Times Coffee

Open Now

Now Closed

“牛肋條芝士燉飯”($108)“抹茶紅豆冰”($108)“芒果冰茶/桂花白桃冰茶”($40)觀塘最近開咗間以校園為主題嘅cafe餐枱餐櫈都係用學校課室上堂嗰啲真係十分懷念🤣入座後用qrcode落單夠哂方便我地因為唔算太餓所以淨係叫咗一個主食一個甜品😛主食點咗牛肋條芝士燉飯🐂牛肋條食落好腍,完全唔韌唔黐牙☺️而且芝士味夠哂香😙甜品方面棉棉冰係餐廳招牌我地叫咗抹茶紅豆冰🍧棉棉冰超級大份,夠哂2個人share配料有抹茶雪糕,紅豆,蕨餅等好豐富😋飲品我地就點咗芒果冰茶,桂花白桃冰茶仲可以選擇綠茶/烏龍茶底2杯都十分清香☺️

係觀塘行街之前，打算去小時光食野，但餐廳格局&menu 好似有少少唔同，之前係純台灣菜，以架係台灣菜fusion 了西餐。⭐️炸軟殼蟹肉燥飯軟殼蟹外層炸得酥脆。肉燥量好足，肉同汁包住每一粒飯，好送飯食，唔錯。⭐️焦糖布甸草莓冰超大份，最上面係cream，淋了焦糖醬，以及有士多啤梨，中間係綿花冰，最下面係布甸。食落冰涼綿密，唔會好甜，剛剛好。食完成個都幾飽下。⭐️桂花白桃冰烏龍茶飲落有淡淡桂花香氣及白桃味。⭐️荔枝玫瑰冰綠茶荔枝嘅甜味同苦澀嘅綠茶作了平衡，好清爽。

觀塘新開左間台式café，由地鐵站行過黎都唔算好遠。食物選擇同其他café有少少唔同，呢到好似fushion咁。主食叫左炸軟殼蟹魯肉飯，呢個有驚喜! 平時食到既炸軟殼蟹好常係上菜個陣已經淋曬，有陣油益味。但呢個軟殼蟹咬落去仲係脆口，而且表面有D 椒鹽辣粉，食落更加惹味。魯肉飯佢已經幫你撈好左，所以係每粒飯都有魯肉既汁，好入味。抹茶紅豆冰見到呢到既棉棉冰係即整， 所以食落個口感特別棉。呢個冰好足料，有黃豆粉味同埋綠茶口味既蕨餅。冰上仲有cream cheese，溝埋D紅豆蓉同埋冰好好食。最頂係抹茶雪糕，唔係假甜個種，仲帶少少抹茶既苦味。個冰都幾大個，一定要預留位置食佢!伯爵茶鮮奶好濃郁既伯爵茶味，同埋飲落唔會有卡粉既感覺，係好順滑。

餐廳🍴環境好有Feel，好青春🤣，好似回到讀書年代咁，好有回憶感，主要想食呢間餐廳最大吸引點都係佢既甜品🤗，黎開觀塘行街，當然要黎食一食啦！焦糖布甸草莓冰 $108士多啤梨🍓絕對係少女既最愛，牛奶冰係好綿密咁，上面仲有啲脆脆，最底位仲有布甸🍮，口感豐富，今天吃雞 (酸辣醬炸雞扒漢堡配薯條、沙律菜) $108漢堡好豐富，好多層😂，炸雞扒好juicy，配埋酸辣醬，好惹味，薯條係粗薯，外脆內軟抹茶雪糕豆花豆漿 (跟餐加配半價+$28)飲品都好似甜品咁🤣，豆香味配埋抹茶一齊好夾宇治抹茶鮮奶 $48抹茶同奶香都好足

充滿校園風嘅觀塘隱世cafe,店內的裝潢甚具特色，擺放不少懷舊玩具，享受美食之餘也不妨停下打個靚卡。焦糖布甸草莓冰 🍧仲大過塊面嘅刨冰賣相吸引，周圍鋪滿士多啤梨，而脆脆粒、草莓忌廉同焦糖醬也令其味道更豐富，而內部牛奶綿綿冰配上餅乾碎，仲有滑溜布甸，唔錯。炸軟殼蟹肉燥飯軟殼蟹炸外脆內軟，而飯用嘅係珍珠米，魯肉汁有啲偏咸，份量岩女仔食。抹茶雪糕豆花豆漿頂部有抹茶雪糕，充滿抹茶嘅凍飲飲管啜到豆腐花，幾得意。荔枝玫瑰冰茶味道清新岩曬夏天飲，淡淡玫瑰花香，仲有兩粒荔枝肉。

🔹️進入Times Coffee便感受到濃厚校園風, 頓時感覺年輕了😆 店內設有多座位, 食物有水準👍店員細心有禮🧑‍💼👩🏻‍💼價錢相宜💰🔸️蟹肉蟹棒明太子意粉🦀🍝以啖啖鮮甜蟹肉和厚肉蟹棒, 配鹹香爽口明太子、惹味紫菜絲和軟身意粉So Yummy😋🔸️紫薯芋泥冰🍨香濃紫薯和芋泥, 口感綿密, 甜度適中, 啖啖滋味🍧🔸️抹茶雪糕豆花豆漿🍵以滑嘟嘟豆腐花和香甜豆漿加甘香抹茶雪糕🍵 讚呀👍👍🔸️Dirty☕️以特濃Espresso 和冰凍鮮奶, 香滑美味🤤

等陣下課一齊去温書📚 新開設的校園風台式餐廳Times Coffee， 以課室為主題背景，非常青春美好。 食物主打西台Fusion菜，亦有多款可愛造型又打卡的綿綿冰及芭菲甜品🍧🦀脆炸軟殼蟹肉燥飯 (Hk$158): 原隻炸軟殼蟹酥脆香惹，肉燥飯口感濕潤，冬菇肉碎夠足料，鹹香十足🍨焦糖布甸草莓冰 (Hk$108): 綿綿冰係店家的招牌甜品! 每啖都散發士多啤梨牛奶忌廉香，配上新鮮草莓和滑溜布丁，少女感Level up💗🍹荔枝玫瑰冰茶(Hk$40) : 幽香的玫瑰中滲透微甜荔枝味，綠茶清爽輕盈、解膩消暑☕️熱焦糖latte(Hk$48):咖啡拉花好靚，口感順滑又不失微甜的焦糖香(All subject to 10% service charge)📍Times Coffee觀塘興業街18號美興工業大廈A座1樓C1室 (港鐵觀塘站 B2 出口, 步行約7分鐘)

Weekday Dinner 炸軟殼蟹肉燥飯 $158原隻軟殼蟹熱辣辣，香脆可口。下層是味道濃郁又濕潤的肉燥飯。紫薯芋泥冰 $98賣相吸引，上層有香甜的香芋雪糕、紫薯慕絲、粒粒分明的紅豆及增加口感的脆米，中間更有棉滑的芋泥，底層是奶味香濃的牛奶冰，份量適合與朋友一同分享，味道不會過甜，口感豐富，作為飯後甜品很滿足！抹茶雪糕豆花豆漿 $56飲品有漂亮的漸層，豆花與豆漿在飲品底部，加上抹茶雪榚半融化後，茶香更突出。伯爵茶鮮奶 $48伯爵茶配鮮奶，茶濃奶香。餐廳以校園作為主題，學校的椅桌令人有一種回到校園時的感覺。除了校園裝飾，更有不少可愛的打卡位，特別是可愛的雲朵燈！環境闊落，適合與朋友慢慢聚舊。

又再去觀塘工廠大廈食好西😋 今次搵到依間隱世靚裝優質台式cafe🤩 入面採用紅磚牆、木地板配搭大量綠色植物佈置，自然感極高❤️ 最特別嘅係，餐廳部分餐桌椅子，採用小學學生經典桌椅，加上黑板、儲物櫃等元素，讓人彷如置身於校園一般👩🏻‍🎓 令人懷念不已🤭首先㨂咗個青醬帆立貝大蝦意粉😋 全部意粉都完美掛滿濃稠可口嘅青醬😋 食落每一啖充滿羅勒嘅清香🤤 加上淡淡嘅海鮮滋味融入其中，真係好出色勁惹味😍 帆立貝粒粒飽滿又厚肉，食落彈牙又煙韌，鮮甜無比👍 之後當然要試下餐廳極力推薦嘅抹茶紅豆冰😋 棉棉冰堆得山一樣高，內裡都填滿紅豆、脆米、抹茶汁、蕨餅、鮮奶油等配料，頂上再蓋有一球香滑嘅抹茶雪糕，真係勁豐盈超足料👍 食落口感好有層次，既有脆卜卜嘅脆米粒、又有滑溜嘅鮮忌廉、再加上軟糯嘅紅豆粒，好正好出色🥰🤤 飲品就㨂咗一杯勁靚靚嘅玫瑰鮮奶咖啡，表面以雅緻嘅天鵝拉花作飾，再潵上點點玫瑰花瓣作點綴，美觀又吸睛❤️ 咖啡飲落充滿鮮奶嘅醇香，當中浸透淡淡嘅玫瑰清香，令人回味無窮👍 另外點了一杯抹茶雪糕豆花豆漿😋 飲落真係食到片片豆花🫶😚 每一啖都充滿黃豆嘅滋味👍 加上抹茶沈穩嘅茶香，整體不會過甜過膩👍🌟 平衡得好出色

雖然果日都幾滿場，但食物上枱時夠熱而且都好味，如果鍾意食芋泥既朋友可以試吓芋泥麻糬肉鬆吐司個人認為好好味，當然仲有個靚靚焦糖布甸草莓冰，因為好大碗所以我地兩個人一齊食，份量岩岩好食哂！

呢間新開業幾個月嘅樓上cafe ，近期好多人嚟打卡。久違了的課室，讀書時期嘅懷念。大人版既木書枱（都有櫃桶同掛書包🎒）、校園木凳、黑板，啱哂鍾意打卡嘅朋友，著套校服嚟cosplay👩🏻‍🏫。食物方面，主打台式料理，加入fusion菜式，仲有台式小食、芋泥牛奶冰、豆花豆漿、咖啡、四季春茶。🦀🍚炸軟殼蟹肉燥飯 $158～二人份量嘅肉燥飯，不是一般將燥肉淋面，而將材料炒到好似risotto，濕潤而且香濃入味。軟殼蟹好香脆而又大，好滿足。🍓🍮🍧焦糖布甸草莓冰 $108～二人份嘅布甸底，一層牛奶雪花冰、圍滿草莓、一層士多啤梨忌廉，淋上焦糖醬、脆米。整體唔會好甜，好有層次。🌼桂花Latte $48～ 好適合初夏嘅咖啡，咖啡面頭淋上桂花，飲嘆咖啡之餘，亦都聞到桂花嘅香氣。🍵🍨抹茶雪糕豆花豆漿 $56～ 超級飽肚，抹茶雪糕、豆腐花底層，再加入豆漿，飲得到嘅甜品，唔會好甜，抹茶味道香濃。😋😋

前幾天約朋友收工食𝚌𝚊𝚏𝚎👭🏻發現以前小時光的地方開了一間新𝚌𝚊𝚏𝚎🤩風格與小時光相似都台式風格，不過環境更漂亮，食物更高質有𝙲𝙿值🥳店內外裝修都很有懷舊感，帶一些日式風格，很打卡𝚊𝚋𝚕𝚎📷✨餐廳菜式不算很多不過很有特色，有西式主食也有台式小食，飲品選擇很多✨🦀脆炸軟殼蟹肉燥飯 $𝟷𝟻𝟾第一次見到這個配搭🤣覺得很有趣所以就叫來試試～炸軟殼蟹意外超大隻🤩很酥脆很香，肉燥飯很足，料超級濃郁👍不過一個人吃可能稍微有點膩，建議跟朋友𝚜𝚑𝚊𝚛𝚎🤣🍧焦糖布甸草莓冰 $𝟷𝟶𝟾好像是這裡招牌，看到每一桌都有點🫣綿綿冰超好吃！是小時候吃的牛奶布丁雪糕味道🥰配上草莓忌廉和新鮮草莓，吃起來沒那麼膩，很適合作為飯後甜品💗吃到最裡面還有布丁🍮🍵抹茶雪糕豆花豆漿 $𝟻𝟼超級好喝🫶🏻抹茶本人和雪糕都很濃郁，不會很甜，配上豆腐花一起喝味道很有層次，甜度剛剛好🥰☕️紅柚湯粒力咖啡 $𝟻𝟸味道和外貌都很讚✨比例剛剛好，紅柚喝咖啡味都很香，清涼解渴👍

最近觀塘工廈新開左一間台式Cafe ，裝修幾靚，有部份枱用咗學生書枱幾特別！.飲品嗌咗Iced mocha同抹茶雪糕豆花豆漿，抹茶雪糕同豆腐花好match，成個配搭唔會好甜，抹茶味又濃郁，整體非常唔錯❤️❤️.食物方面點咗軟殼蟹肉燥飯，肉燥飯嘅做法有啲似西式嘅意大利飯，醬汁已經同飯粒融為一體，呢種食法非常唔錯👍🏻軟殼蟹好大隻，炸得幾鬆脆🥰.最後甜品叫咗芋泥牛奶冰，賣相吸引，芋泥分量十足，芋泥控一定要試吓～.📍 Times Coffee (觀塘)觀塘興業街18號美興工業大廈A座1樓C1室

以學校課室set做餐廳主題仲要播住90年代K歌🎤那些年回憶真係番哂黎🤗⭕️ 炸軟殼蟹肉燥飯 ($158)肉燥飯好濕潤 冬菇肉碎配料好多味道調配得好好👍🏻炸軟殼蟹原隻上 香辣惹味 推介👏🏻⭕️ 紫薯芋泥冰 ($98)綿綿冰🍧有幾款口味今次揀左近期大愛既芋泥冰賣相靚之餘 仲非常有內涵最面層係芋頭雪糕同紫薯蓉牛奶冰夾層就有芋泥 連埋紅豆🫘一齊食好幸福☺️⭕️ 芋泥豆漿 ($40)/ 宇治焙茶鮮奶 ($46)飲品選擇左芋泥豆漿 (都係第一次試)🤤同hojicha latte兩杯都好好味🤤 懷緬校園生活嘅各位 可以一try🏫

放工約左朋友在觀塘附近食飯，無意間找到這間主題café。一入去就見到大黑板和學生枱，真係有種回到學生時代嘅感覺。由於是星期一去，所以唔太多人（無咩人😝）喜歡人少少 i人可以考慮。食物造型都好靚，好適合喜歡打卡的每一位，特別是軟殼蟹肉燥飯。不過款式不算多，個人覺得不太夠特色， 菜式都係一般cafe打卡點常見。 另外叫了一杯桂花水蜜桃冰茶， 有兩種茶底可供選擇， 非常好飲~推介！