天樂烘焙

Open Now

Now Closed

之前朋友請我食咗一個意大利香草包，外表平平無奇，但一食難忘，比好多Fine Dining 餐廳嘅餐包更出色👍🏻👍🏻今日買返屋企食，夾芝士用氣炸鍋180度5分鐘，外脆內軟再加軟滑芝士，真係好食到停唔到，明明減緊肥都食咗兩個🙈個心仲囉囉攣想食第三個😜其實呢隻包就咁食都好好食，外邊唔太硬，裡邊好鬆軟，香草味恰到好處。呢隻包亦好百搭，可以點橄欖油加醋、夾芝士、夾火腿蛋、搽蒜蓉牛油、搽蜜糖...，大人細路都應該鍾意食☺️

#小秘書 呢排唔多舒服，琴晚食咗藥大昏迷😌 搞到今朝8:00先起身，搞到大遲到，成差唔多9:40先坐埋位😅 好在Boss唔喺香港，不過左搞右搞最終 10:00 先開始食早餐，所以lunch寧願去銀行安排吓。臨上樓去 #天樂烘焙 買個麵包當 #午餐 就算。 原來 #小秘書 真係 #食米唔知米貴，一個 #其貌不揚 嘅 #叉燒菠蘿包 原來要賣成要$13（仲貴過麥當勞）😅 不過就真係新鮮熱辣出爐嘅，質量比一般 #連鎖店麵包店 豐富😋 有飽肚感覺，而且菠蘿皮做得都幾鬆脆，叉燒都好足料... 就比個👍🏻佢啦🤪

如果早餐吾想去店裏面食噶話，大家可以選擇天樂烘焙哩度，哩間店好早就營業，好適合早上班噶上班一族，而且每日噶麵包都系新鮮出爐噶，日日早上經過門口都會聞到好香噶麵包香味，次次拿到手都系熱辣辣噶，而且麵包店裏面噶選擇仲好多添，滿足塞大家噶需求。

每日翻工都會經過呢間麵包舖，次次入面都會有好多人，再加上公司同事極力推介，我就決定去試下佢啲麵包究竟有咩咁吸引🤔雖然望落去類似舊式麵包舖，但佢嘅價錢就唔係走平民路線，幾乎所有麵包都要$10以上😟不過唔緊要！見到大大個菠蘿包都只係$7.5，就即刻買咗一個翻公司食😛菠蘿包係新鮮出爐嘅關係仲熱辣辣㗎🤤外層脆卜卜，入面就非常鬆軟，真係好好味💯重點係佢唔係一個空氣包，真材實料🙌🏼食完一個真係飽哂，夠哂力量應付工作😂

其實我係麵包狂,以前返學返工中間既空檔時間唔夠時間食餐廳會買幾隻麵包食一日今次係天樂烘焙買左幾隻麵包,單價略貴於一般既小店,但係水準都唔錯,麵包實在餡料都多同一個價錢連鎖大集團只能買一隻空氣包,當然就唔夠飽先係比門口既熱櫃吸引停下腳步,酥皮蛋撻一隻$6.5 買5送1雞批$11.5,一口叉燒酥$6 款式好多,仲有椰撻,煎餅麵包就接近40款常見既芝士腸仔,蛋白蛋糕,雞尾包,波羅包,芝士條,鮮奶球,奶黃包等等~單價由$7.5至12蚊一隻,合理另有火腿蔥油餅,腿蛋包,餐蛋包,芝士軟包,大麥包等最推介係叉燒菠羅包!脆皮加香甜多汁既叉燒餡,叮熱10秒仲好食!

早上返工路過好肚餓 見菠蘿包金金黃黃 好似好crisp咁 所以買左黎食菠蘿包味道正常 雖言唔係新鮮出爐熱辣辣 但上面層菠蘿包皮都仲有DD脆 同埋包肉都算有咬口煙煙un un 唯一一點唔好就係價錢真係有D貴 成$7.5一個…

「天樂🤔係咪姓古㗎？👳🏿‍♂️食得㗎？」.突然間好想好想食酥皮蛋撻，眼前飄過「天樂烘培」，唔理係咪姓古都決定要試下😋.一個出色嘅酥皮蛋撻首先係嗰皮必須層次分明，皮薄酥脆，食落更要不油膩不黏口；至於蛋心必須香甜滑溜，輕輕搖晃嗰陣仲一定要震騰騰先叫係好😍.「天樂」，你果然做到香港人心目中最受歡迎嘅⋯酥皮蛋撻呀! 🥰.不過蛋白蛋糕就略甜咗少少，Natural啲就會更好喇😚.其實食物同人都係一樣，每日都需要比自己有進步嘅空間～但我哋做貓做狗嘅就除外🤪我哋淨係識食玩瞓就夠喇～Yeah（反肚摸摸）

做咗成日，係時候鬆一鬆🤗 落街㩒錢還債之餘，順路見到 #天樂烘焙 就買啲 #蛋撻 返office開心share❤️早兩日麥當勞先做緊優惠，$10兩個豬柳漢堡包，真係大件夾抵食👍🏻 相反 #天樂烘焙 嘅製品就有啲貴。平時朝早買個麵包都已經要$12，如果要加飲品，仲要比多十幾蚊，所以我多數都係健康啲飲水就算😅🤣 講返 #天樂烘焙 嘅 #蛋撻，要賣成$6.5一個🤭 雖然酥皮做得唔錯，好鬆化又唔太甜，不過一陣風就食哂落肚😥 我啲同事食完仲問仲可唔可以 encore ... 真係上創佢個心呀🤣🤣

坐落英皇道，天樂不是走街坊價路線，每個包基本上都要接近10蚊或以上，但佢既質素同服務是值得收這個價錢的！每天早上的繁忙時間，天樂的收銀員，水吧都忙得不可開交，佢地好有默契，而熟客都會知道可一邊排隊一邊告知水吧要飲咩，排到比錢就已經可以拎到飲品，而有些熟客，基本上一入店，水吧師傅（我相信是老闆）就會問是否照舊，然後就很快遞上飲品，這些絕對稱得上係add value 既服務今早我買的面包是杏仁合桃包，是我第一次買既包，又有杏仁又有合桃，正合我口味，包面上還有些牛油皮（雞尾包上那些），咬開面包，合桃是大粒的，杏仁是小粒的，好香，真係好味仲有仲有，我是天樂曲奇的粉絲，久唔久就會買半磅返公司慢慢食，想瘦都難😪😪😪

假期後第二個工作日，小秘書已經慢慢適應忙碌嘅工作今日我就揀咗「天樂烘焙」嘅「叉燒菠蘿包」做早餐 「天樂烘焙」嘅出品比一般連所式嘅麵包店真材實料，唔會好似一陣風咁，食三個都未飽肚厚厚嘅「菠蘿」脆皮，加入醬料、叉燒做餡料，每一啖入口都好滋味、好滿足！另外，「天樂烘焙」有自己嘅水吧，客人可以加錢配即沖嘅奶茶/咖啡/檸茶/檸水... 之類嘅飲品，不過價錢就比較貴 慳妹性格嘅小秘書梗係自己喺超市入定貨，慳得一蚊得一蚊啦

又一个港式包点，外观平平，都是些大路货，毫无吸引人处，味道也如外观，平庸一般，想说的是价格一点不平，同样的价格可以去panash或aeon里的那间面包房（忘记店名），无论味道，花式都胜不止一筹

我家樓下的店舖除了大家樂是屹立不倒外，其他的店舖都年月更替，如美心快餐轉了大快活，乳酪雪糕店變了pizza店，現在更倒閉了，美容集團換成了美食王國，而美心麵包則換了更接地氣的天樂烘焙，看到早上絡繹不絕的人客，便知道這店的選址選中了。確實，這面包店的款式頗多，除了擺放在麵包櫃的麵包外，還有即叫即製的三文治和飲品，完全切合附近寫字樓人士的需要。其實這麵包店已開了好一段時間，亦見證了其加價，我亦試了不少款式，今次寫的是這款黑糖提子包。與其說是包，我覺得更像是蛋糕，像中式的白糖，黃糖糕，但這些的質感較黏，而這款黑糖提子糕質地較實和乾，但亦不失糕點的鬆軟，黑糖加提子，甜點算是合宜，但如可以減甜一些更好，黑糖味亦不算太突出，$10一大個，吃完很有飽肚感。其實，被老爸說中了，我真的是把它切開分兩餐吃，只要我有吃，又吃得飽，不是就行了嗎?

Tin Lok Bakery started off in Sheung Wan and Wan Chai.Now they have a shop in Quarry Bay.Tried the pandan cake which was dry and tasteless with dehydrated edges.There was no pandan taste but a strong coconut flavour.A bit overpriced since it didn't taste good.