船皇 (大埔超級城) (Closed)

最近真係好想去旅行，特別去泰國食下野，唯有而家食住泰國野定係人先啦😂😂😂之前試過銅鑼灣嗰間分店，依一間大埔分店係自助形式👍🏼👍🏼👍🏼😂我哋叫咗個船皇撈麵，佢有四隻面可以揀，我就揀咗河粉😂河粉係粗身嘅，食落口滑嘟嘟，煙銀銀㗎，我真係好鍾意食佢嘅炸豬皮，好正！另一個就係船皇湯麵，我就揀咗蛋麵，依隻麵好友蛋香，好爽口，值得一試👍🏼👍🏼👍🏼另外叫咗幾款串燒，我就比較鍾意食串燒魚餅，配埋辣汁，真係好好食👍🏼👍🏼👍🏼最後我哋叫咗兩杯飲品，凍咖啡同埋凍柚子檸檬梳打，我最鍾意就係佢嘅器皿，一路飲就覺得好有feel😂😂😂😂😂

最近肺炎肆虐，少左出街食之餘仲冇得去旅行唯有食「船皇」，解下思鄉之情.環境打卡指數：🌕🌕🌕🌖環境乾淨企理，地方夠寬敞餐廳採取自助形式係Counter付款後，就會收到個取餐器見到震動就可以去拎野食啦所以，係免加一架.餐牌款式指數：🌕🌕🌕🌗主食只有四款，可揀湯麵或撈麵麵款都有四款選擇分別係蛋麵，米粉，金邊粉同河粉仲有地道泰式串燒同小食架.船皇湯麵 $58美味指數：🌕🌕🌕🌕黎船皇食，當然要食佢個招牌船麵啦黑色嘅湯底，全因加入左牛血味道極為濃郁但一D血腥味都冇架配料仲好豐富，直頭好似全牛餐咁有牛腩，牛肉，牛肉丸，雞翼，雞絲豬肉丸，豬肉同豬潤仲有一塊炸豬皮做點綴添，食落脆卜卜呀提提你：加多$1仲可以升級至和牛.雞絲雞翼撈麵 $48美味指數：🌕🌕🌕🌕河粉粗身而爽口，混入左秘製醬料攪拌後特別入味仲有好多雞絲添雞翼醃得好入味，肉質嫩滑富汁水甜甜地，好正呀.泰式炸蝦卷 $22美味指數：🌕🌕🌕🌕炸蝦燒必食呀蘿蔔絲包住蝦肉再炸至金黃色表面好脆口，內裡又好鮮嫩.🔸泰式雞翼 $22美味指數：🌕🌕🌕🌖最愛食單骨雞翼🙈因為會比普通雞翼再易入味💕雞翼入口酥脆，吾會好多油沾埋泰式辣醬一齊食，味道更多層次.串燒沙爹雞串

今日去咗大埔接女朋友放工 為咗慰勞佢嘅辛勤工作當然就係收咗工去食番餐好㗎啦 咁我哋就搵咗呢間船餐廳食飯 主要係食越南嘢嘅 貪佢幾重口味又幾清新首先叫咗一個金邊粉 呢個金邊粉係泰式嘅 食落口感豐富 個粉彈牙而且有啲甜嘅味道 甜得嚟又大少少酸 非常之開胃之後就叫咗幾樣串燒 有串燒牛脷 串燒雞皮同埋串燒牛肋條 牛脷本身已經好有油嘅甘香 而且燒完之後加上好多種類嘅香料 例如有味粉椒鹽等等 食落更加野味可口 雞皮燒到好脆口而且唔油膩 值得一讚 串燒牛肋條牛肉味好重而且食落一啲都唔硬 好林好正 串燒魷魚鬚反而比較硬 而且比較鹹

門口餐牌好大塊，但係上面啲字細細粒，舖內餐牌一樣字多字型細，花咗相當時間研讀。船皇麵同大碗麵啲餸差唔多，船皇賣貴啲多咗雞翼、豬潤、豬紅之類咁喇。湯底望落好油，入口又唔覺，滷水味比預期的輕柔。自助調味料中有一款秘製酸辣汁，加落麵係好食啲，不過真係辣，落少少試吓先就最穩陣。凍飲用大口碗連飲管上枱，如果預早知道，一定會叫店員走飲管。

來到大埔, 有時候不知吃什麼才好, 就會來超級城逛逛, 食店比較集中, 多點選擇。見到這間吃泰船麵的店, 吃到船麵的店不多, 忽然也想回味一下。這裡是自助形式的點餐和取餐, 快餐形式, 也不用付加一, 經濟實惠。泰式奶茶$8奶味比較濃, 茶味較少, 不太甜, 後來喝到底發覺糖都在底下, 我們沒攪拌均勻。青檸梳打$8以碗的容器喝, 頗特別, 酸的味道較突出, 可能糖漿不太多吧。船皇河粉$58非常豐富的材料, 有牛腩、牛肉片、牛肉丸、雞絲、雞翼、豬肉、豬肉丸、豬潤, 像大雜燴車仔麵一樣, 先試一口湯底, 濃郁的味道, 深深的顏色, 有泰國地道風味, 我都喝了不少, 可選辣和不辣, 我們選了走辣。蠻喜歡泰國的小丸子, 很爽口, 細細粒。河粉也很特別, 大塊的, 也是泰國特色。串燒露筍$33/3串朋友不吃露筍, 我一人獨取, 3串也都覺得剛剛好, 有醬汁一起烤, 蠻惹味的, 露筍也翠嫩, 沒有渣。泰式炸蝦卷$22有點驚喜的蝦卷, 和想像中不一樣, 有薯絲包著再炸, 頗有新鮮感, 蝦隻亦新鮮。泰式炸春卷$22新鮮熱辣, 脆香, 蘸點酸辣醬更惹味。泰式炒金邊粉$64甜甜酸酸的味道, 蠻開胃的, 加

第一次行過嚟食，杯泰仔奶茶好好飲又夠大杯，值得推介！叫咗配豬肉丸、豬腩南同豬潤麵，揀咗河粉（原來係泰式炒河粉啲重新河粉），豬潤有點厚唔夠淋麻麻哋，豬肉丸唔錯。點咗其他串燒，燒魷魚同燒雞肉串唔乾又幾好食，燒牛又細又唔夠雞Juicy囉⋯⋯ 整體都值得再試！

💭大埔超級城C區食肆雲集，最近進駐了一間主打泰國船麵的「船皇」，於是今日特別約埋朋友一齊來試一試。◾️船皇餐牌主要有湯麵和撈麵，仲有飯類、串燒及小食，都有好多選擇。麵底可以揀蛋麵、米粉、河粉或金邊粉，而味道又可揀大辣、小辣及唔辣，總之就按個人喜好，自己話晒事。◾️採自助形式，先到收銀處點餐付款，然後找個位子坐下，食物弄好後再出去取，而弄餐都算快，但因我哋叫了多款串燒小食，所以要出多幾次攞食物，整體上都算方便。🥢船皇湯麵  $58船皇湯麵揀了金邊粉，湯底唔辣、鮮甜濃郁，不會過鹹，味道剛好。金邊粉軟滑幼細、索湯汁，十分入味。餸料有牛腩、牛肉片、牛肉丸、雞絲、鹵水雞翼、豬肉片和豬肉丸，牛腩腍身、肉丸彈牙，炸豬皮脆卜卜、唔油膩，總共八款，可謂包羅萬有，非常豐富，簡直是大滿足。🥢香葉肉碎飯    $58朋友揀了限定供應的「香葉肉碎飯」，肉碎經乾葱、魚露爆過，又香又惹味，肥瘦適中，加埋太陽蛋的蛋汁，撈飯食，正！🥢泰妹雞翼  $225件單骨雞翼，炸得非常香脆，味道帶點辣，很惹味，值得推介。🥢串燒魷魚鬚     $15沙嗲醬魷魚鬚惹味彈牙，一串有兩大條，幾抵食。🥢串燒魚餅   $15點了兩客魚餅，有泰式辣

今朝出去排唔到口罩，唯有去食個early lunch補數啦。呢間係新開既泰國野，主要食泰國船麵。可能因為我早去，野食都好快到。我叫左個雞絲+雞翼金邊粉，叫餐加8蚊可以加杯飲品，我叫左凍檸茶。碗麵都幾大碗，雞絲好入味，金邊粉都好滑，每一啖都索到啲湯既味道。不過雞翼就略嫌有啲太林啦，合格啦！佢啲飲品係用個碗盛住既，個碗好靚！加哂分啦！飲落唔係好似港式既凍檸茶，有啲椰香，都唔錯！講真連飲品先五十幾蚊，啲位又好坐，真係一個人lunch唔錯既選擇

今晚阿媽唔返嚟煮飯 咁就唯有同老豆兩個出去撐枱腳 身為年輕人點可以唔去openrice網站搵下有乜嘢正嘢食呢 今日就搵到呢間位於大埔嘅船皇 主要食啲越南嘢 越南嘢多數都係重口味嘅 最啱我同埋老豆 首先入到去就叫咗碗撈麵 材料有牛腩 牛肉片 牛肉丸 呢個撈麵口感都幾彈牙 我個人嚟講都好鍾意 牛腩亦都炆得好軟 有少少牛油嘅甘香 幾正 牛肉丸同埋牛肉片同出面食到嘅差唔多 冇乜特別之後就叫咗幾串串燒 有串燒沙爹豬肉 沙爹牛肉 豬頸肉 牛舌同埋魚餅 食落鹹味都好重 對我嚟講太重口味跟住就食咗一個泰式炒金邊粉 呢個金邊粉同埋出面泰國餐廳食到嘅有少少唔同 佢味道相對比較清淡 冇咁甜最後就食咗一個芒果糯米飯 呢個係一個驚喜 因為佢用嘅椰漿有啲鹹味 十分正宗 而且糯米口感好煙韌 食落十分彈牙 芒果亦都好香甜 為呢一餐畫上美好嘅句號

船皇開分店到大埔啦！相比其他分店，呢間更闊落，坐得比較舒服。門口有架tuktuk，都係餐桌嚟架，幾有趣。.香葉肉碎飯，香葉肉碎味道配合，配上白米飯，效果更佳，送飯好幫手。.泰式炒金邊粉，酸甜度合度好處，金邊粉軟身又爽口。.泰式炸蝦卷，外層用薯仔做的香脆感令人驚喜，炸得剛剛好，外脆內軟。.泰式炸豬皮，鬆脆非常，與蝦片差不多，即使配搭魚露和泰雞醬，都同樣好味，有淡淡的豬肉味道，感覺獨特。.泰妹雞翼，用上一字雞翼製作，外皮酥脆，內裡肉嫩爽口，個人最喜歡之選。.串燒魷魚鬚，咸味十足，以燒汁燒成，不但保留口感，更提出海鮮鮮味。.串燒牛舌，厚切版本，肥大肉厚，灑上沙嗲醬再烤成，沙嗲醬出色，有口感又惹味。泰仔奶茶，好飲呀！用了冰涼的冰碗承載，賣相很好，很有泰式風情，而奶味香又唔會太over，茶味頗突出，飲完都唔會覺得太濟。.泰式菠蘿冰，都係好飲既！有原粒菠蘿，甜度適中，有果香味，清新順口。......船皇大埔安邦路3號大埔超級城C區1樓539-541號舖

坐位寬闊舒適，服務員態度有善。雖然係快餐形式既泰國菜，但味道也絕不馬虎。欣賞佢有四款麵底(蛋麵，米粉，金邊粉，河粉)可以選擇。而且，所有麵類都可以選擇辣度，滿足愛辣之人。點了一碗雞翼雞絲撈麵，撈麵有多款醬汁自己調味！個人比較喜歡秘制酸辣汁，酸辣味道剛好，酸味剛好中和麻辣味道。另外，豬肉豬肉丸豬潤湯麵，用料十足，食到好飽！推薦泰式炸蝦卷，白蘿蔔絲包著炸蝦，外脆內軟，好好食！串燒，牛舌牛肋條，好厚切！火候燒得剛好，調味料唔會落得太鹹，愛辣既我仲可以落佢地既辣粉，佢既辣粉值得一贊，並唔係出面好普通既七味粉，佢入面有胡椒，辣椒乾，香草製成。愛辣既人一定要試下！

每個周末，總會經過大埔做運動，一定會經過大埔超級城！一直無為意原來開左一間泰國菜快餐店，仲要排曬長龍！今次專門睇睇，食下係咪真係咁好味先！呢間主打泰國平民面，雖然叫做船皇，但不是賣細細碗的船面！有湯面同撈面之分，今次就食湯面！湯底以豬潤為主，有好香豬肉味！而餐廳精選的船皇湯面，就有好多料，包括好彈牙的肉丸、有咬口的豬腩片、一絲絲的雞胸肉絲，而面底好大份，一個人食都好夠飽啦！此外，店內有串燒選擇，價錢屬中檔價位，魷魚鬆就必點，新鮮爽口，反而燒雞皮就唔夠香脆，而家太油膩，而想食就諗一諗啦！食評由iPlayHK提供

今日我們去了船皇！嘩門口好多人排隊，見個個都食船皇麵！我們點了船皇湯麵撈的和湯的材料是一樣！我們選了金邊粉有四款粉可以選金邊粉，河粉，米線...船皇撈麵味道不錯料有雞翼，牛腩，牛肉,豬肉，豬肉丸，雞絲小食串燒牛燒得剛好串燒雞好香香料味炸蝦卷蝦🦐炸得香脆！外面包住麵條！炸雲吞皮炸得油了一點！飲品個碗好可愛菠蘿冰內面是新鮮菠蘿🍍，加糖水冰奶茶我覺得甜了一點總結味道不錯👍🏻價錢抵食環境不錯是人比較多要等久了一點！

大埔超級城shopping 行到C區1樓539-541號，門前擺放泰國架的士🚕很特別，吸引我打卡。餐廳裝修簡單乾淨企理。是快餐店形式先購票，後取餐。我們點左船皇撈金邊粉$58和船皇湯金邊粉$58 🍜有牛腩炆得很香又夠入味、 牛肉片夠軟腍牛肉味香濃，泰式豬皮 ，鬆脆可口，豬潤、豬肉丸 、豬腩肉好爽口彈牙 金邊粉索左湯汁很好味😋材料豐富真抵食。+$8紅豆汁和柚子蜜。芒果糯米飯$54，椰汁🥥味香濃。糯米飯很軟，很美味。燒牛舌$48，燒很香汁醬惹味。吃完這餐整個下午完全不口渴。超好。

星期日行下大埔一田，到3點零鐘果陣心血來潮想食個tea, 突然醒起大埔超級城開左間船皇，即刻行過去食。去到約3:30pm, 眼見只坐左3~4成客人，大把位隨便坐，我同老公純粹想食少少野，所以只order左一碗麵試下。一係唔叫，一叫就緊係叫佢個$58船皇湯麵 (牛腩+牛肉片+牛肉丸+雞絲+雞翼+豬肉+豬肉丸+豬潤)，因為可以樣樣餸都試下。先講d餸先, 值得一提既係碗麵係有一塊牛肉片，比錢果陣店員會問我地要唔要+$1轉和牛，咁見$1咁平就加黎試下啦！食落去都算有牛味, 加$1一值得既。其次係炸豬皮, 一開頭我好驚佢會淋, 好彩食落口仲脆卜卜, 合格! 而其他餸就一般般不過不失啦!至於個湯底反而有驚喜, 佢有少少杰, 幾濃, 唔錯!金邊粉軟硬適中, 索哂d 湯好好味!總括黎講價錢同質素成正比, 值得一試!