Video
7-min walk from Exit A3, Tsuen Wan MTR Station
continue reading
Opening Hours
Mon - Sun
11:30 - 22:30
Above information is for reference only. Please check details with the restaurant.
薄荷奶茶，奶茶味不算濃，但同薄荷味平衡，兩者味道都剛好。朱古力普洱，朱古力味好淡，普洱味較重，朱古力同茶的味道都幾夾，好飲。二人套餐$108。有鹵水拼盤，主菜，小食，米線或飯，仲有特飲，真係飽肚抵食。鹵水拼盤有蛋、雞翼、腩肉，鹵水好有香味，但就煮得唔夠入味，味道較單調。但米線的雞湯底好飲，好重雞味又唔咸，加上滑溜米線，味道好好。滇家醬青瓜，個醬偏咸，食唔慣覺得味道太濃太重，青瓜沾少少醬就夠味，爽脆清新口感。主食叫左滇家鹵水鴨，同樣香味好吸引，未食已經聞到鹵水香，但也是不入味，肉質有咬口，鴨味濃郁好味。總括，雖然鹵味好香但不夠入味，黎反而雞湯底的米線更好味。 二人套餐有齊四餸、米線及特飲，二人才百元頭，還沒冇加一收費，頗抵食。
continue reading
今次嚟到滇園搵食！住喺荃灣咁多年～即使以前係成日排長龍嘅扒王之王～但呢個鋪位真係一次都冇去過！唔想幫襯連鎖店～由荃灣廣場去愉景新城期間一直尋找有興趣嘅餐廳～忽然腦內閃出呢度～從外面偷望咗吓～好似冇咩人～預計應該好貴～但再望吓餐牌～雲南米線竟然同米線店差不多～就即管入去挑戰一下！正門尚算雅緻店內空間廣闊～有2層～座椅係藤椅為主～環境舒適～通往廚房的路有雕花門餐牌有各式各樣嘅套餐～四喜滋味餐 （$108）呢個套餐有一個滷水拼盤、前菜、主菜、蔬菜、飯/米線、仲可揀特色飲品～滇味滷拼滷水雞翼不錯～都幾入味～咬開後可見雞肉已染上一層淺啡色～肉質仍算鮮嫩烤脆肉（豬頸肉）～得2片～但味道不錯～不會太油～反而因為它的油脂令佢有咬口滷蛋～感覺滷得太耐～蛋白已變得乾水嚡口…腩肉～份量最多～但都偏乾～不過不失。黑三剁豆腐本來想叫燒茄拌皮蛋～但落單時店員話已經取消咗…咁又出現喺menu嘅…不過呢個黑三剁豆腐都有皮蛋！雖然餐牌只有1隻辣椒～但都算辣～份量以前菜嚟講係非常多！大概有一磚豆腐～平時嘅餐廳通常只有4、5片吧～皮蛋雖然可見到清晰雪花～但略嫌不夠濃味～整體上可推薦！糖醋香酥肉呢個主菜唔得！香酥肉係炸粉為主～不太感受到有肉～不過個醋嘅酸甜度合適～如果撈飯應該幾好味～蠔油蔬菜菜不夠甜～係菜頭比較好味～蠔油不會太鹹～所以用於調味都唔錯～份量亦頗多～米線小小一碗米線～湯很清甜～麵嘅軟硬度亦適中～份量係比較少但因為有多碟餸菜所以都夠飽～芋香紫米冰餐飲連特飲都可以㨂嘅關係～有成50多款～又芋香又紫米咁吸引～梗係㨂佢啦味道同芋香奶茶差不多～芋頭味香濃～奶滑～再加上紫米增加層次感～感覺有啲似紫米露～不錯！想寫食評時才發現餐廳已經2年冇人寫過～而且一個好評都冇～但係呢個價錢食到四餸套餐+特飲～而食物水平又不算差的話～值得給佢一個
continue reading
咁啱一堆人20個去食 見到樓下冇大枱 本身就諗住算啦去第二間 之後個店員出嚟話咪開個樓上平時只for私房菜嘅廳比我地用 咁就入咗呢個大伏了20個人比得2份餐牌我哋諗住自己咁多人就費事麻煩到人點菜點到亂哂啦 本身就諗住自己寫哂係紙到俾佢一次過跟住張紙落單嘅 但係佢又係都要我哋自己講住點菜 之後個老闆黑哂口面咁點菜 點點下菜同個店員講嘢嗰陣又俾我哋聽到佢用粗口話我地lol 佢話：「好X多」真係令人啼笑不得 其實我哋有冇話一定要入黎食嘅 係佢自己話開個私房菜廳比我地 但係落餐嘅時候又話我哋人數多 咁算點先？粗口都唔緊要喇 但之後上餐嗰陣又黎錯野食 甚至我哋成枱食晒 我地已經落埋樓下自己提佢差乜嘢未有 佢都居然可以唔知仲有一個差未整 ^^ 而呢間野嘅食物質素真係令我大開眼界😂不單止餐牌抄普洱抄到一模一樣 色系排版冇分別 我哋啲湯米線竟然可以有人係得幾匙羹湯 二湯米線係一啲味都冇 淡到不得了 凍飲竟然係冇冰嘅⋯個杯朱古力普洱冇冰係幾咁頂你明唔明⋯⋯ 最好笑既係杯蜂蜜綠茶⋯ 如無意外應該真係用 支裝道地綠茶 倒落個杯到⋯一飲就飲得出喺道地陣味⋯⋯除咗店員講粗口 有個上菜既嬸嬸竟然話自己唔識字 我哋只不過係問個碗係咩（因為睇樣真係睇唔出個一碗係乜嘢）佢竟然可以話唔識字睇唔到張單講咩⋯⋯我真係俾佢吹脹⋯所以整體而言 呢次係我地咁多人食飯最快想走嘅一次 真係未食完都想走 啲態度差不在話下 食物質素真係幾肚餓都食唔晒又係你地叫我地上私房菜廳既我地始終係客人 比小小禮貌係咪咁難先？所以不可一 不可再。
continue reading
某天行過這店對面，才記起上次出外旅遊前，由於乘搭夜航，曾匆匆在這店子食過一次晚飯，當晚抱著食得小，隨便找間小店試下的心態，結果印象中這店真是不會令人有“印象”，平凡普通，無特別無特色，以它的價錢計，食物入得口，不算好食亦不太差。當晚叫了兩個餐，包括：氣煱雞餐~氣煱雞，有輕微藥材味，雞煮得頗老，個湯都幾肥。灼菜，尚好，不致於太淋，不加上那一殼得過咸字的平價蠔油會更好。套餐~切雞，雞肉尚算嫩，但雞味欠奉，雞皮不太肥，可接受。青瓜，撈了蒜蓉粒和辣椒碎，清新中帶點辣味，非常醒胃，不錯。地瓜飯，簡直是驚喜，加入地瓜和肉碎，增加了飯的香味，食落有半點似海南雞飯的油飯，算是全晚的意外收獲。甜酸肉排，皮淋肉鞋，噬落有渣，但味道算適中，幾拾元—個餐，材料也真是難有保證，以價錢衡量，可飽肚，入得口，算是這樣了，何況每個餐還送一杯杯飲品呢。
continue reading
今晚同太太試吓呢間睇落唔貴，但裝修幾雅致嘅雲南餐館。7時45分去到，入面都幾多人，仲有一張可以坐5個人嘅L檯剩，我同太太猶豫緊坐唔坐好嘅時候，發現係冇樓面幫忙安排座位，後面跟住有4個人入黎，我梗係坐左先。等左兩分鐘先見到有個哥哥仔從廚房出來，即刻攔截住佢落單，落完單個哥哥仔又神秘地消失左。喺等野食嘅十多分鐘，只係見到有人傳菜，而見唔到有人會企在樓面招呼入黎嘅客，就喺呢十幾分鐘，已經有不下四五組客因冇人招呼而走左。除左冇人企樓面，呢間餐館嘅衛生情況亦有待改善，可能真係唔夠人手，我見到洗碗阿姐戴住仲係濕嘅膠手套傳菜。今晚食左個二人餐，味道同份量合格有餘，只係計埋服務同衛生，就真係可一不可再。
continue reading