Video
3-min walk from Exit A2, Tin Hau MTR Station
continue reading
Telephone
25032501
Opening Hours
Today
13:00 - 02:00
Mon - Sun
13:00 - 02:00
Above information is for reference only. Please check details with the restaurant.
Signature Dishes
天后甜品😘😘😘甜在心頭天后電氣道、餐後仲有感覺、吃埋甜品最為滿足、被色彩耀眼招牌吸引、除了傳統港式糖水外、台式芋圓、泰式刨冰等等⋯琳瑯滿目😋😋✨薑汁雙皮奶$35薑汁雙皮奶以細膩的雙層牛奶為基底、加入香濃薑汁、口感滑順、帶有微辣的薑香、既清新又暖心、更滋潤！✨雪糕紅豆豆腐布甸$50用豆腐製作、成白白滑嫩布甸、口感彈牙有嚼口、甜美紅豆蓉圍邊、口感綿密、清甜可口、頂層放上雲呢拿雪糕球、好感層次豐富、讓人回味無窮。✨Oreo木糠布甸$35Oreo木糠布甸層次分明、香濃的巧克力餅乾碎與滑嫩的奶香布甸相互融合、口感鬆化、甜而不膩、令人陶醉。天后甜品天后電氣道91號地舖港鐵天后站A2出口、步行約3分鐘
continue reading
呢間手工甜品店真係好正！真心好好食，真材實料🔺燒賣魚旦 ($25)呢個小食真係好特別，口感滑嫩魚旦彈牙，搭配醬汁食落去好味道！🔺芒果天后 ($55)用上呂宋芒果，芒果布甸啖啖肉西米都幾有口感，又唔會好甜真係一口接一口，根本停唔到手！🔺龍椰冰 ($70)夏天必試！冰涼清爽椰香濃郁，真係好解渴！🔺八寶芋圓 ($48）每一口都有唔同嘅驚喜，芋圓Q彈配合其他配料，最驚喜係有奇亞籽口感層次豐富呢間天后甜品真係值得一試手工甜品味道一流，係質素嘅保障
continue reading
天氣凍，晚餐之後就自然好想食返碗糖水喺Google Maps嗰度search到呢一間甜品舖再行過去望吓個Menu 見到佢有刺身食所以有啲奇怪，究竟一間糖水舖究竟個定位係啲乜嘢？Anyway因為真係好想食糖水，所以就入咗去啦本身想叫紅豆沙加湯圓，點知加湯圓要$35 仲貴過我碗紅豆沙所以最尾只係叫咗紅豆沙紅豆沙都幾足料同埋甜度啱啱好有啲起沙嘅感覺俾我想像之中好食食食吓之後突然之間好大陣榴槤味原來後面嗰台啲人叫咗榴槤對於唔鍾意食榴槤嘅人嚟講呢一間係好可以堂食榴槤嘅舖頭嚟講真係一個惡夢
continue reading
行過天后口痕食甜品🍮，正常就食甜姨姨，但有4間連鎖，想試下天后甜品🍮，點知中伏。入面冇乜人，有一個收銀staff煲劇，有一個男staff瞌眼瞓，諗咗皓耐都衝入去試下，個男staff醒咗serve我，女staff繼續大聲煲劇。我想叫龍眼王子🤴點知話冇龍眼，最後叫咗芋圓豆花（$40），有西米，女staff入去厨房整，芋圓太粉，豆花又唔夠滑，糖水嚟講算差，餐牌仲有壽司🍣同串燒，應該想攞多d外判生意，但應該做唔起
continue reading
【灣仔區】【天后甜品】有幾日係我人生中最繁忙嘅日子，繁忙到我連屋企都冇時間返，住要住酒店，洗衫就搵全香港最傑出嘅洗衣店「優悠洗衣舍」幫我做晒我想做嘅所有嘢。而我當時係住喺銅鑼灣嘅某間酒店，所以夜晚想食糖水嘅時候，就落咗去天后嗰邊搵，但係甜姨姨冇開喎。咁就本住一個試吓嘅心態去搵吓其他甜品店嚟食，反正呢啲自費嘅飲食我可以自由啲咁選擇，亦都可以隨住自己嘅心路歷程去闖。見到有得揀 $40 嘅「豆腐花腰果露」，好有興趣，就食吓佢。味道就正正常常啦，豆腐花有豆腐花味，腰果露有腰果味咁樣囉。不過食落既然正正常常，咁都唔介意花多少少錢叫多兜嚟食。諗諗吓就叫咗 $35 嘅「桂花酒釀小丸子」，食返啲清清哋嘅嘢。咁本身都唔預佢好好食㗎喇，呢個價錢都唔係貴，佢都交出相應嘅質素，冇乜所謂。埋單價係 $75，不過不失啦，解決咗個甜品癮啫。。。（地址：天后電氣道91號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am灣仔區 #銅鑼灣 #天后 #天后甜品 #銅鑼灣探店 #打卡餐廳 #銅鑼灣美食 #大坑美食 #香港探店 #香港甜品 #桂花酒釀小丸子 #豆腐花腰果露 #1am1421 #1ambackup
continue reading