緣聚西日餐廳 (仁愛堂圍) (Closed)

今天在屯門收工，同事引誘說去附近的緣聚食放題，嚇。實在掋不住引誘，此店就在中旅社後面，真的很方便，食完坐巴士又方便。2小時放題才248加一，我們趕及7點前埋單，178加一，超掋食。手機下單超方便，不多說。自助區有小吃，甜品，飲品，勁方便。多款剌身，有三文魚，甜蝦，鮮帶子，油甘魚，八爪魚，象拔貝，鮑魚片，榮螺，希靈魚，金槍魚。還吃了澳洲西冷扒，雞軟骨串，香煎大蝦，蒜香焗蠔，紫心蕃薯，南瓜天婦羅，榴槤炸彈。

男友和我都喜歡多款食物可以任揀任食，但屯門放題比較少所以我哋今次揀咗呢間緣聚，睇到呢間有刺身，火鍋，熟食同甜品嘅種類都算好多，果然無揀錯👍🏻呢間好先進可以用電子產品 落單，快捷又環保👍🏻抵讚👍🏻點左兩至3分鐘已經有食物送上，係等嘅期間又可以出去攞野飲同沙律食👍🏻食物嘅質素都好高，放題最怕壽司飯係好多，呢一間嘅手卷都係好精緻，可以俾你食一口，一啖食一個手卷，好啱我呢啲想食好多又試好多種類嘅人👍🏻壽司,刺身都好新鮮👍🏻竟然仲有花之戀都係一口，真係好抵食❤️而且炸物質素都好高，外脆內軟～估唔到放題嘅炸物都可以質素咁高👍🏻男友都大讚👍🏻呢個天氣最好就有埋火鍋食，真係一次過滿足我幾個願望，仲有三款湯底可以任揀～我就揀咗韓風辣豬骨湯底❤️雪糕櫃有三個，甜品櫃都有8種甜品選擇，冰糖燉雪燕入邊有粒紅棗，入邊真係足料有好多雪燕仲要可以任攞我食左三樽～仲有蠔食～真係食到賺到～呢個價錢可以有咁多種高質素嘅食物選擇，我同男朋友都好滿足👍🏻

好抵食嘅兩小時放題，放題的食物選擇很多，除了平版電腦點菜的菜單外，還有自助式的前菜小食、甜品、蛋糕、雪糕和飲品等。上菜的速度算係好快，惟手卷上菜就比較慢，間中會有漏單 。整體來說，不錯。

來屯門換完回鄉證, 見到一家叫緣聚的餐廳, 名字十分特別, 於是便與家人進店大吃。電子菜單上,頁面選擇較多, 炸物, 壽司, 刺身, 麵食, 燒物等, 各式各樣,極為吸引。我們3人點了一個三文魚, 鮑片, 甜蝦, 玉子及榮螺肉刺身;三文魚橙紅色的肉, 白色的魚紋清晰, 一口咬下十分幼滑, 魚味淡淡的; 而甜蝦, 晶瑩剔透的肉身,吃下去蝦肉幼滑清甜, 蝦味濃郁; 而鮑片,鮑魚的味道十分鮮甜無比, 久久不散; 榮螺肉不僅鮮味濃郁, 而且清甜爽口, 味美無窮;來日式食店, 吃完刺身, 當然吃壽司; 壽司的料較細小, 飯多; 但款式較多, 火炙三文魚腩壽司, 三文魚油豐富, 火炙味道濃郁;而火焰大蔥和牛燒, 牛肉片上鋪上香蔥; 牛肉薄切,口感久滑;而醬燒蟹肉棒壽司, 醬燒汁有火燒的味道, 蟹肉較清甜;而炸物有炸蝦天婦羅,紫心香芋丸都是我的至愛; 炸蝦, 粉薄薄的, 蝦較長, 蝦肉爽口, 蝦鮮美味; 而紫心香芋丸, 甜甜的, 香芋味較重, 外脆內軟;吃完炸物來一客燒虎蝦, 大大隻的虎蝦, 烤至鮮紅色, 蝦肉多汁, 爽口彈牙, 啖啖肉, 鮮味無窮。最后當然來一道主菜作完美結束, 叉燒烏冬, 大大片

今日一大班人去到屯門搵好野食！黎到屯門緣聚西日餐廳！裝修格調同一般放題餐廳好唔同吖！睇得出係用心設計過！有種型格感！我地一行十幾人叫左個最貴嘅餐！乜都有，真係講唔到有啲乜🤣因為實在豐富！食物方面大約分好幾類！有壽司刺身炸物燒物，火鍋！包羅萬有！

今年平安夜，同男朋友家人一齊食放題慶祝，揀咗呢一間出名高CP值嘅放題店，未夠七點門口出邊都有好多人等緊入去食，差唔多半年冇食放題嘅我，真係期待左好耐啊！🥳🥳第一彎當然要嗌刺身先啦，刺身數量真係寫幾多就俾幾多分，冇偷工減料，你睇吓啲戒指都就來滿寫出個盤出邊啊，二甜蝦就隻隻都好鮮甜肥美，帶子三文魚都好新鮮，解凍時間亦都足夠，冇雪味👍🏻👍🏻我哋都帶咗好多燒大蝦，你見到佢嘅鞋嘅size都幾大隻，而且笑得都好香，間唔中有幾隻會妹妹地，但都可以接受🙆🏼‍♀️🙆🏼‍♀️另外想特別講下佢嘅壽司，有我最鍾意嘅燒左口魚邊！燒得啱啱好，一入口即溶，壽司飯都係迷你size，可以留返個位食其他嘢，好貼心啊！🥰🥰芝士焗蠔亦都係一定要嗌嘅！雖然等嘅時間有啲耐，但每一隻好都係連殼，新鮮焗起，我哋都encore左好多次😸😸😸而佢哋最近亦都有推出一系列嘅官燕甜品，呢個係榴槤官燕柚子雪糕，除此之外仲有好多款甜品架，間唔中想食下放題又唔想使好多錢嘅話都值得推介！🥳😘❤️

主菜牛扒配薯條🍟塊牛扒煎得唔錯但配煙肉同迷你腸仔就有D...薯條嘅份量唔係幾夠食完都唔覺得飽熱檸茶跟份午餐送嘅每人可以叫2次（轉凍飲要加$...）$4x呢個價錢就...

1. 環境睇得出有花心機係裝潢度見到好多Marvel 既figure 同埋好多懷舊鐵牌新淨之餘衛生都非常滿意2.食物好多種選擇上至刺身 料理 至 甜品 咖啡奶茶都有味道亦滿意如果有軟殼蟹手卷 , 壽司多多少少選擇更好另外出面有自助bar 執沙津 , 飲品同甜品自助落單之餘亦可自行出去執執喜歡既食品 , 滿足哂放題者需要3.服務 放題落單係用ipad 落單 , 方便服務生都非常勤於收拾碗碟4.價錢我係夜晚9點後先入場有額外既優惠 抵食！

今日我媽咪好想食壽司，我老婆又鍾意放題所以我哋去咗一間喺屯門叫做原罪嘅壽司放題店聽聞啲品質好好同價錢好合理所以我哋決定去。地方非常闊落，好多張卡位，食放題可以把好多野。食放題嘅傳統梗係食魚生先啦，當中包括有吞拿魚，三文魚，帶子，象拔蚌，希靈魚八爪魚。當中我覺得三文魚最好食，好肥美，好新鮮，好有口感，襯埋Wasabi非常配合。好少地方有燒和牛係放題，今次終於可以試吓，好重牛肉味，油脂分布都好高，燒到外邊小小燶燶地，入口非常之味。小朋友最愛嘅蟹柳壽司，大大件夾抵食。魚籽手卷係我老婆嘅至愛，入口好友魚香味，爆炸在口中，唔會好腥，配合埋暖暖嘅飯一齊食，冇得輸。雜錦天婦羅當中包括有：蝦，茄子，南瓜，最好食係蝦，有蝦味，薄嘅粉漿唔會太厚。其次系南瓜，好乾身，南瓜本身又非常新鮮。所有飲品，雪條，甜品都係任食。

門口嘅直頭髮女侍應非常冇禮貌。我地一行五人加一BB已book枱食lunch, 因為11點幾先食完早餐所以入場時表示想食門口推介嘅自選午市放題, 該侍應即刻黑哂面話我地唔會有嘢俾你地飲, 咁好啦我地話加錢要埋嘢飮但佢仍然黑面叫我地行去坐去另一邊, 係直情冇諗過要帶我地位 🤷🏼‍♀️🤷🏼‍♀️行到過去原來叫我地一行人分開兩張唔同位置嘅枱坐, 咁真係唔明我地一早book哂枱有乜嘢用, 不如一早講本餐廳不歡迎唔食豪華放題嘅人!!! 垃圾!! 取巧!! 好彩我地當機立斷即係轉場食我地嘅冬至飯!

屯門緣聚這裏的刺身十分新鮮，而且種類也很多，尤其是三文魚腩，脂肪比例很好，厚切十分爽好，吃進口裏，咀嚼的時候，口腔充滿了三文魚的油看，真教人回味。而且帶子刺身也很鮮甜，嫩滑，所以吃了很多刺身。香煎大蝦，果然夠大隻，看到也覺得香，一口吃下，確實不錯，肉質鮮嫩，而且不黏殼很新鮮，沒有林林的感覺，吃完即再點。這店的炸物款式不少，尤其芝麻雞翼實在出色，外炸得酥脆，但不太油，最難得內裏不乾，仍保留肉汁，肉質亦嫩滑，很好味。還有很多的甜品，真有點應接不下，我特別喜歡吃雪糕，這裏可任食dryers雪糕，正合我意。

我最吃芝麻雞翼，而這店的芝麻雞翼確是很美味，外脆，而內裏有肉汁，回味無窮，每次我也會吃好幾隻，我的朋友都說很美味。除了芝麻雞翼，刺身也是我杯茶，這裏刺身的種類不少，頗新鮮，甜蝦都算大隻，又甜美，一點腥味也沒有。而三文魚刺身也很好味橙白相間分明，入口十分鮮味，尤其是三魚腩厚切，真的超爽口彈牙，所以吃了很多片，哈😁炸蠔也很好味，雖然不是很大隻，但炸得非常鬆脆，但蠔又不會乾，配上沙律醬確是相得益彰。其實其他的炸物都很美味。燒大蝦也很好味，又夠大隻，很有瞄頭，肉質鮮嫩彈牙，很不錯。而燒粟米也美味，塗上牛油燒很香，粟米又很甜，有點吃不能停之感。本來還可以吃火鍋，但實在太多的吃，今次就不吃了。這裏的甜品也很多，有各種的雪糕雪條。四個人大約一千元，也不算貴。

慶祝拍拖紀念日當然要食放題慶祝下啦，早幾日已經網上block左位食晚上七點，因為輕鐵遲來關係加上無輕鐵經杯渡站，我們只好由屯門站行路去終於行到了，趕快入座先點知侍應話248一位，咁我就同佢講我上網block晚上7點係170咁喎，她話因為我們遲左來等我手機顯示係6點55分，後來男朋友話算啦照食啦一到去俾左一個好逼既位置俾我們座，姐係放幾碟係枱度就已經放唔到個種，即刻點野食先刺身ok啦，sushi都ok啦，唯一最差係三文魚頭好多骨仲有花膠碗仔翅麻麻地姐，BF話嗱嗱臨食完走就算啦，我都明既座位真係好逼，但我們次次去元朗個間食座位都坐得好好食得好開心架，而且平過屯門個間先，所以呢下次想食放題唔會再考慮呢間啦，因為剩係座位都咁逼仲叫人點叫野食。

今天同事升職加薪, 主動請我來屯門這家放題店任吃, 大飽口福。店的壁畫設計, 有恐龍畫, 維妙維肖。店拋開了傳統店的, 以科技平板下單及結帳, 十分方便準確快捷, 而且不會漏單, 服務十分好。在前菜櫃裏有不同的前菜, 章魚, 螺肉, 蛋糕, 馬卡龍等甜品, 款式眾多。我點了蟹王雞粥,雞有2~3件, 粥十分綿滑, 淡淡的蟹黃味配以濃濃的雞味, 配搭得宜; 吃完雞粥, 來一客芝士焗蠔, 甜甜的芝士味,十分濃郁, 生蠔較水感及清甜, 但較鯹,海水味較重; 味道配搭感覺一般, 不太喜歡。芝士焗蠔吃完來一客燒芝士炸蝦反卷, 魚子配以金黃色的芝士, 置於反卷面上, 中間夾帶著炸蝦, 配以沙律醬, 多色多彩, 賣相十分吸引。我十分喜歡吃雞奕, 這裏的瑞士雞奕, 瑞士汁味道較重, 雞奕較滑, 每一口都是肉, 吃完齒頰留香。這裏的另一道菜我最喜歡的是烤虎蝦, 虎蝦大大隻, 拆開殼, 蝦肉也挺豐滿的, 肉質較結實, 新鮮, 蝦味新鮮。吃完這餐, 覺得無論食物的款式, 味道都覺得十分不錯, 可以一試再試。

是日帶同朋友到屯門緣聚午餐， 輕鬆愉快的午餐聚會後，貪方便 又可以到附近看電影。店鋪地理位置方便容易搵到， 就喺屯門市中心馬會嘅附近， 大大個招牌你一定容易搵到。講到餐廳環境， 由於當日係午餐食客比較少， 所以好容易搵到位， 晚餐就難講啦。 入到去 座位比較寬敞， 我哋坐近方便拎飲品同埋甜品嘅地方， 自助飲品選擇種類好多， 可樂啤酒橙汁等任你飲。點食物方面， 唔係一般用紙剔嘅放題， 係用平板嚟選擇食物， 方便結算埋單。 我哋點咗 一定唔少得嘅刺身， 就算點少少擺上枱嘅賣相都好精緻， 插埋啲花喺食物器皿上面，感受到餐廳的用心。 我哋都點咗好多炸物， 炸雞翼， 天婦羅都非常脆口， 炸雞軟骨 亦都 非常出色，我們也點了兩次。蟹粥的味道是鮮美的，如果 整熱一啲先上臺會更加好。最後, 食咗榴槤雪糕同埋其他雪條就走啦，滿足！