土司工坊 (青衣城1)

Open Now

Now Closed

返工又8號波🌪、放工又8號波🌪，得返地鐵可以坐，咁就放工約咗老公去青衣城食飯，係冇咩選擇嘅情況下試咗呢間～～～吐司工坊～～～星洲叻沙套餐叻沙麵幾爽口，餸菜都幾多，有蝦、魚片、豆粕、半隻蛋等！幾好味🥰🥰肉骨茶套餐肉骨茶好香中藥味，感覺好養生feel,骨與肉容易分開，鍾意中藥味嘅會幾吸引🤗🤗加左$10/3隻雞翼外表睇落較干，但原來幾多汁！😚😚好立克恐龍🦕、美祿恐龍🦖係本身飲品上再加勁多同類粉末，味道變得濃厚好多，但建議盡快飲用，因為放耐左粉未會變做一粒粒，難用飲筒飲🧐🧐同時餐廳做緊兩個優惠1.全日優惠85折2.叫美祿恐龍🦖會送8包雀巢美祿朱古力忌廉曲奇🍪🍪食完飯8點幾，8號波🌪落左，有小巴返屋企啦😙😙

有時叫下外賣都幾好（重要唔洗煮同流）疫情下都幾多食肆做優惠見到士司都有3個外賣自取有優惠咁咪試下囉選左108蚊個餐有一個喇沙麵 (都有成4隻蝦，好豆腐卜,同3定唔知4片魚中片）一個係肉骨茶跟個白飯架（2條骨，都唔細架和👍有驚喜，又系有好多豆腐卜）一份小食炸雞（唔錯， 中規中矩）2杯奶茶/coffee（一定系叫奶粉，勁滑）2個野食除返開54蚊，仲要有埋杯滑滑奶茶，咁既價錢好合理既好似 班蘭蛋糕都平左小小價錢

朋友話土司工房嘅下午茶幾抵食，我今日經過呢間，其實食完午餐冇幾耐，唔係好肚餓，但係見到$32個下午茶餐，有嘢食有嘢飲，咁我有啲口渴，諗住買杯嘢飲價錢都差唔得幾遠，不如就食個下午茶啦😁呢個係餐肉煎蛋公仔麵下午茶餐，再配凍蜂蜜檸檬水， 盛惠$32！問收銀哥哥可否轉其他飲品，佢話熱咖啡奶茶都可以，唔使加錢，咁我就轉咗佢哋都幾出名嘅熱奶茶☕️熱奶茶沖出嚟嘅時候仲有泡沫，幾濃幾滑，相當唔錯。餐蛋麵有兩塊午餐肉，煎得幾靚，不過係預先煎好，所以有少少乾，但係浸返落啲公仔麵湯道都OK。公仔麵就冇乜特別啦，不過不失🤣$32真係幾抵食，坐低飲杯奶茶休息一陣，仲有嘢食，喺商場裏便，咁嘅價錢算抵食。

好友生完BB之後，非常忙碌，今日遷就佢，嚟到青衣城同佢一齊食個early lunch，敘吓舊。大家不約而同話想食東南亞菜，咁經過呢間就入咗去，而竟然又不約而同都叫咗肉骨茶套餐，真係心有靈犀。呢度係自助形式，俾咗錢買跟住坐低，等咗大約5分鐘員工就叫號碼，自己出去攞。肉骨茶大大煲，分量充足，賣相都幾吸引。先飲一啖湯先，可惜味道偏淡，香味亦都唔足夠。不過嗰兩舊豬肉煮得幾焾，算係攞返少少分。奶茶就冇以前咁香咁滑咁好味，明顯退步，有啲失望。

經過青衣城居然見到這家新加坡食店。我在東南亞工作的時候經常去這家店光顧。就看看香港的水准有沒有分別。現在香港到處食店都打折。點了一個海鮮喇沙套餐包咖啡，外加一碟油菜和一碟炸雞扒打85折只需76港元，實在非常划算。說實話食物水準比東南亞稍為低一點。喇沙湯底的椰香味不夠，另外油菜有點老，炸雞扒算不過不失。但整體性價比還是非常高。難怪差不多3點也接近全場爆滿。整體服務還是可以的，裝修風格和東南亞的分店差不多。想簡簡單單吃一個快餐還是可以推薦這裏。

朋友Paris請客。我點咗娘惹麵線。個套餐$45加一杯熱奶茶。娘惹麵線屬馬來西亞美食。個湯底有點酸甜味。配料有熟蛋及蝦。蝦肉鮮甜彈牙。麵質好幼細。奶茶好滑好香濃。總體個人自覺一般好食。因個風味我食唔慣。個橫裝好乾淨清新。

Today 與女友相伴到青衣城不為其他 只為場電影戲已忘記與女友觀看了那場戲戲完 找地作用餐之青衣城用餐地多 未諗食邊到青衣城中 見一間 客不多 入名土司工房魚丸湯河 $54配薏米水魚丸湯河材料都幾多佢有菜 有魚蛋魚片份量都唔錯 都算滿足到我嘅但係食落就一般般同埋價錢上比較貴 感覺覺得唔太抵食嘅咖哩雞扒麵 $64一個咖哩雞扒麵咖哩味幾香甜甜地幾惹味嘅雞扒係炸嘅 口感唔錯都幾好味$118除返每人$59其實都唔係話貴嘅但感覺又唔值咁啫

<🥪咖央土司 (傳統土司套餐T1)>今次衝住咖央多士🥪而黎👀 突然間好想好想食🙈 烘左既麵包幾香脆既，呈金黃色✨ 上碟既時候已經放涼左💨 入面包住厚厚既牛油同主角咖央醬😍 甜甜地之餘又唔會覺得好油膩👍🏻 仲要聞到牛油同咖央既香味😳<🥚半熟蛋>跟餐可以要煎蛋🍳/半熟蛋🥚 揀左試半熟蛋，職員會即叫即整👨🏻‍🍳 蛋白呈半凝固狀，蛋黃就半熟流心狀🥣 中二病發作‼️ 好鍾意整爆隻蛋等佢慢慢流出黎🙈 不過不失既味道～<☕️南洋奶茶>茶🍵+煉奶+花奶=南洋奶茶(Teh) 落單之後👨🏻‍🍳會即刻示範南洋拉茶技術👍🏻 杯奶茶好香而且幾滑～ 不過比起香港奶茶偏甜，奶味較茶味重⚖️

今天來青衣看服務式公寓，看看一個月一萬元左右港幣的住宅會是如何。結論是比較冷冰冰沒有家庭的溫暖。看完之後就來青衣城休息，看到熟悉的吐司工坊就進去點了下午茶套餐。其中包含雙蛋已經咖椰吐司，跟一杯奶茶。這是最標準的點餐配備，奶茶現做所以有看到他拉的茶，動作感覺非常的專業，茶味以及奶香味非常的濃厚，很香。雙蛋就一般般的荷包蛋就不多說了。咖椰吐司是我的最愛，甜而不膩，每次我都必點這個餐，然後份量吃完也剛剛好 還可以外點再吃別的東西，真的是休息放鬆吃下午茶的好地方呢！

新加坡風味鮮蝦配麵條意外的小小黑胡椒味湯!當我看到他們關於這蝦麵的大海報很有吸引力！所以我點了這個新菜!它不讓我失望!有殼大蝦2,魚片3,4片,非常新鮮有彈性!蔥花作為裝飾.首先我品嚐湯，當我看它時，它是深褐的顏色。我品嚐之後，我猜它是黑胡椒味?。 但不是很辣！它只是增強了一點點的味道！ 也許這個是新加坡辣風格？！ 黃色麵條挺有彈性不過軟！我喜歡在他們的新鮮蔬菜中(已經加入少許炸蒜片) 再添加他們新加坡濃黑豆醬!整體這對我來說很好吃！但是，如果蜂蜜的檸檬水加入更多的蜂蜜，它會更甜蜜，那就更好了!偶爾我會去這裡基本上他們的服務相當不錯！

出發去新加坡前，已經心思思想快啲食到㗎央西多，聽家人推薦去吐司工坊就有得食，咁就二話不説帶埋皮皮去啦！來到這裡，我點了好飲的咖啡☕️，香醇濃郁～另外仲有份咖央多，裹面塗滿椰香味重的咖央，仲有果件邪惡牛油，罪惡感十分，比阿仔淺嘗左2啖，竟然同我爭食，咁我當然只可比半件小朋友食啦，食得過量都不太好～呢個餐仲有份特色水煮蛋，可以配上甜豉油食，我轉了做煎熟蛋，比較適🈴️小朋友食，而且仲有個通粉，兩個人share岩岩好，份量好夠！

食物質素欠佳點了咖喱雞翼飯只得三隻小雞翼，啲雞翼炆到爛曬，甩皮甩骨。薯仔太大舊，仲大過雞翼，但都入味嘅，但好硬，硬過石頭。仲有三舊豆卜，都還可以吧。個人吾太食到辣，椰汁味不重，所以對於吾太食到辣嘅朋友就吾好叫呢個餐星洲喇沙湯麵🍜個蝦冇挑到腸，大扣分！個湯底濃味，好味嘅。好少料，得魚蛋，豆卜，蝦，最後食剩成碗米線。環境吾太乾淨，成日有蒼蠅飛過。空調同商場共用，廚房係隔離，啲熱氣走曬出來，熱到死，建議大家坐外面。仲吾提供熱水，啲餐具洗完成堆拎出來，冇分到類，感覺吾太齊整。

剛好想吃星馬的美食，經過這間吐司工坊便決定進來。很好吃的星州叻沙米線，找回當地的味覺！最好吃是豆卜，吸收了叻沙湯的味道！但black coffee就一般般，味道比較淡，沒有很特別。

下午茶時間,途經青衣城,覺得有啲肚餓,於是行入去吐司工房食個麵先，最鍾意食佢哋嘅星洲喇沙，配埋杯奶茶，每間土司工房做嘅喇沙水準都唔一樣，呢間嘅喇沙湯底好淡，最終要加鹽調返出喇沙嘅味道，不過配料就OK，蝦都幾爽脆，魚片味道不錯，豆卜吸晒啲湯就最正，不過除咗湯底淡之外米線亦煮得太淋，整體感覺一般，不過環境就比較舒服，因為地方比較大，尤其是下午茶時段冇乜人可以慢慢嘆杯奶茶

行到攰攰地，想坐低透下，順便食下下午茶。就去揀左去土司工房。平常午餐九成九都會叫喇沙米線，但今日既下午茶就叫左雞翼出前一丁麵 加 加央多士。出前一丁雞翼麵既麵有啲淋，炸既雞翼都淋淋地😅。總的來講，我覺得超普通，唔抵食。至於加央多就好味好多，佢烘得岩岩好，薄薄的多士烘得好脆。配上牛油同加央，鹹、香、甜、脆聚於一齊，好味，真係幾好味。最可惜既係佢既份量好少，食完一份就好想食第二份，但又唔想買兩份，唯有下次再食過。