To-Gather Cafe (Closed)

早排約左成班跳舞同學仔去旺角食飯，為左可以有個玩得食得又傾得的地方，我們決定去揾間樓上Cafe。旺角出名夠樓上Cafe，係細選下，我們揀左位於金雞商場樓上的To-Gather Cafe。我們一行四人又餓又渴，見到任飲的Party餐已經心心眼，好岩諗住慢慢坐的大家！另外，派對餐除左有主食外，仲有沙律、大量的小食、甜品。本身都揀凱撒沙律，不過咁岩賣晒⋯所以我們就要左份日式芝麻醬田園沙律。沙律用了不同的沙律菜、青瓜、蕃茄仔都好新鮮，粟米及洋蔥都幾甜，整體都OK。小食拼盤共有六種小食，包括蜜糖雞翼、惹味咖哩角、泰式燒豬頸肉、粟米墨魚餅、吉烈珍寶蝦及蜜汁雞肉串。係咁多款小食中，我比較鍾意泰式豬頸肉。豬頸肉燒到岩岩好唔會太乾，不過如果每片豬頸肉再切厚少少會更香更有口感。想大讚的係不在鏡頭下的泰式醬汁，唔同一般Cafe或餐廳的橙色甜酸汁，呢到係用重青檸味的酸辣汁，點小食一流！身為薯條迷的我，無論返工定行街，時不時都會買薯條食。曾經食過某樓上Cafe的薯條，個餅焗到痴實又叉唔起的薯條令我一度懷疑樓上Cafe的薯條好極有限⋯⋯但呢間Cafe的薯條絶對無改錯名「無得輸芝士薯條」！芝士汁應該加了白汁，所以質

若不是朋友帶我來，我可能不知道也不會來19樓的cafe。一出升降機便見到這餐廳，經過小小白色的門口，內裡的裝修以黑白為主：白色牆壁，黑色梳化，白色餐枱，予人簡約整潔之感。食物方面，我們選擇了Party Set B，有沙律，8款小食，2款主菜，甜品以及免費添飲的飲品，感覺抵食。一入餐廳，其實已經留意到有不少卡牌游戲。趁著等待的時候，我們幾人便玩了起來。玩著笑著，感覺很輕鬆。之後，食物便逐漸送上。日式芝麻醬拌田園沙律，開胃的前菜，蔬菜清爽酸甜，尤其喜歡吃青瓜。無得輸芝士薯條奶白色芝士配上厚身的薯條，賣相吸引。入口熱烘烘的，薯味突出。芝士味不太濃，口感香滑，味道與白汁相似。蜜汁雞肉串及泰式燒豬頸肉雞肉串燒得焦香，肉質嫩滑，味道甜而不膩。豬頸肉厚切成一大片，配上泰式醬汁，酸酸甜甜，很開胃。小食拼盤琳瑯滿目，有吉列珍寶蝦，粟米墨魚餅，咖喱角和蒜香雞翼。金黃又飽滿的吉列珍寶蝦，脆口不油膩，蝦肉彈牙，很不錯。粟米墨魚餅，彈牙而充滿鮮味，內裡的粟米，增加了口感。咖哩角香脆而惹味。蒜香雞翼，烤得入味，但稍為乾身了。芝士西蘭花，除了西蘭花，還有甘荀，粟米和菇類。與芝士混著吃，味道更香甜了。主菜是抗氧黑蒜忌

放工梗係一班人出去玩啦Happy gathering 同朋友去咗呢間cafe,門口仲掛住個牌，可以轉一轉。去cafe一定要預早預約,先會有位，我哋見到愈夜越多人，之後成間餐廳都冇晒位。呢度有三張Menu，重點梗係食party set🎉我哋咁多人，就揀咗party B,感覺多嘢食啲。我哋去咗玩card game,玩左一陣之後就有嘢食啦。一上碟係好多既小食，分量十足，具有泰式風味。吉列珍寶蝦炸完熱辣辣，每啖都好香脆，啲蝦唔會太乾，出邊脆卜卜入面軟林林。蜜糖雞翼蜜糖雞翼嘅皮有少少脆，個皮好有蜜糖既甜味，啲肉多多。粟米墨魚餅唔會覺得好多粉，啖啖都係墨魚肉沙津田園沙律配芝麻醬黑松露海鮮意大利飯黑松露味好香，一上碟就已經聞到味，有唔少海鮮，有魷魚，三粒青口，仲有幾隻蝦，意大利飯黏黏地，飯好有質感，味道不錯。白汁香蒜意大利粉蒜蓉味好重，個份量唔少，蒜蓉再加埋白汁，加上意大利粉嘅質感啱啱好，食完成口都係蒜蓉味。紐約芝士蛋糕🍰芝士質感硬硬地，食落口有濃郁芝士味飲品呢兩支飲品好大支，食咗咁多餸，配上飲品真係幾唔錯，加上我哋一邊玩遊戲一邊飲野，呢杯芒果蜂蜜，一早已經俾我哋飲完。

為咗慶祝朋友生日，今次特登去咗Cafe，可以同朋友一齊玩下遊戲。Cafe位置闊落，好啱一大班人一齊玩。見到Menu有party A同part B ，都有唔少選擇，最後我哋揀咗party B。Party B有沙律、小食、主菜、甜品同埋飲品飲品我哋決定揀咗芒果蜂蜜同是日特飲（菠蘿飲品）估唔到呢樽野飲咁大樽，真係好啱開party。沙律🥗我哋揀咗田園沙律加芝麻醬，沙律大大碗，仲有個夾可以夾俾朋友食，覺得開緊party咁。小食我哋幾個人，見到個小食原來都幾大分量。有吉列珍寶蝦、咖喱角、豬肉串燒、豬頸肉、條、雞翼同粟米墨魚餅,小食都好豐富下。豬肉串有好多醬汁係面上，豬肉琳琳地加上醬汁，都幾夾。主食香蒜意大利粉香蒜味好濃，朋友好鍾意食蒜，呢碟菜簡直啱晒佢胃口。意大利粉煮得適中，加上好突出嘅蒜頭味同埋有意想不到咁多嘅蜆肉，值得嗌嘅。黑松露海鮮飯海鮮飯都有唔少海鮮，啲飯應該係意大利飯黎，有少少梗梗地，增加口感，配上唔少海鮮，成件事好滿足！甜品🍮甜品係雪米糍

今日同女朋友黎到食晚飯，因為暑假關係，好早就滿座，位置都好舒適，我地叫左個焗豬扒飯同薯條，仲有一杯青蘋果紅茶同蜂蜜紅茶，都好好味。食完野仲可以坐低玩switch。

人大左，好多時間都用左去工作昔日青春時候，總會同三五知己去cafe hea一個下午依D時間真係賣少見少最近工作上轉工離職，所以難得有時間周圍HEA下咁岩行下旺角，所以揀左間CAFE同女朋友坐下，順便傾下旅行行程一入去，好多即影即有既相片睇得出老闆係一個好重情的人，同好多朋友熟客留低回憶然後cafe播住我地班90後既歌，聽返真係好開心 我同女友叫左D小食，味道好好。沙律係真心足料，味道好食開胃，顏色醒晨所有食物都係即叫即整，所以等既時間係要少少，但cafe我地邊傾邊玩，所以都OK感覺好似去返中學時光得閒會再返黎

一班朋友去搵地方傾計食飯再加慶生，搵到一間容納到我地咁多人，又有好野食嘅地方，而且非常就腳！第一次嚟，好多 board game 玩，我地都玩左成半個鐘先點菜。叫左party set,份量夠，味道好😆🤟有我最鐘意的芝士薯條，小食併盆都種類豐富。最正係飲品仲有得無限 refill ❤️ 因為朋友生日，我地喺上面切蛋糕，切餅費都唔算貴。店員服務好好，幫我地切好晒仲播晒生日歌，下次有班人一齊慶祝生日的話一定再嚟！

同中學同學好久沒見，感覺恍如隔世，約他們去吃飯又各有各不吃，最後選了cafe，最起碼不吃也可以玩嘛！Party b比較多東西吃，而且只是$30差距，所以就不考慮party A了。比較豐富的party b有凱薩沙律或普通沙律選，那當然是選比較豐富的吧！除這以外，前菜還真的是多得離譜，有吉列蝦，蜜糖雞翼，燒豬頸肉等八大款！最欣賞的是他們加入了鏗魚塊的餃子，雖然是入貨，但味薄肉味佳，很是好吃！加上芝士薯條，其實到這我已經差不多飽...香茅豬扒飯給我的感覺是很甜，中間的番茄又帶點酸，豬扒件件都帶點肥肉同骨，但這樣才juicy！下面的是炒飯底，沾了醬汁都不會太濕，值得一讚呢黑蒜忌廉雜菌意粉的醬汁非常豐富，材料不算複雜，只有菇跟黑蒜，黑蒜的件頭想不到還頗大顆的，咬下去有陣陣香甜味。今天晚上是星期５，我們一行人一直由大富翁玩到ＵＮＯ，由大富翁卡玩到層疊疊，還有些不知道什麼名字的新遊戲，直至１２點老闆娘要關門才離開！

親愛的生日, 三五知己慶祝, 想找一個寬敞舒適的地方, 經朋友介紹, 就選了旺角這家店; 店裏的座位舒適, 有些枱能座12人也很輕鬆; 各式各樣的棋牌遊戲, 能在等待上菜期間, 為大家解悶;我們點了一個party B, 沙律, 小食, 主食, 份量均十分足夠; 意大利油醋汁的田園沙律, 沙律青綠新鮮爽甜, 有車厘茄, 粟米, 配以芝麻醬, 麻醬味道極濃, 酸酸甜甜, 十分醒胃;我們點了一壺芒果蜂蜜; 淺淺的芒果色, 味道感覺有點像百香果, 清清甜甜, 極為解渴; 吃完沙律, 小食薯條已來了, 一條條金黃的厚切脆薯條, 佈滿幼滑香濃的芝士醬, 每一條都脆口無比;而雞肉串及豬頸肉, 每一串雞肉串都被蜜糖滋潤著, 甜甜的啖啖肉; 而豬頸肉, 厚切豬頸肉, 每一片都十分爽口, 不沾醬吃, 原汁厡味的豬頸肉, 肉汁豐富; 配以泰式甜醬, 甜甜的口感, 十分惹味;重頭戏小食拼盤, 有蒜香雞奕, 吉列珍寶蝦, 粟米墨魚餅, 咖喱角, 及芝士西蘭花, 款款都各具特色;蒜香雞奕煎至金黃色, 香脆的外皮包裏住鮮嫩多汁的雞奕, 香濃的蒜香味道, 吃不停口; 而吉列珍寶蝦, 每一口都香脆可口, 蝦味十分濃郁;

好耐冇同班friend 一齊食飯開p，不過我地今次唔飲野，反而去左食樓上cafe。因為對於我地來說，飲酒過量實在不適，飲蜂蜜綠茶最多都只是有大肚腩而已～Party set 我地揀左B，因為2款都好似差不多，但B多d野食嘛！這個餐是人頭計，其實都幾飽，沙律只是頭盤，一大盤薯條，吉列炸蝦，雞肉串，泰式燒豬頸肉，墨魚餅，咖哩角，蜜糖雞翼都有，大家覺唔覺，上面各類分別代表一個地方，西式/日式x2/泰式x2/港式x2，一個地方食到咁多野，的確係非常特別。部分炸物吃來雖然帶油膩，但感覺到唔係用萬年油，cafe來講已經很不錯。另外要了抗氧化黑蒜意粉同香茅豬扒飯，唔係咩特別野，勝在新鮮滾熱辣，份量十足！八人份量超大一盤！我地最後都係食唔曬，因為仲有任飲蜂蜜綠茶同柑桔檸檬！之後玩餐廳既小遊戲同飲到尾，又唔會宿醉，而且又重拾了童真，仲捧住個肚（係，野食+任飲份量都幾多），真係大滿足！

朋友仔同我慶祝生日～多人就只有cafe選擇～我地有6個人所以揀jor B餐團體餐（$158）我地覺得都幾抵食！因為有沙律菜、又有好多款小食！（勁大盤）而且兩款主食～男仔朋友都覺得好飽好鍾意佢個芝士薯條，成層芝士係上面！因為我好肚餓，所以瘋狂進食哈而且佢地仲會因為有人生日播生日歌俾大家一齊唱歌！仲幫你切埋蛋糕俾咁多人～幾好幾好，唔駛自己切餐廳周圍無乜其他餐廳，所以成層都安靜舒服～最開心係大家可以聚埋一齊玩board game同埋聚會傾下近況

Girl’s talk梗係搵d可以坐得耐既cafe啦呢間係旺角金雞方便易搵但係係金雞商場樓下個水牌係無寫呢間cafe入左lift就會見到個名，所以大家都唔洗懷疑係咪呢到有2個party set超抵我地就揀左party B飲品係一榨既咁叫既-荔枝紅茶（唔會太甜，好有荔枝味）凱薩沙律（菜同車厘茄都好新鮮）雞串同豬頸肉（雞串醬汁好食豬頸肉唔會硬到咬唔到）芝士薯條（芝士味唔太濃似白汁都好好食）另外想講個員工上菜都會提我地最好食左呢個先，如果唔係凍左就唔好食呢個擺到好似拼盤咁都不過不失架焗西蘭花焗豬扒飯味道唔錯忌廉什菌意粉都好好食全部野份量都好多真係多到食唔哂好適合一班人黎食野同傾計另外當晚隔離枱有人生日，個場地拎蛋糕上枱既時候會播生日歌，令到全場都歡呼超有氣氛

讀書嘅時候，cafe 盛行，難得長大後又有機會去cafe 玩下boardgame，同朋友知己傾下計跟住朋友黎到lee間cafe，我鍾意佢嘅座位擺設，每一張枱都比半長方形沙發櫈圍住，一班人坐係入面好有包廂嘅感覺，放心傾密計由於大家都唔肚餓，志在可以一班朋友玩下boardgame，敍下舊，所以我地只係叫左少少小食、飲品。印象中cafe 食物好一般，竟然lee間cafe食物都幾好味～原來cafe 都已經與時俱進啦，食物質素拍得住餐廳咁就過左一個好愉快嘅晚上

佔盡最佳地理位置 位於旺角點就算朋友係一個住東 一個住西 都可以選擇呢個地方食野同hea /玩 場內亦有遊戲 有棋 有益智games 👏👏👏餐牌有dinner set 即以個人單點爲住 價錢都係（$94-$118）亦可以多人一個Set 去叫 有Party A/ B 去選擇價錢都係（$128-$158）而我地4人就叫左 Party B凱撒沙律亦有好多小食跟餐呢個薯條既醬似係湯 但都幾好味不是一般普通的👍焗豬扒飯 白汁蒜蓉蜆肉意粉意料既係材料係好多 味道👌🏻另外會有兩榨野食跟餐以一個超值價錢 可以有多款野食亦可以有一個供玩，食野地方係絕對抵既👍👍👍👍

舊時搵個地方傾計都好難搵到，1:可以坐低慢慢傾，2:可以慢慢食下嘢飲下嘢，不過好多樓上餐廳都可以一班人可以坐喺度，開開心心食一餐飯又可以大聲講大聲笑，今次我地3個女人去咗呢D餐廳食飯順便聚舊餐牌基本上有dinner set連飲料外，仲可以加錢食埋甜品又得，嫌唔夠又可以再點D小食，我就點咗黑松露海鮮意大利飯同小食，除左食之外仲有益智遊戲可以俾大家玩吓消磨時間我地點嘅巨蜂乳酸提子，飲落酸酸甜甜開胃之餘仲好冰涼，小食係田園沙律日式芝麻醬嘆住先，沙律🥗翠翠緑緑好新鮮，又好豐富，食完已經有點飽粟米墨魚餅好有囗感，食到粟米粒同墨魚粒，煎得香囗又爽彈，真的好好食熱辣辣惹味咖哩角，食落特別香濃惹味，咖哩味香而不辣再加個小食蜜糖雞翼， 雞皮薄而香脆，雞肉嫩滑多汁，甜香的蜜糖十分入味，鹹中帶香甜，香口惹味!輪到主菜出來係黑松露海鮮意大利飯，聞到好香嘅味道，就先食大蝦，入口脹卜卜咬落好爽彈又帶點黑松露夠晒囗感，再食啖意大利飯入口軟硬度適中，每粒飯都食到意式醬汁同黑松露香嘅味道食得滋味我地幾個好耐無咁樣聚會，食左玩game，嘻嘻哈哈玩了一整晚，真痛快