甜多1點 (Closed)

係呢間野叫過碗仙草芋圓 之前食過已經知成碗都會係糖漿同花奶 甜到痴線🤬但突然好想食芋圓 禾輋只得一間糖水鋪 又心諗格咁耐應該會進步 於是就比多次機會佢我都嗌定少花奶 點知 都係甜到痴線😅 一d進步都無 其實糖水好難會唔好食🤧

同大班朋友食完附近ge大排擋之後，覺得意猶未盡🤔🤔，就想去食宵夜。😛😛見到附近有間糖水鋪就入去食。鋪頭地方唔大，不過都有大枱坐到10個人。叫左豆腐花西米露，清清地，唔會太甜，幾岩做飯後甜點。🤤🤤朋友叫左紅豆沙小丸子，紅豆好足料，小丸子都幾煙un。😋😋仲有芝麻糊西米露，偏甜少少，不過都幾好味。👍🏻👍🏻😛😛價錢都算抵食，人均廿幾蚊，同大班friends宵夜吹水岩哂。🙆🏻‍♀️🙆🏻‍♀️

朋友晚上過來沙田找我食飯，食完大排檔都夜夜地，本身想同佢一起食甜品，但係佢第二日要番工，不能奉陪。。。咁我唯有自己買回家慢慢食啦大排檔附近有一間甜品店係商場內，去到時候見冇乜人。。都諗梗會不會伏咁食完正餐想食甜嘢，無計啦。。都抱住一試無妨心態試下。。睇餐牌時有好多東西都是無的最後買左芋圓糖不甩。。之前在其他地方食過芋圓就愛上左，有咬口又多料，見這間店有芋圓糖不甩就即刻好想試番到屋企滿心歡喜，一打開外賣盒，已經同想像中的芋圓差好遠首先個賣相已經好唔掂打開只是得幾粒的樣子。。。未食已經見到盒底食落欠缺芋圓的煙韌口感，每粒都沒有分明的味道，跟（花生粒？）又不搭配，總之好難食芋圓明明是一樣很好食的甜品啊未食哂已經不想吃。。下次想食甜品都是去番市中心買好過，這間甜品店賣相跟味道都唔掂。。不會再幫襯

有一日行街經過見到禾輋開左間糖水舖就諗住入去試下，自問唔係話太中意食甜野，但係黎到點都要嗌D試下嘅，我嗌左個蕃薯糖水，好夠薑，芝麻湯丸，唔太甜，我中意，本來映左D相諗住po出黎，但發覺張相同實物有色差，所以唔想po出黎，費時被人覺得點解咁嘅色，值得一試嘅,仲有呀，D炸雞同雞翼尖都好好食，我5係好食得辣嘅人，但呢種辣度對於我呢D食到少少辣嘅人黎講岩岩好，雞翼尖夠"林"，容易食，價錢合理，最緊要D員工全部都好好態度，每次去食都好開心~

同幾個朋友係附近食完飯，經過商場見有間糖水店，細細間，眼見廿個位左右。好彩等左一陣就有位咋。間店餐牌食物款式唔算多，簡簡單單基本都夠既。入去坐低後，見到隔離枱叫左個透明啫喱狀既野，睇落好鬼得意。問左知道原來係叫做”桂花水信玄餅”.叫左黎試下，又幾ok. 好香桂花味。哩個算有d驚喜呢。我地仲叫左d大路野，鮮雜果西米露，椰汁西米露。都ok既。味道正正常常。另外，有個朋友叫左杯”蜂蜜柚子茶”，佢話都ok.

第一次食水玄信餅，好開心！想食左好耐但出面又好貴，呢間都唔錯，桂花清清地味又唔會太甜！-花生湯圓一睇成碗水咁黃就個薑水又係幾夠薑味！唔會就咁白淨淨清水咁款。我小朋友就覺得薑左d, 我個人就幾鐘意夠薑。湯圓d花生都幾香，好好食，皮又唔算厚。-外賣過幾碗桃膠反去同屋企人食，平時想食不過懶得自己慢慢挑慢慢浸。屋企人都話碗桃膠紅組雪耳超好食！滋潤又養顏，又勁足料！-而家經過反屋企都成日幫襯，水準都keep得唔錯老細人又好，值得推介

最近好耐冇飲珍珠奶茶 想借此試下新鋪頭但冇諗到 連飲最基本既珍珠奶茶時個味道好甜 甜到冇晒茶味 又要似糖水🤦🏻飲作三啖 頂唔順咁甜 最後都系dum作😐珍珠奶茶外賣竟然要加1蚊仲想講個吸管根本都唔夠長🤦🏻我一飲個吸管就會入作去😐

禾輋商場2樓開左間甜品，糖水店。有好多款色都好靚好特別，由其是桂花水信玄餅，好似水晶咁，還有很重桂花香味！桂花桂花既朋友仔就可以留意啦^^ 而最近推出既生磨芝麻糊很香，很幼細，好好味！一定要試！還可以配埋芝麻湯圓Tim 👍🏻

月頭女兒買了兩碗，限時優惠糖水返屋企，蕃薯糖水D蕃薯係克色，终於食一口不敢食掉了垃圾筒，都今天心想俾多次基會佢，老公落開街叫佢買碗花生湯丸，結果再次失望，羗水花生湯丸之水係灰黃，睇見已經唔想食，再食湯丸個湯丸片厚兼未熟。

屋企留下禾輋商場（近HSBC ATM)最近開左間新糖水店，見主要由一班後生仔女經營。禾輋無糖水店，飯後又多個選擇。上星期試過同屋企人幫襯過幾次，有中式&西式糖水，覺得以下幾款野食幾好味，包括：海帶綠豆沙，腐竹雞蛋糖水，桃膠雪耳紅棗糖水，珍珠奶茶，香辣炸雞翼，花啦啦香蕉船，桂花水信玄餅。有時佢地會做"限時優惠",$15碗紅豆沙 or 綠豆沙。花啦啦香蕉船可揀兩款雪糕，都有好多味揀，有d都幾特別：益力多味，地道奶茶，D24榴槤。。。香蕉船整出黎個樣簡單得黎又幾靚。小朋友一見到好開心，"嘩！"左一聲炸雞翼都好好味，有d辣，即炸好香口，脆卜卜。另外，桂花水信玄餅真係值得推介個樣好得意好靚，水漾漾咁，d桂花味仲好香。