土司工坊 (TKO Gateway) (Closed)

曾經有一段時間，土司工房是我的飯堂，晚飯諗唔到食咩就去食喇沙。相隔左一段時間再嚟，叫左我最愛😍嘅喇沙同南洋咖啡，價錢由40幾蚊已經升到60幾蚊...喇沙嘅份量同埋配料都少咗，得寥寥可數嘅魚片，豆卜，半隻蛋同唔太新鮮嘅蝦🦐，同埋略為碎嘅米線。湯底都算濃味，但有一種係自己屋企廚房Hea煮嘅感覺😞，同我回憶中嘅味道已經相距甚遠，就算有優惠券送，相信都唔會再幫襯第二次。☕️咖啡同之前飲嘅冇太大分別，微酸中帶點煉奶嘅香甜味。

話說今個星期日想去食下午茶 特登嚟到坑口厚德商場的Toast Box . 職員說星期日沒有下午茶。不緊要 我話買一個正常套餐 芝士火腿蛋士司 套餐 $38 。買完果刻後悔到不得了！☹️幾個女仔在聊天非常之態度差唔理個顧客 亦都冇一句多謝 ！😡攞飲品嘅時候懶惰充滿積水嘅餐盤子 😡裝上熱奶茶連飲管棒都沒有提供！😡餐具也沒有！ 那個前台囂張的態度令人非常之不滿！ 😡 自助櫃位拿水 連杯子也沒有提供！😡再去前面問前枱職員拿 那剛剛沖的水杯完全都是水非常之污糟！嘩 重點食物質素差咗非常之多！ ☹️Toast 嘅份量少咗 亦都沒有落最緊要嘅沙律醬！😡我買緊嘅係一個$38餐但我得到嘅係一個$8價值嘅食物 😡雖然香港嘅租金貴但係都不至於 真的捱唔住就快啲滾回新加坡！😡不要剝削香港消費者嘅利益！真是太失望了😞 我食完嘅時候我都仲見到一個男仔有問佢攞水杯 態度真係令人吃不消！ ☹️早知我就去食隔離$27吉野家下午茶套餐 有雞飯有小食仲有飲品！ 影響了我星期天的心情！Sad and Angry! 真係俾錢買難受😣😣😣

經過左呢間土司工坊咁耐都冇試過堂食🤣星期日一減左右落樓搵食，竟然差不多間間餐廳都排晒長龍😵因為趕時間既關係，見到toast box冇人排隊就即刻過左去坐低😌之前都食過其他分店，記得食物質素都唔錯🤪最有印象係杯用煉奶沖既奶茶，超香滑😚但點知今次食呢間分店真係大失望，餐具仲要好污糟，唔怪得冇人幫襯😔🍜海鮮叻沙（$66）海鮮叻沙同張相分別真係超大，將相係啲料鋪滿晒成碗麵🥲但真實係得幾隻蝦同幾塊魚片豆卜加半隻蛋😑本身俾錯左雞扒叻沙，雞扒賣相吸引啲而且份量多啲😒湯底都算香椰汁味，但米線過林而且斷開晒🤨性價比極低🤐🍜馬來西亞肉骨茶湯米粉（$72）肉骨茶湯底完全冇味，本身諗住米粉可以吸晒肉骨茶既湯汁會好惹味😛肉骨都算煲到入味，林晒，而且有好多藥材係底😉仲有煲到林晒既蒜頭，但唔明點解咁多料個湯底會冇味🤧唔推介😤🧋凍奶茶（+$4）抱好高期望黎飲既奶茶真係令我大失所望😭之前飲過咁多次都冇試過係唔好飲😢但呢間分店既奶茶完全冇味，煉奶唔夠，一啲都唔甜😰亦冇茶香味，唔合格😖☕凍咖啡（+$4）咖啡比起奶茶就好飲啲，但都係唔夠煉奶☹唔夠甜同香滑🥺試過一次絕對唔會再幫襯呢間分店🤦‍♀️/📌土司工坊 (TKO Gatew

光顧的時候，正值Work from Home時期，故食完就要再工作，不能食得太豐富和花時間。見這個餐廳人少，位多，相信好快有得食，而且之前食過其他地方的分店味道不錯，就決定在此食Lunch。餐牌選擇本已不多，而且和太太竟然連續叫了兩款想吃的菜式也沒有，雖然這時間是過了午市的繁忙時間，但也未免有點過份。幸好我們也不是太挑食的人，在餐牌中還是能選到我們想食的菜式。第一款是這個雞扒叻沙米線，雞扒質素不過不失，叻沙米線也入味，加上奶茶濃郁好味，是合格以上。你無看錯，這是椰漿飯配雞扒，但實在食不出椰漿味，還是其實加漏了？不過趕時間不想麻煩了，而且若叫換亦造成浪費，就照食可也。味道其實也不錯的，和上一個菜式的雞扒一樣，質素不過不失，尚算合格。埋單$130，價錢還算合理。但這附近食肆眾多，競爭激烈，食物質素和服務實在要再精益求精呢。

成個TKO GATEWAY既餐廳都試過曬, 係無試過佢, 因為次次經過都例牌周末都係得小貓三四隻今次一試, 先知一間由上而下完全無心經營而臨死前既企業如果阿老闆你見到的話我建議你快D執左佢, 你既員工無枉管, 上面唔管, 下面亂嚟首先係前台, 一個收銀姐姐, 收錢又係佢, 收完錢要沖埋杯意米水俾我, 已經好奇怪, D打掃衛生既用具隨處放, 餐具自助, 枱唔執, 拎野食都係自助, 如果你整得好食都無所謂喇沙D面係完全發脹曬, 好似尋晚煮落, 煮個面要幾多分鐘? 你煮俾自己都唔會甘, 有無良心? 依碗油鹽辣椰醬撈粉, 唔好話俾分, 0分都唔值, 完全失控. 準備全線結業, 最後我食左幾淡擺低, 留下鄙視既眼神

對呢間野唔會話有好大期望，但真係沒有最差只有更差。肉骨茶超油，淡而無味，入面有草菇、菜、杞子、肉丸、豆卜……未見過咁hea既肉骨茶。成間舖得收銀一個人，冇人執枱，餐具同水都係自助但完全冇人refill，食客要搵人拎野就要烏低身喺出餐位同職員講。等野食期間有兩枱食客鼓噪話等左半個鐘。我自己叫左肉骨茶配白飯、菠蘿油、菜同兩杯野飲，野食等左20分鐘左右。除左有兩個人間中係廚房出黎路過，基本上唔會有人係樓面。出菜位取餐嗰度有張枱，係喺廚房出面。有食客自己執枱，將上手既餐盤擺低喺嗰度，職員一出黎見到就叫個食客唔可以擺盤喺度。個食客冇理佢就返埋位坐，個職員收完啲盤喺樓面倒廚餘落垃圾桶。有兩個人間中會喺廚房出一出黎，冇留意佢地出黎做咩，但見到有次，個女職員趴喺個門框度同收銀唱山歌式講野，覺得佢周圍摸完又返入廚房做野，唔係幾衞生，不過好多時出街食飯都係眼不見為淨既。點知另一個男職員仲誇張，就係頭先喺樓面處理廚員既男職員，佢用上手用完既「雲吞」抹枱，上一手舊紙巾抹過咩，冇人知，但就比佢抹哂落枱，同沾染左喺佢既手套度………………野食、服務同衞生都嚇親我，所有分店我都唔會再幫襯。

隨便行下搵野食，咁岩見到土司工房啲set咁抵食，就試下啦。。。我地今次試最平嘅99蚊餐，有飯，有麵又有小食，仲包飲品，幾抵。。。首先要自己搵位，之後自己出去櫃枱落單，之後再自己出去拎嘢食，全自助式。新加坡椰漿飯配雞扒應該真係即點即煮，因為啲野食都係熱辣辣嘅。雞扒係即炸，雞皮好正脆卜卜！個椰漿飯真係幾好食。淡淡椰漿味，啲飯唔會太淋太濕 剛好。。。海鮮清湯麵呢個就普通左小小。。。個湯底真係好清😂好似無味咁，之後海鮮都係急凍果啲，無乜味嘅。。但啲麵又幾好食喎，q q的，講真份量都好多。。小食，春卷入面啲餡好少，不過勝在係即炸，啲餡係普通嘅粉絲雜菜。。。飲品薏米水，呢杯飲品都幾好飲，唔甜咖啡好出色，香而濃不過呢度環境服務就係零，成間鋪得1個職員做野，落單沖飲品同一個人。之後有個職員一次過執枱。餐廳入面9成枱都未執，可能客人要自己執😂所以啲職員都幾可憐，完全無人做野。

今日去抗口行下，下午茶時間口痕想搵野食，經過呢間餐廳，人流的確十分十分之小，好多位，但只得兩三個人，所以坐得好舒服，就選擇左呢間餐廳食下午茶！行到餐牌前面，選擇的確很少很少，又冇乜甜點，只好選擇左奶醬多加兩隻蛋再加杯凍奶茶。其實凍奶茶係好飲嘅，茶味濃郁，但亦有奶味，味道分明，所以好值得飲。至於個奶醬多，一個方包佢切左九格，其實真係好有heart，好細心，好似一口多士咁，呢樣嘢值得加分！ 至於兩隻蛋，正常，但其實同個多士唔係好夾，唔知點解佢哋會變成一個下午茶餐，食完好飽，簡直食唔落晚飯😅

做推廣 喇沙海鮮麵買一送一，未試過第一次試，好失望，食咗一半已經放棄， 啲湯傑撻撻，麪又淋，冇味，之後同朋友提及，他也有同樣經歷，試過肉骨茶也覺 完全不似肉骨茶，一D都唔好食。

原本打算中午外賣叻沙，但收銀個位小姐話要等20分鐘，我趕時間就問佢雞扒椰漿飯使唔使等，佢話唔使，咁我就嗌椰漿飯。一路等，等左20分鐘都未有，咪去問收銀個位小姐大概要幾耐，呢位小姐個態度真係無敵，佢話：小姐，你個牌響左未呀？未就即係未有。我問返佢如果叻沙同飯都係等咁耐，你點解同我講飯唔使等。跟住收銀小姐入去廚房問，廚房用掉嘅方法將我盒外賣掉係枱面！真係嬲到爆，正常人都唔會將人哋啲食物掉係枱面咁交俾人，更何況係服務性行業。咁無禮貌，當食客係咩呀！唔會再幫襯吐司工房！

本身諗住唔係食呢個 但見到有其他人叫咗呢個 好似好好食咁 就諗住試吓點知食落又真係幾好食 咖喱味好濃 唔係日式咖喱嗰種 第一啖唔係好辣 不過越食越辣😂但又幾好食 不過我就唔係幾鍾意隻面 雞扒唔係話炸得好脆 不過肉質唔係鞋 都唔錯蛋糕真係好香 我打開紙袋已經聞到浸香味 有淡淡奶味 幾好食

喺門口見到好似幾好味。。。呢個新加坡椰漿飯配雞扒。。。就叫左呢個 原來係冇椰漿的😅😅😅😅但係個雞扒炸得好酥脆 👌🏻😗係幾好味嘅份量都幾細 唔係幾食得飽。。。。加左$8有杯自製鄉村薏米水 甜度適中 薏米份量都幾多 幾好飲 🤩🤩🤩！。。。另外叫咗個多士。好好味 好大塊牛油 🧈 加埋脆卜卜的包 係幾好味😋 仔仔三兩口就食晒所有 唔留返俾我🤪整體來講 ，都坐得舒服 ，位置方便就腳。但係就應該唔會成日都嚟。。。

19:00左右去，無人留意有客，食物等得耐呢2點都算，最過份係我叫雞扒椰漿飯，係我等左10分鐘後先同我講無雞扒，然後話比4隻雞中奕代替，然後椰漿飯無椰漿，連小小椰子味都無，飯涼不突止又無漿汁乾到死，現場食客本身就唔多，後我一個叫外賣既竟然仲先過我攞（2碗麵加2杯野飲都快過1碟飯），根本就無心做，入單個個面口極度唔開心咁，見到都唔想幫襯

叫左個外賣，等左10分鐘都冇人落單收錢，職員態度極差，在場客人都好滿意，等左20分鐘先有得扲外賣，點知番到去發現d米線系生既，連汁都冇，同撈麵冇分別。永不幫襯，太垃圾

服務差，薏米水超甜又只得一DD薏米，問可否多少少便生氣(服務生)。食物又比錯，明明我說得十分清楚，但都還可以比錯(肉鬆吐司:只有吐司，肉鬆消失了)真過份服務生換完又換，差差差絕對真實