Video
Opening Hours
Mon
Closed
Tue - Fri
14:00 - 22:00
Sat - Sun
12:00 - 22:00
Above information is for reference only. Please check details with the restaurant.
晚飯前經過位於紅橋附近商場的小店，位置不太顯眼，但相信住在附近的人都知道這間小小章魚燒。首先說一下它的裝潢，外面掛著印住章魚燒的紅燈籠和貼滿了poster，而店內只有兩個員工，還有一班正在門口等待外帶的食客。店舖總共有四款口味，分別是原味、蔥、蟹子和明太子，而我點的是原味。而他們有兩個份量可選，分別是4粒和8粒，既可滿足少吃之人，又可滿足大食的朋友！而我點的是8粒原味，大概等了十分鐘左右，熱騰騰的章魚丸便出爐！章魚丸上鋪滿燒汁和沙拉醬，還有一埋木魚放在旁邊。而章魚丸的質感相對香港其他同類型的章魚丸店比較軟，有點像在大阪心齋橋吃的那種，令我不禁想起大阪的感覺！而味道方面亦都調配得很好，章魚也蠻大一顆，非常合我口味，相信不久將來我會再來吃！😊
continue reading
本身好少機會入屯門，今次有機會去屯門，見到附近有間好出名既章魚燒，當然要去試下，但估唔到買一盒章魚燒要等成45分鐘，見佢咁受歡迎等一次半次都無妨。係周圍行到腳斷先過左一陣，雖然係即叫即燒，但一個小食類既食物要等咁長時間真係有啲扣分，唔等都等左一段時間，點都頂埋去。終於都等到，可以食得，外型都幾吸引，仲有好多木魚絲。一試之後，發覺無想像中咁好食，中間只係得一粒章魚無其他野，雖然章魚燒個心軟綿綿，但外皮唔夠脆，而且沙律醬同燒汁可以再多少少，因為覺得唔係幾夠味。只可以講同日本食到既章魚燒好似，但唔係我食過最好食既章魚燒。
continue reading
今日同朋友去咗屯門行山，我返嚟嘅時候就想試吓屯門好味嘅小食，於是就去咗紅橋附近搵好嘢食～呢間章魚燒主打大阪章魚燒，即係冇脆皮、唔似平時食開築地章魚燒咁，但係喺網上面都非常出名，好似話成日都有人排隊咁難得嚟到一定要過嚟試吓啦！我同朋友叫咗個明太子章魚燒，要等大概10分鐘係等嘅時候，見到佢一粒粒咁整，真係好吸引啊！係等嘅時候，都一直不斷有人嚟買，證明網上嘅傳言係真㗎！等左10分鐘之後，佢就送到黎我手上啦～雖然我影咗好耐相，但係嗰四粒章魚燒都係脹卜卜，唔會好似大阪嗰啲塌晒落去！車落去雖然冇脆皮，但係係好滑嘅粉團，而且章魚俾得好足料㗎！真係好好味！雖然啲人話如果鍾意食脆皮嘅章魚燒，就唔會想食呢種大阪章魚燒，但係我都會極力推薦大家去試一試，因為真係好好味架！
continue reading
一向鍾意食章魚燒，章魚燒食過最好食既係日本大板街頭，不過見到呢間好似有玩D花款，仲要幾多人排隊，一於8妹上身，照排隊。MENU主要係4款，有原味、爆多蟹子、明太子同超多蔥。其實都係係章魚燒上面加唔同topping~ 價錢就＄28-32／4粒左右，大約等咗15分鐘就有得食今次叫咗蟹子章魚燒，真係超多蟹子仲要熱辣辣，入面軟綿綿，粒八爪魚都算幾大粒。不過由於太多蟹子，成口蟹子反而享受唔到章魚燒既味道呢間店的章魚燒比平時都大粒D，所以4粒份量都可以接受
continue reading
景峰嘅呢間章魚燒已經想試左好耐可惜摸左好幾次門釘，呢次食完晚飯經過見到開左即刻唔理食到幾飽都決定要食LOL雖然已經係飯後時間但係都有人喺度排隊買同等，但好彩唔係好多人算快落到單，由於係即整所以店家喺落單比錢嗰時都有講明要等十五至二十分鐘超正明太子大阪章魚燒激多明太子同木魚賣相吸引；熱辣辣嘅章魚燒外脆內軟而且食落唔會覺得好粉；餡料好足食落啖啖章魚粒好正其實有好幾隻味都想試可惜食飽左飯，下次有機會都會想再試埋其他
continue reading