The Story Cafe and Bakery

Open Now

Now Closed

當我入嚟無耐，聽到2枱前後食客差啲拍枱問點解啲嘢食等左9個字都唔嚟，我已經好驚🙈🙈好想走，終於嚟左個燒雞蛋包飯，我發覺佢要改名做雞排、白飯、煎左個十一成熟嘅蛋俾我，可以全部分開晒同個蛋包飯無關係，個雞似被人食左一半咁留番俾我... 我朋友叫左個比較貴嘅牛扒，佢評語係好似樓下茶餐廳好食過佢，或者我被佢外觀欺騙左🤨總結，其實不如叫個老板請多啲人，或者開少啲位接客人，長此落去，啲員工日日被人話都唔係好事😅

本人不是經常去青衣，因為要辦事，所以去到青衣城，梗係要上openrice搜尋一吓有咩好嘢食，因為得一個人，所以隨意搵咗一間餐廳，餐廳裝修都ok，都會有想入去試吓嘅衝動，我就選擇了。價錢方面，唔太貴，選擇都很多，我點了羅勒蘑菇牛肉醬芝士焗意粉，免費餐湯和熱飲一杯，飲品我點選了熱朱古力，額外需要加$5。食物味道和賣相方面，味道OK不太鹹，分量足夠，而餐湯都是一般的忌廉湯，但飲品朱古力，比預期差，多多奶少朱古力，有一樣事一定要提，就是服務態度，沒有禮貌，相信可能係人手不足

超過五年冇寫食評，為咗呢間嘢忍唔住log in返account寫一篇原本見門口靚靚哋又可以叫西餐又可以叫韓式炸雞，滿足晒我諗住食韓國嘢又唔想咁熱氣嘅要求坐低咗之後見到佢同東海薈打通嘅門打開咗已經覺得好奇怪，起初以為係東海薈啲員工買咗呢間舖頭嘅外賣會拎返過去食，點知發現原來佢哋啲員工係兩邊share用，你會見到中菜嘅侍應喺度斟茶同執枱，又會見到西餐侍應打扮的會走過去中菜部幫手講到嘢食仲驚嚇，根本就係港式茶餐廳扮國際美食, 冬陰功通粉，難食到爆韓式炸雞變港式炸雞🥲作為中菜嘅佢呢碟已經叫做好少少但係冬菇用鹼水洗過，同埋超油最正常反而係杯凍朱古力，保持到茶餐廳水準原本諗住happy Friday食餐好，點知變咗sad Friday, 等陣要轉場食甜品穩定情緒完全唔明白點解呢間嘢可以屹立倒喺青衣城🤨😤

試伏之遇上Cafe裝修既茶記😂🧡巴西肉眼扒配薯菜 （黑椒汁） $78Menu上面寫住係鐵板，但上到檯唔知點解係一個普通碟😵‍💫😵‍💫本身以為係鐵板大大塊厚切既扒先叫，然後係兩塊薄切牛扒（厚過早餐嗰d少少咁🤨未食已經少sad，貨不對辦咁款🤢牛扒味就正常既，係薄左d同唔係鐵板（呢個勁扣分）😑😑薯角出乎意料地好食，好脆又唔太油，熱辣辣，應該即刻炸起的👍🏻西蘭花同粟米就無溫度既（不過都預左）🥲🧡三文魚菠菜意粉 $55又係description上面既問題，明明係煙三文魚又寫三文魚😵‍💫我地本身以為係熟既三文魚先叫但其實食落都正正常常既，份量都幾多🫠本身無望清楚，坐底先發原來同隔離酒樓係打通的，已經即刻調整左expectation，但貨不對辦都真係一個幾嚴重既問題🥲🥲Overall黎講就無openrice講到咁伏，但伏試一次就夠，唔會想再食🥴味道：5/10 性價比：8/10 📍The Story Cafe and Bakery👇🏻青衣青敬路33號青衣城1樓117號舖📌人均消費: $101-200#hkfoodie #hkig #hkfoodieblogger #美食 #pasta #foodieg

未試過見到咁冇禮貌嘅員工，第一次幫襯叫咗員工勁耐幫手落單，都要扮見唔到繼續玩手機，之後到今日諗住比多次機會佢，諗住可能會轉咗工批新員工，咁好啦今次就叫外賣（之後佢地係接咗單），點知！！過咗勁耐（超過半個鐘），先話原來佢地冇曬貨，打咗兩次過黎叫打咗「幾」次？？？？？原來兩次叫幾次🥹🥹🥹之後直接cut單！唔明呢種態度嘅餐廳點解仲可以繼續生存到？？啲野好食都話算數，最重要係啲野食係普通茶記都食到。原來所謂嘅服務態度係咁🥹🥹🥹真係請都唔會再幫襯！！

坐低冇人招呼，舉手舉勁耐都冇人應，睇到又扮睇唔到叫個焗意粉，第一次上有曱甴，諗住叫佢，點知佢都係諗住扮雞睇唔到，要大叫有曱甴，佢先勉強過來回應下，跟住佢話幫我換過佢，過咗十分鐘不出我所料，轉頭拎番同一盤拎出嚟（因為我有影相做對比，絕對肯定係同一盤），不過諗住是但啦，因為入嚟嘅時候都預咗喺垃圾餐廳，不過第一次見焗意粉成個底都係水，再次刷新了眼界另外叫左個上海粗炒好普通，完全冇鑊氣，冇咩好講，求其一間餐廳都好過佢星期日青衣城周圍餐廳都爆曬，見佢有位所以先食，不過都明白點解得佢有位，因為真係太垃圾，希望佢可以快啲執笠，將鋪位讓返出嚟

THE STORY （青衣） 同朋友去完迪士尼之後，就係青衣隨便搵間野食。經過見到門口個餐牌寫住第二碟半價，感覺幾抵食就試下啦。晚餐都有跟個餐湯，係栗米雞忌廉湯。 🍴蒜香汁雜扒（＄98）有2塊煙肉，一條腸仔，兩塊雞扒，一塊豬扒，西蘭花，粟米同埋可以揀跟飯/意粉。蒜香汁重蒜味。整體覺得偏咸，越食越咸。 😋😋🍴羅勒磨菇牛肉醬芝士焗意粉 （＄78）朋友叫咗個意粉食，意粉硬度適中，醬唔夠多，味道還好😋😋😋

見佢門面幾靚滿心歡喜嚟食個早餐…但眼見樓面員工見得2個….人手不足就真係 「唔該請人喇」幾經辛苦終於落到張單..嚟到啲嘢食 全部［凍］上連餘溫都無嗰種凍！好似放咗係冷氣機底吹咗勁耐嗰種。唔知碟嘢放咗幾耐先上枱 食咗幾啖已經唔想食。（唔知有幾多細菌）之後同店舖員工講 佢話可以拎入廚房用微波爐叮返熱佢嚟到堂食 廚房唔係煮熱食，係要食廚房幫忙翻叮嘅食物？？完全唔了解佢地啲處理手法價錢又唔係平。真心比錢中伏不可一不可再。

假日全個青衣城多間食肆都爆人，經過the story見到唔駛等位，太肚餓就入去坐低叫咗份咖喱吉列豬扒飯，一上枱以為來錯了吉列魚柳……最後食落原來真是吉列豬扒，所謂扒不可以貌相～很美麗的誤會啊～😁

服務態度：被Cafe般的裝修吸引，以為早餐可以嘆杯即磨咖啡，點知換來一肚氣。首先點餐嘅時候問服務員有否即磨咖啡 ，但係態度好差咁回你一句只得冲嘅， 但係明明有部好大嘅咖啡機係吧枱入面 ，跟住你再見其他服務員態度都唔係太好，錯單、 漏單、落錯單乜都齊。 自己落錯單就叫枱客轉枱就。 咁嘅服務態度問你驚唔驚？食物質素：可能同隔離酒樓共用一個廚房， 出餐慢 ，食物只微暖， 沙律生菜黑晒邊嚇死你 ， 仲邊敢食，食物食味一般。 食香草豬扒豬扒冇味，蟹柳炒蛋，蛋炒老咗，少少暖！原本美好嘅一天，就因為呢個早餐而家壞咗， 幫唔幫襯實自己決定啦！

間野整曬啲外賣都唔肯整堂食等左成45分鐘都未有得食難怪間鋪頭一個人都冇真係食其他都好過食佢啲選擇又小 唔好信出面個menu 假嫁！！仲要等咗咁耐 明明堂食變咗外賣？真係o左嘴囉

現時疫情十分嚴重，但餐廳內枱面仍然放了一大兜刀叉等在無遮無掩下供食客自己取用，食客除口罩食嘢傾偈所有飛沫傳播落哂刀叉上，下一輪食客又用手攞這些刀叉食用，這樣怎可接受？餐廳負責人有沒有衛生常識㗎？

周末的青衣城總是人頭湧湧，租金貴，餐廳價位跟著拔高。Story的裝修像一般cafe，但食物價錢相對便宜。🍝🍲看見別桌剩下了一大堆蒼白的意粉，很小心地叫了焗肉醬意粉，吃起來就是熟悉的大字號快餐店味道。看見午餐的選擇，都是扒餐等茶記食物，像回到天天在開揚大學canteen解決三餐的時光。🥞🍨🍓敵不過甜品引誘，叫了照片很漂亮的草莓凍卷蛋糕。班戟外皮有些硬，一刀切下去，冷奶油不受控地流出，配着雪糕和蛋糕裡的草莓，不太好看，味道還可以。▪️▫️▪️▫️▪️▫️▪️▫️▪️▫️▪️▫️📍The Story Cafe and Bakery青衣青敬路33號青衣城1樓117號舖

第一.服務真係差！如果公司係唔夠人既就請多啲人啦！叫人洛單要等咁耐！第二.洛完單等左4個多字先同我講無個樣野食？第三.野食到左啦⋯⋯竟然係暖既？都唔緊要嗰份牛扒真係乾到阿媽都唔認得囉！仲要係成個晚餐Menu最貴198和牛？我覺得真係浪費咗個牛扒！仲要兩份都係咁難食！食左幾啖真係頂唔順第四.最後野飲要開口叫佢先送過嚟！老實講我今日係第一次去呢間嘢到食！貴都唔係咩問題係野食真係好難食！我哋食過好多次西蘭牛扒.和牛.A5.都未食過咁難食囉！仲要係198嘅價錢？仲衰過茶記啲牛扒！我同我老公都唔會有下次！原本開開心心出街食晚飯！點知個結果仲衰過自己煮！最後我係到真心想同呢間餐廳嘅老闆講如果你無心管理呢間餐廳就關門啦！唔好再害人

行過見到門面唔錯，又有半價，諗住試吓啦坐低落餐嘅時候都覺得啲阿姐怪怪地，都算啦坐低咗兩碗羅宋湯已經帶俾我驚喜，半隻檸檬連碗上，其中食材係檸檬係無問題，但俾個客就有點搞笑，喺個碗入面又阻住我飲湯經典嘅時候黎啦，嗌咗一個大蝦意粉，佢教識咗我咩叫大蝦😵‍💫😵‍💫 佢同我喺屋企食嘅白烚蝦唯一嘅分別就係佢更加難食🤮🤮🤮另一個意粉嘅虎蝦正常嘅，但係肉質都係非常梅🤢點解佢可以仲做得住？😵‍💫😵‍💫難食之中既難食奇怪之中既奇怪🥱唔好諗住睇落冇乜野，其實係我影得好睇🥱