西雅圖屋

Open Now

Now Closed

聖誕節想食得有氣氛，當然少不了鐵板扒餐，最近荃新天地 一門町市場新開西雅圖屋，重拾港式扒房回憶，踏入十二月聖誕節，增添了不少佈置裝飾，感受節日氛圍餐牌除了主打港式鐵板晚餐，還有意大利飯、意大利粉、小食和沙律等供應。鐵板美式雜扒 $138雜扒就是肉食大包圍，有齊腸仔、火腿、豬扒及雞扒，肯定可滿足各食肉獸，鐵板保持了食物的溫度，以及鎖住豐富肉汁，肉質鬆軟不乾韌，黑椒汁微辣惹味。鐵板海鮮 $138海鮮則包羅魚柳、青口、帶子、大虎蝦，選配港式風味的蒜蓉汁，倒下「神燈」醬汁時，接觸到鐵板的一剎那，滋滋咋咋，煙霧瀰漫，即時香氣四溢。薯菜選用經典的波浪薯條，與鐵板分開上亦不怕被醬汁浸淋，每款鐵板扒餐都會附上牛油餐包，忌廉湯及羅宋湯可以二選一，附送熱飲一杯，凍朱古力加$5。香辣蒜香大蝦意粉 $118大蝦肉質爽口彈牙，而且蝦身已經去殼，吃時更衛生方便，意粉煮出Al dente輕微韌度的口感，蒜香混合辣椒，讓味道鮮中帶辣。加$28就可將餐湯轉成酥皮龍蝦湯，剛剛出爐的酥皮金黃鬆化，湯頭濃郁鮮甜而又帶點黏口，裡面還有爽彈蝦肉，餐飲轉特飲有半價優惠，加$24就有芒芒椰椰，充滿清甜果香，冰爽解渴。

陪媽咪到荃灣，決定找間新啲的西餐廳坐下來享受美食。我們選擇了 **西雅圖屋**，這裡的環境舒適，非常適合聊天。- **酥皮龍蝦湯**：酥皮香脆，搭配濃郁的龍蝦湯，口感豐富，十分超值。- **鐵板羊架燒大蝦**：這道主菜味道濃厚，羊架外焦內嫩，搭配沙嗲醬更是增添了風味。大虎蝦也煮得恰到好處，肉質鮮美。- **鐵板海鮮餐**：媽咪點的這道餐品看起來非常豐盛，內含兩隻帶子、兩隻青口、大虎蝦和一大塊炸魚柳，海鮮新鮮，色香味俱全，讓人充滿正能量。這次的用餐經驗讓我們感到非常滿意，份量、價錢和餐廳環境都值得推薦。如果你來到荃灣，西雅圖屋絕對是一個不錯的選擇。

今晚花市開鑼啦, 我地去荃灣食晚餐後去行花市, 係荃新天地無論一期定二期都好多食肆比你選擇, 有好多唔同餐廳; 我今日就嚟咗呢間西雅圖屋試下, 佢好有港式扒房回憶, 餐牌除了主打港式鐵板晚餐, 還有意大利飯, 意大利粉, 小食和沙律等供應。價錢貼地, 十分抵食。招牌鐵板肉眼牛扒(紐西蘭10安士) - $158牛扒約七成熟, 厚切且份量十足。鐵板保持了食物嘅溫度, 以及鎖住豐富肉汁, 肉質鬆軟不乾韌, 淋上黑椒汁, 接觸到鐵板個一剎那, 滋滋咋咋, 煙霧瀰漫, 散發濃郁黑椒香味。切開後肉質嫩滑牛味濃, 肉質嫩腍。仲可以揀配飯, 意粉或者薯菜。食牛扒就一定係配薯條啦! 薯條用經典嘅波浪薯條, 同鐵板分開上唔怕被醬汁浸淋, 薯條香脆, 每一口都係香濃嘅薯味, 同埋脆口嘅口感。餐湯餐湯有忌廉湯及羅宋湯可以二選一 或者加$28就可將餐湯轉成酥皮龍蝦湯, 我老公要咗龍蝦湯; 湯有香濃嘅龍蝦味, 濃郁鮮甜而又帶點黏口, 配上剛剛出爐嘅酥皮, 金黃鬆化酥脆, 每一口都係啖啖經典嘅味道呀, 簡直係絕配, 裡面仲有爽彈蝦肉。款鐵板扒餐都會附上牛油餐包, 餐包軟綿綿, 好鬆軟。海鮮龍蝦湯意大利飯 - $13

晚飯時間，行完年宵，路過這間西餐廳，眼見地方寬敞，和朋友就入咗嚟呢間西雅圖屋試吓。套餐會包括餐湯和飲品。全部用QR code落單。芒芒椰椰 $48套餐有半價，這道甜品以新鮮的芒果和椰漿為主題，口感清新，讓人感受到熱帶風情。芒果的甜味與椰漿的香滑完美結合。菌菇忌廉白汁吉列三文魚扒意粉 $138這道意粉搭配吉列三文魚，口感豐富。忌廉白汁醇厚，三文魚外脆內嫩。鐵板海鮮 $138海鮮餐包括帶子，青口，蝦，魚柳等等，魚柳有點鹹，其他海鮮還可以。海鮮龍蝦湯意大利飯 $128這道意大利飯以濃郁的龍蝦湯為基底，海鮮的鮮味充分融入米飯中，每一口都能感受到海鮮的味道。

荃新天地2的地下開了多間食肆，今日就試吓西雅圖屋的鐵板首先，我嘗試了招牌鐵板肉眼牛扒，選擇五成熟，搭配黑椒汁，配菜有粟米和西蘭花。牛扒在鐵板上熱辣辣地上桌，肉質鮮嫩多汁，黑椒汁的香氣與牛肉的味道完美融合。鐵板海鮮亦令我哋印象深刻。海鮮包括青口、帶子、吉列魚同大蝦，海鮮新鮮，煮得恰到好處。兩道鐵板餐均配有龍蝦酥皮湯，湯底濃郁，龍蝦味十足，十分足料，讓人一口接一口，意猶未盡。鐵板餐又怎可以不叫薯條呢? 真的滿足了. 飽飽!!!飲品方面，我點了一杯青檸茶梳打，清新的酸甜感令人耳目一新，另外還有忌廉黑森林蛋糕，朱古力味道濃郁，十分適合喜愛甜品的人士。整體嚟講，西雅圖嘅用餐環境舒適，配合輕鬆嘅音樂，氛圍非常好，下次會再來。

今日約咗朋友喺荃新天地見面，於是就喺呢度食晚餐，有好多唔同餐廳，我今日想食西餐所以就嚟咗呢間西雅圖屋試下😎我哋叫咗一個沙律同埋兩個套餐，含飲品同埋餐湯：🔸煙三文魚巴馬火腿沙律配果醋（$68）非常開胃嘅沙律菜，配黑醋嘅沙律永遠都冇辦法抗拒！！🔸鵝肝黑松露意大利飯（$128）鵝肝煎得剛剛好，唔會太油膩，黑松露好香，而且意大利飯嘅軟硬度都適中🔸美國安格斯牛扒9安士（$233）食肉獸必點！！！仲可以自己燒，切好咗一條條燒起上黎都非常方便～牛香十足，性價比高

除夕收半日，慶祝放早就去咗鋸扒，呢間鋪前身都食過好幾次，貪佢坐得舒服，上網見《西雅圖屋》評語都ok，價錢又合理，所以一試。🍴鐵板西冷牛扒（五成熟）$88⭐️餐包 ～ 一半略軟一半乾硬，肯定係返叮到無晒水份，咬咗兩啖已經食唔到！餐湯 ～ 羅宋湯唔香濃，質地較稀同埋味道帶少少辣。西冷牛扒 ～ 落單要5成熟，但出嚟效果係8-9成，肉質腍而且肉味欠奉，肯定係落咗好多鬆肉粉，導致纖維同味道都無晒，只好靠蒜汁彌補！一人共消費：$88

同屋企一行三人31/12 食晚餐，等咗差唔多一個鐘終於可以入座，入座後等咗好耐都無嘢食，有客鼓譟唔等走人，我哋告知趕住睇戲，要求快啲出餐。點咗兩份肉眼牛扒，一份羊架。鐵板唔熱，羊扒叫七成熟，實際只有四成熟，羊架全部都係肥肉，可以食嘅部份，得五份一件。牛扒叫五成熟，實際九成熟，牛扒賣相同口感，都似豬扒，而且兩份牛扒嘅質素，完全唔同，不過兩塊都唔係好質素。埋單時，又唔俾公司機單，去商場吸印泊車時吸唔到，再返去問佢攞單，店員連一聲，唔好意思都冇。總括而言，因為攞住上手嘅裝修，環境OK，但係食物質素，服務態度都一般，唔明點解OpenRice comment咁好，下次一定唔會再試，

嗰日喺荃灣做完嘢，肚餓到一個點，同個姊妹又想搵個地方坐低傾吓偈，我記得好似4.0 5:00左右，佢都有其他嘅下午茶餐，不過揀咗個雜扒餐🤣因為要有肉肉落肚，我先覺得飽，上菜嘅時候我都有啲震驚，因為嗰份量真係好巨型，嗰條司華力腸一條都夠飽啦，仲有兩塊大扒百零蚊鬆啲嘅價錢．性價比好高，每次食扒我都好擔心啲肉會熟到過咗龍，或者嗰件怕太細今次呢個怕，我冇落汁都覺得好好味餐廳只有一樣嘢，我係接受唔到🤣其實都唔關佢事係個商場問題，就係完全同外界零接觸，因為完全收唔到訊號，諗住同個姊妹食晏坐低傾吓偈撳吓電話，大家出下post～但係冇辦法連接到訊號所以最後嗱嗱臨食完我哋就轉咗第二個位置🥹希望餐廳可以整返個Wi-Fi，咁就方便好多啦

同屋企人去呢間餐廳食lunch。由於父母年紀大，佢地唔識用手機點餐，所以叫左個後生嘅女侍應幫手落單。點知呢位女侍應唔識講廣東話，全程講普通話。我真係以為自己去左深圳…. 😅😅 食物份量好大份，我地都食唔晒。但食物味道麻麻，唔係特別好食🤨 綜合而言，如果你唔追求高質素嘅餐廳，只係想是但食一餐，呢間餐廳都可以考慮，價錢都合理。

美國安格斯牛扒（9安士）嫩滑多汁嘅安格斯牛扒，每一口都係濃郁嘅牛肉香氣，9安士嘅份量，絕對滿足你嘅味蕾。酥皮龍蝦湯_香濃嘅龍蝦湯，配上酥脆嘅酥皮，每一口都係濃郁嘅海洋味道同酥皮嘅香脆，簡直係絕配。餐包軟綿綿嘅餐包，外皮微脆，內裡鬆軟，每一口都係香濃嘅麵包香氣，真係食過返尋味。凍意式卡布奇諾咖啡少冰清爽嘅凍意式卡布奇諾，咖啡香濃，少冰嘅設計令咖啡嘅原味更突出，簡直係醒神神器。薯條香脆嘅薯條，每一口都係香濃嘅薯味，同埋脆口嘅口感，簡直係無法抗拒嘅小食。鵝肝黑松露意大利飯濃郁嘅鵝肝配上黑松露，飯粒吸收哂鵝肝同松露嘅香氣，每一口都係奢華嘅味覺享受，令人一試難忘。芒芒椰椰清甜嘅芒果同椰奶完美結合，每一口都係濃郁嘅果香同椰香，夏日消暑嘅完美選擇。

好耐冇約過朋友出嚟食飯，今日收工約咗佢喺荃灣荃新天地2期食飯，佢話介紹我去食一間價廉物美份量幾多，都係新開左冇耐西餐廳，餐廳主打係鐵板扒餐夜晚。☺️☺️☺️去到餐廳比我嘅感覺都幾舒服，同埋乾淨座位比較寬敞。我同朋友分別，都點左招牌鐵板肉眼牛扒，套餐包括左右餐包餐湯同埋主食同埋嘢飲。煮食就係飯意粉薯菜或者加多幾蚊就有得食肉醬意粉。我仲嗌多咗一份煙三文魚巴拿馬火腿沙律。餐到枱嘅時候咗都幾多吓？成張枱都擺唔落。

這間位於荃灣的【西雅圖屋】，主打西餐，有鐵板扒、意粉及晚市套餐供應，價錢貼地，十分抵食。煙三文魚巴馬火腿沙律配黑醋汁沙律菜新鮮爽脆，配上酸甜黑醋汁，更開胃又健康。酥皮龍蝦湯新鮮即叫即焗的酥皮，焗至金黃香脆，加上龍蝦湯鮮味無比。羅宋湯配餐包酸甜的開宋湯十分開胃。菌菇忌廉白汁吉列三文魚扒意粉吉列三文魚炸至香脆，但保持魚肉嫩滑，意粉爽口沾滿了濃郁的忌廉汁，好味又飽肚。鐵板西冷牛扒配黑椒汁牛扒約七成熟，厚切且份量十足，濃郁黑椒香味，肉質嫩腍。西雅圖屋西多士西多士夾著香濃的花生醬，香甜又好味。菠蘿四季春加了椰奶味道有濃郁椰香及菠蘿酸甜味。

今日同媽咪去荃灣嘅一間新開西餐廳用餐，真係非常滿意！鵝肝黑松露意大利飯呢個意大利飯真係好正！米飯煮得剛剛好，吸收咗鵝肝嘅濃郁香味，口感滑溜。黑松露嘅香味同鵝肝完美結合，令整個菜式更加高級。份量方面，絕對夠兩個人分享，性價比極高。海鮮龍蝦湯意粉呢個意粉用咗最新鮮嘅海鮮，特別係龍蝦，肉質鮮甜，湯底濃郁而且香滑，正好配合意粉，食落去真係唔會膩。份量都唔少，兩個人食得好滿足。酥皮龍蝦湯酥皮香脆，撕開後裡面係濃郁嘅龍蝦湯，湯底好滑，味道非常豐富，真係一試成主顧。好適合用嚟開胃，份量亦都夠大，值得推薦！煙三文魚斑馬火腿沙律呢個沙律色彩繽紛，煙三文魚新鮮，斑馬火腿口感獨特，搭配新鮮嘅生菜，食落去清新爽口，非常適合當前的季節。份量上亦都足夠，令人食得開心。白酒煮法國藍青口呢個藍青口真係最新鮮，超級嫩滑，入面嘅肉質鮮甜，白酒醬汁更係提升咗整個菜式嘅風味。每一口都好享受，真係唔可錯過！

西雅圖屋😘😘😘荃新西餐廳荃新天地、都有環境咁寬大西餐室、坐得舒適、食得招積！✨鐵板羊仔扒配大蝦$138羊仔扒三大件、烤至七成熟、剛好冇血水、肉質軟綿綿、肉汁豐富又嫩滑、陣陣濃香羊味撲鼻、冇羶味、又夠厚身、不肥不腻、yummy yummy 、大蝦串住燒、鮮甜味美！+$28酥皮龍蝦湯酥皮烤烘金黃酥脆、鋪在鮮甜海鮮🦞🥣上、配搭一流👍🏻+$24藍莓香焦沙冰有益護眼藍莓、加冰加奶攪拌、色調紫迷、不太甜、creamy yea 😛✨鐵板紐西蘭牛柳$158紐西蘭牛柳最優質、滋味最天然、風味絕佳的肉質，陣陣牛香濃味撲鼻、七成熟、呈粉紅色、剛好冇血水、超嫩滑、超級惹味沙爹汁、正、正、正👍🏻👍🏻+$28酥皮龍蝦湯鮮甜美味龍蝦湯、配酥皮、雙重口感！+$24芒芒椰椰芒果粒加奶椰漿、攪拌濃香芒果汁、色調金黃、再鋪滿甜香芒果粒、賣相吸引眼球、yummy yummy🤩✨西雅圖屋西多士$38厚厚方飽、中間塗上清香花生醬、再沾上蛋香汁、煎炸雙面金黃、吃時蘸上煉奶、提升味蕾口感！配熱奶茶✨迷你千島海鮮薄餅餐$58薄餅鋪滿、滿滿芝士🧀、灑上鮮蝦、魷魚、青、紅椒等、烤烘金黃脆口、百吃不厭薄餅🍕、crazy yummy 🤣配熱奶