天天海南雞飯 (新城市廣場三期)

Open Now

Now Closed

我一向都食開圓方分店，今次就試吓食沙田分店。第一，叫左個雙併，海南雞無問題，但係個燒雞就好柴，完全燒過火，唔得👎🏻。第二，火焰叉燒無火焰，圓方分店會係你面前燒比你睇，有儀式感又有氛圍感，但係沙田分店係零，放低就算。第三，我老媽子問佢用唔用得point dollar, 侍應居然答唔知就算，而唔係搵經理幫我問，完全唔幫客人解決問題。然後叫人收野都係，要叫起碼兩次先過黎收，好唔掂😣。

今日又同亞妹落樓下開飯吹水。見天天海南雞無咩客，又換左新菜單就試試。🩷（小份）海南雞 🩷配3️⃣款醬汁，特別喜歡辣醬，微辣好惹味雞皮薄 肉口感結實 ，入口又嫩滑 ，青瓜鋪底，清新解膩，不愧為招牌菜🩷雞油飯一窩🩷顏色均勻，雞湯味濃郁，又不油膩，足夠3人份量，略嫌飯唔夠熱，但配海南雞味道一流🩷酥炸椒鹽豆腐🩷賣相一流，但口感鬆脆，全塊都是空氣感鬆散，而且豆腐味欠奉🩷蕃茄波菜炒雞蛋🩷份量夠大，似家常菜味道，送飯一流，波菜比較少，多點層次更豐富👍🩷咖央饅頭🩷賣相精緻，饅頭中間切左三刀黎炸，令到脆部分增加，但變左鬆軟部分少，只係食到脆，內脆外軟口感欠奉 ，咖央唔夠香，沒有驚喜🩷椰奶炸龜苓膏🩷餐廳甜品款式好多，點了這個比較有特色，擺盤靚靚外皮炸脆 裏龜苓膏軟軟，咬落似煎年糕，帶着微苦龜苓膏味，沾少少椰奶，甜苦平衡，又熱氣又清熱🥰🤣👍推介新菜單食物種類好多元化亦吸引，絕對可以一試🩷後話：呢間餐廳D侍應圍內溝通都幾搞笑，燙金T經理對客人態度🆗️，但對同事態度就👎 新人唔識既咪教下人囉，一邊食飯 聽到佢講野串同事，根本係蝦新人啦🤣🤢睇番呢間野D食評服務態度差已經係平常事，經理級都咁無禮貌 ，點令到D細既有禮貌

We ordered a set meal- snake soup/ chicken- the vegetable was tasteless. All the dishes were quite blend too. We sat down at 8pm waited for 20min for the food which was acceptable but our bill came at 9pm and the waiter asked us to pay up. I asked why we have to pay so early since we have not even finished our meal. The waiter replied that they close at 10pm. I told the waitress that the veg had no taste and her reply was the restaurant was busy😵‍💫😵‍💫. I would not recommend anyone to this restau

星期六旺嘅時間都冇乜人食呢間嘢！我見唔使等位就入咗去，D職員係我一入到去就串人，真係呢間服務態度係最差嘅一間！！未食嘢已經一肚火！真係完全明點解呢間咁少人食，反而附近果D就打曬蛇餅⋯

諗住係出面見到咁多人食，以為好好食。就唔駛排隊去去，坐低點了兩個小菜，只寫了一個菜，要碗白飯都等十分鐘，仲係唔熱，牛肉又炒過熟，D野又難食。服務員係度吹水，D態度又差，無下次。

$89 一份午餐，餐牌寫有湯，結果冇！返到屋企才發現配白飯！我要的是燒雞飯套餐，難道米芝連餐廳的雞飯係配白飯的嗎？打電話去餐廳係冇人接電話！今時今日咁嘅服務，唔會再幫襯😡😡

服務態度差，落漏單 仲要趕客。見呢間平時幾多人食滿心歡喜去試下叫左個海南雞、油雞同埋牛筋腩煲海南雞同埋油飯到左個飯食到一半，吹咗一次單個飯就黎食晒嘅時候就問另一位侍應問食物黎齊未 個待應話齊晒問我本來叫左乜野我話唔需要過左3分鍾仲要趕客 隊張單黎叫我埋單叫加茶既時候待應嘴面都好差黎左既海南雞質素唔差但係雞係有骨、有雞翼、雞翼尖味道唔錯但200蚊叫一碟有骨既海南雞就唔合理就算食物係米芝蓮 咁既服務態度都係唔會有下次

埋單$560，3個餸1.價值$10x 雜菜煲，計埋得5-6條菜，加埋好碎嘅雜菇，食唔出咩味2.招牌海南雞肉質嚡，無雞味3.酸菜石斑D魚唔知雪咗幾耐？配雜菜煲同一款菇，總體個味係ok，但喺魚質太差

一直都聽過天天海南雞飯本身係新加坡熟食中心嘅小攤，因為精堪嘅廚藝而得到米芝蓮認可，有第一海南雞飯之稱。今次嚟到香港沙田店，環境裝修就轉咗偏華麗風格，以優雅嘅藍調為主。🍽 天天海南雞配燒雞香港定價會貴小小，但唔洗飛就食到新加坡米芝蓮，都覺得值得一試。先講下佢哋嘅招牌菜—海南雞，雞肉選用嘅係優質嘅三黃雞，食落肉質鮮嫩多汁，保留到雞肉嘅原汁原味，同時皮薄有彈性，入口即化。燒雞方面都唔錯，皮脆肉嫩，炭香撲鼻。不過兩者比較嘅話，海南雞會更勝一籌👍🏻🥇雞油飯 因為太鍾意食個飯，所以我哋今次𝟮個人都叫咗𝟯-𝟰人份，呢個份量大概每人食到𝟮碗左右🍚🍚天天海南雞飯嘅雞油飯曾經擊敗過名廚𝗚𝗼𝗿𝗱𝗼𝗻 𝗥𝗮𝗺𝘀𝗮𝘆，成為餐廳嘅皇牌。因為佢哋嘅油飯同時結合咗雞油同雞湯嘅精華，飯粒散發濃郁嘅香氣同時做到鬆軟而不失彈性，粒粒分明，所以剩係食飯都會覺得好味！🥤 豆花年代奶茶豆花奶茶嘅茶味香濃，重點加咗滑嫩嘅豆花，飲上去會額外增添一份特別嘅滋味，配搭海南雞都幾夾。

午市套餐➡️天天海南雞飯$1193款前菜都唔錯，尤其是四季豆好香麻油味，幾特別。原隻燻蛋熟成度剛好，好入味，好食😋海南雞口感滑溜，件數都唔少，味道正常；油飯聞到幾香，但食落就無乜雞油味，口感偏乾；個泰式辣醬辣味都幾辣，食完個辣都會留喺口腔內。年代奶茶加咗煉奶和花奶，如果鐘意飲甜味的熱奶茶係唔錯的（本人飲開無糖奶茶😬）甜得嚟都飲到茶味。入座就比壺茶你，個茶味道都唔差（每位茶錢$10）整體來講個飯味道是正常發揮，只是食完飯離開後先發覺無比到個湯我🥹坐咗咁耐自己無發現，職員又無比，唉😮‍💨

有名既過江龍，呢次冇食海南雞，叫左個牛筋牛腩煲。我相信佢擺明話得係招牌菜既都唔錯，呢個菜係10名內必叫既。個煲熱住上，食到一半仲有泡泡出，d汁用黎送飯超正。杯野飲都幾特別，豆花美綠恐龍，都值得一試。埋單～$267，計埋茶同加一，都算值得食下。

今天放工後來到新城市廣場覓食，見到很多餐廳都排滿了人，需要等位等好耐，然後見到呢間天天海南雞，不是太多人等位，於是就打算走去呢一間度食飯，果然很快就已經有位俾我哋入去。我哋點了三個菜式，但係全部菜式都只是微暖，一啲煙都沒有，所以很難食，我哋覺得很奇怪，點解啱啱煮好出嚟都唔熱啲餸，後來發現原來佢哋個廚房並不是在餐廳裏面，而是在餐廳外面，要經過一條走廊先到，所以見到職員運送菜式需要穿插商場的走廊，中間要經過很多不同類型嘅舖頭先會到達廚房，所以因為這個原因啲菜式就唔夠熱了。如果係而家呢個天氣都唔夠熱，甘下星期天氣開始變凍，得17/18度的時候啲菜式會唔會更加凍呢。最後吃了三款唔熱嘅餸菜，肚子有點不舒適，感覺中伏了，而且價錢不平，最後埋單四百幾蚊，真係去食大家樂好過，起碼夠熱。相信嚟過呢間舖頭食嘢嘅人都知道佢啲餸菜唔夠熱，因為廚房喺出面嘅緣故，今次係我第一次嚟呢度幫襯，所以就中伏，希望大家留意小心注意一下。

呢晚同男朋友去完新城市睇戲，就順手響附近搵野食醫肚，試左呢間天天海南雞既沙田分店，野食大大份又好味，估唔到除左海南雞好食之外，甜品都咁出色，推薦可以去食下😙❀天天海南雞❀雞肉採用文昌雞，半肥瘦咁，入口嫩滑又juicy，點少少薑蓉、黑醬油或者酸辣醬都好好食。❀肉骨茶❀肉骨茶個湯藥材味偏重，味道幾清甜，排骨大大塊好多肉，煮到好腍好入味，仲有好多其他配菜例如：豬肚、腐竹等，好豐富，食到好飽。❀食神魚籽菠蘿海鮮炒飯❀炒飯炒到粒粒分明，有蝦仁粒、魷魚+蟹籽等，份量較多，建議2個人share。❀椰奶炸龜苓膏❀最有驚喜反而係呢個，椰奶好香又甜甜地，中和左龜苓膏既苦澀味。

今日同朋友行完沙田新城市廣場，好耐未食過海南雞啦，所以去咗天天海南雞食晚飯！呢間餐廳嘅嘢食都幾豐富，有好多選擇，我哋兩個人叫咗一份正宗海南雞、鬼馬水蜜桃咕嚕肉、食神魚子菠蘿海鮮炒雞油飯、同埋豆花恐龍美祿。正宗海南雞終於食到我最愛嘅海南雞啦! 雞肉鮮嫩多汁，皮薄多肉，配上特製嘅醬料一齊食，十分惹味！鬼馬水蜜桃咕嚕肉呢個冰鎮咕嚕肉都好特別，底部嘅瓶子裝住啲乾冰，不停飄出煙霧，十分特別。咕嚕肉酥脆多汁，外層香脆、肉質嫩滑，配上甜甜酸酸嘅醬汁加埋水蜜桃，鍾意食酸甜嘅朋友唔好錯過！食神魚籽菠蘿海鮮炒雞油飯呢個海鮮炒飯味道唔錯，每一啖都有蝦仁，配上鮮甜魚籽加埋菠蘿乾食，感覺新鮮！豆花恐龍美祿最後呢杯豆花恐龍美樂係我嘅最愛，上層鋪滿美祿粉，下身就係香滑嘅豆腐花，每一啖都好香濃朱古力味，推薦呢個！

夜晚8點 個場已經冇咩人，舉手叫嘢食 全部waiter當睇唔到，有個係cashier 見到 示意等隔離落緊order嗰個。其他人係度行行企企，經理全程唔知做緊乜，應該埋緊數，大家樂都不如。