十勝牛和食料理

Open Now

Now Closed

上星期六中午，跟朋友進餐，被安排的座位冷氣很大，於是便要求略為調較一下，但服務員的態度已是很差。跟著如常點餐，商量好菜色後，便叫服務員下單，誰知迎來的又是不禮貌的服務。進餐中，要求多加點水，又是受著那位身材不高，戴着黑框眼鏡的“女“服務員的氣，這次的態度是 ： 一雙眼晴像想殺了我一樣，嘴瞄瞄的。小妹妹，如不願意做，就別做了，知否你的態度真的很差，你這樣的服務態度，是為公司趕客嗎？另外，希望貴店正視一下服務質素，由我幾年前惠顧到現在，店員的服務態度真的每況愈下。

這間店嚟過很多次晚飯， 但係下午茶就係第一次！點了大餐牌內的細蟹子沙律， 下午茶餐的日式照燒豬扒包再追加($5)五香肉丁米粉， 飲品要熱菊花蜜。蟹子沙律先到， 這個是必叫的， 超抵食又大碗， 食落感覺十分清新， 不過沙律醬好似多咗些， 食到尾的時候很重沙律醬。 五分鐘後豬扒包到， 包很脆， 豬扒都很淋滑。 隨後兩分鐘， 五香肉丁米粉奉上， 半個米粉份量ok， 最緊要夠熱， 味道同茶餐廳都一樣。 反而菊花蜜最後到， 不過都夠熱夠味。是次餐飲體驗算幾好， 一定會再惠顧！

食過幾次 每次同朋友聚都會諗起呢間因為cp值好高特別推介佢嘅沙律 好fresh又好足料啲壽司雖然感覺唔係好新鮮 但呢個價錢都接受到 何況味道都仍然不錯 影響唔大3個人嗌好多野食share都百幾左右 唔錯!

尋晚到餐廳晚飯被安排坐在梳化位置，坐低後發現只得一隻筷子，所以示意姓馬的大黑框眼鏡扁口扁面的女士應取多一隻筷子，之後發覺梳化上有一舊肉，於是便取餐紙把它包住掉咗地上，因為覺得人哋食剩既肉衛生問題唔會擺返自己張枱度，點知個姓馬女士應比筷子我嗰陣時好大聲咁講，小姐下次唔好張張紙掉落地下個餐廳已經好嘈，佢可以大聲到周圍啲枱都望過嚟，咁我執返張紙巾上嚟，想話比佢聽點解同俾佢掉咗去，佢即刻調頭即刻走咗仲有就係有一個四50歲比較矮嘅男侍應永遠都係將啲食物揼落張枱度，有一次個火鍋爭啲倒瀉, 同佢地講要搵經理投訴，居然全部人都話唔知經理喺邊度，唔知經理姓乜名乜，行開左半個小時都未返餐廳，蛇鼠一鍋 ，呢間乜嘢日本餐廳嚟㗎？依家仲有依啲咁嘅服務態度，蛇鼠一鍋，以後都吾會俾錢佢哋賺㗎啦！咁大個人未試過食到咁勞氣！都幫襯左有幾年，係時候做個了斷，以後唔會幫襯㗎啦！成個大本營咁多餐廳food Court大把得揀

2019年6月1日中午和女兒在油塘大本營十勝牛午餐，本人order 了當天Set Lunch 鰻魚飯，但想不到差不多吃完，才發覺原來我吃緊破爛得很嚴重的食物盒子，於是向女服務員反應，無想到那位女服務員説：係咁架，我哋餐廳D餐具係咁破爛，我聽完覺得這位態度很差，於是我說需要見你經理，她説經理在廚房好忙，我重複說要見經理，💥然後有位男服務員前來接我的意見和投訴，當中和他談論時他最終回答是( 我餐廳客人用的餐具係咁，又說經理放假，現在我話事)😤,咁即是投訴無門，我説需要你公司服務熱線，他只給了十勝牛各分店地址電話咭片，但為什麼之前女服務員和這位(Jason 暫話事權)的說經理在埸與放假是不一致？💥其實破爛成這樣的餐具真的不應給客人食用，客人是消費者，加上破爛食具如客人吃到碎片會點？洗潔方面是合乎衛生標準嗎？請大家想想🥺服務員的服務及對答真係需要改善

住油塘食黎食去都係個幾味，終於唔洗出mk食日本野今晚近近地去大本型試左呢間十勝牛食左好多野食呀牛舌好好味，好香好林！食完再想叫多碟牛油果三文魚壽司，之前冇乜食過牛油果🥑壽司，估唔到又幾夾喎，好香牛油果味，我中意佢多沙律醬必推係忌廉餅，入面啲餡真係好足料，忌廉味好濃郁，配埋沙律醬仲正最後叫咗杯奇異果汁，平衡返頭先食物嘅油膩感，好fresh！鰻魚就正常啦，好中意食嘅朋友可以一試十勝牛CP十分高！住得咁近嘅我一定會經常去

職員送餐後 我想問下個飯係豬定牛（點左2 個頭鍋飯）你同事 好惡咁 「咩呀 咪牛飯囉」惡到隔離枱嘅人都話駛唔駛咁惡到埋單走 想投訴你收銀 好輕視咁笑笑口 話 哦係呀我話你有冇高級啲嘅人  黎我想投訴佢話冇和我話呢次係我最後一次黎食 佢繼續輕笑我諗佢地都被投訴慣左所以間餐廳都冇官網或電話俾你投設

兩人叫左一個蕃茄烏冬，一個蛋包飯。兩個都係價錢唔貴，質素不過不失。平時叫魚生同壽司都唔錯。不過d職員有時會落漏單，所以盡量一次過落，如果加單就可能會漏左。假日比較多人。

今日自己一個人去食個dinner 所以就是是但但咁就隨便揀左間店入去食 我一睇個menu 見到個鰻魚炒飯 真係好吸引我 於是我就叫左喇 份量都幾大下 所以都算係可以食得飽我👌

晚市六點開門嚟到坐係側邊位，好多蚊喺度嬲下嬲下，而且長上邊亦都有好多蚊黐住喺度衛生令人有少少唔舒服，亦都有反映過比店員聽，店員話每一個月會帶大清潔一次但好明顯清潔係不足嘅成餐飯都要撥走啲蚊好騷擾撇除環境因素，嘢食方面係唔錯嘅鰻魚飯好出名有半條鰻魚 兩個人share都冇問題叫咗個地獄辣烏冬，真係好辣普普通通，小小似屋企煮到嘅嘢壽司都好平，最鍾意食海蜇素翅 火灸三文魚海膽10幾蚊有一舊 唔係苦嘅但亦都冇話特別鮮甜重點黎啦，叫咗個蟹籽沙律細既，黎到差d以為佢比錯勁大兜 好足料 $28 勁抵食

今日嚟到油塘揾食 於是朋友同我就嚟到大本營睇下有咩食~ 經過我地見到間日本料理好多人排隊 睇完menu又覺得幾抵食 於是我地就排隊等食😛😛😛因為係夜晚開飯時間 我地最後等左大半個中先入得😳我地兩個人叫左三文魚🍣 腐皮 海膽壽司等等 味道都好正常 但三文魚味就吾太食到 呢個價錢我就無奢求太多🤣芝麻雞翼炸得啱啱好 一入口熱辣辣 d肉汁爆曬出嚟👍🏼👍🏼👍🏼 蟹子沙律入面有吾同蔬菜 而且有海量蟹子 食落口感好豐富👅👅整體呢度價錢便宜 性價比都幾高😚😚😚推薦:⭐️⭐️⭐️

行魔鬼山之前係大本營食個飯。見到呢間有午市套餐就一試。🔸汁燒鯖魚🐟: 條魚份量幾足，不過係咪汁燒呢我就覺得只係煎左條魚然後搽啲汁上去然而，個汁一啲被熱過既感覺都冇。不過50蚊黎講齋睇份量算過得去。🔸牛肉拉面🐮: 好明顯佢冇翻淥過個麵，只係加左熱湯就上菜。個麵卷埋一pat咁，整散左之後你就會發現其實個湯唔係好夠。個湯好膩，冇日式豉油湯底既清，食落似係大學飯堂飯既低質野。50蚊真係唔值。🔸結論: 50蚊既餐唔好expect太多。

有個不是後生的男待應（全場最衰係佢，其他待應都ok），服務態度極差，落order叫佢毫無反應，比了一張壽司紙佢，已經話要點野食，佢果然轉身離開，前後要叫佢三次話唔該仲要落order，佢先死死地氣回頭，態度極乞人憎，極不耐煩，完全係唔想做，送餐永遠放枱邊緣，從來不會放入些，真係唔明白佢這樣放餐，極度危險，隨時會倒瀉，一d安全意識都冇。已經不是要求高服務，但連最基本嘅服務都做唔到，真係超趕客，以後唔駛會再去幫襯。

今日行完山同朋友尼到食，七點幾尼到，都等左十五分鐘位先有，都幾多一家大細尼食呀 座位都舒服嘅，啲staff唔算好醒目，好多都係好後生架，但都ok嘅我自己就叫左一個雜錦魚生飯，$49，唔算貴，份量都好多，魚生都算新鮮，當然尼個價錢你唔會expect超級鮮味個種，但係無鯹味，算係咁喇， 唯一少少挑剔嘅地方係略厭比較多蔥絲，我自己就麻麻蔥，所以就覺得重左啲喇haha朋友都叫左唔同嘅飯，大家一致嘅comment 都係抵食！

今日難得放假去左Devil Peak 行山，行完好肚餓見到呢間店舖好似好受歡迎咁，於是就同朋友一齊排隊等食野。雖然一開始見要等18張有諗過食其他算，但佢間舖夠大，換枱率好高，所以等左大約15分鐘就入到去🤔入面餐牌有好多選擇，有炸物、刺身、炒飯、麵、卷物、芝士、沙律，任君選擇☺️因為第一次食既，今次都點左啲推介，但真心比我想像中更好食🤔我同朋友每人嗌左個主食，外加一個小食：七味軟殻蟹卷物（$41）我個人唔太鐘意七味粉既味道，但我覺得佢落既份量岩岩好，然後軟殻蟹好脆。而我叫左鰻魚炒飯（$46） 好好食，份量好夠，仲好入味，係覺得鰻魚可以多少少。不過總括黎講，對呢間店舖印象好好，上菜幾快，野食份量足，入味，好有質素，下次有機會一定再食😍