碼頭故事

Open Now

Now Closed

主要想講 個豬骨湯底 係連豬骨既肉絲都冇得幾片紅蘿蔔、午餐肉，仲鹹到有點「那」喉，我地叫咗套餐再加散叫，又貴又細碟，唔抵食！薄肥牛得4-5片，雜菜盤加埋都冇十塊，餃子個雪到硬晒 好似放咗好耐咁樣炸響鈴又係炸到到硬晒 唔係一淥幾秒食得嗰隻最好食居然係個炸魚皮，墨魚滑6個女人都食唔飽，7折埋單都要$9xx 唔會有下次

如果鐘意成都嘅紅油辣同食得辣，非常推薦呢間碼頭故事，價錢、質素同服務都好好👍🏻配料好大碟，好多選擇，全部都好味！尤其佢幾多啲內臟同特別配料！湯底叫小辣都已經好辣，不過好爽，🌼第二日就知咩料🤣🤣另外坐位都好寬倘，就算叫好多碟都夠位放，因為佢哋擺盤都幾誇張，可以打卡！

首先要稱讚侍應，尤其一位叫阿良的侍應，非常非常非常有禮貌，服務也很貼心，香港現在有這樣的態度，就算上千蚊一餐嘅都好難搵。宵夜時段七折都很抵食，特別推薦蘭州拉麵，好吃得不行，如果安格斯的份量不是相應七折會比較好，不過大體食物質素都很不錯一行六人沒有節制地叫加啤酒只是$300人頭，而且開到兩點，也是非常小有

今晚約左成班同事一齊收工後來宵夜，Book左間VIP房😀，大家可以儘興傾偈。叫左好多野食呀，必推個人最喜愛既黃喉，竟然係厚切👍，爽脆，正呀！有黑柏葉，台山蠔，肥牛，鴨腸….好新鮮！麻辣湯底好正宗川式，咸，香、辣….不得了！😀宵夜時段有7折，真係幾值得一試。

惠顧當日是星期六晚，怕會多人，早一星期經OpenRice訂位。當日中午他們有打電話來confirm booking。當晚，我們臨時由五位加到六位，相信顧客不多，樓下帶位的小姐給了我們房間更不限用餐時間，相當貼心。醬油香菜都像大陸的火鍋。掃二維碼落單，上菜時間快。火鍋後更點了些香口小食送酒，估唔到火鍋店的廚師小食亦相當出色，感覺喜出望外。食之前已有心理準備價錢係偏貴的，但因經OpenRice 訂位，有八折優惠，真心抵食！可以Encore.

分量少，鴨腸一份得幾條，又很短完全冇口感，唔抵食！好多菜品一份感覺似其他餐廳半份既量。。7點前結賬先可以有7折唔似其他餐廳會有溫馨提醒，三個人埋單1400幾，餐廳內大部分菜品都冇折扣優惠總之以後都唔會再幫襯呢間！

💨💨天氣涼涼哋，又想食啲暖胃食物，打邊爐🍲又係不二之選，一年四季都可以😌，又再嚟返經常幫襯既食店🤗比較對上一次來，今次人流倒算回復正常，經理🤵🏻‍♂️話可能🤔天氣轉涼的關係。 今次索性點蕃茄🍅鍋，之前成日叫「大骨百味湯鍋」，今次紅卜卜既🍅湯底，同樣有青瓜同午餐肉😆，味道仲無咁重👍🏻🐮出沒注意⚠️，分別叫了一份及半份既1米長肥牛、總共1.5米🤣🤣。 肥瘦均勻，唔靭，幾好！🐏係你至愛，一如既往，你可以自己獨佔全碟🤪，見你食得相當滋味。半份薯粉，吸收晒所有湯既精華，超好味，之前試一份，有啲飽肚🍜，今次就叫半份，恰到好處😉🥟🥟手工韭菜餃🥟🥟，有8粒，尚算可以😌椒鹽脆皮豆腐，送酒一流的小食，每次必叫，豆腐細細粒，外脆內軟😋🍺啤酒🍻係打邊爐不可缺少的絕配之一，慢慢食，慢慢飲，今次有啤酒🍻Promoter💁🏻，竟然沒有任何優惠，但有幫你斟酒服務😂🧂喜歡成都特色的調味 ～ 係落蠔油麻油，唔落豉油，我仲落大量芫荽同蒜蓉，好好味😋

麻辣湯底夠香 食物質素唔錯因為夠新鮮呀 已經幫襯好幾次 喜歡食麻辣個湯底應該會喜歡尤其是雞子 毛肚 等等我樣樣都鍾意 極力推介 食過返尋味 早段時間食仲好有折扣優惠 但如果啤酒都有優惠就仲好

星期六冇提前plan好夜晚食咩，下晝五點幾打去book餐廳間間都勁full，見open rice 呢間都仲有得㩒book枱，唔洗等就試下。叫左鴛鴦鍋(麻辣+菌湯)鴨血，毛肚，鴨舌，鵪鶉蛋，羊肉卷，筍片，萵筍，鮮魚卜，蝦滑，雪花牛個菌湯係堅難食，好似味精水加幾粒菇，完全唔知咩事。而個麻辣湯真得個辣字，食到尾咸到唔想再食叫左咁多食物除左鴨血係好食，荀片同萵筍新鮮，其他就真係好麻麻牛肉，羊肉都又老又鞋，蝦滑完全冇彈性，一Pat粉咁。魚卜唔知係清理得唔好定唔新鮮，好唔好食🫣最慘仲要坐得唔舒服，櫈勁硬，枱頂腳有得揀唔會再幫襯

上星期六early dinner, 大約6點就到。全場都唔係好多人，操普通話既人士居多，可能係四川野。上樓梯發現重未拆板，重聞到少少甲硂味😧叫左鴛鴦鍋（辣+大骨湯），飲左啖大骨湯，就知係大陸個d 溝水味精湯底😂個麻辣湯底好普通，同平時懶人火鍋個d 無分別🥴食物普普通通，無乜特別，都係叫左鮮牛，牛柏葉，鬼馬油條，菜，好似有碟咩牛黃喉？無咩係特別好食，全部正常。2個人食左5百幾蚊，唔係話好平好貴，但因為太普通，無咩記憶點，所以都唔會再食了

話說當日同朋友兩個人去食夜晚本身未食過，而樓下果間火鍋又冇位打算試下呢間，點知就出事啦一入到去，環境都叫有特色有普通位，有VIP房侍應帶完位，話掃QR code落單Ok~非常方便我地叫左牛油鴛鴦鍋，另一邊係番茄湯另外叫左響鈴、半份雞件、一份安格斯肥牛、牛肚、墨魚滑、豬紅(鴨血?)、魚糕、薯粉啲野食上得都快嘅咁我地就開始食啦佢個響鈴可以就咁食，點甜酸醬但一咬，佢個心仲未炸開，非常靭我其他地方都食過，人地係好酥脆其他野食都冇乜特別，好普通但個湯底真係非常之咸係完成唔好食嘅湯底一開始我覺得個蕃茄湯冇乜蕃茄味食耐啲，個湯就出哂陣味精咸味都係食唔到蕃茄味仲要食食下，VIP房嘅人開始食煙咁都有閂門嘅，但侍應傳菜就不停要打開門陣煙味就不停攻出嚟最後唯有快啲食完，急急腳走返到屋企，狂灌水都仲係好口乾呢間野真係冇下次

突然凍番嘅幾日，最適合打邊爐。來自四川成都嘅碼頭故事火鍋，喺內地有過百分店，除咗喺尖沙咀，亦喺元朗開咗喇。碼頭故事火鍋起源於長江邊上，據說長江邊上沙灘是牛羊屠宰集散之地，內臟多而且便宜，碼頭工人生活艱苦，於是將比較便宜內臟煮食，變成而家美味火鍋。餐廳位於一樓，要行樓梯上一層先到，門口放著紙傘，環境古色古香，天花掛滿燈籠、配上木枱同長木櫈，亦設有幾間vip房，而叫嘢食係自己用手機落單的。湯底款式唔多，只有五個選擇：牛油鴛鴦鍋、大骨百味湯鍋、番茄鍋、菌湯鍋同牛油紅鍋。我哋要咗牛油紅鍋拼大骨百味湯鍋，辣度可以自己選擇。配料方面有好多，大部分都可以叫一份或半份，兩個人叫半份就可以試多d食物。調味料方面，枱上放有香油、蒜蓉、芫荽、蔥、蠔油、醋、鹽同味精，四川同廣東打邊爐唔同，係無豉油的，而辣椒仔同乾碟係要另外收費。餐廳教利用香油、蒜蓉、芫荽、蔥、蠔油、醋制作油碟，香油係用米糠油、芝麻油同玉米油混合而成，加蠔油增加鮮味，而加醋可以減辣。餐墊紙上面寫咗d食物要淥幾耐，可以參考番。食麻辣火鍋一定要叫三寶：黃喉、毛肚同鴨腸。金牌牛黃喉黃喉並唔係動物嘅氣管或食道，而係豬或牛嘅主動脈弓，即通往血管的大動脈，

尖沙咀的碼頭故事已經去過很多次，喜歡它用料新鮮、價錢合理、份量足夠。而且裝修很特別很有心思，與喜歡吃重慶火鍋的朋友去也一定是很讚💪🏻最近驚喜發現元朗也開了分店，便特意與住區內朋友去試吓。品質保持水準，與尖沙咀店沒差異，只是裝潢比較簡樸。這家的麻辣火鍋，主要是麻香，不嘗辣的也可試試。推介：麻辣牛舌絲的麻香很特別，在麻辣湯底燙燙，辣上加辣，很有口感。蔬菜豬肉丸質感很特別，手打的肉加入爽爽的蔬菜，每次都要 encore唯一美中不足就是沒有甜品供應，清清刺激元的美味蕾

同朋友一行2人去食，6半左右到，俾樓下接待同事攔住，表示冇安心出行唔俾入，冇得揀填資料。唔知係我俾接待同事留難/真係唔俾填紙，因為上到去見到門口有紙仔，只係冇筆同收集箱。如果冇裝安心出行嘅，建議唔好約朋友喺度聚會，否則會非常尷尬，迫住喺門口即裝app/放朋友飛機。其實用餐環境都大，如果間返少許區域出黎，俾人喺晚上10點前用餐，相信吸引力會大好多。野食都幾大份，味道正常，但未到出色到非食不可，附近有唔少出色嘅火鍋店都做到。如果一定要安心出行先食到嘅，唔太會考慮encore。

📍碼頭故事📮元朗鳳攸南街9號好順利大廈1樓1號舖.香港食麻辣火鍋首選一定係碼頭故事, 幫襯過尖沙咀分店好多次, 每次都非常滿意, 而且仲不時推介身邊啲朋友去試, 個個食完返黎都讚不絕口🤭.Weekend咁岩出開去元朗買野, 竟然見到碼頭故事喺呢度開咗分店, 當然即刻book黎試試.我地6:30到達, 好彩有預先訂定枱, 偷偷地話俾大家知我地整個食飯過程成間餐廳都座無虛席😳.湯底: 牛油鴛鴦鍋 HKD138（牛油紅鍋小辣配大骨百味湯鍋）專程黎到當然要叫返個🌶牛油紅鍋, 湯頭佈滿乾辣椒同大量花椒, 配上一大舊牛油, 絕對係重慶火鍋既正宗做法🤟🏻另一邊揀左大骨百味湯鍋, 湯底用豬骨熬製而成, 呈奶白色, 岩晒怕辣既朋友, 又或者食左好多麻辣配料想清清味蕾既時候就最好不過😌店員一放低我地已經忍唔著飲左2大碗喇*火鍋配料*一米鴨腸* 半份 HKD58三秒海帶芽* 半份 HKD38鮮鴨血* HKD38鮮鴨舌* 半份 HKD28正大午餐肉 半份 HKD28紅酒腰片* 半份 HKD58脆骨腩 半份 HKD48冬瓜* HKD28油麥菜 HKD32鴨腸鴨血鴨舌呢三個配料絕對係麻辣三寶, 全部同麻辣味道十分