Times Coffee

Open Now

Now Closed

今日帶大家一齊返去讀書嘅時光🤣🤣🤣今日去開觀塘工廈區嗰邊行街，上網見到附近工廈呢間餐廳，環境好靚好舒服，一推開門真係有返學上堂嘅感覺🥹真係返去十幾年前，時光真係過得好快😳下次可以約埋中小學朋友仔一齊集體回憶點多啲食物🥰要試埋甜品係時候要交report啦,”美食report”黑松露雜菌意粉🍝黑松露忌廉汁非常濃郁，加埋雜菌好有口感，調味剛剛好，又唔會唔夠味或過咸，而且份量好充足，我同個女share食都好夠👍玄米茶鮮奶第一次飲玄米茶鮮奶，初時以為店員搞錯左，俾左抹茶鮮奶😹笑死😆拉花係心型圖案🥰飲落比抹茶香，而且唔會澀口，好醇又順滑，幾好飲😋藍莓乳酸梳打呢杯係小朋友最愛，果味十足，仲有粒粒藍莓係入面🫐蜜糖芥末薯條🍟小朋友最喜愛薯條，份量正常，醬汁味道較出面食淡，但炸到金黃色，香脆可口，個女係咁食，好快食晒😆仲有locker📍Times Coffee (觀塘)觀塘興業街18號美興工業大廈A座1樓C1室#timescoffee #回到小時候 #回憶 #返學回憶 #環境舒適 #美食推介 #觀塘美食 #工廈美食推介 #聚會好去處 #同學仔 #foodie #美興工業大廈 #性價比高 #打卡熱點 #相機

難得今日經開觀塘，搵咗間隱蔽cafe黎試下。Cafe裝修行台灣高中theme，台凳都係中學學校書台，再播住以前啲偶像劇ost，都咪話冇feel🤭青醬帆立貝大蝦意粉 $128意粉軟硬啱啱好👌🏻 青醬都俾得好足，啖啖creamy青醬 仲帶點香草香味。大蝦同帆立貝都好厚肉，仲有啲菇搭配埋一齊食 口感豐富😋意粉黎講都唔算平，但勝在啲蝦同帆立貝都大大隻大大粒，個人覺得都食得過。抹茶鮮奶 $48（加配 +$24）好多時抹茶鮮奶一係冇抹茶味 一係好嚡口，但呢杯飲落非常滑口 balance得唔錯👍🏻 抹茶味濃郁得黎又唔會澀。抹茶味同奶香都平衡得好好 😋 跟意粉加配都只係$24 正呀我當日係閒日3-4pm黎，避開曬人群所以當時唔算多人。位置闊落，坐得舒服，適合自己一個人靜靜地me time。最後門口都有個打卡位可以拎住杯咖啡坐喺出面擺返個pose影張相✌🏻佢哋仲有lunch同tea menu。下次有機會經過觀塘都會過黎試下佢哋甜品同攤返杯抹茶鮮奶先走😌Times Coffee📍觀塘興業街18號美興工業大廈A座1樓C1室

為咗同男朋友慶祝⽣⽇專程到訪呢間校園⾵Cafe🏫⾨⼝都幾難搵因為夜晚A座⼤廈拉咗閘要由B座上⼀樓再⾏返去A座上到嚟發現原來都幾多⼈好彩有預先book位我哋揀咗$328 ⼆⼈套餐包咗好多嘢⻝⽣⽇當然要⻝好啲🤩我哋加$68轉左⼩⻝拼盤份量⽐起想像中多好多地⽠球⼊⾯有芋泥-好⻝!鹽酥雞外脆內嫩 正❤薯條嘅調味有少少辣主⻝揀咗軟殼蟹burger同鰻⿂南⽠飯賣相都唔錯 味道8/10👍軟殼蟹加咗千島醬好好味南⽠飯同鰻⿂嘅配搭聽落有啲奇怪但係⻝落去⼜幾夾芒果刨冰幫我哋加咗蠟燭同埋⽣⽇牌就當係⽣⽇蛋糕送俾男朋友啦試過好多同類型嘅Cafe呢間cafe的確係有佢嘅特⾊！由於⽐較多⼈ 我哋落單後都等咗⼤約20分鐘⽽且店員都⽐較忙碌 所以冇乜特別嘅服務不過佢哋冇收加⼀無論係嘢⻝嘅賣相同埋味道我哋都好滿意難怪咁難搵都有咁多⼈到訪!下次會再嚟

Times coffee同前身⼩時光⼀樣都係⼀間校園⾵格嘅餐廳裏⾯放咗好多學⽣枱凳本⼈兩間都有幫襯過今晚諗唔到⻝咩 本住⼀試無妨嘅⼼態就⼀於上去試試冬陰功⿓蝦汁蜆⾁意粉⽐較少⾒的意粉醬汁配搭冬陰功的微辣和蕃茄的鮮甜配合得很好還加⼊了不同的⾹料 令味道更加有層次煙三⽂⿂⽜油果沙律加了柚⼦醋沙律菜新鮮份量⾜海苔魷⿂鬚調味恰當即叫即炸好難唔好⻝埋單$294 冇收加⼀ 每⼈$150有找佢嘅價錢配合呢個⻝物⽔準同環境係⾮常合理本來我對呢類型打卡Cafe嘅嘢⻝⽔準都不會有太⼤期望 估唔到今次會有驚喜👍希望佢哋越做越好👍

今日又去左觀塘工廈搵野食真係點都搵到岩食工廈離地鐵站都好近 好容易就會搵到好有聖誕🎄氣氛既西餐廳入到去 裝修充滿驚喜係小學生用既台凳呀!!! 十分有趣大大既聖誕樹打Card位好有Heart❤️今次晚餐想輕食下 所以每人叫左個Set原條鰻魚南瓜燉飯鰻魚烤得好香 又無暗骨 每粒飯都有甜甜既南瓜汁包圍住🍝`蟹籽卡邦尼意粉🍝滿滿既蟹籽粒粒 加上Creamy既卡邦尼汁食落口感大增冬冰冰既天氣 我自已叫左杯暖暖既 🫚桂花黑糖薑蜜🫚辣辣既薑味 飲完成身都熱曬 好養生朋友就好怕熱 叫左杯凍飲🍹鹹檸話梅梳打 🍹酸酸地 好開胃

📍Times Coffee (觀塘)💥 蟹籽卡邦尼意粉意粉面頭好多蟹籽😆卡邦尼味好濃稠調味亦都啱啱好 唔會太咸！意粉啱啱好 夠曬兩個人分🙆🏻‍♀️💥 巴馬臣芝士雞扒呢道菜賣相好特別好似芝士火山咁🗻🧀濃濃既巴馬臣芝士醬配調味好既雞扒真係一流！呢個十分推介！👍🏻💥 玄米茶鮮奶& 紅柚乳酸梳打玄米茶味道比想像中冇咁苦反而甜甜地咁 令人想一飲再飲🍵暖暖既玄米茶好啱系冬天嚟一杯❄️紅柚乳酸梳打就記得攪勻咗先好飲飲落去味道好清新 可以解膩！🥰Times Coffee (觀塘)觀塘興業街18號美興工業大廈A座1樓C1室

位於觀塘工廠大廈嘅打卡Cafe time coffee，一去到門口已經可以影返張相。餐廳以校園風格做主題，所有嘅枱枱凳凳都係用讀書時期見到嘅，令到大家嘅讀書回憶返咗嚟，除咗枱凳，餐廳嘅餐牌都係用單行紙設計，幾有心思，同埋仲有locker，好有回憶。上影校園風嘅話，都建議上嚟影兩張。至於食物方面食咗鰻魚南瓜燉飯，淡淡嘅南瓜味再沉埋鰻魚都不錯，另外就係食咗黑松露雜菌意粉，黑松露再加埋白汁超級邪惡，入邊仲有冬菇。

餐廳位於觀塘一間工廈內，裝修好特別，係用中學桌椅，令人感覺回到學生時代，而且播著台灣的舒情音樂，很有氣氛。桌下櫃桶有一本筆記簿📒，可以畫畫及寫作留給下一位客人睇，好攪笑。餐廳主打咖啡飲品，主食及甜品。黑松露醬蘑菇意粉🍝好濃既黑松露，味道好香，而且較為多醬好juicy。配蘑菇清清地幾好👍原條鰻魚飯個飯底唔係普通白飯，係黃色的有少少甜味；原條鰻魚無暗骨，配照燒汁好味🤤抹茶鮮奶🍵超濃抹茶味，亦有層厚身奶泡，好好飲。

本身滿懷期待book位見好多人都推介餐廳叫左個2人餐 埋單400幾蚊沙津係前所未有咁難食 菜唔新鮮 有怪味 食左2啖就冇食小食叫左台灣腸同甜不辣，得呢樣野食係正常 雖然條台灣腸都太多油個明太子意粉得1條蟹柳 個明太子汁完全唔好食 意粉又太硬 完全唔值得加錢叫叫多左個鰻魚南瓜燉飯，個燉飯就正常，但鰻魚超級多骨 真係好失望 條鰻魚都已經係唔好食然後服務態度 期間有問店員拎碗仔 同埋單 但係店員一句野都冇出聲 完全冇回應希望店員可以更有禮貌完全唔值呢個價 完全不推介

🍽️食物方面：🦀炸軟殼蟹肉燥飯💲179大份 幾夾 肉燥夠汁 有紫菜碎7味粉 🐟他他醬炸魚柳漢堡配薯條沙律菜💲132插住🎄籤好cute 炸嘢好脆 兩塊魚柳🍵玄米茶鮮奶濃味又夠奶🍯蜂蜜青檸梳打清爽重蜂蜜味🍧太飽無試限定款刨冰1️⃣抹茶草莓聖誕樹(🌟蠟燭)2️⃣伯爵茶聖誕鹿📷打卡方面：門口有m&m 頭頂啲雲燈好靚多聖誕裝飾 兩邊嘅窗唔同style 🔈環境方面：播台灣歌 似課室有黑板locker💬其他資訊：📍Times Coffee 觀塘興業街18號美興工業大廈A座1樓C1室💰Dinner人均💲156

一走進餐廳， 課室的黑板和桌椅映入眼簾，令我忘卻了背後的工廠大廈，只關注著眼前久違的青春環境。對，離開校園的我，竟然可以回到課室裡吃飯，真是有趣。雙腸搗蛋 $108好一個All day breakfast， 兩條香腸和碟的直徑一樣長，配上必有的太陽蛋。還有半塊煎香雞扒、三角薯餅、烤脆了的煙肉和沙律，是學生都喜好的全日早餐。蟹籽卡邦尼意粉 $98黏濃的醬汁掛滿每一條意粉，配有蟹籽、蘑菇和煙肉一起食，份量剛好。雙重薄荷朱古力 跟餐$28很薄荷的雪糕慢慢溶入凍朱古力，在冬天飲真的是雙重薄荷涼快。榛子可可鲜奶 跟餐$21熱朱古力鮮奶是冬天必選的熱飲，甜甜的又溫暖。

👫🏻二人套餐 ($328)1️⃣Salad(4選1)：* 時令蔬菜沙律🥗2️⃣Snacks (11選1)：* 地瓜球+甜不辣🍠非常推介呢個小食😋地瓜球炸得外脆內軟，入面係紫薯嚟，味道甜甜地之餘仲好鬆軟，甜不辣外面灑左香粉，炸得好香，咬落好煙靭✨3️⃣Main (4頁menu選2)：* 冬陰功龍蝦汁蜆肉意粉🍝 冬陰公蝦汁味濃帶有少少酸，意粉入面夾雜左蜆肉、菇、翠肉瓜粒等等，味道尚可✨* 蜜糖芥未醬鰻魚漢堡配薯條、沙律菜🍔推介🌟鰻魚好大條，同蜜糖芥末醬都好夾，咬落個漢堡完全唔乾，薯條係我最中意嘅大大條粗薯，而且仲有埋沙律菜，heavy得黎又比你健康返😆4️⃣Dessert (8選1)：* 焦糖碎餅🍰份量比較細份，但味道係幾好食嘅，外面係薄薄嘅餅皮包住中間有蛋糕同埋忌廉，甜度適中，都值得一試~5️⃣Drinks (2頁menu選1)：* 荔枝玫瑰冰茶🍹* 培茶鮮奶🍵

嚟到呢間校園風十足嘅times coffee！門口已經有打卡位，可以同朋友一齊打卡，做一日學生！😂環境充滿課室嘅感覺～ 入到去就有一塊大黑板，可以同一群知己好友聚餐，重拾讀書時嘅感覺啱晒！另外仲比唔同嘅聖誕裝飾吸引，就嚟聖誕，店舖入面充滿聖誕氣氛！炸雞好香脆！比較似唐揚炸雞嘅感覺🤣🤣幾推介呢個肉燥飯，軟殼蟹幾大隻，配埋中華海草食啱晒！軟殼蟹+肉燥飯，一個好新奇嘅組合，但配搭好和諧，值得一試！兩杯飲品賣相都唔錯，抹茶鮮奶上面嘅拉花幾靚，薄荷朱古力飲品上面仲好大球雪糕添！偏甜，嗜甜嘅朋友啱晒～

今日就同朋友去左Times Coffee, 餐廳用咗校園枱凳佈置, 食物選擇都唔少炸軟殼蟹burger包身鬆軟, 夾住超大隻軟殼蟹, 仲有沙律同薯條等配菜, 配搭豐富脆炸軟殼蟹肉燥飯原隻軟殼蟹炸得香脆, 咬落外脆內嫩,肉燥撈左半肥瘦既豬肉, 濃郁嘅醬汁索滿每粒飯粒宇治焙茶鮮奶入口順滑, 有好香既焙茶味, 仲有靚靚嘅拉花紅柚Tonic咖啡清新嘅紅柚果香, 同Tonic水融合, 酸中帶甜的口味完美平衡咖啡的甘醇, 飲落層次豐富

價錢親民既coffee，人均一百左右，性價比高，一分錢一分貨！用左班房做主題，有少少青春回憶🤓 今次同朋友揀個2款主食，份量都算足～.⭐️黑松露雜菌意粉黑松露味幾濃～ 意粉比較淋身，勝在雜菌份量多，都滿足到，極多cream既汁，食到後段都仲有好多汁係底！⭐️炸魚柳Burger他他醬炸魚柳漢堡配薯條、沙律菜，炸魚炸得好脆，無油膩感！薯條都係即炸，沙律菜就正正常常，少有炸魚夾漢堡但炸皮無淋～