大山茶座

Open Now

Now Closed

今日有幸一訪著名嘅車友聚腳點 茶餐廳外有得免費泊車 再加上老闆娘熱情好客 餐廳不乏車友熟客 人情味濃濃的餐廳牆上仲貼左好多電單車🏍 出遊大帽山嘅型相🤩我就食左大山名物 雞脾意粉聽聞個辣汁好正 一食係堅正 撈埋落意粉 好惹味個雞脾已經𠝹成方便切嘅shape 唔洗擔心會食到好論盡

女店主好有禮貌耐心講解同推介，餐廳喺大屋的地下，前舖後居咁家庭式茶餐廳，半自助係岀餐位order就俾錢，好casual室內就係一般茶餐廳裝修，人頭低消$40 不限用餐時間加上係pet friendly 所以吸引不少車友同奴才帶主子去食野，慢慢食慢慢傾，呢到冇咩打卡位但係到食野絕對係chill 加上餐廳有專用泊車位泊車，遊車河中途食下野啱曬今次叫左炸魷魚鬚炸雞翼火喉好好好脆口，仲有個黃金薯角 加埋煉奶好特別整法😁😁😁價錢方面以茶餐廳嚟講5係平但又係山旮旯有個地方中途站休息下算係5錯選擇

呢間店食過好多次。一班車友好鍾意去聚 ，因為有免費泊車，又唔多人。特別係電單車友，三五成群去的。又有露天同室內。入到去好似好舊，有啲茶餐廳feel.我就通常都叫雞髀薯條。波浪薯條，即炸，基本上都無得輸，拎上枱仲熱辣辣所以係好食雞脾配秘製汁，又幾夾喎。汁甜甜哋，有啲似甜豉油。雞髀滑，好大隻，仲會起骨，好方便。但如果想食脆博博嘅雞皮，就無啦，不過當佢係炸過即滷脾，咁呢個會特別啲。個人比較鍾意食炸到雞皮脆嘅炸雞髀。 一個餐都要成八十元。其實唔平。但係唔洗同人迫

呢個位置其實好方便啲車友好多位免費泊車揸車人士必到之選但係食嘢最重要都係味道唔理得佢係高級餐廳定係大排檔味道必須行先第一次去食嘅時候就係食雞髀黃薑飯（小辣）😋😋😋到而家都係食呢個飯隻雞髀真係炸得好透同埋老闆娘已經係切咗啲雞俾肉出嚟少少連骨咁樣係最好但係我覺得個小辣嘅汁先至係精粹有次發夢都夢見食呢個雞髀飯轉頭真係要落去食一食主要係掛住佢嗰個辣汁其實仲有好多唔同嘅小食真係好正每次去都要試吓唔同嘅小食可能會發現新驚喜今次老闆娘就送咗辣椒俾我哋啲辣椒汁真係好正我返屋企試吓煮個面睇吓會唔會食返嗰隻味

原來呢間餐廳可以免費泊車無論食早餐定下午茶都幾好當日嚟到呢度食早餐朝頭早10點唔算好多人 都坐得幾舒服 同朋友就叫咗個早餐嚟食叫左個五香肉丁出前一丁 再加一個香港特色的菠蘿油菠蘿油味道唔錯，但係個麵餅就煮得唔夠熟！ 希望下次去有所進步。不過整體嚟講都唔錯

網上搜索遊車河攻略見到這間出名的大山茶座，係附近遊玩順便過來打卡。中午時段泊車位充足，遊車河打卡目標完成。室外露天環境睇落OK，有田園綠景。帶BB因天氣炎熱坐係室內，室內衛生一般。餐牌選擇少，落單一個丁C豬扒腸蛋麵（$55）+一個香辣豬軟骨薑飯（$80），兩杯野飲。按茶餐廳來講價格唔平，點知伏味濃郁。出前一丁應該係麵連個料包一碗，原汁原味一丁。豬扒薄切細細塊，無咩味。香辣豬軟骨得個辣味，附送兩大塊薑。凍檸茶算OK，但凍啡真係好難飲……『打卡聖地』，打完就算，下次不了！

一去到間餐廳，見到出面有位泊，唔錯唔錯。之後入到餐廳衛生環境真係一般。張枱好多糖漿。咁遠黎到是但啦照叫嘢食啦！再睇吓個餐牌，豬扒煎蛋印尼撈麵$65，出前一丁麵餐$58，魚柳包薯條套餐$65。最後我叫咗單點雙蛋一丁面，凍鴛鴦，豬扒包炸薯條。嘢食終於嚟到，個面林嘅啲湯唔熱嘅，豬扒包個包完全冇烘過，啲薯條有薑味。So far食咗咁多間茶餐廳一丁面應該係最難食嘅一次。凍鴛鴦極度難飲，凍檸茶渾濁冇茶味，豬扒包塊豬扒還可以。不過Sor 9 ，以後唔會再嚟幫襯。

經過八號風球後的洗禮，於是揸車四圍遊覽下，由於本人鐘意去無咩人的地方relax下，無意中係openrice 搵到呢間餐廳，仲要見到有得泊車，於是就決定試一試。餐廳門口都算易搵，村屋形式的地方，環境不算太新，有戶外同室內座位，方便單車友可以睇車，餐廳是以先付錢後上食物形式。結果就叫了雞蛋豬扒黃薑飯和雞蛋雞扒黃薑飯，扒類口感ok，較驚喜係黃薑飯，因為小機會試到。但是價錢略為貴；如果計返係咁偏僻地方食到一個飽肚的飯，我想應該都係值得掛？

搬咗入錦田之後有時都會去上村搵食因為餐廳比較集中哩間大山茶座因為個名好有氣勢又有戶外座一直都好想試星期一午後老闆娘話經過週末眾多單車友嘅「洗劫」我想食嘅港式漢堡包已經賣晒咁就試下鹹牛炒蛋多士由收錢煮嘢食到執枱都係得老闆娘一腳踢好勵害👏🏻烘底新鮮熱辣好味道達薯條都比我哋清埋倉本想叫兩份老闆娘話得一份大嘅比埋我哋😂另外由佢拍板炸左份燒賣話好好食喎咁又真係無呃人啊外脆內淋但我覺得最好味嘅係辣雞髀係有辣椒粒嘅豉油帶點印尼風味雖然佢「碎上」個賣相又幾好笑總括嚟講食物係好味超友善服務都大大加分😛但環境就似大排檔咁啦

假期揸車入錦田行下，路經呢間茶座，隔離條友話呢間好出名，我即刻查下openrice, 老友！得三個食評喎！不過因為有自家泊車位，所以膽粗粗入嚟試下。有室內室外座位任君選擇，枱枱凳凳都好原始果d 舊舊地嘅湊湊埋埋咁lor, 室外就好似俾d 樹圍住食嘢嘅茶座feel 咁lor, 見到牆上面d 相同告示牌，似係電單車友落腳地咁。餐牌就茶餐廳嘅都有，每款食物都有相，我鍾意。買嘢食要自己去收銀到買，飲品即整即自己拎埋位，食物就佢送去你張枱。咁第一次嚟緊係點「熱賣中」嘅雞髀飯，飯可選黃薑飯，辣度有大中小。另外又點咗兩個蛋腸豬排同蛋腸雞翼公仔麵。食物上枱份量ok wor, 有睇頭，我個雞髀飯超正，雞髀肉嫩多汁，個黃薑飯都好好食，讚！

跟餐叫咗兩杯熱檸水，唔知係隻杯未洗乾淨抑係水唔乾淨，成隻水十分渾濁。同掌櫃投訴，得到答案係"d檸檬溶左係咁㗎啦"，而且態度頗不友善。叫咗個雞脾餐講明要走辣，但最後都係成碟辣椒。

欖角炒飯勁正，又平55蚊連野飲，炒得又快，上枱既時嘅仲熱辣辣!豬扒餐肉米粉，豬扒入味好食，餐肉煎得好香，米粉略嫌唔夠味。奶茶同檸茶，茶底濃陏，讚！環境幽靜，坐位舒服，枱夠大張。

最近疫情嚴重，常常戴口罩令人抖不過氣，於是週末去郊外走走，呼吸一下新鮮空氣，經過此地，剛好是午飯時間，於是順道光顧一下，這裡是先排隊付錢，然後即時自取飲品回到座位，等候主食送過來，點了一碟雞髀姜黃飯，雞髀是已經去了骨，食下去容易入口，姜黃飯非常惹味，醬汁有分辣和小辣中辣大辣，確實不錯，不過價錢就稍為貴一些，但位置偏遠，用餐食肆選擇不多，所以沒辦法，此餐廳有分室內和室外，餐枱都算多，有很多自駕人士都來光顧呢！

落雨濕濕既一個星期日 腦真係唔想諗野淨係講諗食咩 都諗左好耐開住車 不停諗 因為過左真係唔想兜反轉頭最後我地去左大山茶座啲間餐廳 對於我黎講係有回憶既加上有得泊車 方便揸車人士入去條路係有小小神祕😂美式早餐(全日供應)蛋滑 豬扒夠味 我叫招牌餐 雞髀飯bb辣話哂都係中午時間 食飯好重要上面啲汁唔係豉油 甜甜地 又辣辣地係野味既其實早係我地order 客人陸陸續續都入緊去餐廳唔算大 加上落雨 露天位已經用唔到所以鋪內真係好熱鬧老闆娘服務態度都好好

之前食過ALL DAY果D麻麻,今次試食飯麵類。叫左個雞脾意粉。雞脾有得揀辣度, 叫左小辣, 原來個雞脾係用左CURRY 粉整, 因為食到少少辣GE CURRY 味, 幾惹味! 不過佢地加左PAT 醬汁, 係甜甜地GE, CURRY味被蓋過了,我寧願5要果PAT 汁。佢地好細心, 雞脾基本上起哂肉先俾你, 5攸食得好狼狽。個意粉係茄汁幼意粉, 無多餘的茄汁,但意粉好有茄味,又煮得幾好。不過若汁意粉同CURRY 味GE 雞脾+ 果PAT汁５太夾，