時代冰室 (Closed)

係朋友推薦之下，今日中午試下時代冰室，新開嘅舖頭裝修非常靚，環境亦好衛生。我哋分別食咗咖哩吉列魚柳，蔥油厚切豬扒三眼煎蛋飯，同厚切豬扒全日早餐，人均消費大約50至70左右，視乎你嘢飲要幾大杯。001嘅厚切豬扒好大份，朝早冇食早餐嘅我今日一點半去，食食完都竟然可以好飽，分量同味道都好有誠意，對得住呢個價錢。唯一朋友話XXL綜合水果茶嘅水果冇長沙灣嗰間時代冰室咁多，比較失望。食完之後坐下傾下計都唔會趕你走，服務不錯，但唯一繁忙時段可能要等下位。