杜記茶餐廳

Open Now

Now Closed

農曆年同佢買咗個盆菜，一打開「哇」勁啊！個樣又好睇！全部親戚都喺度話靚！個個都話好食！咁大個盆菜都食到乜都冇得剩！味道方面，佢地以傳統手法製造，味道似足圍村風味。又夠味又大份。

大班朋友相聚，盆菜係一個好選擇！不過我食咁多次盆菜，印象認為一盤好多食材，全部都係南乳味！而且好多時南乳味重到食材本身嘅味都遮蓋了！一啲都唔吸引！訂之前打電話去問訂盆菜要落幾多訂！聽電話嘅阿姐好豪氣講落幾多都得（心唸1千蚊個盆菜，我落$50嘅唔要，店家咪好蝕？）同事落訂有單據，攞盆時扣數！個盤要收按數（$50一個，還盆時比番）店家包埋即棄餐具！盆菜（大盆）（$1050）盆菜用錫紙包好！再用膠袋袋好！膠袋用紙皮墊底！打開同店家照片好似！食材好多！食材入味！最驚喜係南乳味唔會蓋過食材本身，好香濃好！冬菇厚身入味稔口，豆卜索晒汁，豬皮好爽！土魷片唔韌，彈牙好味！鴨肉味濃好味！加$450（大小盆一樣）有秘製魚蛋、鮑汁螺片、乾瑤片：三樣都好味！螺片稔口入味！魚蛋人人大讚（可惜我搶唔到）乾瑤柱我本身唔喜歡！20幾人食到好飽！仲淨半盆！大家都唔浪費攞盒打包走！好受歡迎！白飯都包咗好多盒！第一次覺得盆菜好味！還盆攞番按金好爽手！

聽人講得多啦，終於黎到呢間茶記「杜記茶餐廳」食呢個好出名既「腐乳豬扒飯」，相信出面麵好少甚至無得食呢個飯。一入到去，普通茶餐廳，裝潢好簡單仲有啲殘舊，座位唔算好多，要去食就要早少少去等位啦，但見係出名有好野食，咁點都要坐下等食啦。「腐乳豬扒飯$40+炒底$7」呢到係奉送例湯既，不過就唔包餐飲(熱飲+$6/凍飲+$8)，聽人講呢個飯一定要轉炒飯底先好食嫁，咁就梗係要試下啦。等左都有10幾分鐘，終於有得食啦。例湯就普通老火滾湯，好多瓜類，咩都滾埋一齊，幾好飲。腐乳醬就會另上既，豬扒都算大塊(已剪好上碟)，但豬扒都比較薄身，炒飯底用蛋炒得好香好粒粒分明，唔太油膩好乾身，另配上有鹹炸菜，幾惹味。食既時候自行撈上腐乳醬，連埋炒飯同豬扒食都幾有一番風味，好特別出面食唔到，不過就唔好撈咁多，因為腐乳味道都比較濃鹹既。值得推薦大家去試食下既，好好食！

望著上水已經變成藥房區，一間一間熟悉的舊店消失，心中不無唏噓，只好珍惜當下的時光，多點光顧來支持。杜記位處橫街，人流不多，反而可以避開昂貴的租金，未知是福是禍。由於是老店，所以有盤菜預訂，幫趁當日，就有團體訂了好十幾個，場面令人食指大動。下午茶時段，只簡單的點了麵餐。餐肉雞蛋牛肉麵滿滿的一碗，將所有食材都堆起，老板仲加多兩件雞翼尖，大概只有這種老店先有的人情味，牛肉並未醃至失去肉味，餐肉不會煎得過火，公仔麵淥得剛剛好，不錯。凍檸檬茶已叮囑少甜，但甜度仍太強，不過茶味幾香。雖然店有點殘破，但客人與店員彷彿有默契，是少有的人情味。 

下午茶時間, 行過、路過、肚仔餓 .... 入去吃點東西 ~點了茶餐 脆皮雞肶+火腿三文治, 配餐飲價 $32 ~ 先端上來的是餐茶 "阿華田" ... 天氣冷, 飲番啖暖下先 ... 調得夠濃夠味, 沒有水汪汪~雞肶夠大隻, 即叫即炸, 皮炸得脆卜卜, 最重要係 -- 炸得夠熟透! 我不吃 pink chicken ~ 雞肉熟透之餘, 肉質既滑嫩又沒有雪味, 醃味也不俗 .... 還要配埋腿治, 真是正斗 ~本篇完 ~

上水有很多味道好的餐廳,但估唔到我返左工咁耐先識呢間杜記,真係孤陋寡聞喇~LUNCH時間真係好多人,而且坐位唔太多,好彩早少少到唔使等位,最多係搭台。午餐奉送例湯,是日花生眉豆雞腳湯,望落去係好似自家老火湯咁,足料有心思的,飲落味精唔重,唔會淡到開水咁,大大碗有家的溫暖感。味菜火鴨絲文燜米,米粉夠乾身,唔會太水,淋身,火鴨絲大方得唔係一絲絲,而係火鴨片,起碼有5,6塊以上,唔會好鹹,味道好適中,係1個合格唔求其的燜米。蔥油雞飯,真係好黃油雞,肉質嫩同香,同事話似係新鮮雞,咁我唔肯定,只係D肉唔"鞋口"同"散"應該唔差。最正有菜心送~登登登登登登......到最出名的是豬扒飯,呢個係腐乳豬扒炒飯底,份量多到3個人食都夠飽,再加埋炸菜一齊食好惹味呀!!豬扒好貼心切開一塊塊容易食,入口鬆軟唔會落得過量的鬆肉粉,好JUICY同食到香煎完的脆口。點埋腐乳食又估唔到咁MATCH喔!腐乳係自家改良過所以唔會得個鹹字同搶左味,淡淡的腐乳味提升左成件豬扒。炒飯炒得好乾身同粒粒分明,唔會太油,食完再想食。好食的茶餐廳是買少見少,食物質數又好參差,所以希望杜記好好保持水準,保持港式的風味,保持咁好味同相宜的

同事一直盛讚呢間餐廳嘅腐乳豬扒飯，但又次次都錯過了，今日終於有機會一試！普通茶餐廳格局，裝修簡單，座位好窄！卡位坐四人的話好迫！下午茶時段無乜人！坐低即落單！叫腐乳豬扒飯（$35），炒底加$7，呢個飯唔跟飲品，熱飲加$6，凍飲加$8，加加埋埋都成$48，唔係平！腐乳豬扒飯炒底：腐乳醬另外上，好濃好杰，味道咸香！點豬扒或撈飯都好味！豬扒份量多，有兩塊，已經切件，豬扒淋身有肉汁，唔會嚡！炒飯份量唔多，炒得乾身唔油！另有榨菜拌碟，咸香撈飯唔錯！整體好味！例湯：雞腳蘿蔔湯，足料夠味，夠熱，唔味精！熱檸茶：茶底夠熱兼濃，唔澀！茶餐廳水準！店員好親切，仲識講笑，同事行過廚房居然請佢食件腩肉！話剛剛炸起！呢度仲有做新年盆菜，都見到客人來訂！開心嘅一餐！

上水，為在下來說都頗遙遠的地方，可是偏偏卻要經常來到的地方，也曾經看到不少手拉車的人潮，今日卻少了很多。縱然是這樣，但依然要找個個地方落腳，醫一醫肚皮。來到石湖壚，著實有著不少的小店，各自默默耕耘。來到新健街，有一間小店，從網上看來評風不多，只有兩個，還要在零八年的時候，到今天，已經有六年沒有多一個評風了，這一間便是杜記茶餐廳。餐廳地方不大，有著茶記風格，午餐時段沒有太多客官，相信是住在附近的住客。店子裝潢簡潔，沒有奢華的裝飾物料，只有的是簡單的陳設，卡座用上紅色的木板，加上軟墊，餐桌桌面不是木製的而是玻璃，承托著的只有兩邊的木板，中間可以放下餐具和客官帶來的物品，是一個很好的設計。在下沒有看著餐牌，只是在牆上的招紙看看，杜記的產品，一如有粉麵和午餐和常餐的大路食品，但是在下前的招紙裡寫下了一款招牌菜，於是便點來吃罷。例湯是合掌瓜煲豬骨湯，老實說，也許沒多間茶記會真的有一豬骨放在碗裡，而且還有南北杏在內，實屬少見。例湯味道縱使一般，但是至少也有湯水可以幫助解暑吧。腐乳豬扒飯。你吃過腐乳嗎？相信一定吃過，尤其是在炒通菜時也會茖腐乳的。但是這裡卻把腐乳當成為一個醬汁，豬扒不落黑椒汁，茄汁，

檳城魚湯米線 ($23) +$2可選冷熱飲品一杯可改油麵材料：豬軟骨、魚蛋、魚片、豆卜 & 菜魚湯超鮮甜，魚蛋勁彈牙，正！另外，有機會亦可試吓馬來咖哩米線 / 煎豬扒飯 / 星州炒米喱度地方唔算大，一般茶餐廳格局，仲有啲殘舊tim，但嘢食真係唔錯，午市勁多人。

如果唔係睇到U MAGAZINE推介,相信呢世都唔會搵到呢間隠世茶餐廳.雜誌重點介紹的星洲炒米,的而且確,香口而惹味,不油不膩,好重香茅及各種咖喱香料的芬芳,非常有層次,反而冇咩辣味,米粉亦炒得乾身,同芽菜,蛋絲,火腿絲,青椒絲配搭得啱啱好,果然名不虛轉.老公要食飯,是但點了滑蛋牛飯,牛肉+蛋非常滑溜,冇咩可以挑剔.我的熱奶茶,茶味香濃,可惜用玻璃杯上,比較大杯抵飲但太燙手難拎.老公的凍奶茶就飲得極快,因為柯打時忘記要少甜,本來有啲擔心,但飲落又覺得啱啱好以上兩個午市套餐都係賣$26,呢度凍飲係唔使加錢的.入門口時見佢煮緊馬來咖喱麵,賣$23包飲品,個樣好似幾正,又俾自己一個再嚟幫襯的機會, 哈哈哈.非常驚喜的發現,而家仲係第一個食評添