天天海南雞飯 (新城市廣場三期)

Open Now

Now Closed

一向好少寫食評嘅我，今次都真係忍唔住要發聲，真係太差。雖然當日假期，但因為時間尚算早，大約5點幾去到，暫時唔會有太多客人，可以直接入座。當我拎起個茶壺，正想倒杯茶，見到杯中有漂浮物，立即叫侍應換一隻杯。跟住點餐，叫咗一個海南雞拼燒雞，一個細油飯，一個班斕汁椰香鱈魚，一支啤酒。好快個海南雞同埋油飯到咗，油飯完全唔熱，只係得微暖。海南雞都係微溫，個雞似係慢煮，味道好淡。燒雞又係微温，皮唔夠香脆。跟住個鱈魚嚟埋，一啖食落去，鱈魚個炸漿好厚，唔夠薄身，好似食緊炸粉漿咁，一個字～（差）所以我以後都會記住，每當見到有米芝蓮嘅舖，都唔好行入去，今次就當買個教訓，講完。

放假沙田新城市好多人，間間餐廳都好多人等位，鐘意食雞既我就揀左食海南雞🤗天天海南雞咁出名，一定要試下 😆雞既份量有好多😍雞味濃👍🏻肉質嫩滑🍗搭配醬汁好好味😋十分出色油飯吾油膩又香👍🏻

從來都唔寫食評，忍唔住要寫實在太差太差太差👿👿👿，極難食海南雞一哥，今日外賣大份正宗海南雞，九成都係骨頭😡，仲要皮多過肉，d皮又厚，雞骨都變晒深色瘀黑色😤，從未食過咁差嘅雞，又老又鞋，似返熱過隔夜雞味道，煲過湯嘅雞，超難食，普通快餐店仲好食過佢多多聲，仲成二百蚊一份，實得四份一隻雞都無，好食都話呀，一啲都唔好食，差到極点，沒下次。唔怪之得咁小人食啦，呃錢搵笨。👎👎👎👎👎👎👎

衛生方面: 張櫈有上手大量殘餘物，枱面除咗即棄嘅餐具之外冇一樣嘢係乾淨，三個人三隻杯全部入面有水仲有一粒粒奶白色嘅物體，待應換完之後都仲有一隻杯有呢啲粒粒佢哋啲碗都係濕，仲有啲唔知幾多手嘅飯碎殘跡拎出嚟比人用之前冇check過呢啲咁基本嘅嘢咩？食物方面:收199一碟雞雞肉少但係又肥又多骨，啲海南雞醬汁少得可憐雜菜粉絲入面唔知點解得一粒雞腎，係加料定係冇料到？個雞油飯就不過不失，成為成餐飯最有特色嘅食品Service唔expect咁多，兩個人做全場嘅客超人都覺得辛苦最後埋單見到要收茶位真係估你唔到新城市天天海南雞，唔會有下次

新加坡過江龍 ［天天海南雞飯］相信唔需要多介紹，在香港也可以品嚐到正宗新加坡風味，分別在銅鑼灣，沙田，圓方都有分店，一想食海南雞飯都會諗起呢度，今日就去咗銅鑼灣分店朝聖!🍈▪️百香果哈密瓜店舖非常窩心，一坐低就會送上香茶和水果，哈密瓜非常香甜配合百香果嘅酸咪咪，胃口大開🫕▪️正宗海南雞 $ 199必食推介，嚟到呢度就一定要食新加坡最出名嘅天天海南雞，雞皮雞肉幾乎沒有脂肪，但雞肉非常嫩滑，而且雞味好濃，配上最傳統嘅三色醬（薑蓉，蒜蓉辣椒醬，黑甜醬油）美味🍚▪️雞油飯（細窩）$ 39雖然話係一至二人份量，但係都好大煲，油飯好香雞油上湯味道，飯粒飽滿，就咁食已經好好食，但當然必須同海南雞一齊食先係最佳拍檔🥬▪️參巴辣椒炒通菜 $ 89炒得爽脆嘅通菜配上參巴醬，超級惹味，仲加上脆脆嘅銀魚乾，更加香口🥘▪️鮮大蝦冬陰功湯（2隻蝦）$ 89 估唔到呢度做得好出色，店員會用爐和瓦煲現場你面前加香料和將大頭蝦即時煮熟，值得一讚，湯頭夠酸辣好濃味，蝦大大隻新鮮爽口又彈牙，其他材料如香菇小番茄一樣咁好食

沙田新城市廣場三期真係好多嘢食，而今次我同老公好想食海南雞飯，所以就揀咗呢間長期排隊嘅天天海南雞，之前已經聽過朋友介紹幾好食，今次特登過嚟試一試。黎到呢度梗係食個招牌海南雞飯啦，仲要一定係轉油飯，白飯梗係冇咗呢個嘅精髓，所以識食一定要食油飯，就算幾肥都一定要食！呢度真係坐得幾舒服，有多卡位，又唔會好逼夾，舒舒服服坐低食野！特別一讚嘅係佢哋嘅茶好好飲，好香，出邊好少何有得飲呢個茶味，所以都忍唔住嘅職員添咗一壺熱水俾我！跟住仲叫咗個椰菜煲，都幾特別幾好食，仲要大大煲，食咗海南雞有少少油膩嘅感覺，食返個菜即刻平衡返。仲有呢度職員嘅服務態度都幾好，會介紹菜式俾我哋選擇，等我哋呢啲選擇困難症嘅人可以快啲揀到嘢食甜品。

✨黎到沙田區食晚飯，今次又揀左位於新城市廣場的天天海南雞飯店，他是馳名食新加坡菜，所以推薦大家可以試下他們的海南雞🍗👍✨現在分享下我們今天晚餐美食😍1️⃣海底椰燉湯湯夠甜，清下熱氣，仲可以食埋椰子肉2️⃣豬牛雞串燒(半打)豬牛雞每樣2串，雞肉好滑，豬牛也惹味，熱辣辣上碟🤣3️⃣海南雞招牌菜👍真是招牌菜，他們海南雞好滑，好食呀😍4️⃣香脆蝦多士(4件)蝦多士夠脆👍5️⃣可愛白兔仔😆得2件的可愛白兔仔椰汁糕👍6️⃣老鼠粉(銀針粉)成個煲仔上，好足料，大煲💕✨餐廳地方大，又坐得舒服👍

👨🏻‍🍳食物：天天海南雞： 唔好以為海南雞一定好肥膩， 主打新加坡米芝蓮的海南雞，做法同香港食到的海南雞好唔同。顏色偏白， 鷄皮好似水晶皮，去晒脂肪， 食埋鷄皮都無罪惡感！ 嫩滑的鷄肉可點秘製辣醬同好厚身的頭抽， 點多D都唔會咸，不過唔食辣既朋友就唔好點太多辣醬喇！龍蝦湯炸鷄油鍋巴：龍蝦湯用爐分開上，材料新鮮， 先將龍蝦， 帶子， 蝦肉放入，最後放海南雞油飯炸的鍋巴， 沾滿濃濃的龍蝦湯， －定要襯熱食! 新加坡古法肉骨茶： 同馬拉做法完全唔同， 無藥材味， 係濃郁胡椒豬肚湯， 奶白色的湯配上四大條排骨加上吸味的豆卜，腐竹。用石爐暖住， 慢慢嘆。 豆花恐龍美祿，豆花奶茶： 大大杯， 啖啖滑豆花，唔會太甜， 飲唔曬仲可以拎走慢慢飲。桂花糕配多班蘭醬：口感似白糖糕，馬拉糕用蒸籠原個上就見得多， 白糖糕都係第一次見。 配上好杰身的班蘭醬， 熱食可以溶左個班蘭醬， 不過涷食都唔會唔好食！ 冷， 熱， 點醬， 唔點醬都有唔同風味。🏙環境：位於沙田新城市中心第三期（一田上面）非常方便、 雖然係open area但其實分間得唔錯，唔會俾行街的人影響。藍色主調好sharp，有心思的裝修， 坐位舒適。💰價

點了海南雞飯同菜，根本睇到個樣都係吾人想影相，一全份$199不過就得半份，嗌埋白飯，根本都吾飽。最後點樣埋個通菜，不過通常菜就有咸🐟仔，炒得有功夫，味道係幾好味，最後拿返d分，不過雞飯完全不合格。除咗reception全部侍應死氣沉沉，質素已經吾係星加坡水準咁都幾難維持

講真嘅，飲飲食食呢家野，真係要親口嘗嘗先知有幾好食。今次，我就帶您一齊去沙田新城市中心嘅天天海南雞飯，一試南洋風情嘅美食。我同朋友揀咗個"龍鳳配二人餐"，首先上枱嘅就係兩碗花膠太史蛇羹。太史蛇滑溜溜嘅口感配上濃厚嘅花膠湯底，真係食得出心機。有人話我過譽？唔係嘅，你自己試咗就知道。 再來就係主角－天天海南雞。呢隻雞雖然係中size，但肉質緊實，配上特製醬料，每一口都充滿咗雞肉嘅鮮香。另外，海南雜菜煲新鮮得來又有湯底嘅濃郁，真係足夠你一路食到飽。 講到雞油飯，天天海南雞飯佢哋嘅飯真係唔得了，飯粒飽滿又唔會太油，每一粒飯都充滿咗雞油香味，單食已經好夠味。飲品方面，我哋揀咗桃膠菊花桂花雪梨茶同竹蔗茅根馬蹄薏米水，兩款飲品都清甜解渴，特別係炎炎夏日，喝一口就覺得清涼。  最後，餐廳仲送上咗兩份豆腐花。呢個豆腐花，真係滑嫩得來又唔失味道，配上微甜嘅糖水，完美結束了一頓豐富嘅午餐。總括嚟講，天天海南雞飯真係一間值得一試嘅餐廳，無論係環境，服務，定係食物，都給人一種滿意嘅感覺。如果你下次去沙田新城市中心，一定要去天天海南雞飯試試看！

自上次同朋友聚會食完《天天海南雞》，一直都好想Encore食多次，全因為見到餐牌菜式唔少，好易揀到想食既野。位置方面，由於係沙田新城市，當然方便。先唔講雞住，由於我有朋友極力推薦豆花特飲，特別係豆花金牌咖啡，所以我要叫杯特飲先。而我既選擇係，🔸豆花恐龍美祿～飲落係好有趣既口感，呢杯野會令我記得《天天海南雞》🔸正宗燒雞（大份）真係好大份，睇落份量同招牌雙拼雞差唔多。食落香口又唔會太過鹹，點3款醬都好夾，最鐘意係點黃色薑蓉醬。🔸雞油飯，叫小窩細份，2個人分已經好足夠。雞油味道好均勻，唔會過硬，送到黎既時候，米飯保持有溫度。🔸南洋醬汁醃花甲睇呢個「仙氣逼人」既畫面就知呢道菜好有排場！花甲辣辣地又鹹香，惹味非常，底下鋪墊辣涼拌青瓜，粒粒青瓜爽脆。可以將少少蔥夾埋一齊食。上次食海南雜菜煲，今次食🔸鴛鴦菜花，整體醬汁濃厚，配有白飯魚仔。菜既選擇唔少👍🏻🔸香茅串金錢蝦餅，蝦餅圓又大粒，啖啖肉。醬汁辣辣地，一大碟，每啖蝦餅都沾滿醬汁。下次再黎想食桂花糕配斑斕醬，睇落好特別～同埋，椰香咖啡唔係好多地方有，有機會晏就黎會叫杯飲下。

新加坡米之蓮好出名既天天海南雞飯，正宗口味，不仿一試！位置方便，係沙田新城市行完街之後，就順便去試下！環境舒適，枱與枱之間有好多空位，坐等舒服。新加坡米之蓮二人餐($499)🍽️花膠太史蛇羹🐍蛇羹好足料，大大碗，而入面有切成幼絲的雞肉、冬菇、木耳、冬筍和花膠絲，令口感更細膩，湯底亦非常非常香濃又新鮮。天天海南雞🐣海南雞肉質滑嫩又夠淋，無骨既雞肉，食落去啖啖肉，無肥膏，仲有雞香味！另外，再配上3種醬汁，有黑醬油、辣醬、薑蓉，令味道升華。雞油飯🍚雞油飯粒粒分明，軟硬適中，食落唔會好油膩，味道香雞油味！而且，雞油飯用石鍋盛載，仲有木蓋，賣相古色古香，石鍋亦可以令油飯一直保溫，所以食唔停！海南雜菜煲🥬雜菜煲超級足料，大大煲，入面有蝦乾、娃娃菜、粉絲、菇、雞腎、蝦乾，味道鮮味又香雞湯味。而煲底一直用左蠟燭來加熱，食落去暖暖哋，係健康之選！四季養生飲品🥤養生飲品有四個選擇，而我揀左桃膠菊花桂花雪梨茶、黑糖三棗桂圓薑母茶。用左賣相好靚既膠樽裝，雪梨茶唔算好甜，又清熱解喝；薑母茶好飲，甜甜地又補血，好啱養生既女士飲！整體來講，環境舒適，服務態度良好，食物好味，算大份，可以黎試下新加坡米之蓮餐廳！🌟推薦指

星洲菜式來至星加坡的天天海南雞店當然有一定的吸引力，所以捧場客亦不少。今天適逢節日，等位的食客很多，只好帶外賣回家與家人分享吧！～蝦皮素肉鬆凍豆腐這冷盤清新容易入口，豆腐軟滑，惹味蝦皮素肉鬆份量不少。～黑松露墨魚蝦多士黑松露味突出，墨魚蝦多士炸得恰到好處，吃時仍脆口。多士面上的木魚絲和菜絲可解炸物的熱氣，不錯！～黑磨豉牛筋牛腩味道不會過濃，牛筋炆得淋滑，牛腩卻有點韌，但整體味道討人。～天天海南雞（加大份）白白海南雞配上爽口清新的青瓜，配搭得宜。海南雞皮爽脆，肉質有咬口，絕不肥膩。沾上附上的醬汁，味道層次又多了。但個人感覺在星加坡吃的海南雞味道和質感更勝一籌。～雞油飯 3-4 人惹味雞油飯不感肥膩，飯是粒粒分明，令人吃個不停。～海南雜菜煲材料豐富，計有雜菌和菜蔬，再加上吸收了湯的精華的粉絲，非常討人。

呢間米芝蓮海南雞一直都好有興趣，最近見到佢有個晚市二人套餐$499非常抵食！就邀請咗朋友一齊探店😗呢個套餐包括左蛇羹！鍾意食蛇嘅就啱晒😌仲要包埋養生飲品，仲可以有四款選擇添👍🏻環境坐得算係非常舒服～每枱都會有一壺茶可以慢慢飲慢慢傾👍🏻桃膠菊花桂花雪梨茶～感覺非常清熱潤喉而且加了桃膠，口感極佳！黑糖三棗桂圓薑母茶～呢個組合對女士非常有益，絕對係不二之選！口味亦都順喉香甜🤗樽裝即開即飲，乾淨衛生！花膠太史蛇羹～蛇羹有三種配料！本身已經夠哂足料 ，啖啖蛇肉同花膠，加埋配料更覺豐富！而檸檬絲更可以提升蛇羹嘅香味～好滿意👍🏻海南雜菜煲～多種唔同嘅菜類同菌類令到湯底非常清甜！而且可以食到多種菜類嘅口感，雜菜煲的確係一個唔錯嘅選擇🤗天天海南雞（中）～雞嘅份量算係非常多，而且夠晒滑溜😋本身已經有醬汁淋咗喺面，旁邊亦有三款醬汁可以再添加，可以講係一雞多味！雞油飯～呢個油雞飯並唔似坊間咁油多到令立立，感覺較為健康，口味上依然可以帶着雞油香，可以講係廚師既神技🤤

本人身為海南雞飯愛好者同沙田友，竟然第一次食天天海南雞，假日經常要等位嘅餐廳，難得今日唔使返工，又見到冇人排隊即刻入去食餐廳屬於半開放式，但都算多座位，一行二人，侍應安排我哋坐圓枱，非常寬敞。今日揀咗幾樣嘢食梗係要揀招牌菜天天海南雞 (中 $189)中size 份量都非常多👍🏻肉嫩，無骨，配上三色醬，黑醬油、薑蓉及辣椒醬😋😋南洋醬汁醃花甲($99)令人驚喜嘅一道菜色醬汁非常惹味，就算本人唔食辣都覺得好好味食完花甲後仲有青瓜喺底下可以中和下花甲嘅辣同行朋友都讚不絕口仲有特別煙燻效果🤪非常打卡able辣子粟米 🌽 雖然個名叫辣子粟米，但食落一啲都唔辣非常香口，令人忍唔住食完一舊又一舊 50年代咖啡蒜香豬肋骨($129)見到咁特別用咖啡做餸，即刻忍唔住試吓又係非常香口嘅一道餸菜雖然唔係好重咖啡味，但豬肉一啲肉腥味都冇，椒鹽味極香豆花美祿恐龍🦖($35)本人極愛美祿，見到即刻毫不猶豫咁叫左一杯🥃美祿加豆腐花好好味美祿味勁濃就算啲冰融左都唔會令到杯嘢飲淡咗，值得推薦