十勝牛和食料理

Open Now

Now Closed

要平靚正嘅日本野，我一定會諗起十勝牛，食佢嘅大碗蟹子沙律真係好大兜，又好味，多沙律汁，蟹子好脆，沙律青瓜絲又新鮮又爽口，食之前不斷撈吖撈吖。第二個佢好味嘅系那個冷麵，食得熱食多，這個裏面有很多肉絲，配上日式甜醬油非常醒胃。我仔最喜歡食佢嘅鰻魚炒飯，非常重醬油味的炒飯，炒到粒粒分明，雖然鰻魚肉唔算多，值得一試。另外要食就係佢嘅串燒，平民價格也弄得好香口，至於壽司方面，我最鍾意食黃金魷魚，每次至少食兩件，好有口感，又吾腥。

十勝多年歷史，起街坊心入面都算係平民價日本餐，所以我不會跟高檔日本餐的質素來比較，始終都希望支持下不同價位的餐廳。黃金魷魚壽司幾好食。其他正常。炸雞翼不錯，夠香口，但味道爭D至愛蟹子沙律，鍾意食蟹籽沙律嘅我，就算兩個人都一定會嗌一個特大，因為真係好大盤又足料！仲有好多蟹子同蟹柳絲！鰻魚炒飯都ok，夠曬大碟可以畀幾個人share。今次試咗一個新嘅冷麵，不過味道有點酸怪怪地。串燒還可以。餐廳地方大，坐得算舒服，但感覺有點殘舊。服務都ok。雖然食物質素唔係非常之出色，但埋單都幾抵食。

在附近工作後，中午12點左右到這裡用膳，量體溫後便有座位。久等數分鐘才有待應落單，待應不停地帶位入內！很快便有驚喜的午餐盒送到，總算夠燒汁撈飯吃！盒是裂開的！藏細菌的！午餐牌附送冷熱飲品。結帳時才知道需要加一，盛惠五十元離開時適逢放學時間，開始要等位

之前多數在油塘大本營十勝牛開餐的，去了幾次，都要排隊攞飛1小時以上，今次兒子生日改去了啟晴村十勝牛，6:45去到也不用等位，叫了10幾款食品，都是以往常吃的，最抵食就是蟹子沙律，四個人吃也有多，牛舌很嫩滑，燒雞翼也很好味，鰻魚壽司是手板長度的鰻魚😋，牛油果三文魚卷也很好吃，整版海膽也是$90 ，非常之抵食，我們非常喜歡吃炸軟殼蟹，以往都是叫軟殼蟹手卷的，今次試吓淨軟殼蟹，可惜一咬下去是發臭的，變味了，可能儲存得不太好，我們只告訴了店員，沒有取消，下次要避免吃這個軟殼蟹了，整體店員也很有禮貌！

返工去啟德，收工比較近的商場就係啟晴村了，條村唔大，行曬就十零二十分鐘左右勒，令我比較有興趣就係呢間十勝牛牛餐廳，價錢係日本料理黎講都算平，好似五十幾蚊左右。我都幾鐘意食鰻魚，辛苦左成日，食返个鰻魚炒飯補充營養，獎勵下自己先。

破天荒同一餐廳寫3篇，之前寫過這裡的下午茶及午市，今回終極寫晚餐，以性價比説，這店的晚飯亦是啟德兩邨、麗晶、啟業一帶最像樣。必食必然感到抵食是日式牛肉鍋，$58包偏瘦肥牛5片、狀態不錯紋理整齊的三文魚🍣（可選別款但三文魚是最抵食）、一個拳頭大的椰菜片、金菇2束、日式豆腐2片、小棠菜半棵、西瓜汁1杯，一人如果不想去大x活樂打邊邊，這個是不錯選擇，只是鍋沒提供烏冬拉麵就閣下自理；三文魚刺身，不多說，一直都厚切、新鮮；燒完條魷魚🦑，上菜時噴著煙，爪子還有些脆邊，蘸芥末醬惹味；牛油果🥑芝士鰻魚卷，這裡卷物較壽司🍣紙的壽司穩陣，冇試過卷物難食；七味炸軟殼蟹，$46有5-6大大舊的軟殼蟹件，連蟹鉗也炸得脆，啖啖肉；蕎麥冷麵，整盤給席間一冷麵王吃掉，一撮也沒試過；香蕉奶，之前多數飲蕃石榴汁，沒加糖又便宜，這香蕉奶香蕉味比奶濃，不膩口。晚市逢星期五六日6:30後多數要等位，屋邨來說價錢親民、嘢食氹人。

都將這裡當食堂了，今次說的是下午茶。價錢相宜份量足，比集團快餐份量要多一點，又不用自己捧餐，坐得舒舒服服等小二捧過來，點都食得過。就是碗碟清潔得不夠乾淨，須自行抹了又抹。簡單點了3個餐：蒜香雞翼配雜果沙律 拼 豬骨湯餃子米線，雞翼炸得有點硬，有3隻，雜果沙律有紅腰豆配罐頭水蜜桃椰果菠蘿雜果粒，約有2湯匙份量，餃子🥟意外地是炸的，有2隻，如果是煎會較好，配比平常少一半份量的米線，有幾塊娃娃菜；芝士照燒雞多士配七味薯角 拼 同上米線，多士烘得夠脆，配芝士、雞肉數粒不突兀，薯角就不太合格，咬開淘空的，偏向似炸蕃薯的質感，太乾，反而不夠快餐店的脆薯好吃；韓風牛肉炒烏冬，微辣不過鹹，牛肉片會相對少因始終是下午茶。綜合3個餐及價錢計算質數是中上。

這十勝牛開業有數年，間中都會到這裡吃早午晚餐，已很熟悉，店員流轉快，且是屋邨食店，因此別期望有過人的優質服務，於是乎所有東西就會變得合理。店偌大，靠窗的卡座大概有四至五枱；其餘一是拆拼的枱，一是長長的連續卡座，店內椅子都摧殘得頗快，沙發椅都或多或少有裂縫甚或露出內裡的海綿。是日吃的是午餐，選了 網燒牛扒配珍珠白飯，扒類挺多，而且不靭易咬，假定是有下鬆肉粉尚算不會過量，大大碗白飯面是下了些類似七味粉的東西，而且配了有豆腐粉及豆卜的麵豉湯，及中華沙律作前菜，基本該夠一個大男人吃；二選 D餐三文魚、立魚、甜蝦、八爪魚🐙刺身配 昆布烏冬及蟹籽沙律，這餐要算最抵食，刺生新鮮度見附圖，及配一碗不大不小的烏冬，交到差有突了；三選 A餐加州卷、蟹柳壽司🍣、熟蝦壽司，配中華沙律🥗、蟹籽青瓜絲沙律及麵豉湯，這套餐相對較前者遜色，蟹柳、熟蝦壽司都暗啞色不太醒神；加州卷相對來說叫做好吃些，至少鮮一點。每個餐也隨送熱飲不需加錢，全場加一服務費。

今日一第一次去呢間餐廳食早餐，落單時我叫了了一個餃子烏冬（我肯肯定），但個亞嬸就發夢咁落了拉麵。黎到時仲話之前有問過我。唉...算啦，呢d質素的鋪頭換比你都唔敢食。但食落d麵黐埋一舊舊，好難食。我太太食的早餐多士好硬，好似放左好耐咁。杯咖啡好稀，冇乜味。不知所謂，冇下次。

坐朋友車去附近買嘢然後見到就試下講真呢個價錢其實都冇乜期望因為集團式嘅嘢不嬲都麻麻地都唔會太大希望叫咗有牛既打邊爐加壽司講真個壽司就真係算吧啦😳三文魚都曾經新鮮過不過依家就唔新鮮壽司飯就更加係冇得再差不過主打會比較好點知.....食落去其實覺得大家樂嘅比較好分量十足全部都係菜其他無配料諗住佢叫十勝牛，應該牛係主打點知一食落去就知麻麻厚身雪藏味十足，真係無下次覺得比$50都嫌多😆😆😆😆總結俾錢我都唔會再嚟

今日經過九龍灣啟晴邨做野，見到有間日本野十勝牛，午餐都幾多選擇，有刺身飯，拉麵，石鍋飯等等...我選擇咗牛肉石鍋飯，加凍檸檬茶，呢度凍飲唔加錢，真係好難得，仲有麵豉湯同前菜送，石鍋牛肉飯上枱時熱辣辣，可惜唔係牛肉粒係肥牛片，不過都幾好食，石鍋夠熱食到最尾仲有飯焦添呀！

樓下的這間十勝牛的服務態度出了名不好👎🏻上次家人來吃晚餐還跟待應有過輕微口角，但是因為樓下的餐廳選擇並不多，加上他們的假日下午茶餐還挺對我胃口的！所以偶爾星期六日都會來幫襯一下的～我每次來都叫這個5號餐！有2隻蒜香炸雞翼，超厚西多士！西多士我覺得幾好食！入面是有花生醬～但蒜香雞翼就有點炸得太過了！這個餐加$5就可以有火腿通粉或肉丁米粉！我比較喜歡火腿通粉～火腿等配料還挺多的！肉丁米粉非常不推薦大家叫！因為上面的肉丁是冰的，根本就是剛從雪櫃拿出來！

聽個名以為食牛🤦🏽‍♀️在家附近都冇入去以為很貴但原來是很經濟的日本菜‼️晚市都無特別貴質素都不差碟碟都想encore🤤想試哂佢所有壽司💕絕對性價比十分高一定會再來💕

不嬲都會落去十勝牛食下飯，因為近的關係，如果又想食下壽司，日本野甘，一定係揀佢🥰🥰🥰今晚有限時菜式，我梗係即刻試下啦🤨🤨我吾係好记得個名，我叫佢做爆丼啦😅😅😅因為佢真係好高，成碗好吸引！好多飯，可能兩個人都食吾唒，除非你吾嗌其他野食啦😆😆😆我另外叫左我自己鍾意食嘅金茹肥牛卷🤩🤩滑蛋豬扒飯🥰🥰又係好好味嘅😇😇呢個係食甘多次都保持水準的👍🏻👍🏻呢個另一噱頭野，我以前應該都介紹過😬😬😬

已經不是第一次去這間餐廳，如果不是因為忽然很想吃壽司，而附近只有一間日本餐廳，一定不會來光顧。食物品質每況愈下，今天點了：- 壽司：三文魚腩、櫻花魷魚、蟹柳小卷、三文小卷、加州卷- 前菜：芝麻八爪魚- 炸一口芝士粒- 燒三文魚頭先説燒三文魚頭，從未吃過這麼差的魚頭，與其說燒，倒不如說是炸，整個魚頭外皮硬得過份，魚肉少也就算，但我吃三文魚頭也是為了滑滑的魚肉以及啫喱狀的脂肪... 但兩者都欠奉.... 之前吃過都不是這個質素，實在差得令人氣憤三文魚腩不夠肥美沒口感，卷物的紫菜淋到像放了幾天，芝麻八爪魚也淋淋的沒口感，唯獨一口芝士粒較正常其次要説的就是服務態度，吃過幾次，只有一兩次遇到較有禮貌的待應今天服務我們的那位，拿給我們的清水有怪味，一看之下原來有一堆未溶的白糖 (估計是糖)，叫待應換一杯，對方反問我為何會有糖.... 除非特別原因，否則一定不會再幫襯了！(如會再來，一定拍照再寫一次食評）