講哂好好味呀！羊架燒到非常香、唔會「UN」又煎得好香脆、 而且味道調配得幾好值得一讚！
continue reading
以前經過石燒，晏晝還是夜晚都好，都唔太多客人，因為依度一餐飯價錢唔平，但近年經過，就好唔同，多咗好多客，除經濟好番之外，做緊嘅Citibank推廣套餐功不可抹，加埋一都係百鬆少少就有一個石燒午餐，真係好吸引，尤其好似我哋依類唔係吓吓食得起貴嘢嘅人，咁著數更係唔放過哩D難得嘅機會啦！加上係石燒，啱晒我貪新鮮，又貪便宜嘅港人心態，哈哈！先哩一小籃意大利香草包，唔係好夠暖，但非常鬆軟，幽幽香草味，配埋個西蘭花忌廉湯，幾OK喎，湯唔算滑溜，但西蘭花味夠濃！主菜係石燒美國上等牛肩扒，兩件牛肩扒放晌塊火辣辣嘅石板，「滋滋」聲咁晌，甚有動感。石燒好玩在你想七成熟又得，五成熟都得，得咗！不過，個侍應教咗點燒，到自己試吓嘅時候，又唔係咁得心應手，最弊係D肉一開始已放咗晌石板度，無其他地方可放，所以，點都有一部份位置一路燒住，唔可以慢慢燒慢慢嘆，要諗吓計改善！除非佢哋係想D客快手快腳食完件扒啦！講番件扒，我就鍾意生D，所以切成一粒粒，「辣」均六面再燒多陣，就醮D黑椒汁哩食，真係幾軟腍，幾有肉味，間場又可以燒少少配菜食！不過好得意，個餐包飲品，但又會有一小杯橙汁俾你，無問用意何在，但食住件扒，飲吓杯鮮橙汁，感覺上好似減低咗食扒個種油膩感。臨尾，到甜品時間，係Haagen-Dazs雲喱拿雪糕（可惜味道係無得揀），賣相有D麻麻，一來個雪糕球頗細，但又配隻好大嘅碟，唔多襯；其次，哩到有D溶溶哋。咖啡就好香濃，帶少許酸，為哩餐晏仔作個好結局！ 雖然以前未幫襯過，依次係第一次，個信用卡套餐又平咗好多，但覺得無論服務同食物質素都無話打咗折，一樣咁好！因為主菜上枱時，除咗叫我哋留心塊石板好熱之外，亦簡單講解燒幾耐就有幾多成熟嘅效果，依兩樣嘢都預咗佢應該要做嘅服務。我哋三個人俾一籃得四片嘅香草包，所以就問可唔可以要多一兩塊香草包時，佢唔會俾面色之餘，好快送到，仲要係俾過一籃新嘅添！論環境，其實坐倚、燈光都令人好悠閒，好輕鬆，枱凳晌擺位方面又唔算逼，晌枱面又放咗幾個精緻嘅調味樽，D湯碗、杯碟色澤幾柔和，整體都令人覺得幾舒服，所以我哋邊食邊傾偈都坐咗成兩個鐘。
continue reading
女友生日，想請她去較高級的餐廳吃飯，於是選了Stone Grill。是日星期一晚，人不多，但油煙味不少。因為想試不同食物，所以點了兩客可選三款不同食物的set dinner。前菜有幾款麵包和洋蔥湯。特別喜歡有rosemary的麵包，很香口。稀有的洋蔥湯亦做得很好，對於無湯不歡的我來說，難得喝到已相當不錯。兩客主菜很豐富，有安格斯牛柳、美國牛柳、羊架、劍魚和珍寶蘑菇，還有煮茄子和烚薯仔作為配菜。食物在400度的火山石上吱吱作響，我們急忙地翻弄、搬運食物上碟，雖然DIY的過程挺好玩，可惜有些食物已overdone。我最欣賞珍寶蘑菇，喜歡它厚肉地，而且十分juicy。
continue reading
一直都想試下Stonegrill的石燒午餐, 貪佢可以用citibank credit card 抵食得多. 今次終於有機會一試...坐低後侍應送上餐牌, 除了citibank的優惠lunch外, 仲有其他lunch set選擇...但我同男友仔為左慳慳地, 所以點了兩set citibank的精選石燒午餐. 侍應同我地講原來用其他咭都同樣可以使用呢個優惠...咁又唔錯喎呢個set其實都幾豐富呢..... 橙汁橙汁幾鮮甜, 酸酸地, 幾開胃. 餐前麵包, 好軟熟, 而且暖笠笠, 加上醋同檻欖油, 實屬開胃 香濃蘑菇忌廉湯忌廉湯有好香濃既蘑菇味, 而且不會過杰. 本來對蘑菇湯無太大好感既我都KO左成碗呢!! 石燒美國牛小柳配珍寶大菇本來我倆以為份量好少, 但又出奇地OK喎! 上枱時牛小柳大概只有兩至三成熟, 侍應先介紹一下最佳既食用方法後, 我地開始自己慢慢將牛小柳放O係石板上燒熟. 侍應話如果要七成熟的話, 大約燒兩分鐘, 如果八成熟就要燒三分鐘. 對於第一次食石燒的我倆, 當然既新鮮且好玩啦! 話咁快已經燒好一件牛柳, 開始燒珍寶菇, 菇既底部本來已經係黑色, 加上可以生食, 所以只係燒左一陣就食喇.... 牛柳好淋而且好有牛味, 加上牛肉本來無落鹽同黑椒, 所以味道可以自己調較. 而菇本身都有一點點水份, 加上伴碟的燒汁幾惹味! 配菜薯仔放在石板上燒一會先食口感更佳, 因為薯仔表面可燒得香脆, 裡面就軟林林, 好好味呢!!紐約芝士餅芝士餅本身夠實, 味道不會過甜, 芝士味濃郁! 可惜餅底唔夠實! 伴碟的士多啤梨雖然細粒, 但非常清甜. 幾鍾意的一客甜品!! 飲品熱檸茶/凍檸茶都不過不失. 服務方面都幾周到, 侍應於送主菜上枱時都會問食客之前有無食過, 如果無的話就會好細仔地介紹一下食法. 另外, 每送上一款食物前都會清理好枱面上的東東..... 服務態度良好...唯一唔好的, 就係個SET本來只係129蚊, 加埋一理應係142蚊左右, 但係加一收費係以個SET原價黎計的...呢樣佢會寫明就有少少取巧吧!整體黎講, 成個LUNCH都食得好開心, 舒服, 而且食物質素中上! 下次可以黎試下晚餐呢!
continue reading
咁大個仔都真係未去過海港城吃野！第一次去就係因為興祝朋友求婚成功知道佢地求婚的餐廳就係呢度， 一於同佢地一pair連埋自己女朋友去吃假期期間個午餐貴過平時少少但同時多左甜品的自助bar台！我個朋友話平時食，款式少d的！一坐低就自己可以拿木碟去bar台拿野吃！最鍾意吃佢的煙三文魚！好正呀！女朋友就一黎就去拿甜品，俾我笑佢！但d芝士蛋糕都好有水準！雖然佢切得好細，哈，但任吃的自助bar台，切得細又冇咩野所謂我地2個都order左8安士牛柳！超好吃！自己燒又可以控制到個火喉吃完個牛，即時對高級牛肉產生不能自拔的魔咒（完全可能只係個人草根出身，未吃過好野）同埋個待應哥哥，行過來教果下，真係覺得好好笑！未試過去餐廳吃野係俾人教的！最抵的係，原來100元就可以入會︿入左會之後，就可以午餐三送一！超正！即時大家減晒價！成個餐吃左接近3個鐘，坐得好舒服咁就過左一個下午！真係正！
continue reading