Video
Read full review
2016-02-29
1362 views
上水有很多味道好的餐廳,但估唔到我返左工咁耐先識呢間杜記,真係孤陋寡聞喇~LUNCH時間真係好多人,而且坐位唔太多,好彩早少少到唔使等位,最多係搭台。午餐奉送例湯,是日花生眉豆雞腳湯,望落去係好似自家老火湯咁,足料有心思的,飲落味精唔重,唔會淡到開水咁,大大碗有家的溫暖感。味菜火鴨絲文燜米,米粉夠乾身,唔會太水,淋身,火鴨絲大方得唔係一絲絲,而係火鴨片,起碼有5,6塊以上,唔會好鹹,味道好適中,係1個合格唔求其的燜米。蔥油雞飯,真係好黃油雞,肉質嫩同香,同事話似係新鮮雞,咁我唔肯定,只係D肉唔"鞋口"同"散"應該唔差。最正有菜心送~登登登登登登......到最出名的是豬扒飯,呢個係腐乳豬扒炒飯底,份量多到3個人食都夠飽,再加埋炸菜一齊食好惹味呀!!豬扒好貼心切開一塊塊容易食,入口鬆軟唔會落得過量的鬆肉粉,好JUICY同食到香煎完的脆口。點埋腐乳食又估唔到咁MATCH喔!腐乳係自家改良過所以唔會得個鹹字同搶左味,淡淡的腐乳味提升左成件豬扒。炒飯炒得好乾身同粒粒分明,唔會太油,食完再想食。好食的茶餐廳是買少見少,食物質數又好參差,所以希望杜記好好保持水準,保持港式的風味,保持咁好味同相宜的
LUNCH時間真係好多人,而且坐位唔太多,好彩早少少到唔使等位,最多係搭台。
午餐奉送例湯,是日花生眉豆雞腳湯,望落去係好似自家老火湯咁,足料有心思的,飲落味精唔重,唔會淡到開水咁,大大碗有家的溫暖感。
味菜火鴨絲文燜米,米粉夠乾身,唔會太水,淋身,火鴨絲大方得唔係一絲絲,而係火鴨片,起碼有5,6塊以上,唔會好鹹,味道好適中,係1個合格唔求其的燜米。
蔥油雞飯,真係好黃油雞,肉質嫩同香,同事話似係新鮮雞,咁我唔肯定,只係D肉唔"鞋口"同"散"應該唔差。最正有菜心送~
登登登登登登......到最出名的是豬扒飯,呢個係腐乳豬扒炒飯底,份量多到3個人食都夠飽,再加埋炸菜一齊食好惹味呀!!豬扒好貼心切開一塊塊容易食,入口鬆軟唔會落得過量的鬆肉粉,好JUICY同食到香煎完的脆口。點埋腐乳食又估唔到咁MATCH喔!腐乳係自家改良過所以唔會得個鹹字同搶左味,淡淡的腐乳味提升左成件豬扒。炒飯炒得好乾身同粒粒分明,唔會太油,食完再想食。好食的茶餐廳是買少見少,食物質數又好參差,所以希望杜記好好保持水準,保持港式的風味,保持咁好味同相宜的價錢,令光顧的客人可以感受以往茶餐廳與顧客的互動和人情味。
Post
