東京チカラめし

Open Now

Now Closed

今晚突然好想食牛肉丼，行過旺角The Forest 見到日本過江龍 - 《東京チカラめし》 ，門口排晒隊等食，我都唔執輸排埋一份先😜等咗大概15分鐘侍應安排我們入座，客人可以用QR code自助點餐，我哋叫咗兩個定食小食share：🔸旨辛燒牛肉定🔸定食包括味噌湯、沙律、白飯，燒牛肉用鐵板奉上，份量都幾多，可以保持食物熱辣辣，少少辣味🌶️嘅燒牛肉，還有炒椰菜🥬，再加多隻溫泉蛋🥚喺上面，送飯一流啊！🔸鐵板雞肉野菜定食🔸另一款鐵板雞肉，定食一樣包括味噌湯、沙律、白飯，雞肉用燒汁炒得香噴噴，加上炒椰菜🥬，同樣惹味！🔸煎餃子🥟三件🔸餃子🥟底煎得脆卜卜，沾少少豉油已經好好食🔸芝士年糕🔸外面咬落脆脆，裏面係煙煙韌韌嘅年糕，仲有夾着邪惡又好食嘅芝士🧀🔸吉列炸蠔🔸炸蠔雖然唔唔係好大隻，咬落外脆內軟，有蠔味👍🏻🔸熱生薑🫚蜂蜜🍯🔸🔸熱檸檬柚子蜜🔸

想食呢間東京チカラめし～牛肉飯好耐，今日經過見排隊人流人不多，就進入開餐囉☺️。我同老友都喜歡食肉肉，就點左芝士燒豚肉丼飯同鐵板雞肉野菜定食，另外加配小吃，好豐富啊！芝士燒豚肉丼，飯上鋪了滿滿豚肉跟芝士，豚肉肥瘦適中，配搭炒得出色的洋蔥，跟醬汁拌勻食非常好味。鐵板雞肉野菜定食，包埋味噌湯同椰菜沙律，香噴噴的椰菜同雞肉份量足，熟度剛剛好，雞肉嫩滑的，配搭食很滋味呀😋。鰻魚小食亦唔錯，另外還有炸吉列蝦，芝士年糕，均炸到金黃色，抵食又好味。飲品則點左熱生薑蜂蜜同熱檸茶。

【旺角•東京チカラめし】@ππππππππππππππππππππππππππππππ旺角連鎖牛肉飯店芝士燒牛肉飯鹽燒豚肉飯餃子定食溫泉玉子唐揚炸雞3件凍檸檬茶芝士燒牛肉飯 - 這道菜給人留下了深刻的印象。牛肉的烤製很恰到好處，而搭配濃郁的芝士，味道更是十分美味。推薦給喜歡牛肉和芝士的朋友。鹽燒豚肉飯 - 豬肉入口即化，鮮嫩多汁，鹽燒的風味十分獨特。搭配白飯食用，簡單卻美味，是一道令人回味的料理。餃子定食 - 餃子包裹的餡料鮮美，皮薄餡多，搭配定食的配菜讓整體口感更豐富。是一份經典的日式料理，絕對不會讓你失望。溫泉玉子 - 這份料理美味又營養，溫泉蛋外層鬆軟，內裡的蛋黃濃稠，滑嫩可口，是一道營養又美味的選擇。唐揚炸雞3件 - 香脆多汁的炸雞，十分美味。醬汁的調配使得口感更加豐富，適合搭配飯食用，是下酒菜的絕佳選擇。凍檸檬茶 - 清淡的檸檬茶搭配冰塊，十分開胃，清爽怡人，是餐後的絕佳飲品選擇。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 300✨✨✨✨✨✨✨✨✨✨✨✨✨#旺角美食 #東京チカラめし #web3旺角東京チカラめし旺角奶路臣街17

行經旺角 The Forest，一入去見到 "東京チカラめし"，係日本有40幾年歷史嘅超人氣過江龍「燒牛丼元祖」，鍾意食牛肉就啱啦！店內都幾闊落，有吧枱及卡位選擇，環境整潔乾淨。枱上有調味料，可依個人口味自行調配。餐廳除咗主打燒牛丼之外，仲有即叫即燒嘅鐵板定食，亦有咖喱飯、豚丼、鰻魚丼、餃子、唐揚炸雞、吉列豬扒等，款式與別不同，好吸引呀！鐵板野菜燒牛肉定食      $70依度都有鐵板食，好特別呀！燒牛肉好juicy，肉質是半肥瘦，牛味香濃及軟嫩，醬汁微甜亦帶少許鹹，用嚟拌飯好美味，旁邊嘅蔬菜，翠綠鮮爽，食起嚟更fresh，配埋味噌湯同沙律，好滿足呢 ~咖喱吉列豬扒飯    $60炸至金黃香脆嘅豬扒，肉質嫩滑，有肉汁，咬落去好鬆軟，口感脆脆，再淋上日式咖喱汁，味道帶少少甜，相當美味可口，同時，加上軟韌醇香嘅米飯，這款都係我最喜愛嘅！鰻魚    $48醬汁香濃，魚肉軟嫩，油脂好豐富，帶出燒烤香氣，甜中帶鹹嘅醬汁，充滿日式風味！追加燒牛肉    $45啱啱食咗鐵板牛肉，咁好味，立即追加份燒牛肉。牛肉烤至焦香，肉味濃郁，牛肉吸收咗秘製醬汁，非常入味，鹹中帶甜，就算淨食唔配飯都咁美味。唐揚炸雞

同區有間牛肉飯成日都大排長龍, 其實哩間係The Forest地下既CP值都好高好值得一試!! 大大個橙色招牌sharp醒離遠都望到佢。除左平時一碗碗既don飯之外, 哩度仲有鐵板牛肉定食🧡旨辛牛燒肉定食 ($78)+鐵板野菜燒牛肉定食 ($70)黎到係比想像中大份, 牛肉份量多可以用一堆黎形容!! 絕對夠拌一碗珍珠米飯!鐵板野菜味道香甜之餘椰菜仲吸埋肉汁香味, 而中意食辣既我就一定揀旨辛牛燒肉, 佢除左灑左7味粉之外, 野菜部份仲會加左泡菜入去, 仲有隻流心蛋， 成個味道好豐富, 辣辣地好岩我胃口, 成盤清哂冇難度。另外仲有misu soup同埋沙律, 湯有加腐皮冇咁寡, 沙律加左少少D蒜味既沙律醬, 又幾好食。 加左份吉列蠔同埋餃子, 餃子正常發揮, 而蠔就更出色, 夠鬆脆熱辣辣!以佢價錢同質素，絕對可以成為飯堂✔️✔️

成日經過見到呢間都覺得幾有日本feel，今次想食牛肉飯而諗起佢，終於有機會食到🤩定價都算平民，最平四十幾蚊就有碗飯，款式都算多，有豬、牛、雞嘅唔同配搭，上菜又夠快，CP 值唔錯！✨旨辛芝士雞肉丼 - 賣相唔錯，面頭滿滿炙燒芝士，下面原來係泡菜雞肉，所以有d微辣，撈均食幾入味🧡✨燒牛肉丼配餃子3件 - 個汁幾香濃，牛肉薄切易咬，珍珠米爽甜有口感；餃子係熟悉嘅日式餃子味道😛✨芝士年糕 - 比平時食開嘅大塊，裡面勁多芝好邪惡🧀✨唐揚炸雞 - 有3件，都幾大件，啖啖肉唔錯😻

牛丼飯一向係港人嘅comfort food，呢間日本過江龍主打多達35款日式牛/豚肉丼同其他定食，價錢親民而且份量十足。店內環境設計簡約，座位尚闊落，地點方便，經過試試無妨。餐廳招牌菜燒牛肉丼以鐵板燒方式製作，採用美國牛腹脅，肉味香濃，帶微微焦香，淋上特製醬汁，配埋洋蔥、菠菜、芝麻粒等，令整體味道昇華咗。芝士控會推介點芝士燒牛肉丼，面層放上大量Mozzarella芝士碎同巴馬臣芝士粉，用火槍燒至半溶微焦狀態，帶有拉絲效果。上面灑埋黑椒，估唔到神奇地match，味道相對更濃郁。另外有鐵板燒定食系列，鐵板雞肉野菜好有驚喜，雞肉超級嫩滑而且好Juicy，雞肉味突出，野菜夠香又夠油，配飯食一流。小食有餃子、唐揚炸雞同季節時蔬，個人喜歡炸雞，大件夾抵食～

[ 東京チカラめし✨ ].終於試到呢間日本人氣過江龍元組級燒牛丼😂😂🥩🍚 位於旺角THE FOREST商場地下橙色嘅招牌一眼就望到🧡.價錢全部都好相宜所以一次過嗌咗幾款試吓啲味道.芝士燒牛肉丼 🧀🥩🍚 $68有普通同大份選擇價錢相差$10我揀咗大份🤭🤭上枱嘅時候芝士味撲鼻而來♨️夾起仲有超級多嘅牛肉🥩🥩🥩真心推薦一定要加隻溫泉蛋🥚蛋漿加埋拉絲嘅芝士🧀再加埋燒得啱啱好嘅牛肉🥩真心好味🤤🤤忍唔住一啖又一啖咁吞噬🤣.重量燒牛肉飯🍱 $78話明重量級，牛肉份量當然唔惹少加咗特製燒牛肉汁同埋洋蔥🧅甜甜地更能帶出肉質鮮嫩🫡撈埋用日本米煮嘅飯好正.鐵板雞肉野菜定食🐔🥬 $68食咁多肉，覺得要嗌啲菜健康啲將雞肉同椰菜擺落鐵板度燒🔥食完成碗飯🍚再食都仲係熱辣辣嘅🔥雞肉都幾嫩滑🐔 又保留到溫度😌可以話正常發揮啦😉.其實我都幾鍾意用簡單嘅食材煮出好味嘅料理牛肉飯就係一個好例子👍🏿👍🏿肥牛🥩加飯🍚加芝士🧀加蛋🥚搞掂✅🫡係簡單又幸福嘅感覺🧡🧡以後食牛肉飯又多個好選擇🤭🤭絕對唔止吉野家同Sukiya喇😍..📍旺角奶路臣街 17 號 THE FOREST 地下 G8 號舖

雞肉勁鹹，超級難食。 完全唔係日式豚肉嘅味。仲衰過自己屋企整沙拉就超級苦，汁都比唔足，又係超級難食。服務態度超級差，一邊食野一邊汁櫃桶，關櫃桶係超級大力。好影響客人食飯。

依間真係垃圾之中嘅垃圾佢嘅牛丼係非常之酸，而且我加咗個炸雞個炸雞基本上係好大浸油益味我要求換咗然之後出到嚟仍然都係非常之大嘅油膱味，所以非常建議大家去試呢一間餐廳因為真係非常之難食，不如唔好浪費自己嘅金錢去食其他旺角好食嘅嘢

星期5，夜晚7點到，門口開始有人龍。冇得拎籌，需要係門口排隊。等左2-3張枱，都算快既，15分鐘左右就入得用QR Code落單食物種類就係日式連鎖丼飯店咁，有牛、豬、雞、咖哩、饅魚等(並)鹽燒牛肉飯配炸雞 $58牛肉有啲咸，同飯撈勻係OK不過好油同埋牛肉碎碎地炸雞夠熱同脆，唔錯女仔黎講(並)飯呢個餐已經好夠飽，整體似係有送餐服務既日式快餐店，價格偏中下，食物味道都過得去，咁既價錢都唔會好高要求。坐位走廊位都唔算太窄，睇落衛生都OK。埋單自己拎埋單去門口收銀處，沒有加一服務。

當你來到旺角，美食選擇多到難以作出決定，我在街上來回幾轉，終於諗到食東京牛肉飯。印象中我係呢間食過三四次，但係無厭倦感覺，每次食佢都有新鮮感。今日叫左旨辛燒牛肉丼，$68價錢份量夠，太陽蛋配以牛肉異常滑溜，其獨特調味汁醬，在另一家牛肉飯專門店食吾到。我另外點了泡菜及味噌湯，先講一講泡菜，講真有點兒辣，好似在韓國食的差不多，略嫌份量少了一點；味噌湯亦落足料，份量少了一略，但真係好飲既。另外叫咗一支柚子海鹽味汽水，各位要小心呢支汽水好多氣，比可樂多出2倍氣，飲吾慣人士請不要order.總結：我食過3-4次，必然係好味我才會再幫襯，我認為服務同食物質素佔好大比重，再者在鬧市中，不用搭𨋢上樓，省卻了好多時間，食完又可以繼續行街😀😀

今日喺旺角附近上完堂之後好肚餓，諗起朋友之前推介嘅呢間餐廳，就入嚟試吓🤭週六嘅午餐時間，坐到full晒，見好多係一家大細嚟食，就知呢間餐廳一定係抵食😙吧枱仲有位，啱晒自己一個食嘅嚟坐😂枱面有配料，可以根據自己口味再調整🔖鹽燒牛肉丼（配唐揚炸雞兩件） $58賣相吸引，香噴噴嘅牛丼配上洋蔥，最佳搭配🫶🏻牛肉嘅份量俾得大方，牛肉煮得好軟腍而又入味。呢個價錢更加係良心價，大份夾抵食。🔖唐揚炸雞炸雞大大塊，外皮脆口又多肉🔖溫泉蛋 $15食咗幾啖之後，再加一粒溫泉蛋拌埋飯，食落去令味道更加昇華

🎈 建議場合：#即興食飯 👤 建議人數：1-4人（最多可容納4人檯）💸 人均消費：$50-100【1個人食咗啲咩？】- 燒豚肉丼配溫泉蛋（$58）⭐⭐⭐⭐⭐「CP值幾高！燒肉俾得絕不手軟」$58蚊一個飯對於現時香港黎講已經係一個幾average嘅價錢，宜尼個價錢黎講，個飯實在真係幾抵食～溫泉蛋蛋味香濃但係又唔會腥，用黎配日本米食再加埋燒肉汁真係一流！啲日本米煮得啱啱好，唔會太乾太應，又唔會太濕太淋，鬆軟得黎有彈性～最重要係啲肉嘅份量仲多過飯！啲料比得好足！！！燒汁調味料份量剛好，唔會太鹹。啲肉上面有俾一啖芝麻菠菜俾你，感覺好似無咁膩，減低罪惡感燒肉部分採用左腩肉部位，豬肉嘅油香配白飯簡直無懈可擊，越食越上癮，不過食到最後碗底有啲油，減肥嘅朋友就唔建議食啲咁邪惡嘅嘢啦。📍 *東京チカラめし*旺角奶路臣街17號THE FOREST地下G8號舖 (港鐵旺角站E2出口 約4分鐘路程）

早排有一日下晝行街行到攰，想搵日式牛肉丼飯食，但係又唔想去食咗好多年嗰啲品牌，咁啱就搵到呢一間日本過江龍。佢哋嘅價錢係十分平民好抵食，而且款式都有好多，每個煮法都一定有齊牛肉、雞肉、同埋豚肉唔同選擇。🌸鐵板雞肉野菜定食呢一款定食係成個鐵板盤咁樣上枱嘅，既可以保持住食物嘅溫度，亦都可以令香氣更加突出。盤中的雞肉片鮮嫩多汁，每一口都帶著微微的炭烤香氣。搭配上各種的蔬菜，有椰菜、洋蔥和青蔥，令到雞肉都加上咗一層蔬菜嘅香甜味！我另外再加配咗多一個糖心蛋一齊食，令到成個味道再昇華咗。😚燒牛肉定食這盤燒牛肉，肉質肥瘦適中，有咬口得來亦都入口即化。值得一提係佢嘅牛肉汁非常之香濃，鹹得來又有肉香味，用嚟撈飯真係一流。配搭埋額外加嘅日本溫泉蛋同日本珍珠白米飯，每一口都係日式風味仲好滋味。🥰餃子小食我就揀咗試吓佢哋呢度嘅餃子，餃子都算皮薄餡多，咬落去肉餡都好足，而且個皮唔會好厚。🥟熱生薑蜂蜜最後因為我去嗰日天氣陰陰沉沉，又潮濕又落雨，所以就叫咗一杯熱生薑蜂蜜試吓。這杯飲品是少女們的暖心之選，值得一試！🤗