Video
Opening Hours
Mon - Sun
11:30 - 23:00
Above information is for reference only. Please check details with the restaurant.
對呢D 唔係正統GE拉麵連鎖店無咩期望。叫左個飯同SUSHI 小食。鰻魚飯有3大舊, 仲有好多飯, 都幾抵食, 再多D 汁會好D。SUSHI小食包3款小卷, 有生果蟹柳, 泡菜蟹柳同芝麻鰻魚卷, 後耆最好食, 其餘2款一般, 泡菜果隻幾辣架。不過WAITER D 態度就一般, 愛理不理的,有個仲發緊夢打爛野。
continue reading
《東京築地拉麵》📍屯門湖翠路168-236號海趣坊1樓64號舖-🔹咖哩吉列豚肉飯 $44 配蜂蜜生薑茶咖哩係極咸 味道黎講似係一般輕易買到嘅包裝即食咖哩，吉列豬就還可以 但無咩特別，但d飯幾好味😂🍚就咁食我都ok反而個蜂蜜生薑茶好加分 聞落好濃薑味 但飲落又唔會 好似飲緊d黑糖薑母茶咁 飲完好暖 感覺已養生左☺️-
continue reading
肚餓搵野食去開碼頭想搵野食見到門後menu都幾吸引朋友叫左個炸雞意料之外地好食 個醬好夾跟住試左個波菜雞肉拉麵 又幾特別 個味唔差凍飲又唔洗加錢其實都幾抵 可以再去啊～
continue reading
午飯時段行過【東京築地】，想行入去，又唔想行入去，因為剛開業嘅時間真係麻麻，上碟d野唔夠熱嘅，味道亦好一般，今次，比多次機會再試下，價錢適合之餘，味道都唔錯。裝修簡潔，舒適感覺。餐牌嘅午市定食選擇亦都多，我點左【咖哩吉列豚肉飯】，跟精選甜品【芝士蛋糕】，【3.6牛乳咖啡】。【芝士蛋糕】一人份量啱啱好，唔會太漏或太甜。【咖哩吉列豚肉飯】吉列豬扒外層脆卜卜，咖啡汁香濃惹味，伴飯最好味。【3.6牛乳咖啡】，咖啡有香滑奶味，正。
continue reading
屋企附近商場開咗間東京築地一直都未試，見到門口宣傳牌寫虎蝦拉麵好吸引即刻入去試下 屯門舖面積不大，大約容納20多人左右，當晚晚市亦不用輪候 店舖光猛整潔，員工態度友善，整體滿意 入嚟就係為咗食依碗虎蝦の進擊 隻虎蝦大隻到同個碗差唔多大，BBQ後的虎蝦都唔會太乾爭爭，仲啖啖肉好彈牙，最正係蝦頭有好多膏 初初都以為係辣湯底，原來係偏向麵鼓味道，咸度適中，拉麵略嫌有點硬 食食下發覺原來湯底有好多櫻花蝦，頓時覺得誠意十足，成碗麵都充滿蝦^^ 海鮮迷Venus比85/100 溏心糖剛好合格，如果流黃多點會更滋味 朋友果碗係黃金濃厚豚骨湯叉燒拉麵，叉燒大大塊都幾足料，不過朋友就覺得湯底比較咸，比40/100 另外加$6轉配芒之戀人，酸酸甜甜好開胃，如果冰塊少d仲好(飲咗一半先記得影><) 其實本身仲有件cake係甜品，食完先醒起未影相= =忍吃是吃貨的大難題...推介一試虎蝦の進擊，虎蝦真係啖啖肉^^加上BBQ完好惹味！東京築地:地址: 屯門湖翠路168-236號海趣坊1樓64號舖電話: 28613230營業時間: 11:30-23:00
continue reading