東京チカラめし (Closed)

呢間牛肉飯喺mealtime嘅時候長期都有條人龍喺店外，心諗牛肉飯可以有幾吸引呢😂今日咁啱6點幾經過見到冇乜人排隊就入去試下有吧枱同卡位，環境企理坐得幾舒服標準size嘅鹽燒牛肉丼好大碗，牛肉量都好大方。即使只係用鹽調味，呢種簡單嘅味道我幾鍾意食😂一定要加溫泉蛋！蛋汁流晒落啲飯度好香🤤另外都增加左牛肉嘅濕潤同滑度🤤牛肉控仲另外追加左燒牛肉🤭呢款牛就係甜嘅，都好食生薑燒豚肉定食有埋沙律同味噌湯。生薑味好夠，另外醬汁嘅甜味平衡左薑嘅辣味，味道豐富太肚餓嘅關係仲追加左唐提炸雞同餃子過口癮，正常發揮。食物份量一啲都唔少，而且價錢唔貴，難怪有咁多人過嚟食，值得再黎🤭

幾年冇寫過OpenRice食評， 今次真係忍唔住鬧一鬧⋯⋯ 個鹽燒牛肉飯真係好難食、好難食⋯個汁好噁心 餃子好啲，但係好似冇乜點煎過咁。 其他冇食過評價唔到，但我諗我都唔會再俾機會試呢間嘢了⋯⋯⋯我對這道菜的評價並不高。首先，牛肉的口感非常硬，咀嚼起來十分困難。而且，燒得過於焦黑，讓我感到擔心是否會有致癌物質。但最讓我失望的是鹽燒牛肉的味道太鹹了。這道菜以鹽為主要調味料，但是鹽分加得太重，讓整個菜餚的味道都失去了平衡。每一口都充滿了鹹味，根本無法品嚐到牛肉的原本風味。

旺角The Forest 有不少特色餐廳、今次來到Tokyo Chikara Meshi 試燒牛丼。記得新開業時排隊人龍到深夜、今次平日中午時份不用排隊、附近家庭客、學生居多。除了普通燒牛丼、還有鐵板燒牛肉、壽喜燒等、都幾吸引。旨辛燒牛肉丼 $68滿滿的一碗裡面有蠻多椰菜、牛肉軟嫩有肉汁、真的很好吃！ 而辣度亦算適中、上面還有溫泉蛋可拌飯吃、這個價錢來說好豐富！加$10就有味噌湯餸子 $18/3件、味道不錯但略嫌放涼了一點、如果可以即煎脆口會更好。

之前一直都好想試吓呢間日本過江龍，一路覺得丼飯好吸引，原來佢都有好多唔同選擇，今次就試咗旨辛燒牛肉定食。本身都好鍾意食辣，又有鐵板熱辣辣好吸引，牛肉嘅份量都唔少㗎，椰菜亦都有好多，不過又唔係好辣，其實都有啲韓國菜嘅感覺，加多左啲辣醬之後更加惹味。定食仲有一個湯同埋沙律，湯都算有誠意㗎，味道唔錯。沙律就正正常常，個汁幾好食。飲品除咗汽水仲有無糖茶選擇，今次就飲咗雲末綠茶！下次一定會再去食，試下丼飯，唔使去日本都食到日本嘅滋味。

收工自己落咗旺角買波鞋，突然好想食日式丼飯🙈 醒起呢間之前食過一次抵食又好食嘅過江龍🤓好彩而家唔使好似一開張果陣排咁耐隊🙂👅鐵板野菜燒豚肉飯鐵板上菜最正就係熱辣辣😍👏🏻上次試咗牛肉，今次試豚肉～兩者嘅醬汁幾相似，個人認為脂肪含量同肉質都幾接近～兩樣我都覺得幾好食😋 唔會有羶味又唔會太韌👍椰菜爽脆，加埋個汁好好撈飯～(我自己好鍾意加綠色嗰樽山椒提升味道😆)👅泡菜呢個係加$12既配菜，泡菜功效多多而且送飯一流😁#旺角美食 #日式丼飯 #牛肉飯推介 #日式豚肉飯 #咖喱牛肉飯 #日式咖喱飯 #溫泉玉子

近年响香港食牛肉丼多咗好多選擇，不過係日本「真」過江龍開過嚟，又要好食同就腳😋，我就會揀去呢間旺角嘅「東京チカラめし」。食飯時間嚟到都有少少人龍，不過都唔會等太耐。食店餐單提供唔同選擇，今次試番佢哋嘅招牌牛丼。「重量燒牛肉飯」特別多牛肉同飯，落單後好快有得食，如果餓底嚟到就啱曬！薄切牛肉用濃郁醇香嘅特製醬汁同洋蔥烹調，好有日本風味，食落仲會食到d菠菜碎同日本酸薑，表面曬有芝麻。另外追加唐揚炸雞3件，需時10分鐘左右，新鮮即炸，雞肉嫩滑。飲品就有汽水同支裝茶選擇。🐷🛎️必試指數：8/10🔆

香港有好多牛丼店，呢間係我食過最有特色嘅一間。今日嚟到旺角The Forest分店，門口大大隻橙色字「東京チカラめし」，店舖簡約設計，有好多舒服卡位坐，仲有多種醬料可以隨意調味。菜單選擇非常之多，包括牛丼、豚丼、定食、咖哩。有選擇困難症嘅朋友建議選擇定食再加配小食。今次試咗「野菜燒牛肉定食」，店員送上熱辣辣鐵板，配有日本珍珠米飯，日式沙律🥗同麵豉湯。牛肉鮮嫩可口🐮，加上特製肉汁非常惹味，仲有椰菜同芽菜，有菜有肉，平衡兼有營養。另外加多咗個餃子，味道都唔錯😋

今日放工行咗去旺角買嘢，見這間日本東京元祖級牛肉丼好多客人食，所以入去一試，果然唔錯❤️未能去日本都可以滿足一下食慾枱面有自助水及醬料可以自由調味用QR code自行點單，方便又環保餐牌都好吸引，有不同的丼、定食、鐵板、咖哩等等選擇環境都唔錯，有卡位有長方形枱，幾舒服！靜靜哋慢慢享受又可以外賣（燒牛肉定食）這個定食好豐富！有燒牛肉，份量都幾多；野菜沙律、麵豉湯、日本米飯（野菜沙律）有粟米粒、椰菜、紫椰菜，好健康（燒牛肉）好Juicy好香的牛味，牛肉口感好好，肥瘦均衡，配上香軟洋蔥絲，配米飯一流日本米飯好軟熟，口感剛剛好，配上牛肉洋蔥，冇得彈❤️（麵豉湯）唔會好咸，有豆腐泡同昆布，好健康

日本人氣燒牛肉丼飯連鎖店每次見出面都會有人排隊餐廳裝修都係跟返日本傳統牛肉丼飯連鎖店🍛鹽燒牛肉丼 配唐揚炸雞2件用鹽燒的方法係最食到牛肉味道香口，完全食到牛肉丼的滿足依兩粒唐揚炸雞好值得稱讚係有心揀好食材，雞肉質地真係好滑完全唔會有柴的感覺🍱重量燒豚肉飯其實係小編點錯左豚肉本身係想食一個豐盛的牛肉飯但錯有錯著，唔會話燒豚肉就會比較柴揀多一次我應該都會跟今次的點餐👅味道:❤️❤️❤️❤️🍔賣相:❤️❤️❤️🏝環境:❤️❤️❤️❤️🤵🏻服務:❤️❤️❤️❤️📸打卡:❤️❤️❤️💵價比:❤️❤️❤️❤️❤️💌做到好水準的牛肉丼飯好值得一試🏠東京チカラめし- Tokyo Chikara Meshi 旺角奶路臣街17號The Forest 地下G8號舖🕰營業時間：星期一至日 11:00 - 22:00🔖 日本 | 牛肉丼 | 豚肉飯 | 唐揚炸雞🚇交通:港鐵旺角站 E2 出口, 步行約4分鐘☎️電話: 28023308

日本過江龍丼飯 香港開左咁多間 呢間相比價錢親民 而且食物質素高👍🏻因為今次係週末既夜晚去 都排左一陣先入到去食 本身一心想去食壽喜燒 點知去到售罄😢 如果想去食既朋友 都係早d去 or平日去會比較好 餐廳以QR code落單 分單點 定食 同埋小食 飲品今次去到試左2款牛丼飯 1.燒牛肉丼🥩（配溫泉蛋🥚）💰58牛肉飯既米係用日本珍珠米做 粒粒都好有咬口 牛肉燒到好香 但係個人覺得本身提供係飯既醬汁比較少 可以再俾多少少 因為少乾 所以加左枱上既醬汁 因為醬汁無講係咩醬 我所加既帶有少柚子味 加埋溫泉蛋味道都幾夾 2.旨辛燒牛肉丼 💰68 牛肉加左高麗菜，泡菜一齊炒 包圍住中間一粒溫泉蛋 表面加左七味粉 撈埋一齊食酸酸辣辣咁 好香口 係值得一試既味道😋未得閒飛既朋友仔 想久違咁有去下旅行感 食下丼飯 可以去試下🤭東京チカラめし💁🏼‍♀️📍旺角奶路臣街17號The Forest 地下G8號舖@chikarameshihongkong

今年多咗好多間呢類型嘅牛肉/豚肉丼飯店，價錢合理，最啱就係快靚正食一餐簡單嘅飯我叫咗燒豚肉丼（配餃子3件） $58呢個飯原來都有好多汁，又有好多洋蔥、好似泡菜嘅菜，唔會好乾身😗豚肉布滿哂，我之後仲加咗隻溫泉蛋，好多汁幾好味一個沙律 ，冇乜特別😝三隻餃子🥟 細細地幾多汁，可以過下口癮三件炸雞，呢個大大嚿，好juicy其實呢度仲有壽喜燒，但可能因為我太遲去，所以已經賣晒，如果下次有機會再去我想食吓啲烏冬

𝗴𝗶𝗻𝗴𝗲𝗿 𝗽𝗼𝗿𝗸, 𝗴𝗿𝗶𝗹𝗹𝗲𝗱-𝘁𝗼-𝗼𝗿𝗱𝗲𝗿 𝗯𝗲𝗲𝗳, 𝗷𝗮𝗽𝗮𝗻𝗲𝘀𝗲 𝗿𝗶𝗰𝗲, 𝗮𝗻𝘆𝗼𝗻𝗲?🙌🏼 𝘁𝗵𝗲 𝗽𝗼𝗿𝗸 𝘄𝗮𝘀 𝗮𝘄𝗲𝘀𝗼𝗺𝗲 -- 𝘀𝗼 𝗳𝗿𝗮𝗴𝗿𝗮𝗻𝘁 𝗮𝗻𝗱 𝗳𝗹𝗮𝘃𝗼𝘂𝗿𝗳𝘂𝗹! 𝗶𝘁'𝘀 𝗽𝗿𝗮𝗰𝘁𝗶𝗰𝗮𝗹 𝗮𝗻𝗱 𝗮𝗳𝗳𝗼𝗿𝗱𝗮𝗯𝗹𝗲 𝗮𝘁 𝗮𝗻𝘆 𝘁𝗶𝗺𝗲 𝗼𝗳 𝘁𝗵𝗲 𝗱𝗮𝘆😋.日本平民美食除咗牛肉丼飯之外豚肉生姜燒都係另一經典， @chikarameshi 嘅豚肉生姜燒有大量豬肉片配上滿滿嘅洋蔥，加埋鹹甜醬汁惹味又好送飯🤤 另外冬天限定嘅鐵板系列仲有椰菜燒牛肉，平時食唔夠菜嘅必點😛

呢日放假去左旺角整頭髮，趁整頭髮之前食個quick dinner，經過見到呢間餐廳望落啲野好抵食，就一個人入去食dinner。打開餐牌，見到呢度都有幾多選擇。有豬、牛、雞、咖哩等，任君選擇。呢度用qr code 落單，好方便。我點左野菜燒豚肉定食，定食有燒豚肉、飯、沙律同埋湯，好豐富。燒豚肉煮得好入味，吸收左醬汁既精華，撈飯食一流。另外我仲加咗溫泉玉子，拮穿半熟嘅蛋黃，蛋黃撈埋啲飯，好開胃。配埋一罐凍可樂就perfect！

店名讀法係「Tokyo Chikara Meshi」，「Chikara」意思係「力量」咁解，上網查下資料原來好有意思。講番呢間分店，呢到位於旺角鬧市，中午時間有好多人，而我揀左接近下午兩點既時段，就比較容易入座。呢到環境好舒適，座位間隔好好，而餐具係檯側，亦有提供水同杯。用手機掃QR code就可以點餐，餐牌一目了然，點餐十分方便。我揀左野菜燒牛肉定食，定食配有白飯、味噌湯同沙律，另外加左泡菜同一罐汽水。煮完即時上菜，餸菜新鮮熱辣，牛肉煮得岩岩好，唔會韌，味道唔錯，野菜食落亦好清爽。搭配沙律，可以中和番肉既香濃味道。泡菜都唔錯，送飯一流。另外食肉真係唔少得一罐汽水😂整體感覺唔錯，價錢合理，店員服務態度亦好好。

前幾日去旺角買嘢嘅時候見到有間牛肉飯好多人排隊，見平時大路嘢幾間都試過，咁不如就試吓依間，去到門口都見到有一條長龍，不過咁即係應該都實力有返咁上下啦。入座之後，店員安排我坐吧枱位見到食物出上菜嘅流程見到炸嘢都會有一個保暖燈去保暖，確保啲嘢出嚟係熱辣辣，一有嘢食店員就會即刻去送餐，所以所有食物都好夠新鮮。入咗之後就可以掃碼點餐，見到入面主打都係牛肉飯，有燒汁牛肉飯同埋鹽燒牛肉飯，見後者喺出面比較少見，就帶咗一個再加餃子三隻，另外就再加埋燒牛肉試吓兩款有咩分別。等咗一陣就已經上菜，見到餃子都係煎得非常金黃，唔會話太燶同埋刮到個口，亦都好夠熱，咬落去都勁食到好多係肉，唔會話太多係菜，啱晒食肉獸嘅我。餃子皮薄餡多，唔會覺得好肥膩。見到鹽燒牛肉都會有一啲汁，食落去雖然冇平時咁重味，但係就可以慢慢帶出本身肉類嘅鮮甜，配上生洋蔥食口感更加鮮明。飯粒亦都係粒粒分明，生熟度啱啱好唔會話偏淋，撈飯就啱啱好，份量亦都好足，足以食到好飽。燒牛肉方面佢嘅醬汁偏為濃味，拎嚟撈飯就最適合，食落去佢係以燒汁嘅惹味吸引我繼續想食落去，而佢嘅洋蔥就係已經會跟住燒汁煮埋落去，所以洋蔥雖然冇生洋蔥爽脆嘅口感，但亦都有燒汁嘅香