十勝牛和食料理

Open Now

Now Closed

油塘食野都離不開大本型㗎喇，都係因為政府嘅建設啦，香港嘅屋邨小舖只會越來越少，比商場取代，即係連鎖食肆取代，大本型一個food court就係表表者啦。今次唔食food court, 揀左十勝牛，係港式嘅日本野咁，價錢都幾抵喎，叫左兩個都係牛，兩個都係石鍋熱辣辣上枱，賣相其實OK，不過太鹹了，鹹到有一個最後係食唔到，至於個芝士年糕係可以的。點解成日都面都好多元化，下次可以試吓佢啲拉麵、沙律，希望無咁鹹啦。

喺油塘嘅商場行吓街，諗住食佢嘅下午茶，見到價錢幾吸引就決定食呢間啦。坐低之後，我哋餐牌都未睇完就有職員問我哋食咩啦，咁當時候仲未到下午茶時段，但係店舖外已經擺滿下午茶時段嘅餐，咁我就問職員可唔可以等到下午茶時段在落單，職員好差語氣話ok..咁係等候嘅時段我哋諗住要杯水，舉手示意之後，等咗好耐都未有水，再舉多次手，先有職員比水我哋。大概10分鐘之後，就係下午茶時段，咁我同朋友一人一個餐。15分鐘之後我朋友嘅餐已經到咗，咁我以為我個餐都好快到，所以我再等多陣，朋友就嚟食完嘅時候就問我點解我嘅餐仲未嚟，咁呢個時候我就舉手示意，職員竟然答我，原來漏咗單冇寫到..咁我再等，等左好耐，終於都可以食我個下午茶啦..

好耐之前有食開，無食一排宜家又食返，以前我食個類似黑松露雞意大利飯之類，唔錯。今次見人食拉麵我自己又試下，但就有啲失望，份量系幾大碗，但可惜拉麵冧左，😭，但豬扒大塊薄薄地勝在全肉無骨又唔肥，正宗啖啖肉，炸粉適中唔厚，脆卜卜。另外一個正野！我狐狸仔介紹既一口芝士波，勁正，擺明系小朋友食既系超市賣既一粒粒正方形芝士咁款，不過加左薄薄炸粉，9成芝士1成炸面，仲絕絕唔細粒！無偷工！叫得過！呢個系狐狸仔叫既魚生丼，外表細細分，實在實的的，好足料，魚子彈牙，其他惹味。正野！

每次去油塘都會去大本營的十勝食日本嘢😍因為天氣凍，所以叫咗個豆腐石頭鍋，上枱時個鍋仲係熱騰騰的，這個冬天必選。而且非常足料，一人份量😍首選必點的是芝麻雞翼，這裏的芝麻雞翼炸得好香脆，而內裏的雞肉仍保持滑溜、多汁。好正😋😋一碟四隻，兩人分到兩隻超滿足😝牛油果沙律醬汁好好味酸酸甜甜，菜亦好新鮮！唯獨是個牛油果太少喇☹️這個蕃茄蟹柳烏冬，番茄醬很濃，烏冬嗦晒啲蕃茄味，好好食😋

佢之前無咁貴不過仍然好好味，今次叫左三文魚子蛋白炒飯比啊女，佢話好好味，平時吃很少都食曬，我叫左個炸蝦卷食，好足料，唔會得炸粉，蝦都幾大隻👍👍，同屋企人食唔錯。上菜都好快，服務態度好好，好nice。但要早D排隊，好多人，同埋有少少污糟......之前都食過佢地嘅壽司（三文魚、吞拿魚、玉子），都唔錯，幾大件👍蛋包飯都好正，裡面唔會係得飯同汁，有少少蘑菇、菜，隻蛋都好滑架✨✨呢間非常值得推介！！

上星期同埋個同事去左油塘做野兼搵食，所以就上網搵到呢間叫「十勝牛」嘅日式餐廳，出名價錢平！但服務就唔多掂🤔不過由於糧尾，荷包君有啲緊，所以就比佢嘅價錢引左我地去😑🔹滑蛋豬扒飯$44：滑蛋撈飯不嬲都係正嘅🤩佢仲要加左少少燒汁👍🏻更加惹味！豬扒係炸過嘅，但就唔算話係好鬆軟，但以呢個價錢黎講，都算係咁🥴🔹日式餃子拉麵$33：雖然係平，但味道一般，湯底係豬骨湯，普普通通🙄餃子係炸嘅，但放埋落湯到就淋晒😓完全唔明點解佢要放埋落去😑會去食嘅朋友仔，記得叫佢分開上❗️🔹三文魚腩刺身$58：呢個真係正嘅👍🏻腩位又厚又肥美🤤$58呢個價錢真係冇得輸😎🔹蒲燒鰻魚$76：份量都算多，目測都係正常Size嘅鰻魚一條！不過呢個平時出面超市買應該要$80-$90，所以佢$76都算平😊味道就屬於正常水平，唔會有好多幼骨！唔錯的！🔹凍菊花蜜（跟餐）：叫餐會送熱飲或者係菊花蜜，呢杯野比想像中冇咁甜！但菊花味就唔算濃，估計都係溝左小小水😂至於點解會話佢服務失色，落單時店員全程黑面，表現不耐煩，又唔會望住你，感覺就好似問緊你「得未呀？」😪不過食之前都睇過下其他食客嘅評論，都係講服務唔係好掂，親身體驗

今日行完山落船後就黎左油塘大本營醫肚。時間已經係下午茶時間，我就叫左呢度夠曬抵食既下午茶餐。呢個茶餐真係唔話得。$34免加一有一碗充滿麻油香既米線，仲有豚肉餃子兩大隻。餃子係炸起既，所以好大隻好飽肚。仲有雞肉多士全份，同埋茶餐廳沙律，竟然有紅豆！而且醬汁唔算太多，唔會太肥膩，番茄一大塊，搭幾條真沙律菜。多士真係幾脆，入面雞肉就唔多，不過咁既價錢算係咁喇！本身仲跟埋熱飲。真係抵到爛！唔怪得知多人到要等位！

以前我久不久會去光顧，但今次個侍應十問十唔應，非常冇禮貌，未食嘢已一肚氣不知是否那侍應態度差，所以連D食物質素也好像差了，那個蛋包飯欠欠味道，芒果沙冰淡得如水，味道退步了！希望佢哋會改善！如果再遇上如此冇禮貌的侍應，我就永遠不會再光顧！！

星期四晚7點到餐廳 即時入座餐牌有好多選擇 亦有提供單人火鍋南瓜薯餅 🐵8分表層鬆脆有熱度 內饀帶南瓜香甜 鬆軟感 本來不愛南瓜也愛吃 比忌廉薯餅特別附醬帶酸味 非常推薦他人蓋飯🐵7分好大碗 份量好多 蛋滑牛肉嫩石鍋豆腐鍋🐵8分上菜時還在沸騰 走清淡路線但味道足夠豆腐滑 內有粉絲燒三文魚牛油果飯卷 🐵8分一大口吃好滿足 燒三文魚正常發揮 牛油果份量足 配搭好好西瓜汁 🐵7蚊杯 超值非化學調味 真西瓜肉 甜度適中每次黎都會叫杯職員服務態度良好 💛

放工去咗油塘大本型行下，見到十勝牛好多人排隊，加上價錢合理，決定一試！我地叫咗五款食物，總體來說劣食！鰻魚手卷，不過不失，毫無驚喜，但算對得住個價錢！而雪場蟹味道可以，但紫菜唔脆，加上太多沙律醬，完全扣分！最重點係，我地發覺呢間餐廳好鍾意用好多沙律醬掩蓋唔新鮮嘅海鮮，特別係以下嘅蟹子沙律我地叫咗個細嘅沙律，但原來都好大碗！本來滿心期待，但實在太多醬⋯嚟到重頭戲！這蕎麥冷麵實在太難食！麵質超級軟，應該係煮得太耐或罷得太耐，無食完已放棄！之後叫咗個忌廉薯餅，不過不失，最大優點係熱！最後，令我地驚喜嘅竟然係Asahi，完全唔預料會有凍杯！

星期六夜晚九點幾去食晚飯，去到仍然好滿座，不過都唔洗等位。明太子炒飯差唔多每次黎都會叫既明太子炒飯，味淡而甘香，份量亦好足燒三文魚牛油果飯卷($46)飯卷有好多選擇，揀左牛油果配搭，感覺好清新香草海鮮天使麵($47)同行友人一致讚好，好多種類既海鮮配料，配上濃郁香草醬汁，簡直係胃口大開忌廉汁海鮮菠菜千層麵 ($49)千層麵既份量比較少，味道一般，海鮮的感覺不明顯燒石鍋鰻魚飯($53)石鍋飯配上幾條鰻魚，賣相不錯，不過可能鰻魚清洗得唔夠徹底，味道少少影響鰻魚炒飯($46)鰻魚粒加上甜甜地既醬汁，但可能食完燒石鍋鰻魚飯，感覺鰻魚既處理較一般串燒帆立貝($38)帆立貝輕微燒過，不過醬汁有少少蓋過帆立貝既味道軟骨煎餃子($29)雞軟骨粒粒係餃子入面，非常有咬口，味道不錯整體上味道都不錯，性價比相宜既選擇。

由大本營開始正式進入油塘呢一個地方之後自己就不斷食十勝牛呢一間餐廳主要見到價格完全唔貴壽司都應有盡有而且價錢都係處於一個合理嘅價錢所以長期都可以吸引到我入去試一試咁呢一間餐廳最特別嘅就係會不斷有好多期間限定嘅嘢食一時會搞美國風一時會搞韓國風今次我就正正試吓韓國嘢就試咗個大蝦泡菜冷麵估唔到份量會比想像中大好多一個人食絕對飽到飛起再配合韓式辣醬的確幾辣所以平時如果唔太食得辣嘅朋友千祈唔好落晒如果唔係會好辣好辣但唔緊要如果真係辣嘅話淨係需要加$6就可以有杯果汁例如西瓜汁菠蘿汁橙汁，解辣之餘亦都可以清熱氣係幾好㗎壽司方面就比較細啲所以我自己會要手卷好啲尤其是三文魚手卷同埋鰻魚手卷兩個係最平而且我覺得都幾抵食重點就係份量都算大同普通食開嘅都差唔多所以埋單嘅時候價錢都唔太貴符合經濟效益

基咁啱係油塘做完野，即管係到搵下野食最後決定去食十勝牛和食料理首先叫左個他人蓋飯，個蛋個配上個飯好好食，個牛肉唔算全熟所以都淋淋地幾好食叫左兩個小食分別係雞軟骨同帆立貝，雞軟骨炸得好香脆，再配上沙律醬，好好食帆立貝個汁好好食，配上帆立貝一流，雖然個帆立貝唔算好特出，但個汁可以加返啲分👍🏻👍🏻最後叫多左個軟殻蟹手卷同燒三文魚牛油果卷，兩款都好日式水準。軟殻蟹炸得啱啱好，好食三文魚夠肥，燒完油脂出左黎，一流呀！最後一杯飲品畫上句號！

晚上9時許, 由於有少少肚餓，所以與my Queen出去食消夜! 由於是消夜的關係,加上my Queen不太肚餓, 所以叫的份量不多!天婦羅烏冬是用石鍋上枱的, 所以上台時石鍋烏冬仍是熱騰騰的(睇圖可見湯仍是起泡的就知) ! 由於夠熱, 而烏冬夠彈牙, 加上湯低唔錯, 所以個烏終好好味! 不過天婦羅係雪藏蝦，所以無味, 唔好食!鐵板牛柳粒上枱時,牛柳粒亦是熱騰騰的, 牛柳粒有肉味而且夠腍, 所以都幾好食! 而中間的薯蓉是凍的, 但味道唔錯.....正!至於金龍蝦皇反卷都味道可以, 算是合理水準! 其實除了天婦羅炸蝦外, 其本上都算好味的! 而且價錢合理, 三款食品加起來只需178元!難怪星期六和日的晚市有很多人輪候!

今日近近地去左油塘呢間十勝牛食晚餐，呢個忌廉暑餅超級好味，但有點濟，食一舊已經好夠，忌廉既簡味再加上沙律醬簡直係絕配！8/10十勝牛仲可以一舊舊壽司咁叫，最後我叫左兩舊粟米沙律，一舊海膽，刺身無令我失望，海膽都幾新鮮！壽司性價比高。8/10之後再叫左一個蟹籽沙律，建議如果兩人食的話，叫細size已經足夠。因為呢碗細size係超級大，而且份量多，價錢平，性價比相當高，好值得試！9/10然後又叫左煮硯，佢都幾多肉，而且個湯好清甜，個硯又好新鮮，唔錯唔錯！8/10呢個湯拉麵又平又好食，性價比都高。8/10三文魚壽司個刺身相當新鮮，而且都唔薄好味！9/10