冬蔭公公 (Closed)

Lunch time岀左去將軍澳中心食冬蔭公公佢有Lunch set揀 款式多 仲可以配小食我就叫左個泰國冬蔭功湯(中辣)米線，配上手撕雞、炸魚腐另一位同事叫左手撕雞魚片頭冬蔭功湯米線(小辣)另外2位同事叫左個原條黃花魚冬蔭米線我地加左2個小食，一個炸蝦餅、一個泰式酸辣鳳爪我個冬蔭功湯米線1 d 都唔辣 又唔酸反而泰式酸辣鳳爪仲辣過個湯！而且我地d米線發脹左 又碎濕濕 好失望條黃花魚都好乾 無左魚味 唔好食！但個炸蝦餅係幾好食既，但10蚊得一舊 切開一半 好唔抵食 姐係每人食到四分之一☹️

人數：2人用餐時段：星期日下午消費：共約$140等候時間：/手撕雞撈檬（$52） （影相前唔小心撈咗一下）平時好鐘意食撈檬檬粉+酸蘿蔔絲+花生+香蔥本身是一流的配搭但雞絲真係超級超級乾&鞋上碟時賣相已經麻麻🤦🏻‍♀️食落更加不堪🙈 真係可一不可再⋯可能同樣價錢 魚片頭/豬扒會好一點馬沙拉咖喱牛腩配油鬆餅（$62）咖喱熱辣辣 味道甜辣適中油鬆餅應是即製 熱騰騰地上桌 又鬆化又有牛油味 好味！算係為呢間餐廳加番D分不過一塊油鬆餅唔夠撈汁😝😝紅豆椰汁冰 及 鹹檸七喜 （每款+$6）紅豆冰較稀 椰香欠奉 紅豆較硬 有點糖水味 麻麻⋯鹹檸七就幾清新 唔錯當日是星期六 但仍有這個「星期一至五 午市套餐」 另外 2:30會開始下午茶 平好多下次唔會再叫雞絲⋯不過可以試試其他食物 如喇沙湯河

今晚開餐叫了酸辣無骨鳳爪，份量係半份但都有唔少，鳳爪爽脆，冇骨食好方便，醃得幾入味，配埋蔥及紅蘿荀絲，酸辣醬汁醒胃惹味！冬蔭湯轉食米粉，偏幼身幾滑口，湯底頗濃冬蔭公味，酸辣度比例幾好，點了手撕雞，幾有味道但肉質偏嚡！價錢合理但坐得幾迫狹，食完要走！

新年期間食得肥膩野多，要在家煮又煮到悶，今晚同呀囡去附近食個簡單清淡D晚餐。去到東港城二樓"三哥"，打算入去食，點知比對面舖呢間"冬蔭公公"吸引咗，好耐之前光顧過，食物其差，印象唔多好，但今次胆粗粗去試多次。客人不太多，服務員帶領入座後即時點了泰式海南雞飯，泰式鲜魚湯底粉麵配雞絲。五分鐘後食物已送上，海南雞飯，飯味香，雞嫰滑不太肥，配上中式老火湯，湯味濃郁。至於那個鲜魚湯，魚味鮮甜，配上預先加送芫茜，蘿白，芽菜，金菇，完全入味。只要加13元可配特飲，呢個黑珍珠椰汁冰，黑色一粒粒似蘭香子又似奇亞籽，為求真相向服務員查問，但只知是泰國出產，樣子相似吧。今晚给我感覺煥然一新，相比多年前食物質是進步多了。

次次幫襯冬蔭公公，一定少不了叫一客黃咖喱呢次兩個人食 叫了一個串燒拼盤同黃咖喱燒雞扒配油鬆餅串燒拼盤好大份，價錢當然也不便宜😳😳有串燒雞，蝦，炸蝦餅，無骨鳳爪，豬頸肉豬頸肉🐷不會太肥 都幾滑 燒得幾好最鍾意係串燒雞 🐔，雞件嫩滑，點上甜甜的沙爹醬讓人忍不住想多吃幾串。而串燒蝦雖不是很大隻蝦🦐，但肉質還算不錯，不會太霉。我喜歡加泰式酸甜醬。無骨鳳爪也是驚豔到了，酸酸辣辣，很開胃。最失望的是蝦餅，麵粉太多，也頗為油膩黃咖喱配油鬆餅黃咖喱好有椰香❤️，又不會太辣，岩曬我口味裡面有很多配料：薯仔，洋蔥，番茄等，雞扒雖細細但同樣嫩滑，如果兩個人食，可以加多碗飯呢紅豆椰汁冰同珍多冰都好好飲，略甜。椰汁味很濃，紅豆應該不是罐頭，果然冇叫錯

要知坑口真係無咩好食，所以以呢個食物沙漠來說，冬蔭公公的泰國菜是經好的！二個人叫咗個小食拼盤套同牛骨湯河，拼盤都幾大份的，有沙嗲串燒蝦，串燒雞，蝦餅、豬頸肉、酸辣鳳爪！我覺得個沙嗲串燒蝦同沙嗲串燒雞比較出色，沙嗲味好香同濃味！酸辣鳳爪個辣唔夠，我都唔算好食辣的人都咁覺。牛骨湯河晤錯，但無話特別好出色啦。

除夕夜好多餐廳都好多人排隊，於是我同朋友就想揀一間唔太頹又唔太貴既餐廳，咁岩見到有間泰國菜，價錢都可以接受，就快快脆脆坐低諗住食完去倒數。我地叫左個$148既拼盤，有無骨鳳爪，魚餅，串燒，特飲等等，仲叫左半隻燒春雞同兩碟白飯。唔知係咪因為除夕夜，上菜好慢，但我地催一催之後都好快黎左。個拼盤份量略嫌少左啲，但味道不錯，串燒入味。另外嘅燒春雞略嫌油左少少但係肉質都算滑，幾好食！至於特飲不過不失，都幾大杯！3個人每人都係$71就食飽。總共食左2百幾蚊，臨走前有張優惠卡送，下次可以半價食海南雞飯!對於一啲唔係好食得辣又想食泰國野嘅朋友仔真係一個唔錯嘅choice!

去完朋友度 喺附近嘅商場求其食一間 就入咗冬陰公工呢間食泰國嘢 格局唔算好靚好似一間泰國版嘅茶餐廳咁 叫咗兩個餐 一個冬陰公湯米粉下午茶套餐 另外叫咗個曼谷豬頸肉炒飯 嘢食叫完好快到蜜汁雞翼同個米粉分開上 搞到個米粉好清淡咁 米粉冇乜特別好正常個湯底都好有冬陰公味唔重味精味 不過酸味多過辣味 要另外再加辣椒油豬頸肉炒飯出乎意料之外好食 仲要比我想像中大碟好多 豬頸肉好林但係唔多得幾夠細舊既 個辣未好夠！整體來講食物質素好似茶餐廳咁 不過係食泰國嘢 分量亦都好大碟 性價比都正常

初初只是食青咖哩豬扒，都以為一般般OK，點知食左牛骨湯米線，我就得好好食，我很喜歡食豬骨的，加上米線做得軟，所以也很喜歡，加上叫了雞串同牛串，串燒的汁送雞串牛串都好好食，還境就真係一流啦！地下好乾淨，牆壁的設計都記好的，這餐廳的服務態度都幾好的，佢哋唔會比傷心比我哋嘅，叫佢哋拿一杯水，佢哋好快就會比杯水你，唔拖好耐。佢哋多數都唔會漏單的。雖然可能有時都會做得叉，但這餐廳的價錢不是很貴的又不是平。所以我覺得這餐廳很好食和對我説是很平。

呢到全日免加一，下午茶都係$40，今次叫呢個冬蔭公湯底，味道唔會因下午茶而將貨就價，酸中帶少少辣，幾嗆口醒神！而配料可以任選兩款，選了雞絲及牛肉，米粉份量多，口感爽囗，連埋湯一齊食，加埋杯熱檸茶，今餐下午茶，相當滿足！

食物質素是好的，冬蔭功湯都是一樣夠味夠辣不會太酸太甜。環境舒適都乾淨既，但服務不太好，成餐飯食得不太滿意。自己畫既下午茶紙，一碗畫左走芽走花生走粟米多芫茜，連其他食物全部落單時都double confirm左，來左碗乜都有齊、另一碗又無左肉碎後尾發現佢落漏左個肉碎、凍檸水走甜又無走到。我地都無complain 之類，因為都唔想搞到咁麻煩，因為其實呢d都係基本應有服務，除左杯凍檸水有叫個侍應走返甜（仲要Challenge 我地落單無寫），我地都好聲好氣無發爛，但個侍應個態度⋯⋯咁基本既服務都做得咁差其實個廚房真係好無辜，係好食既！不過下次都係唔會考慮係到食。

既然店名叫冬蔭公公決定就要嚐嚐這裡的冬蔭公點了泰國冬蔭海鮮米線老公則點海南雞飯套餐(包例湯)泰國冬蔭海鮮米線，配料種類多有大蝦﹑蟹柳﹑魷魚鬚﹑龍蝦丸﹑鮑魚片﹑青口有三種辣度可選，分別是BB辣﹑中辣及大辣我選了BB辣～除了上述的配料外，原來還有花生﹑粟米﹑金菇等等用料十足！整碗米線都不會難吃，只是跟想像略有出入～這碗米線的味道偏向喇沙的感覺多於冬蔭公！沒有冬蔭公那種酸辣及香料的味道～～反而仿似帶點椰香，是喇沙那種微辣～～不知是否因為選BB辣的關係～海南雞飯，另加$8轉髀油飯挺香～～海南雞夠爽滑又略帶雞味！飲品選了龍眼冰龍眼肉都多，甜度剛好，不會淡～～雖然冬蔭公米線和預期的味道有出入但是整體的食物味道不錯啊！

特地入將軍澳同朋友食飯之前食過上海婆婆見到有間冬蔭公公就入去試下餐牌冬蔭公湯米線味道香濃開胃，因為同朋友“些牙”食為左食多樣，米線沒有加餸，但基本肉碎配菜都唔會少一個唔小心飲晒啲湯黃咖喱雞扒配油鬆餅黃咖喱微辣帶甜點裡面有咖喱至配薯仔和洋蔥燒雞扒有巴掌大小，燒汁融入咖喱汁汁醬唔會太稀或太結，醮油鬆餅味道洽到好處蒜茸炒雜菜雜菜爽脆，帶著蒜香全體照同朋友邊食邊聊天，發現四圍開始坐滿人但這裡唔會限時趕人，職員都會繼續添水環境座位也唔差，可以放心同朋友聚會

心血來潮想吃泰菜，在家附近的東港城有間冬蔭公公，平日行過見到門口的菜單，款式也很多，望入去座位也舒適，所以決定去那裏吃午餐。單是薄餅也有十多款，當然也少不了泰式湯粉和小食，咖喱、海鮮等也有供應，真的很多選擇。見到很多人吃海南雞飯，所以我也叫了一份。心思思想吃串燒，所以也叫了三串再加客薄餅來吃。海南雞飯賣相很好，份量比我預期中多。油飯好吃，而海南雞煮得剛剛好，又滑又淰又多肉，配上三款醬料，更添味道。而且配有花生和青瓜，增加了口感，而老火湯也不過不失 。雞肉沙嗲串燒很juicy,味道甜甜的，雞肉嫩滑，真的不錯。 再叫了一客油酥餅，點上沙嗲醬，大滿足呢！

在東港城shopping 完，又到了晚飯時間。行下行下，見到二樓有間吃泰菜的餐廳，見人不多，座位也頗寬敞，那麼就走進去試試！店內裝修紅白為主，感覺時尚，座位與座位間也有足夠空間，不會太迫。六時半來到，人不多，但很多顧客賣外買。食物種類也多元化，有湯粉，咖喱，撈檬，炒粉麵飯，泰式小食及薄餅等等。本身鍾情海南雞飯，又見是餐廳的推介食物叫，所以就叫了一客，再加一杯鮮青檸梳打。泰式馳名海南雞飯嘩！很大的份量呢！黃薑飯很夠味，淨吃也很好味。雞肉很滑，啖啖肉及大大件的，雞皮沒有脂肪，很爽滑 ，三款醬汁中，我最喜歡是薑蓉，而中間的泰式酸辣醬也很好吃，加$8還可轉雞腿呢！附上的是冬瓜老火湯，清清的也不錯 。再配上一杯鮮青檸梳打，又吃得飽飽呢！原來餐廳不用加一收費，價格真的很合理呢！