東京迴轉壽司 (Closed)

陪朋友整電話後,他提議o黎呢度食壽司,因為成日經過都見到好多人,所以冇試過,等了十五分鐘便有位,朋友一坐底就點了軟殼蟹手卷($32有一對),跟住都食了好多款壽司,覺得帶子壽司最好味,好厚身同埋好新鮮.試咗個軟殼蟹手卷,真係好正喎,軟殼蟹炸得好脆,食一隻已飽...環境雖然迫啲,但食物同價錢都可以呀~

去過這間餐廳很多次,每次都很滿足的離開很多時於非繁忙時間光顧,推出的壽司款式較少,唯有自己叫,但失了迴轉壽司意義三文魚壽司大大件,飯夠細,三文魚入口即溶,唔係誇張,係真架炸蝦壽司,即叫即製,上到枱熱辣辣,夠脆椒鹽多春魚,係燒唔係炸,夠香口但拉麵就麻麻,湯底好明顯係出前一丁味...過份

食左２次..都覺得好好味!三文魚真係好厚好鮮..炸蝦卷又係必食..熱辣辣食落口..正!仲有天婦羅芝心卷..雖然好留..但係感覺唔錯~曼魚壽司..好大條..好好味唔太記得食過咩呢..全部都好好味..肯定好過元氣元綠黎d地方!!服務好好..一舉起手就有人即刻行埋黎..係環境有d逼..差左d~

1行2人同表妹去食壽司. 很久無去了, 前1,2年食過, 當然係要食下$32一對的軟殼蟹手卷啦. 味道都保持水準, 不過比以前細隻了啦.點了10碟壽司.1) 三文魚($14)x2: 切得都好厚, 不過感覺無乜鮮味. 退步了.2) 螺肉($10)x1: 無乜特別.都好食3) 黃金魷魚($13)x1 : 麻麻地, D魷魚太細條, 食落好好似醬住晒.4) 蒲燒鰻魚($16)x1: 好食.5) 蟹子沙律($13)x1: 無乜特別. 都好食.6) 炸蝦($16)x1: 麻麻地.7) 生帶子($18)x1: 好厚, 幾新鮮8) 玻璃蝦($13)x1: 幾厚身, 味道一般, 唔係十分鮮.9) 赤貝($16)x1: 最差的一碟. 一般赤貝係深黃色, 那碟既然是白色. 好差.總括壽司方面: 不好. 食物唔夠新鮮, 飯好散, 當然係無乜醋味. 只可以講食物切得幾厚啦. 同埋所有壽司你叫侍應比新一碟係無問題的. 因我想那些紫菜是脆的, 所以有要求螺肉/黃金魷魚/蟹子沙律壽司都要新的.再叫了一碟雞軟骨串, 有3串, $20. 味道幾好.最後, 壽司的重點係Wasabe, 不過都係唔好. 根本係唔辣. 落了好多

一向都好鍾意食呢間, 上星期同男友又去食, 但今次食既野要同上次唔同, 因為唔想次次都係個幾款!一坐低就見到巴士阿叔, HAHA, 咁岩佢響度講緊電話...今次叫左個田園蠔卷, 軟瞉蟹手卷, 槍魷魚, 好好味, 尤其係軟瞉蟹手卷, 第一次響個度食, 其他地方炸到乾晒, 無汁兼無肉, 但東京迴轉就整得好好味, 有肉汁, D蟹又多肉, 加埋佢本身落左既七味粉, 簡直就係正!

一間平凡回轉壽司店,但價錢相比下便宜及大件,最爰軟殼蟹手卷,有半隻.....很脆而不乾人手好像不大足夠,但尚算有禮比鄰鋪來得有誠意總分值65

同媽咪、細妹一行三人食晚飯!先叫媽咪鍾意食的軟殼蟹手卷,手卷依舊炸到卜卜脆,當然仲係熱辣辣啦!南瓜餅--好味,食到有南瓜茸燒鯖魚--幾好味,唔會太腥三文魚壽司----幾新鮮,但係唔算太肥美最後再叫多對手卷,因為媽咪實在太鍾意食,一個唔夠佢\食,所以再叫多對!總括講句,呢度的炸物幾有水準

個水龍頭有問題，於是出去旺角買番個。已經係下午茶時間，又未食午餐，剛剛經過這間鋪，見倒個下午茶拉麵都係十四個大洋，於是入去試試。是日係十五，係持素日，於是叫了雙菇拉麵和南瓜天婦羅。個拉麵有金菇和鮮冬菇，味道都唔錯，天婦羅鬆脆。見倒D迴轉壽司都好吸引，下次一定要試試。

之前男友外賣買過軟殼蟹手卷比我食，唔錯。男友呢排唔知發生咩事，差唔多餐餐都食壽司。13號放學換衫陪佢食飯...點知又係壽司...未去左東京迴轉..試下啦...輸送帶上面ge壽司密密麻麻..師傅一見有空位就擺新一碟壽司上去...唔錯唔錯...男友見輸送帶上面d野好似唔太o岩胃口..所以order左蟹籽壽司、象拔蚌壽司等...都算係新鮮..個蟹籽壽司d蟹籽好難o趙..唔係一咬就流汁...象拔蚌唔錯..好過金太郎...起碼有d味唔似o趙緊舊膠...d三文魚呀o個d件件都由頭包到落尾...好難得..唯一美中一足係壽司d飯怪怪的..好似唔夠醋咁.....總括黎講都可以一食ge..不過以佢咁ge價錢我都可以去元氣啦..

9October06去左食旺角呢間東京迴轉壽司.之前都係到睇過先去詆下...如果坐order位就幾好;迴轉位見到都知麻麻地.<食物>嘩! d魚生好大件...都好新鮮(合格)Sushi d米就麻麻地...軟殼蟹手卷真係好食!

本來想去御家sushi, 點知未開, 之後轉去羽sushi, 點知要等位, 唯有去呢間評價唔差的東京sushi啦...我們被編到最入的位置, 貼住個廚房, 班師傅又好無規律, 嘻嘻哈哈講野又大聲...我發覺呢間野咩都係標榜大件, 我見d sushi上面的魚生件件都好厚....睇睇下竟然見到類似toro 的sushi, 竟然仲只係$18....心思思想試下...係就係有toro的味道, 但就唔覺有油份...同埋$18竟然有厚切toro...內心點都會覺得假假地...唔好食太多啦....唔知咩來源...唯一要讚只有軟殼蟹手卷, 熱辣辣又超大件, 配埋少少蟹子我覺得真的不錯!但呢間野裝修實在太港式, 隔離d師傅又嘈吵, 我仲看到有人吃炒麵同飲汽水, 突然覺得自己身處茶餐廳....所以我們2個人只係吃左6,7碟已經想走...

上星期六晚,經朋友介紹下嚟試試,响出面街睇以為係好細,原來再入面仲有好多位架<環境> 較狹窄,迴轉位對腳放唔到入去<食物> 1)刺身新鮮兼大件,仲有好多熟食選擇2)韓式焗蠔-非常難食,配搭完全唔得,太多肉响面,完全蓋過生蠔本身既味3)招牌軟殼蟹手卷-新鮮熱辣又大件,但可惜太油膩,食完成手油淋淋,大打折扣,點解唔索咗啲油先呢p.s.不得不提是帶子壽司中見到有一條頭髮,令我再打折扣

早前睇到各食家既評語都幾好, 便去試下啦, 當時正值3點3時段, 於是同男友各自叫了個下午茶, 碗拉麵都幾大下, 好似有8款供選擇. 我地叫左釀餃子雞翼面同炸蟹鉗, 雞翼OK, 但炸蟹鉗就唔得啦, 好似食緊舊粉咁...完全唔似蟹既質地.另外, 那兒地方唔算大, 迴轉帶上的壽司款唔多, 店員解釋因為下午茶時段, 所以比較少款, 但亦可從menu裏order, 最後食左三文魚, 鮑片, 芝士蟹籽同北海道蟹棒壽司, 都幾好味. 整體來講都OK, 但唯一不足之處就係帶上的款太少, 要從menu裏叫, 好像無左那種氣氛

發脾氣地同人食dinner.完全冇胃口食..不過真係幾好味..慘在果時食左咩都背脊骨落...早知食完先繼續對峙啦...ai~~=p厚切的sushi真係幾好味..腐皮sushi的味怪怪的..呀~~~好想食軟殼蟹手卷....

我很早時已幫襯這東京壽司了, 而最好的地方係壽同上面的魚是厚厚的, 而飯方面的酸度也適中, 很多時我自己一人入去, 感覺當然是怪怪的, 因人人都係兩個兩個的多, 自己很悶, 但它的壽司太美味了, 一吃便吃了十多碟, 真的很滿足, 不過埋單時都何包大出血, 一個人吃了$2XX =.=