土司工坊 (青衣城1)

Open Now

Now Closed

朋友話土司工房嘅下午茶幾抵食，我今日經過呢間，其實食完午餐冇幾耐，唔係好肚餓，但係見到$32個下午茶餐，有嘢食有嘢飲，咁我有啲口渴，諗住買杯嘢飲價錢都差唔得幾遠，不如就食個下午茶啦😁呢個係餐肉煎蛋公仔麵下午茶餐，再配凍蜂蜜檸檬水， 盛惠$32！問收銀哥哥可否轉其他飲品，佢話熱咖啡奶茶都可以，唔使加錢，咁我就轉咗佢哋都幾出名嘅熱奶茶☕️熱奶茶沖出嚟嘅時候仲有泡沫，幾濃幾滑，相當唔錯。餐蛋麵有兩塊午餐肉，煎得幾靚，不過係預先煎好，所以有少少乾，但係浸返落啲公仔麵湯道都OK。公仔麵就冇乜特別啦，不過不失🤣$32真係幾抵食，坐低飲杯奶茶休息一陣，仲有嘢食，喺商場裏便，咁嘅價錢算抵食。