The Vigor (渣甸街) (Closed)

雞軟骨蒜爆非常惹味 相信都是招牌菜卡邦尼炒意粉看上去不多但其實分量很足夠但調味略淡，另外一口牛中規中矩2小食 1意粉 1男1女食 也非常足夠本人並非第一次幫襯整體中上 性價比很高 難得的外賣店有扒爐平民價錢，但因為外賣店能提供更好質素這個概念已經明顯非常好 但提示一下始終食物有不是一些簡單的菜式一般來説炒意粉都是需要一個正統的廚師烹調，所以外賣店的技術應該略有不足 這個是正常能預料，希望慢慢提升達有質素水準就真係益食家不用一味吃炸物 平反一下 支持加油

未飲過咁難飲嘅蘑菇湯稀到唔知想點，未又怪薯角就算吧啦，🤣加pat 黑松露喺中間就算肥牛炒腸粉我呢一世人都未食過咁油嘅腸粉銅鑼灣租又唔係平冇心做就唔好做啦唔該勸大家唔好食嘥錢

今日下晝剛剛收工翻到屋企，好肚餓，但是想沖個靚涼先落街穩野食，記得哩間店可以WhatsApp 落單，落來先比錢，叫做個龍蝦汁飯，沖完個靚涼落來拿，時間剛剛好，超方便，新鮮滾熱辣，正！想食焗飯可以試下哩個

未食過咁垃圾既餐廳。 食完屙左幾次 價錢又唔平外賣叫左 雞軟骨、蜜糖雞翼、魔鬼汁牛仔柳焗飯，煙三文魚帶子炒意粉同串燒同花之丸，全部無樣正常。魔鬼汁原來用茄膏 得個咸字 d牛硬到牙都崩兩隻 完全唔係牛柳 食唔夠兩啖扔左😅 意粉乾爭爭又冇汁 帶子食到最尾先知係有 好在睇到 唔係蝕埋 😅 仲有個獲底撈雞軟骨 得個咸字 加埋串燒全部一樣味。 有樣要讚 鍾意食花之丸既可以試下 同百佳買既熟食一樣味 算係幾好

呢間野得外賣 份量都唔算多 價錢又唔平收錢個女人態度已差…叫左一個肥牛炒腸粉 同芝士豬頸肉意粉叫肥牛腸粉時 問佢可否少肉多腸粉佢話set死左 唔可以 都唔緊要…咁問佢腸粉加底 要幾錢佢問廚房 廚房答佢：「一個肥牛腸粉4條腸粉 加底2條 你咪計囉」 個女人即講「$42/4條 即係$21 啦加底」真可恥… 牛肉你又唔計？只用4條腸粉除$42，太過份了！牛肉唔差既，但椰菜好生，同埋成兜野好油。豬頸肉只可講剛剛熟，意粉有幾條仲未熟，硬既，無乜芝士味又乾！呢間野，食完好口渴，好重味精，無下次！

價錢合理，但冇expect 過份量連配菜都唔夠做🥲出菜時望到個外賣盒係得一吋高嘅扁身外賣盒，已經覺得少許中伏，不過心又諗可能份量正常呢？回到家一打開😨少過配菜份量😨另外炸花枝丸，$25/4粒，以為會比隔離豪大大$15/4粒出色所以先試，結果貴成$10還是不外如是😅豪大大更好食😅雖然味道OK，亦未去到有驚喜，但花了$57好似食空氣😅

今日公司好多嘢做，所以叫咗外賣返公司食。我和同事叫咗兩份午餐，一盒係香草煙三文魚帶子炒意粉，另外一盒係龍蝦汁海鮮焗飯香草煙三文魚帶子炒意粉，有煙三文魚同蟹籽，意粉炒得好香，味道唔錯龍蝦汁海鮮焗飯，龍蝦汁好濃，同樣有好多海鮮，外賣黎講味道算唔錯

今日同男友係屋企嗌外賣，我話想食意粉，佢睇左睇揀左哩間，哩間平時就經過得多，食就第一次。外賣吾洗半個中就送到 ，送上黎仲熱辣新鮮我嗌左日式照燒肥牛炒意粉，一打開，哇大大盒，配餸又好豐富，有冬菇，瓜，蕃茄，肥牛，意粉個硬度又吾會太淋，最中意佢加左蕃茄有d蕃茄汁，夠健康😎我地一路食一路話好味😎佢就嗌左魔鬼汁牛仔柳焗飯，哇仲大盒過我😂望落好heavy好邪惡。但哩個焗飯真係冇得頂，成個飯都食到蕃茄醬熱辣辣既口感。個牛仔柳份量都比得幾多，個飯兩個人分都夠😂個焗飯同意粉我地都食得好滿足，因為真係好味，尤其係個汁，唯入美中不足既係實在係有d咸，要不斷飲水。