時代冰室 (Closed)

嗌咗個吉列魚柳白汁飯白汁係用罐頭開嘅魚柳好細塊奶茶全區最難飲飲咗一啖就已經有唔落完全係交行貨嘅茶餐廳附近大把嘢食有誠意😵😵😵😵😵😵😵😵😵😵😵😵

.🥢時代Hea Tea層層疊 $88上層係好多件厚西多士配罐頭水果同蜜糖西多士好出色 裡面仲夾住一層花生醬中層有炒蛋 雞中翼2件&雜錦腸仔炒蛋有d老 雞中翼有d燶同乾咁嘅價錢有咁多款腸仔好抵食最下層係沙律🥗超足量足料有放沙律醋&沙律醬好睇好食又夠食晒兩個人份量真係好抵食

一路食飯有蟲飛黎飛去，都唔係幾想食，啲飯又淋到一pat野咁，女侍應服務態度又串，我好好禮貌問佢唔該係咪有例湯就叫我等等等等，佢既語氣講野好唔耐煩咁，我見好耐冇黎我就問多次，到例湯黎嗰陣就話：「先生叫你等等就等等啦」，其實唔講我冇咩野，但講咗我就覺得你態度好串。

今日嚟到呢間位於太子嘅時代冰室，之前聽過街坊講呢度嘅午餐大件兼抵食，今日就同大家嚟試吓❗️❗️巨人漢堡配櫻花蝦炒滑蛋鐵板飯巨人漢堡：太大塊，大個手掌，肉汁鮮嫩，外皮烘到脆脆地，但又唔會搞到入邊太乾身，好食😋😋😋😋櫻花蝦炒滑蛋：櫻花蝦分量多，配合吵到夠滑嘅滑蛋，錦上添花，淡淡的蝦味配合濃濃嘅蛋味，正👍🏻👍🏻👍🏻👍🏻整體來講大件兼抵食，住附近嘅街坊記得要來食啦❗️❗️❗️❗️❗️

係朋友推薦之下，今日中午試下時代冰室，新開嘅舖頭裝修非常靚，環境亦好衛生。我哋分別食咗咖哩吉列魚柳，蔥油厚切豬扒三眼煎蛋飯，同厚切豬扒全日早餐，人均消費大約50至70左右，視乎你嘢飲要幾大杯。001嘅厚切豬扒好大份，朝早冇食早餐嘅我今日一點半去，食食完都竟然可以好飽，分量同味道都好有誠意，對得住呢個價錢。唯一朋友話XXL綜合水果茶嘅水果冇長沙灣嗰間時代冰室咁多，比較失望。食完之後坐下傾下計都唔會趕你走，服務不錯，但唯一繁忙時段可能要等下位。

一間變8間,而家周圍都有佢既分店喇!最主要係抵食又好食,價錢公道,份量十足~晚市食套餐小菜份量又大碟 阿姐仲好好態度!霸皇雞配白飯 包飲品一份雞肉都比足半隻,洗唔洗咁大碟先?足料之餘食落切雞皮爽肉嫩 雞肉啖啖肉椒絲蔥絲加埋豉油,味道剛剛好不會搶去雞肉鮮味三黃雞特別肥美肉嫩真係唔錯 半隻雞一人一碗飯同例湯已經好滿足飽!抵食好食!消費$150太子長沙灣道21-25號地下A號舖

👍🏻雙重芝焗豬扒飯(包嘢飲) $58豬扒厚切大塊！肉質咬落唔乾😋厚厚既茄汁芝士，芝士仲要拉絲，勁邪惡🤪飯係蛋炒飯底，炒得乾身又夠香😍焗飯用既鐵兜比較淺，令到焗飯受熱更加平均👍🏻所以飯既份量偏少，未必個個食都夠飽😂味道：8/10性價比：8/10-👍🏻咖喱慢煮牛坑腩飯(包嘢飲) $59 牛坑腩煮得好腍，牛味幾濃🤪咖喱汁係印度煮法，味道香濃唔算辣😋質感稠身，撈飯一流🤤薯仔反而比較爽口，唔係好腍整體份量比較少，薯仔得兩舊，唔太夠飽🥲味道：8/10性價比：7/10-📍#時代冰室太子長沙灣道21-25號地下A號舖#hkfoodie #foodiehk #hkfood #foodhk #hkeat #hkrestaurant #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #深水埗 #深水埗美食 #深水埗好去處 #太子 #太子美食 #黃店 #黃色經濟圈 #深水埗黃店 #太子黃店 

時代冰室之晚飯系列滿分為*****芝士焗豬扒飯****飯好夠熱，豬扒好「林」 ，芝士味重朱古力🍫飲品****朱古力好有重朱古力味，好好飲又唔太甜最後牛扒餐***攞埋黎已經唔夠熱，啲汁放上去無聲（失望😞）價錢叫做平，但牛扒大部分都咬唔開（好多牛根）下次再去唔會叫牛扒餐服務態度****有心做，但好明顯新手同唔夠人（預舉手🙋舉一陣先理到你）P.S 晚餐時段，每位食客都有一碗湯送個晚我地送粟米紅蘿蔔雞腳湯（無咩特別，可飲可唔飲）