叠記咖喱

在網上見到很多差評，本身並不考慮去嘗試呢間「過江龍」，但係看見他在這個環境也願意在香港立足，勇氣可加，所以給他一個嘗試！垃圾都係一次啫果然網上的說話不能盡信，我不是一個專業食評價或者食家，但我直接講 我覺得好好食！1~食物質素我老公食咗辣魚豬扒包，我叫左一個四餸麵，個包份量足（如圖），我個麵叫左中辣，湯底好鮮，咖喱好香辣味十足。反正就係我哋兩公婆都好鍾意食❤️2~餐廳環境相比起其他車仔麵座位舒適，冷氣夠凍3~服務態度幫手落單嘅姨姨好有禮貌，但係可能對餐牌未夠熟悉總結～唔錯，有下次

叫了簡單嘅咖哩薯仔雞翼飯，仲以為可以好好食一餐澳門疊記咖哩… 點知…咖哩，好明顯係落辣椒油做嗰個辣味，完全冇咖哩嘅香味；啲薯仔一啲都唔入味，畀我感覺就是白水灼熟之後淋上“咖哩”汁；雞翼更加唔使講… 失望！

佐敦新開咗， OpenRice而家未有，真係未食過咁難食嘅咖喱車仔麵，一尾死辣 又唔香，都唔好講佢難唔難食 員工態度極惡劣，隔籬枱可以人手落單，死都要我QR code落單，都唔緊要，仲要落雨要我擺把遮喺遮架，把遮唔見咗俾人拎咗，串我叫我打電話報警先可以幫到我🤷🏿‍♀️

Google 啲好評 全部都係為咗免費嘢飲!👎🏻👎🏻根本就超難食 啲湯好似水咁完全冇咖喱味得個辣字啲牛腩超級痴牙全部好似煲湯瘦肉咁咖喱魚蛋係就咁用啲魚蛋跟住落啲咖喱水浸住唔係汁 完全冇味 究竟點樣可以標榜sell咖喱 好差！ 真係是但一間快餐店都好食過佢100倍

食開澳門幾間好多次，香港店試左幾次完全不合格，得個裝修同外賣包裝keep 到，咖喱簡直走樣、面質橡根衰過出面粉麵檔，大部分食材下午茶包應該係出面拎行貨，開係咁多選擇太子其實好難做⋯不會再幫襯服務其實好一般 - 無人介紹，十問九唔知，無老撾板無人管理，淨係得阿姐餐牌變哂樣-港式車仔麵仲多選擇，全部玩雜錦，最新什麼雜丸面，全部行貨野加汁，睇唔到有幾特別咖哩牛什 - 牛雜唔新鮮加上霉，香港巿場唔同澳門果種大陸牛雜底，好貴完全唔值

行經太子幾次，見到呢間新開咖喱專門店，今日終於去試吓，店員服務態度好好，但係食物質素認真麻麻。自己招牌寫住係咖喱專門店，但係咖喱食物非常少，只得牛腩、雞翼、同魚蛋，啲咖喱好似湯一樣稀，啲牛腩好似煲湯瘦肉咁，價錢唔算貴，但真係好難食，大家樂都好食過佢，仲話係祖傳祕方……？！真係好想問吓佢個祖先究竟知唔知咩係咖喱😓，咁嘅嘢都夠膽拎得出嚟賣。感覺澳門好多所謂美食都名過其實，過嚟香港開嘅水準更加差，都係寧願支持返本地美食好過。

經過太子特登試一試這間澳門咖哩！本來點了一個咖哩撈麵！點知他們誤會咗意思做咗個醬油撈麵另上咖哩汁！雖然他說可以更換但本像不要浪費的原則照食！但效果與想像差很遠！開頭以為是因為撈麵醬油再加咖哩汁的緣故！但再食咗佢本身咖哩牛腩和咖哩雞中翼都唔入味！就覺得和在澳門食差很遠！99蚊一個麵一支可樂性價比唔高！覺得去食本地的車仔麵更化算更好味不過很多在內地和澳門到香港開業的食店也是味道比原地差！希望本土的食店繼續爭氣！支持香港美食！

QR code落單，很方便，落單時可以揀唔同程度的辣度，又可以揀少飯或正常飯，可以加錢換小食和餐飲⋯可惜佢沒有得選擇少薯仔和多汁😩我叫咗個咖喱雞中翼飯，小小的碗承載着五大嚿薯仔和三小隻雞翼可惜⋯薯仔唔夠腍，又唔入味，雞中翼又嚡又實，好難想像如何可以將雞中翼整到咁實⋯咁嚡嘅雞翼⋯真係大家樂都好食過佢😩😩😩

行過見到呢間新舖，就入去食個tea。雙拼麵 （+熱飲 $39）兩餸叫咗波霸魚蛋 同 蘿蔔牛雜，橡筋幼麵，小辣。上枱都幾大碗，魚蛋係平時d 魚蛋兩倍，佢斬半上，有2.5粒，魚蛋幾彈牙，少少魚腥味。蘿蔔清甜，無渣。牛雜入晒味，唔係乸爛晒，都算彈牙。秘製辣汁好惹味，成碗整體上好食嘅。唯獨麵略碎，但麵質都好嘅。辣魚豬扒包 （+熱飲 $42）個包熱辣辣脆卜卜，一d 都唔靭。中間夾咗辣味吞拿魚，都幾辣，但香口嘅。吞拿魚下有豬扒，豬扒有汁算靚。枱上仲有樽咖哩膏，唔夠辣可自己加，果種辣係香嘅。題外話，d 侍應姐姐好好態度，服務高質。佢見你加咖哩，會問你係咪跟夠辣，提出可幫你加咖哩汁／辣汁。另外，新開張打卡會送野飲，我本身跟餐有野飲，姐姐就幫我減走3蚊凍飲嘅價值，佢哋做野都好flexible。呢間餐廳真係大推，食物質素同服務都好好，價錢又合理，呢d 最驚佢做唔住，到時又少間值得一食再食嘅餐廳。

唔洗去澳門都食到叠記實在太好啦，第一次幫襯香港分店，今年新開張無幾耐。鍾意食咖喱嘅人一定要黎呢度試下，推薦佢地嘅咖喱牛腩、雞翼👍🏻衣度嘅服務亦唔錯主動有禮貌。

現开到香港啦！！！！这家在澳门老字號有多家分店，本地人都愛吃！承载着几代人的回忆的店，🈶77年啦！现在在香港也能吃到了，简直太棒啦👏-我点了他们家的🍜招牌叠记牛腩面（粗面）😍牛腩炖得很入味，和浓郁的汤汁粗面劲道有嚼劲，搭配咖喱香气，吃起来好满足-还有招牌叠记奶茶🥤要试试茶味和奶味比例恰到好处口感丝滑，甜而不腻-店内的环境也很有特色，充满了澳门风情🇲🇴干净整洁又温馨！經過的保保記得去試試啦

我是一個咖哩控，無論港式、日式、葡式、泰式、馬來或印度咖哩我都經常食，所以發現在我家附近新開一間食正宗澳門(葡式)咖哩的店，那我當然要去一試。誰知不試尤自可，一試之下簡直令我怒從心上起！所以從來不寫食評的我也耍寫生平第一篇食評去評論一下這種超難食的“咖哩”。昨天我是買外賣回家食的，總共買了三樣食物：咖哩五寶、牛三寶和豬扒包。首先說說豬扒包，麵包用的是長身豬仔包，個包既不鬆也不脆，既不香也不軟，但是也不算太硬，咬落有點煙靱。雖然該店距離我家只有十分鐘路程，但是始終不是立即食，所以個包不鬆脆也算了。再說豬扒的味道像是只用豉油稍微泡了一下，沒有甚麼特別，更加完全沒我以前吃過的澳門豬扒包那種獨有的香味。總括來說，雖然這個包不能算很難食，但是吃了之後很快就完全沒有印象它是甚麼味道。不過豬扒包不是重點，連照片都懶得去拍，好不好吃都無所謂。重點是咖哩。當我一打開碗蓋心裡頓時感到不妙，從來沒有見過㗎哩汁是這樣稀稀的。聞上去倒是有一點咖哩味，但是吃進口裡卻完全沒有咖咖哩的香味。這個所謂的咖哩汁的味道就像是在不太鮮味的上湯中加入了一點辣椒粉和咖哩粉或薑黃，所以只能吃到鹹味、苦澀味和勁辣味，再沒有其他味道了

豬扒飽鬆軟可口，豬扒夠淋入味，加上牛油香，一流！服務非常好! 咖喱牛腩飯味道正宗澳門味，唔洗山長水遠去澳門食啦，牛腩少肥，但也非常淋，好味! 撈麫也好好食。此店由澳門第三代缷下飛機師的高薪厚職來主理，非常有心。

叠记吃的最早的时候是在澳门 味道很棒 前几天听朋友说香港也开了分店 今天特意过来试一下 他们的咖哩汁好香叠记咖哩是一家以咖喱为主打的餐厅，因其独特的咖喱风味和丰富的菜品而受到许多食客的喜爱。叠记咖哩的特色在于结合了澳门的多元文化，创造出不同风味的咖喱菜肴。餐厅通常提供各种咖喱选择，牛肉和素食选项，搭配米饭或面条。其咖喱酱汁通常浓郁而香气四溢，选用的新鲜食材也让菜品更加美味他们的服务员也很有礼貌 这样的叠记希望他继续传承下去

今日同太太去花墟買花，行吓行吓嘅時候離遠見到有間叫做「叠記」，唔肯定係唔係我喺澳門新口岸食過嗰一間，之前去澳門旅行時食過他們在金沙酒店後面的分店一次，嗰種咖喱嘅味道好深刻，食第一口嘅時候其實接受唔到，因為太辣，但係越食越過癮！然後就深深愛上了。之前有聽過佢哋嘅員工講會喺香港開分店，今次第一次試香港門店，感覺完全一樣！正，香港食唔到呢隻又辣又爽嘅感覺❤️❤️ 仲要尋晚飲完酒今日食一碗佢哋嘅咖喱，直頭回魂嘅感覺😍