找餐時間 (Closed)

最鍾意落左堂同朋友周圍搵野食 見到阿元隔離新開左間文青小店 就一於入去試試呢間小店以家庭式經營 主要由四姊妹打理 我覺得個店名「找餐時間」幾特別 「找餐」係台灣term 解「搵食」另外店內格調清新 有小確幸既感覺 尤其係窗邊露台位 偽文青打卡絕對一流 不過位唔多 唔適合一大班人聚餐 約三五知己撐格腳不錯同朋友兩個人叫左一個照燒雞扒冷麵便當 跟菠蘿益力多 同埋一個招牌雲蛋多照燒雞扒冷麵便當 ($62)每款便當都會附送2件芝味玉子燒 迷你沙律 配和風芝麻醬 份量唔多 一個女仔食先岩岩好玉子燒不太出色 冇乜蛋味 入面既芝士係好水唔夠杰 一食就滴晒出黎 同時芝士既鹹香味不足 雞扒冷麵就不過不失 冷麵質感有別於蛋麵/麥麵 有啲似米通 不過係軟身 食落去黏黏地 芝麻醬落得好足 加埋少少粟米粒 味道唔錯 雞扒煎得軟身 而且平均切開細細塊 咬落去幾juicy 但係味道似豬頸肉多過雞 有啲奇怪菠蘿多多 (便當+$12)最鍾意呢個野飲 本身諗住嗌白桃梳打 但係睇menu張圖 個樣太伏 所以叫左菠蘿多多一飲落去好冰涼好清新 益力多甜帶乳酸 菠蘿味好出 出得黎唔會蓋過益力多既甜味 推介！雲蛋多 ($32)果然

西環 找餐時間🍳鰻魚玉子燒 $48Wow 有芝士架🧀 玉子燒非常嫩滑，鰻魚烤得恰到好處👍🏻🐓芥末照燒雞沙律 $48岩哂夏天食☀️ 好開胃，辣辣甜甜的，雞扒滑到好似 slow cook 咁😍🍞雲蛋多士 $32有點普通呢～只是在厚多士上加了蛋白和流心蛋，味道一般，但頗吸睛呢😛😎💕#reneesaiwan 💕評分：😈😈😈😈#tasteoflondoninhk #tophkrestaurants #lunch #hkfoodie #hk #hkig #hkfood #weekend #alphaconcepts#love #food #foodie #hkfood #hkfoodie #eat #around #the #world#is#my #ultimate #goal #gain #weight#玉子燒 #eel#找餐時間 #egg#cheese#ufoodhk#hkblogger

個雲多士咁多人講緊係要泥打卡呃like又話有靚女店主泥到都見唔到既🤦🏻‍♀️好彩唔係為左泥睇女仔咋五點半泥到咁岩兩張枱既人一齊走唔洗等位叫左個芝士雲蛋多士鰻魚玉子燒綠茶青檸多多因為學生做緊優惠飲品買一送一所以送果杯要左檸檬蜜糖多多先講環境小店一間位唔多窗口位係呃like重點偽文青影相位🙈🙈再講野飲唔好有期望就是人工的味道認真問：冇益力多味其實係咪正常?再講玉子燒見佢一早整好晒上枱已經凍晒唔好食好失望 味道方面亦冇乜特別呢個價錢唔抵食個雲蛋多士由於即整要等耐少少先到上枱跟個蜜糖多士個邊幾脆 但都只係個邊脆我比一個趣味道係冇乜味道😂影張相好唔好有咩期望個雲方面由於雲係甜既配芝士麻麻但見餐牌其他都係咸野早知叫原味但有早知我都唔洗打呢篇野啦而家你睇左咪知囉 識做啦xd總結係想食野唔洗泥想呃like可以泥

上環有好多好有格調好有feel既cafe, 近來我都成日抽空同朋友逐一品嚐。有的咖啡店係打卡一流，有的咖啡店係食物一流，有的咖啡店係飲品一流；總之都各有特式。今次比 .找。餐。時。間.個名吸引左，仲有佢招牌菜雲端蛋都好似幾新鮮特別，就去試呢間！原味雲端蛋香滑既雲端好似疏乎里，好香蛋白味。加埋拌上既蜜糖一齊食好好味。仲有黑松露雲端蛋，篤穿雲上既蛋黃，撈埋黑松露食，非常夾好味！鰻魚芝士蛋卷鰻魚切成條狀，夾埋蛋包住流心既芝士，好味到唔識形容呀我一個食哂4件都得。炸雞芝士波又一邪惡之選，嫩滑無骨既炸雞肉入面又係有香濃芝士！！細細粒一口食，又唔會太漏，超正呢個煙肉溫泉蛋冷麵好得意，好似凍版cabonara咁；拌上日式芝麻醬，味道都好唔錯士多啤梨吐司盒，焗得又香又脆既吐司盒，加上鮮果同雪糕，仲有重cream!!!!!好好好好味呢杯Oreo冰沙超重料，美味，不解釋我地邊食邊影，又傾又講，足足坐左人地三個鐘。見到店員空閒時間都會練習整蛋卷，我覺得呢間小店對食物好有要求，係誠意之作雖然呢度地方小小，但質素高，仲有個任影唔嬲同打卡一流既門口及後花園；難怪大排長龍 坐無虛席啦Support

今天是自由自在的一日，較少過海揾食的我，所以今日決定過海揾下好嘢食，係 openrice 冇意中發現呢間小店，覺得幾特別，所以決定就去試下，今次點了幾樣食物同飲品。原味玉子燒好一般的玉子燒，蛋跟嫩滑扯不上關係，但幸好不是完全熟透，而且蛋味被上面的沙律醬蓋過哂，如果唔加沙律醬會比較好！黑松露蛋雲多賣相很吸引，老實講是被這多士的外貌吸引過來的！心裏好清楚味道上應該跟蛋治差不多，但奇怪的是食落去竟然甜甜地。完全沒有預期是甜的，而且加上黑松露的香味，說不上難食，但感覺就是怪怪的！被切開了四份，自行用蛋黃添加了色彩更美！白桃梳打，味道清新、有淡淡的白桃香氣，很適合係咁熱嘅天氣飲！

係!蛋!啊! 🤤(話說先入為主咁以為呢間係台式料理餐廳)星期六的下午，特登同台灣朋友尼呢度食個靚tea黑松露雲蛋多 $38雲蛋好似梳乎厘咁😆 少少甜味雖然呢個多士既蛋味係尼自個篤爛左既蛋黃既😂食落口感唔錯 多士又夠脆!不過如果多啲黑松露就好喇好睇又好食 又唔係話貴😍😋(覺得雲蛋多唔點佢俾既芝麻醬會好食啲 麻醬唔夾😳)鰻魚玉子燒 $48玉子燒夠熱夠軟熟! 夾住芝士，加埋鰻魚同沙律醬，PERFECT小女幾欣賞找餐既飲品 自己要左 鮮果茶 $48店主好醒目咁加左玫瑰茶包🌹令到水果茶既味道豐富左唔會太甜 好夠味 又香啲💕台灣朋友話佢個檸檬蜜糖多多 $22 都好好飲😝Rich得尼好夾!順帶一提 呢度啲枱幾細下不過想讚 店員服務態度好好

係中山公園打完羽毛球🏸，見第三街有新餐廳，就特登行上長命斜試下尼間日式輕食店🍽開正係阿元來了隔離，店面比較細，open kitchen，可能空間有限，枱都好細張，枱底擺唔到兩隻腳，出面有個戶外area 但落雨就無出去啦🌧最好👍🏻芝士雞球 $28🧀🐔外皮脆內裏芝心雞肉配千島醬加泰式辣醬，幾好食，個醬令雞球加分⭕️最差👎🏻自家製叉燒冷麵配日式芝麻醬 $52🍜係menu推介既主食，唔係日式叉燒係中式叉燒，好硬好乾 ummm 好難咬😑，只可以話冷麵夠凍但芝麻醬又唔夠🙈.飲品，日式照燒炒麵同玉子燒正常還好啦🌝

原諒我冇影到相。今日叫左個叉燒冷麵同黑松露玉子燒。叉燒冷麵： 叉燒口感幾差。。個味ok。冷麵一d都唔好食-- 個麵唔好咬口，d味非常麻麻。玉子燒：。。普通到極，成碟野要慢慢搵先搵到黑松露。。 第一次打食評，唔係咩打手，真心覺得麻麻，希望你地會進步。

※本文以用餐當日的環境、服務和食物質素為準，口味亦因人而異，文章只作參考之用。-機緣巧合從網上得知西營盤有間新開小店「找餐時間」，「找餐」係台灣用語，為搵食既意思。面門望落去仲充滿台灣風味，忍不住拉住男人週六去潮聖一番。不過黑仔既小妹出去途中竟然落起大雨，確實有點影響心情。到達餐廳，正是Seoulmate Cafe舊址，除左招牌同掛上自家食物既相片外，地方都無點變動，個後花園依然存在，地方較為淺窄。一開始店員安排我地坐最入面既二人枱，頗迫狹又昏暗，坐得好不舒服，後來店員很好人的幫我地換位，頓時好好多了！看到店內掛著的白版寫著：「享受美食就是生命的目的。」這同樣是小妹生命中的其中一個意義，男人仲叫我應該泊埋去影返張相。現凡惠顧後，SHARE店家的Facebook Page/ Post相上fb tag返餐廳，即送可愛花茶一枝!餐點有提供不同口味的玉子燒、沙律、雲蛋多、日式冷麵、日式炒麵、小食、甜品吐司盒、雪糕、沙冰、花茶/果茶、牛牛系列等，價錢都很相宜。蘋果汁益力多 $22味道不用多介紹的飲品，簡單好飲。這裡的玉子燒有多款口味：原味、廣東風、蒜香煙肉、照燒雞、自家製叉燒、黑松露蟹子同燒鰻魚

上次黎呀元，見隔離開左間新嘅cafe，好有feel咁，今次特登黎試。鋪內約有十張二人檯，再加門口位有特色坐位。好有heart嘅小店，食物野飲質素好！加上店員都又nice，值得推介！我地叫左三款野食：自家制叉燒玉子燒、特色雲蛋多、芝士手羽餃子，再加2款野飲：巨蜂梳打、綠茶益力多。顏色又靚，fb ig 打卡一流！坐近門口望住街，好有feel !只要係fb/ig打卡,仲送一支迷你玫瑰花茶添。淡淡玫瑰花味，清清地都唔錯！

諗住去阿原來了，行到身水身汗先知星期一唔開！嬲到決定食隔離呢間找餐時間！O!M!G!!! 賣相雖然一般，但呢個照燒雞冷麵真係好！那！好味！呀！雞扒燒到有啲燻香，我仲點左泰式辣醬做麵嘅醬汁，有啲似元綠嘅冷辣冷麵味呀！呢間綠茶青檸多多，味道酸酸地好特別～好驚喜呢！我聽日要再食！

熱到想喊嘅星期六下午，當隔離排到身水身汗嘅時候，呢度有一張喺正冷氣下嘅4人檯，二話不說要即刻衝入去，舒服晒。有沙律、玉子燒、多士、冷麵、小食、甜品盒及各式梳打、益力多、沙冰及茶。咁多凍冰冰嘅野，夏天真係啱晒！芥末照燒雞沙律 ($42)沙律上面有烚蛋，但店員話唔好意思，烚蛋暫時賣晒要轉另一樣材料，好緊張會轉乜野呢？！之後佢話，係會轉溫泉蛋，哇好興奮呀！雖然烚蛋已經好正，但溫泉蛋比烚蛋吸引100倍呀！外貌非常吸引，最底層舖滿沙律菜及粟米，之後就係好多片嘅照燒雞及車厘茄，再唧滿自家製芥末，最頂就係溫泉蛋，喺呢個咁肚餓嘅時候真係等都唔想再等，要即刻食！自家製芥末好攻鼻，夏天食好刺激！雞肉好juicy，肉質鮮嫩；菜撈埋溫泉蛋汁食簡直無得頂啦，$42咁好味，抵食！自家製叉燒冷麵 ($52)惆悵緊應該食乜野冷麵，既然寫住係自家製咁就梗係要試吓啦！叉燒肥瘦適中唔乾身，自家製果然係唔同啲；但冷麵嘅口感有啲趣怪，有啲似食緊膠，比較硬身，雖然好沾和風芝麻醬，但似乎唔多適合做冷麵喎！旁邊嗰隻糖心蛋，未係超級糖心但都合格，用叉燒點點啲蛋汁嚟食，一流！黑松露蟹子冷麵 ($48)色彩繽紛，一大堆蟹子上面有一小撮黑松