名寶石餐廳

Open Now

Now Closed

係啊 好耐無出港式舊扒房系列喇當日係平日中午 入座率估唔到都有八九成大部分都係上左年紀既叔叔嬸嬸而我同朋友 好似係最後生 haha午市套餐 - 餐包 紅/白湯 飲品 甜品 ❙ $138餐包零熱度 少少粗嚡 後來靈機一觸用黎蘸咖喱 即刻好食左蘑菇湯好稀好水 無咩味 唔掂餐湯我一定係揀羅宋湯 料好多 有胡椒香 比白湯好飲好多倍甜品係啫喱及芒果布甸選擇 表現正常 懷舊感重⍥ 咖喱鮮牛肉配飯咖哩有好多種 而呢到係偏向巴基斯坦果種香料 帶有辛辣刺激感 牛肉片份量足 亦好夠嫩 有咖哩餸飯實唔會輸⍥ 煎薄牛扒配薯菜話就話薄煎 但又唔算好薄 質地幾稔需要咬下 但唔會比鬆肉粉拿到無晒質感 雖然有濃濃既黑椒汁 但蓋唔過肉肉香 薯角有溫度 有少量白烚瓜呀菜呀粟米都有簡單調味 我地覺得幾有誠意

年初五🍊🧧新正頭一定幫襯返一次名寶石💎貪佢個名幾富貴🧧🍊🔸️周打魚湯去名寶石唔洗揀羅宋湯或者忌廉湯一定要揀周打魚湯湯料又多配埋多士好正🔸️香煎豬扒·三文魚扒兩款都煎得好香口份量唔細豬扒同三文魚扒唔會鞋口🔸️香煎肉眼扒想要5成熟最後生到切唔開咁滯呢個幾失望😮‍💨🔸️芒果布甸/啫喱港式西餐一定有嘅童年甜品🍮🧨年已過完聽日一切回復正常~#名寶石餐廳 #旺角美食 #港式西餐 #hongkongfood

尋晚終於食到久仰大名嘅<名寶石餐廳>都近地鐵站，行一小段路就到。古典優雅嘅裝修，梳化位坐得好舒服。服務態度良好，女侍應健談有交流同朋友兩個人一齊到訪，叫咗一份西冷三成set同一份肉眼三成set，再加田螺薯蓉。餐包同忌廉湯先落枱，忌廉湯好飲，餐包就。。。之後飲品到，叫咗凍朱古力同凍檸檬茶。凍朱古力係用機打，上面有泡泡好好飲；凍檸檬茶有4塊檸檬，擺到好似玫瑰花咁主角到！！！！！！！西冷同肉眼都好厚好大份！正！田螺薯蓉好好食！！！！！！！！一定要試！！！！！！切一小嚿牛肉再加薯蓉一齊食，正！甜品一定要嗌芒果布甸+花奶！超好食！係細個去酒樓食個種味道

昨晚我造訪了名寶石餐廳，點了他們的招牌菜鵝肝牛排餐。這道菜看起來非常精緻，一上桌就讓人垂涎欲滴。鵝肝的香味與牛排的口感完美結合，每一口都帶來了美妙的享受。鵝肝的香氣迅速在口腔中散發開來，搭配上嫩滑多汁的牛排，讓人感受到層次豐富的美味。整道菜的配菜也很合拍，顯示出廚師的細心與用心。餐廳的服務員態度友善周到，環境舒適雅致，讓晚餐氣氛更加溫馨愉悅。總的來說，名寶石餐廳的鵝肝牛排餐給了我一個極致的美食體驗。不論是菜品的品質還是用餐環境，都讓我留下了深刻印象。我強烈推薦這間餐廳給喜歡老香港風味的朋友們，你絕對不會失望的。

一向都覺得啲嘢又貴又唔好食，不過因為老人家要求去食，勉為其難陪佢去，點知直插式瀨晒嘢！今朝個早餐簡直係難食！叫咗份煎石斑魚柳早餐，碟嘢嘅賣相仲衰過大排檔，最過分嘅係杯蘋果汁溝水溝到冇味，同佢哋講佢哋仲話係冇溝水，係純果汁先生，離晒譜🤬咁嘅價錢，行過隔離上新世紀酒店食都冇咁嬲😤

一心諗住試下，話晒老牌餐廰，點知………飯生嘅，又硬又凍，個意粉完全無味，唔知什麽白汁，完全唔知自己比幾百蚊食緊啲乜嘢，系得個環境叫做幾好情調， 服務態度都算唔錯，但唔食品質數系零

好耐冇了嚟過呢啲餐廳。 有一日朋友話想鋸扒， 喺旺角太子當中， 就揀咗名寶石這間懷舊扒室。呢間餐廳環境好似80年代港產片入面的扒室， 充滿住懷舊嘅味道， 餐廳嘅枱唔會擺到好逼， 氣氛一流。餐廳提供好多款食物， 一場嚟到梗係要試下 佢哋嘅牛扒， 我哋叫咗五成熟， 牛扒質地好嫩滑， 有好厚嘅粉紅色，好正， 配料又多， 值得推介另外仲試咗佢哋嘅魚柳， 份量好多， 覺得好脆口， 差啲食唔曬！最後仲試咗個甜品， 芒果布甸， 好滑！喺餐廳見到唔少一家人親朋好友食飯， 真係好適合一顆人聚一聚， 喺一片咁有氣氛嘅環境， 好舒暢！

叫咗肉眼扒，肉非常厚身，叫咗5成熟，唔洗點汁都已經好juicy勁好食，係我食過咁多扒房之中，名寶石係我最滿意既。本身我諗住叫多個小食，驚自己唔夠食，但已經好飽好足夠。服務態度同質素，無論係侍應去到經理，都係非常之有質素既禮貌同service，環境又舒服，都幾chill，非常之讚普通侍應見到客人有需要個陣，係好主動去service客人，我食完個扒都好主動同有禮貌去收碟，問我想飲咩同要唔要甜品，唔會怠慢客人。好耐冇食過一間QSC咁好既餐廳❤️

好貴？但其實係超值的：包2杯drinks+多士炕底, 所有牛肉入得口冇筋冇渣, 碗粉湯底飲完唔口渴, 長通粉彈牙用來當飲管吸完湯再咬, 菜有洗過菜根底冇泥, 磨菇新鮮有菇味,奶茶水靚茶滑要茶味有茶味要奶味有奶味, 員工有禮貌唔會小9客人,同埋9成9老香港冇"遊客", 地點優越加有閣樓由上而下睇太子道花園街, 仲有餐巾提供, 出面好多茶記冇㗎, 冷氣冇油溢味,咁多優點集合於一身$94唔貴了☝🏻👍🏻🥳

回頭度🍪8/10｜人均消費💰~$200-300-🤍黑椒牛柳 $288精選套餐係有埋餐包🍞餐湯🥘仲有飲品🍹同埋甜品🍮餐湯就揀咗羅宋湯 番茄味好濃旭🍅都有唔少蔬菜🥬點餐包好食牛柳好嫩滑無筋🐮牛味又重而且夠厚身🤤薯角好香脆🥔仲有小白菜同粟米🌽甜品就有啫喱同芒果布甸😋-整體味道🌕🌕🌕🌕🌗抵食🌕🌕🌕🌗🌑

😉很久x3沒有光顧這餐廳，自從搬離這區和有各適其適的餐廳選擇。剛巧在附近，就選擇重登以往很喜歡的聚腳點，和摯友談天說地，吃個下午茶步入餐廳自然地上一樓，現在平日下午茶時段，不怕沒有坐或要等位，大家都明已是北上趨勢的原故🫶揀了喜歡一邊是梳化位一邊是座椅位，2人坐4人枱，多寬敞和舒服👍🏼👇🏼焗吞拿魚卷$78，麵包焗得香脆鬆軟，用刀切開麵包時，滑口的吞拿魚餡會流出，伴碟有一塊西瓜和哈密瓜，前者甜後者也爽口，不錯👇🏼泰式百花釀蟹鉗沙律$93，一如以往的彈牙，且非常燙口，我通常將之切開，待熱力降低後才吃；沙律有薯仔、粟米、紅腰豆、桃粒⋯

朝早去開附近，諗緊邊度食早餐。個人突然～叮！左一聲，諗一諗 好多年冇去名寶石餐廳食野，又可以坐得舒舒服服唔洗食完即刻起身走。精美早餐：咸牛脷香腸正常普通西式早餐，咸牛脷烚到口感軟淋，腸仔唔係死咸有d香草胡椒味，著角上枱仲暖，$105食個早餐，味道/價錢就見人見志啦！有杯橙汁/蘋果汁/蕃茄汁加件多士裝飾吓我聽到好多枱都係叫牛扒，我估牛扒應該唔錯，咸牛脷腸仔真係冇乜特別，除非好似我咁特別鐘意食啦。上去食個早餐真係想想從前嚟用餐既光景；今時今日連鎖茶餐廳$5x一份扒餐相對比較抵食，不過就懷舊feel同埋座位冇咁舒服。今朝見場內一般用餐既客人都4、5十歲居多，三幾個後生都係陪屋企人嚟

名寶石餐廳，位於太子道西，女人街附近，是上世紀高消費的扒房~呢條街多數都係茶餐廳，想食扒只有呢間😎每人一客晚市套餐，跟焗多士，忌廉湯一客，忌廉湯夠濃滑，多士係麵包切半烘脆，食之前抹牛油或配湯食肉眼牛扒火候控制得好，說好的五成熟真的是五成熟。煎得很香，內裡依然juicy。薯角很美味。蔬菜也有放鹽，不至於沒有味道。整體來講都好正！🍴紐西蘭肉眼牛扒餐：$228📌名寶石餐廳🍽️太子太子道西148號地舖

童年時家住旺角, 常常同家人去紅寶石餐廳食下午茶餐及晚餐, 自從移民後便沒有到訪了.   回流香港後, 轉居住香港島也少到太子區.  剛有朋友回港探訪, 她提議食懷舊西餐, 選擇了大家童年時熟識的名寶石餐廳（舊日的紅寶石餐廳）.  餐廳裝修保持整齊而不老土, 客人很多, 座位比較迫.餐牌有多款套餐,  選擇無難度, 價錢由 $168-$300.  我們 選擇  Chef’s  Special  Set Menu  特別介紹,  有餐湯, 餐包, 主食, 咖啡/茶, 甜品,  平均 $200-, 真係抵食! 餐包及牛油先送到.  餐包烘得暖暖, 值得贊.今曰餐湯糸羅宋湯,  很足料, 酸酸地, 味道恰好. 焗豬扒飯, 豬扒有多塊, 伴有洋蔥, 紅蘿蔔, 焗飯暖笠笠, 調味又好, 不錯.焗蒲汁雞配白飯, 雞件多, 蒲汁味香濃.  內有薯仔洋蔥, 配上白飯剛剛好.煎魚柳腸仔配 薯菜,  另加意粉補 $10-.  食物中規中舉. 餐後甜品,   有懷舊布甸及啫喱,  配備花奶,  大家重嚐童年趣味性甜品.  不錯.餐茶,  點了熱檸檬茶,  這個套餐 樣樣 齊, 幾滿意. 果然無令＆們失望。抵

上星期去食嘢，俾錢嘅時候，收銀問我點樣俾錢，我同佢講用Apple Pay，佢大大聲話「實體卡有冇呀，唔收Apple Pay！」收銀態度惡劣劣劣，好似我殺咗佢全家咁。俾完錢之後，叫佢寫張手寫單俾我，我收銀皺起眉頭，態度變得更差，佢話要手寫單，就唔可以有電腦單，佢話公司規定唔得。今時今日，仲有咁嘅服務態度。