找餐時間 (Closed)

照燒雞扒玉子燒出乎意料好吃，每一舊玉子燒都好厚身，有好濃郁嘅雞蛋香味而且好軟好嫩，再加上面頭有舊雞扒，一啖咬落去勁滿足，再加上香草同沙律醬令整個口感變得豐富。同埋個自家制叉燒冷麵，個面好有彈性，叉燒肥瘦適中仲好香口。下次會再黎食過！

黑松露雲蛋多士🍞 (HKD$38)雲蛋軟熟得嚟配搭卜卜脆嘅多士, 黑松露味幾重照燒雞扒玉子燒🐔(HKD$42)原味玉子燒就食得多,有塊雞扒舖喺上面嘅玉子燒都係第一次試,估唔到又幾好味喎😋 最面頭嘅香草同沙律醬令成嚿玉子燒多咗個味道嘅層次!呢個配搭確實幾match👍自家製叉燒麻醬麵🐷(HKD$52)第一次食到麵質咁彈牙嘅麻醬麵!👍而叉燒同麵質都一樣咁爽口,再加上日式麻醬令成碗麵格外清新!呢間餐廳嘅食物質素同賣相唔錯, 但上菜速度就真係好慢, 記得要等成半個鐘以上先有嘢食, 真係得閒先好去食😅

難得呢幾日天氣好，就去instagram pier睇日落🌄但見仲有d時間就係西營盤落左車食個tea😀鰻魚玉子燒🐟：鰻魚同蛋係分開處理既，有別於一般包住係入面～玉子仲有少少流心feel 既，鰻魚就切絲甘放上面，仲有沙律醬墊底。味道okay但鰻魚比較乾，味道都主要來自沙律醬。自家製照燒雞扒冷麵配糖心蛋🐥:雞扒分量夠，食落都唔鞋，照燒汁入味！不過佢個麵好碎同埋食得出係旺中$10有4包個種，就唔係好對得住個價錢🙈黑松露雲蛋多☁️：呢個係鋪頭名物，都係最出色個樣～黑松露香夠，中間蛋黃有流心！同埋神奇既係佢個蛋白可以支持好耐（食過太平館梳乎厘就會明）😳係可以再encore ge ~青柑桔柚子蜜梳打🌴：味道有d似桔仔冰，正正常常，夏天飲唔錯。-橙汁益力多🍊：益力多味有係到既，但橙汁就假左少少，唔建議叫🤣

在IG看到有人在這間店打卡感覺幾chill 很文青的感覺在附近郁逛逛便來朝聖一下木魚芝士玉子流心蛋佈滿櫻花蝦和木魚 玉子也有流心感覺吃起來有芝士夾在內 但味道普通 可能不夠熱天氣炎熱 便點了自家制叉燒冷麵麵身很硬和乾 叉燒不像港式叉燒有點乾身 像豬頸肉口感 而溏心蛋沒有特別 淡淡的 不像日式蛋店內有個小草地位置 入店內的一個小空間雖然沒有冷氣的 但坐這邊感覺就更加chill大拉幕 寫上店名及一些圖案 也似是打卡位置但希望不是吸煙區 否則大煞風景整體沒有太大特別 算是打卡點 但食物真的很普通

今日放假同男朋友去左西環行下，行到去第三街見到哩間小店，見店名好特別🤩同男朋友又肚餓喎，menu又有我鐘意食既玉子燒，一於入去試下先，裏面原來好細間，得三張枱，我地岩岩好有兩嗰位係門口位置，不過冷氣好微弱😫😫😫不過座底左就算啦我地嗌「自家製日式叉燒玉子」「鰻魚玉子燒」「炸雞翼」「芝士炸球」「燒雞扒冷麵配糖心糖」，由於得一個女店員整野食，一腳踢，野食等左好耐「芝士炸球」「炸雞翼」一齊上枱，炸得比較燶，芝士球無嘜芝士味，好唔開心呀，wasabi炸雞翼又係無wasabi味😫😫😫「自家製日式叉燒玉子」塊叉燒完全唔似日式叉燒，似係蠟味既味道，而嗰玉子燒一啲都唔熱，仲要好老好老，我諗我整既仲好食囉「鰻魚玉子燒」又係好奇怪囉，我對玉子燒係有啲要求，所以真心失望🤣🤣🤣「燒雞扒冷麵配糖心糖」較為好食，冷麵配芝麻醬，燒雞扒係串燒既味道，糖心蛋半隻，不過就唔糖心囉😫😫😫

一直聽朋友話呢間cafe幾高質😙收工經過附近決定試下。唔係好餓，所以今次試左沙拉和小食。我叫左芥末照燒雞沙拉$48 同芝士手羽餃子🥟 $45。沙拉🥗有兩隻醬係入面分別係菜上面的芥末和雞上的沙拉醬，口感都幾豐富。而且雞肉嫩滑香濃，不錯。而芝士手羽餃子都幾抵食，足足有3隻🤣🤣雖然芝士味稍缺，但即叫即整，而且入面的餡料好足😋nice.🏠找餐時間 (西環)西環西營盤第三街83號地舖找餐時間 (西環)西環西營盤第三街83號地舖

係屋企附近搵嘢食 😎 原來有間幾舒服嘅cafe 架喎 黑松露雲蛋多 📍 好香黑松露味呀 😍 啲蛋又打得好起，食落好似空氣咁，好特別。 加埋啲橄欖油食，仲香仲好食自家製叉燒冷麵 📍 天氣咁熱咁焗，最岩食冷麵啦。 叉燒焗得岩岩好，唔好太老，質感唔會'鞋' ， 唔怪得大家都推薦

西環本來就係一個好chill嘅地方，嘆下午茶幾好地方，但同時間都好少會來，剛好工作經過附近，特此一試！環境雖小五臟俱全，的確好細間小店，我選擇了窗口對着馬路嘅座位，打開窗望住馬路食嘢感覺非常良好，心鄺神怡💕心情非常舒服😌不過可能有人會擔心空汽車泥塵嘅問題會影響食物，我覺得影響還好，呢條內街小馬路都唔係好多車輛經過。極度推介必叫木魚芝士玉子流心蛋超級好食！有四件，一個人都可以食晒！食完一個想再食第二個添，因為佢仲有其他好多味道，👍🏼全部都相當吸引！云朵黑松露多士，賣相非常特別，眼球食先，影相打卡一流，絕對推介女生❤️不過相信女士妹妹喜歡😘但味道就一般因為太淡，只係一塊麵包 加 蛋白打成起泡，加一個蛋黃和黑松露醬，其實我覺得蛋黃同黑松露醬完全唔夾，唔知點解會擺埋一齊？有蜜糖加配按個人喜好甜度。蟹肉炸球，普通啦沒有什麼特別，因為我本身唔係太好炸物。士多啤梨沙冰，還好沒有太差，原本想飲Oreo奶昔但可惜冇貨。叉燒冷麵，食物質素還好，無食評中講到咁差囉！醫肚唔錯嘅

今日我和朋友用了半價優惠到了西營盤的一間小店＂找餐時間＂午餐。餐廳位於西營盤第三街，鋪位不算大，座位不多。平日十二點， 因為未到午餐時間 ，不算多人。餐廳裝修帶點和風， 有一個開放式廚房， 可以見到廚師煮食。因為其優惠，所以我們要散叫，不能點套餐。 首先我們點了他們的皇牌玉子燒， 這裏有多款玉子燒的口味，我們選了蟹子玉子燒($38)。食物是即叫即煮， 廚師速度很快， 點餐後不到五分鐘就有得食。 玉子燒賣相不錯， 放在以竹製成的盤上， 很有日式的感覺。玉子燒中間夾著芝士醬， 上面舖上很多蟹子， 味道不像日式餐廳的那麼甜， 反而因為芝士醬和蟹子帶點鹹， 味道很好。另一皇牌是他們的雲蛋多($38)。 這個是厚多士上面都鋪上蛋白， 蛋白中再加上蛋黃。 雲蛋多旁邊放了糖漿， 店員說先要把糖漿林上面，。個人感覺落多糖漿更好味，因為蛋白本身沒有味道。 蛋白很挺身，而且微微烤焗過，加上糖漿，感覺有點像棉花糖。 下層的多士是脆脆的，但上面卻是軟綿綿， 很有趣。我們還點了一個日式自家製燒雞炒麵($58)。 炒麵有兩款醬料選擇，這次我們揀了日式炒麵醬。 炒麵炒得剛好，不會太軟或太硬，仍很彈牙。 日式炒麵醬和

星期日天氣好好去左約左朋友行完山頂 就經香港大學落山 之後就要周圍搵野食☺️之前朋友介紹依間找餐時間 就直接過左黎試下啦🙈 依間找餐時間好似一間隱世小店咁 細細間環境又幾好❤️佢地仲比左個窗邊我地 可以望到出面 好寫意咁大大加分🥰我地叫左個「照燒雞沙律」個沙律影落雖然唔大份 不過食落非常多 就算行完山食都夠哂飽肚😌個玉子燒都一定要食 勁好味 一定要嗌！ 我地叫左一份「黑松露蟹子玉子燒」一份「自家製叉燒玉子燒」入面有啲芝士 勁夾勁好食☺️😋

—日式哈哈炒麵($68)便當仲包括芝士玉子燒 沙律 花茶坐在喺廚房隔離 見到店員喺個煎pan到炒炒炒要咗炒麵醬 勁多櫻花蝦 蟹籽 蝦所以個餐就命名為“蝦蝦”炒麵好癲 餸仲多過d麵 椰菜可以再煮腍d蛋有芝士流出 但係煮得耐咗 個蛋幾老下同好實淨花茶幾入味 如果有熱嘅版本提供更加好好似要2點打後先有熱飲—————————————————找餐時間 Time to eat西環西營盤第三街83號地舖

去開西營盤，經過文青feel嘅餐廳，就入去試下，點知中伏。叫咗溫泉蛋叉燒冷麵同煙肉蛋冷麵同家人食。溫泉蛋叉燒冷麵，叉燒係廣東燒味嘅叉燒，幼細到好似手指尾咁細，一共5件，加幾粒粟米，叫咗麻醬汁但無乜醬，好乾！無乜餸！另一個煙肉蛋冷麵，大片一啲，但一睇就知係平價嘅煙肉，即係平價早餐至食到嘅肉，又係叫咗麻醬，當然都係無汁無味啦！食完好似無食過咁，份糧太細，唔覺飽囉！一個lunch無嘢飲只有2個麵，仲咁難食，$110.....中曬伏，好無誠意嘅食材同味道，以後唔會再去。

公眾假期一行四人喺西營盤搵嘢食，本來諗住去附近出名嘅台灣小店，但係非常多人，行吓行吓就見到呢一間裝修比較文清嘅小店，非常肚餓即刻想入去試一試。我哋叫咗雲疍多，火腿炒面，泡菜手羽餃子雞翼，仲有蜜桃梳打同埋oreo特飲。雲疍多係最好味同埋最吸引，好似食緊棉花糖😍😍火腿炒麵就家庭式，都好味。雞翼就有小小辣，如果唔食得辣嘅朋友記得要點另一個。蜜桃梳打正！不過Oreo就比較甜。雖然只有很少人打理，但係上菜速度也快，下次經過可以再試吓其他嘢☺️

平身想食阿元來了，但趕時間見太多人排隊就放棄左，於是入左佢隔離呢間完全唔洗排隊既小店。見佢個環境都唔錯，就入左黎試下。舖頭入面用木傢俱，好有文青的感覺。-1.雲蛋多 $38見佢餐牌寫住特別推薦，招牌菜咁，就嗌黎試下。嗌黎打卡都OK，但係味道就見仁見智啦。2. 原味玉子燒 $38一份有4件，味道ＯＫ冇咩特別，所以覺得性價比不高。3. 日式自家製叉燒炒烏冬 $62份量都幾大，但係叉燒比較瘦。4. 脆脆薯條 $28都係冇咩特別～餐廳嘅外表同埋食物都好靚，淨係諗住黎打卡都OK既。野食都黎得快，可惜性價比不高，同樣價錢，可以試下附近其他選擇～

星期一冇嘢做 去試呢間Cafe. 裝修設計都簡單，得幾張檯咋。我今次真係俾差評 係因為D食物真係難食. 我係Order咗個芝麻醬冷面配八爪魚🐙火腿 飲花茶。個Set有冷面，沙拉，芝士蛋&飲品。以下係我俾差評嘅原因第一：有個女人係廚房整食物 但係完全冇綁D咁長嘅頭髮 俾人感覺唔顧衛生，衛生方面已經扣分第二：個Set Lunch Menu嘅芝麻醬冷面 真心難食 D味道唔係好match，仲有嘅芝士蛋係冇味 基本上好似冇落芝士 第三：個Set lunch 有得揀花茶 原來係樽裝雪櫃攞出黎嘅 有個Teabag係裡面 飲落有D怪怪哋 可能Teabag浸太耐嘅可能呢間嘢其他食物好味 但係Set Lunch 就真心唔會再幫親。