The Story Cafe and Bakery

Open Now

Now Closed

夜晚食飯見唔洗等位就行左入去，好啦入到去，餐牌無餐具無，足足叫左侍應三次，係三次！都無人理。唉都算，野食黎到，黑松露意粉，黑松露味啖到好似食緊白灼意粉，羊肉老過我，檸檬茶似飲緊檸水。唔建議大家黎食

繼續例牌假日無飯主婦，臨時決定出發去沙灘，出發前先去醫肚，The story 以往週末都要排隊等，今日難得冇人等～看看餐牌也合適小朋友及大人，就選這間啦！以前來吃的時候感覺整個店子都是後生仔女居多，今天到訪已轉了一批員工，不過都非常有禮貌。我們坐梳化位置挺舒適，餐枱之間的距離也OK，兩大兩細就點了兩個午餐、一份小食和一份甜品，還好沒點三份午餐，因為都幾乎吃不完啊！平日星期一至五的午餐相當抵食，第二份半價。我們就點了一個卡邦尼雞扒長通粉、泰式海鮮炒飯、韓式炸雞和一份草莓凍卷班戟。午餐附送餐湯及餐飲，只有羅宋湯的選擇，竟然有些少偏辣+濃味，適合重口味人士。小朋友永遠最愛的卡邦尼長通粉，份量分給兩個小朋友吃剛剛好，雞扒煎得挺脆口，味道不錯。另外先生點了的泰式海鮮炒飯，以這個價錢來說的確不錯，海鮮份量正常，有泰式風味。炸雞第一次上碟時有拌飯，原來是店員搞錯了，非常有禮貌道歉後，隨即轉成小食狀態的韓式炸雞，每件份量雖不算太大，但勝在夠多汁+皮脆，如果有相應醬汁配合更佳。重頭戲來了！小孩子最期待草莓凍卷班㦸，新鮮熱辣即叫即做，等候需時，斑㦸十分厚實足料，滿滿的忌廉配上新鮮草莓，非常飽肚，雪糕有朱古

作為區內住咗幾十年街坊呢個區出名係冇乜好食就人所共知不過亦未至於去到難食或者服務好差所以對食要求唔太高其實青衣都唔少選擇今日因為要睇醫生但又未夠鐘就係青衣城搵間餐廳食個早餐hea下啲時間咁岩行過見到門面好似幾是正又多人食感覺唔到太大嘅伏味氣場所以就決定試下呢間嘅早餐精彩嘅劣餐體驗由此開始1/ 右眼有黑色班點嘅女待應0服務：- 冇招呼- 我填完紙仔轉個身佢走咗- 等佢出黎我追問坐位就話叫我是但自己搵位- 坐低menu又唔比、水又冇杯、問佢拎口罩袋就話冇提供跟手轉身走人- 落沙爹牛麵餐，完全冇問我蛋要煎定炒、麵要咩麵2/ 頭髮及肩女待應- 問佢拎紙巾，一聲不響係隔離台拎人哋啲紙巾打力放落我個紙巾兜度- 上餐混亂，後面啲客人忍唔住上前好聲話佢上餐冇跟落單次序，導致後落單會先取餐3/ 早餐方面（$46）- 炒蛋同多士係正常水準- 沙爹嘔麵真係重口味到啲味精同鹽好似放題咁倒落去- 熱咖啡正常4/ 其他- 其實仲有其他食客都對服務好不滿，例如轉位被waiter話，落單問題，服務態度問題等總結：- 餐廳管理層：你哋唔調較下呢班早更嘅員工質素的話，準備定執笠，因為青衣冇乜餐廳選擇你仲要咁嘅服務待客態度

今日約咗友人喺青衣城食飯 大家呢排都手緊 於是搵間平平地嘅餐廳食晚飯 見到呢間餐廳做緊第二份餐半價就入咗去食😂兩份餐都配有餐湯 係意大利雜菜湯 味道偏鹹 但都算多料 有幾舊紅蘿蔔 又有芹菜 都食到有番茄嘅🍅 反而辣味就冇乜 亦都飲唔到蔬菜嘅鮮甜 飲咗一半就冇飲黑松露牛肝菌寬麵 賣相都唔錯 驟眼望落幾多黑松露 食落就冇乜黑松露味 呢種寬麵冇乜用cream整嘅 所以冇平日食意粉咁creamy咁 但個麵都幾有咬口 而且有好多菇係入面 但都有同樣嘅問題 就係味道偏鹹☹️ 唔知係咪掛住傾計 食得比較慢 個寬麵比較杰 痴埋晒一齊咁 白汁粟米吉列魚柳飯 🐟好普通嘅一碟碟頭飯 略嫌唔係好夠熱 配菜就幾好食 有好多唔同嘅瓜菜 幾有誠意餐飲就嗌咗熱奶茶 同埋加咗三蚊嘅凍檸茶🍋 總括而言 係一餐普通嘅平價西餐 所以野食都味道偏鹹 想搵個地方坐吓都可以考慮 但唔好對食物質素有太大期望 肯定會失望🙍🏻‍♂️

I came for a lunch; we were 2 pax and we have ordered 3 set lunches. Each set lunch includes a drink but they missed the 3rd drink ordered (Ice Lemon Tea NO sugar); after 3 times requested the brought the Tea with Sugar, I’ve requested NO sugar and they took another 10min to bring finally the no sugar one. One of the drinks was a hot coffe that we specifically requested AFTER the food. They brought the coffee before the food. The waitresses have no English level at all (not even the basic words

同女朋友食飯 叫左廚師推介嘅個兩個餐.呢間野係難食到一生第一次想寫負皮 無咩事真係唔好試間 微波爐叮嘅都隨時好食過佢食第一啖已經頂唔順要走首先個匈牙利牛肉 個汁同史雲生嘅無分別個紅酒牛尾 牛尾仲要係凍嘅勸大家唔好比錢買難受希望就算無個評分大家都可以睇到呢條食評我就幫你下左地獄一次 唔好重蹈我嘅覆轍青衣城大把好食過佢嘅 你想體驗食美食嘅樂趣 咁我高度建議你食番次呢間野 我相信你食完呢間野之後 你食其他都覺得係米芝蓮三星嘅野

第一次都會係最後一次食 商場多餐廳都要等位 哩間唔洗等係有原因😨•復活節長假期預左多人 好心就調教好更表啦 首先落單後半個鐘都無嘢食 屋企人食素 落單前已經講左松露意粉走蔥走蒜 因爲唔食得 點知黎到咩都無走 緊係追問侍應啦...我地已經開始嬲佢同我地講: 你話我都無用 咩料呀 難度我地入廚房同廚師講? 請問哩個唔係你既責任? •野食黎到終於 點知好難食 好難食 好難食大家睇相都知 薩莉亞都好食過佢10倍無吹水價錢仲平過佢🤮🤮🤮番茄海鮮意粉 完全係無味 又乾 海鮮得隻青口 💢•溫泉蛋卡邦尼 叫哩個應該無死啦 點知都係中伏!!!!!!!!!!!!!!!❌❌❌❌隻蛋已經唔合格連最基本都做唔到 完全唔creamy..卡邦尼就係應該好濃好滑佢係又乾 無汁 又無味 要用辣椒仔黎調味•已經肚餓 又趕時間 求其吞晒落肚算😑😑😑雜扒真係差過茶餐廳呀 唔該食材差 豬扒又細塊 又硬過石頭 得薯條係最好食完全唔明點解咁難食都可以生存到真係比錢食薩莉亞 大家樂etc 仲開心 咁難食好心廚師就進修下啦 哩間餐廳應該叫End of the story!!!!🈲

到青衣城搵早餐食原來都唔係咁易，好多舖都開11點，見到呢間好多人，望望餐牌都吸引就試下。可惜我只係一個人，如兩個人第二份半價，平均最平只係$30都好抵，唔怪得咁多人。我叫左回窩肉米粉餐，回窩肉同我想像中有些出入，我原以為係罐頭個隻，但佢試係自己整，有幾大塊豬腩肉，都有幾塊大既筍，味道都OK不過D太大塊有點難進食。另外炒蛋同多士都係好食既，以呢個價錢仲要唔係比普通厚多士都算好合理公道。整體黎講早餐抵食，味道幾好，選擇多，環境及服務都不錯。

今日噤啱經過青衣城，見到呢間餐廳Menu都唔錯…仲有好多選擇添，就走入去試下…見到叫第二份有半價真係好吸引嫁，不過我祇有一人又食唔到兩份餐，最後祇好點了這個餐👇出前一丁就食得多，轉咗用番茄濃湯做湯底唔知味道又會點樣呢?等咗一陣就送到面前，見到個湯底有點濃郁，雞扒有兩塊也不少，味道也很大衆化!番茄湯味道又唔會太過甜和酸。再配埋柸熱奶茶…茶味很濃郁就剛剛好了!

星期六上午想嘆個西式早餐，見呢間外表好似ok..一試，點知😡🤬無下次！入到去坐位一般，無話好舒服。我哋兩人叫左個食開港式滑蛋，餐包，火腿通心粉，和西式魚柳，牛角包。本來好想嘆杯cappuccino..但無得upgrade, 要比正價，無叫到。都係叫番熱華田。叫完之後發現個廚房和隔離東海酒樓係共用就心知不妙，應該又係中式廚煮西式野。先上炒蛋和餐包，對個餐包非常失望，係嘉頓九格嘅產品，cheap的一種，包仲要係凍嘅。炒蛋方便都夠話l滑但個味道好怪好似有美極味乙！個通粉嘅湯底仲怪，鹹得滯，似酒樓中菜中嘅上湯。錢就好淡，太慳皮呀，落咗好少華田粉。我西式早餐魚柳，還可以，魚夠厚，牛角包冇乜特別。

最近呢間東海集團嘅The Story搞平價餐路線，$50-60左右埋單，驟眼睇好似唔錯。大家錯了，就算已經平過以前，呢啲餐絕對唔值呢個價錢。首先，餐湯按理應該係等候主菜嚟嘅時候奉上，一來令食客感覺減少等候主菜嘅時間，二來培養食客嘅食慾。但最好笑嘅係餐湯竟然嚟遲過主菜，真係貽笑大方。其次關於該餐廳嘅粟米忌廉湯，我仲以為正名係粟米味生粉水忌廉羹。啲粟米忌廉味擺明係罐頭湯開出嚟，呢個都不在話下，湯嘅質地好似落咗白膠漿咁，印象分立即大打折扣。仲有馬來咖喱飯，味道一般。重點係兜咖喱同餐湯都係用同一款兜裝住，份量少得可憐，簡直係離譜。該店嘅白汁雞扒意粉差到難以形容，第一啖食落口仲以為碟意粉唔小心倒瀉過落鋅盤，之後搵水沖一沖再擺番上碟上菜。仲有啲雞扒，一樣好似搵水洗過咁，完全冇味。唔講仲以為我食緊營養餐，白汁又淡，雞扒又似白烚。服務亦唔見得特別好，老實講 要喺青衣城站得住腳，價錢係一大因素，但係質素同樣重要。咁樣嘅質素我俾$40都嫌多！

諗住去食下午茶，因為餐廳已經滿座，佢就安排咗喺相連嘅中餐廳裏面食，成個格局都唔同咗，唔係好啱西餐下午茶feel。跟住叫咗嘢食之後，都等咗一段時間先至嚟到，服務員仲要送錯咗去隔離枱，但係堅持俾咗遲來5分鐘的隔離枱先，簡單嘅抱歉說話都沒有，服務有待改善。叫咗個朱古力棉花西多士，上枱嘅時候竟然話俾我聽冇棉花糖，跟住真係得一塊朱古力西多士，完全冇諗過用其他配菜去補救，成個賣相好差，最失望嘅係，嗰杯跟餐熱阿華田，竟然係用紙杯沖粉🤦🏻‍♀️應該唔會再有下次。

天寒地凍假日可以瞓到自然醒真係好幸福，再來到 The Story Cafe and Bakery 嘆個下午茶都唔錯。疫情關係人流不太多，仲可自選坐位。 下午茶餐第二客可享半價優惠，可惜獨樂樂的我未能享受此優惠。 餐廳不設加一，平平地就可以靜靜地享受一個人的時光。五香肉丁炒公仔面 $45公仔面面底加肉丁、銀芽、洋蔥、蔥配料不少，炒得頗鑊氣，以鐵鑊上碟保持其温度，慢慢嘆都無甘易凍哂。 熱華田飲品正正常常。

外賣下午茶餐三份，足足等左半粒鐘有多，其間催過佢一次，完全冇回應。再過五分鐘，企响佢面前不滿眼神望住佢，先攞我張單去check。見佢去左近廚房一張枱先開始執啲外賣，攞住兩盒外賣返嚟同我講其中一個冇，即時火都嚟 。點解落order時吾講，就算之後先知都可以早啲講。係，茶餐外賣仲有75折好平，但咁既服務，吓吓要等半粒鐘都未必有得食，無下次啦!

好好味，食一次就夠！新奇菜式，款款都笑出聲。師傅，唔好玩食物啊唔該。叫碟班尼蛋卡邦尼意粉，你整到成碟炒意粉咁....隻溫泉蛋仲要熟埋😂。另外，服務態度都好一般。