番茄18

Open Now

Now Closed

番茄味夠濃！性價比之選 而且份量非常足夠 ！滑蛋熟成度不錯 可以配搭一款小食 今次選了蕃茄滑蛋配豬頸肉 豬頸肉軟硬度也適中。今餐配特飲可半價 有華田脆脆 龍眼冰 菠蘿冰可以選擇等等 也可以作為糧尾之選

裝修懷舊風，吃的是現代味道。蕃茄湯底、麻辣湯底喺香港絕對唔係陌生嘅湯底，呢兩個湯底撈埋一齊冇違和感。介紹翻呢個叫麻辣蕃茄湯底，下午茶餐牌嘅選擇。蕃茄湯底味道濃郁，味道富有層次感，各種味道都平均刺激味蕾，麻辣嘅味道冇搶走蕃茄酸味仲帶點甜味、辣味、好在麻辣的感覺不太重，還有點香草味，不過香草味應該來自豬扒醃料味道😂豬扒厚度中等，沒有切開，咁啱呢舊豬扒孤位比較多，要好小心咬開。湯底比較杰身，米線滑脫脫的，整體唔錯。

食過好多間蕃茄湯都失望，估唔到呢間唔錯！嗌咗蕃茄湯滑蛋米線配瑞士汁雞翼，紅豆冰重蕃茄味，冇嗰浸假蕃茄味，有粒粒蕃茄，湯底唔太稀又唔太傑，質地適中滑蛋夠滑但略嫌唔夠蛋味唔係一夾就散既粗米線瑞士汁雞翼好入味，係全隻唔係雞中翼紅豆冰就失色咗啲，冇乜味，紅豆唔靚環境光猛，望落乾淨，卡位有啲逼😂 枱有水杯同水壺可以自己斟我覺得幾好店員服務都ok，有禮，唔係十問九唔應唔係住附近，下次黎荃灣會encore👍🏾

今次試咗胡椒豬肚雞米線，味道真係好正！湯底清甜，胡椒香味濃郁，令人食得暖心。豬肚煮得軟腍，雞肉鮮嫩，米線滑爽入味，吸收咗湯汁，口感極佳。配菜新鮮，增添咗層次感，整碗米線十分滿足。環境舒適，服務態度好，係一個享受地道美食嘅好地方，值得推介！

呢間餐廳嘅招牌胡椒豬肚雞湯米線真係好正！湯底煮得夠味，胡椒香氣十足，飲落去暖心又開胃，豬肚煮得軟滑，完全冇腥味，啖啖都好入味。米線方面，煮得啱啱好，吸收咗湯汁再加上幾片香菜，整體口感幾好。呢間蕃茄18嘅環境都幾舒適，服務方面都幾好如果你鍾意食湯，想試下有特色嘅米線，呢碗胡椒豬肚雞湯米線絕對值得一試，無論係午餐定係晚餐，呢間餐廳都係個唔錯既選擇

同朋友去食 佢嗌左個大汗豬扒麻辣米線點知佢一移動碗米線 成碗倒瀉咗啲店員即刻走來第一句係關心我地有冇焫親然後叫我哋坐去第二張枱比紙巾我地慢慢清潔自己然後幫我哋清潔個位全程都冇怨言我哋本身諗住嗌多個餐但個店員走埋嚟同我哋講唔使嗌會上返一碗俾我哋香港而家好少有餐廳服務態度咁好而且個麻辣米線都好好食圖中嗰碗係佢後來再上俾我哋已經食咗幾啖先記得影而我就嗌咗個花膠雞湯米線花膠有成三四大嚿 好足料個雞都有好多 雞好滑一定會再幫襯

必試！麻辣蕃茄湯底麻辣食得多蕃茄湯也食得多，夾埋除咗瀨尿牛丸之外，原來麻辣蕃茄湯都可以夾埋。蕃茄湯夠濃，加埋麻辣，味道出奇地夾，酸甜同辣味交襲舌尖，真係開胃又有驚喜！最令人驚喜嘅係加埋個炒蛋，口感綿滑，配合埋蕃茄麻辣湯味道，真係好特別同好夾。如果你鍾意麻辣同蕃茄嘅，絕對唔可以錯過呢個選擇！一定要試下！

🍅蕃茄濃湯 🐮鮮牛肉 🍗🥫炸雞翼濃蕃茄湯通粉看店名就知道主打是蕃茄湯底，蕃茄湯當然要配通粉/米粉。蕃茄湯底十分濃郁和熱氣騰騰，這樣的蕃茄湯通粉吃了；包含一隻熟蛋，淨在湯裡，掛上湯汁，湯汁有一點點偏甜，個人更愛偏酸的；鮮牛肉不硬，也沒有太多的鬆肉粉；炸雞翼後上，即點即炸，是舊式沾上咖哩粉炸粉的味道，好久沒吃過了。🧀🐷🍞芝士煎蛋豬扒包應該要寫厚豬扒，豬醃過，勁厚，但唔會煎得太乾，充滿肉汁；夾上芝士煎蛋生菜及沙律醬，滋味無窮。

招牌蕃茄湯叉燒米線$4️⃣2️⃣🍅蕃茄湯底味道濃郁，仲有蕃茄粒，唔怪得係招牌👍🏻不過叉燒就切得太薄，味道一般牛乳炒蛋🥚都炒得幾滑牛油厚多士🥪塊麵包似冇乜烘過痕跡😅熱奶茶茶味香濃

雖然行過好幾次大欖郊野公園，但民安隊圓墩營就未到過，因為要搞小組活動，所以，同老婆預行一次。咁起步前就梗喺食餐飽飽嘅早餐先起步啦，為方便搭車，就晌荃灣嘅「番茄18」搞掂。店內嘅裝修一睇就知打正懷舊旗號，當然，裝修新簇，喺偽懷舊，不過，睇番啲招牌呀、拉閘呀、霓虹燈呀……對我嚟講非常有感覺。不過始終喺茶記格局，座位喺有啲逼。早餐選擇非常多元化，由A至M共13款，定價$31到$43，正所謂豐儉由人，咁當然呢度主打就喺佢哋嘅蕃茄湯系列啦，餐牌更有一角列出蕃茄有咩好處，例如含有豐富嘅維他命、礦物質，又有抗氧化、降低高血壓……等等功效。B. 招牌蕃茄叉燒湯通粉 $40小弟就梗喺揀佢哋嘅招牌蕃茄湯通粉啦，招牌即喺招牌，單喺睇個蕃茄湯底嘅色澤已感覺好對辦，飲落真喺酸香鮮活，嗰陣蕃茄味香濃得嚟好自然，絕對唔似喺搵茄膏開沖嗰一類，另外啲叉燒都唔錯，幾鬆化；牛乳炒蛋夠嫩滑，有蛋香；牛油厚多士送嚟仲喺熱烘烘，已經收貨啦。佢哋嘅熱奶茶，飲落都算唔錯，茶底幾芳香，茶奶比例亦都啱啱好。E. 雪菜雞扒煎蛋上海麵 $40老婆就揀過上海麵，佢話好一段日子都無食過上海麵。無論個通粉，還是上海麵，都非常之大碗。啲雪菜無過山鹹

由於小編好鍾意食蕃茄, 咁岩呢頭又有間叫蕃茄18, 即係專攻蕃茄類食物, 咁梗係唔會錯過。用左懷舊裝修, 都幾得意 ☺ 不過茶餐廳入面都少少迫, 仲坐滿晒人, 生意好好, 走完一枱又有另一枱客入黎。朋友同我分別叫左唔同野咖喱牛腩飯 $56茄湯鮮牛通粉$45牛腩就冇乜特別, 味道正常, 唔算好辣。重點當然係茄湯通粉, 鮮牛肉同平時都差唔多, 厚度都算適中, 茄湯好濃郁, 唔係單純用蕃茄膏煮出黎, 係真材實料用一舊舊蕃茄煮成, 所以先會咁鮮甜, 又帶少少酸, 唔怪得咁多人黎食! 😌

🔆今朝早左起身去茶記嘆個靚早餐先返工。雖然知道呢度係出名蕃茄🍅湯底，但係今朝唔係太肚餓，所以就試下火腿奄列。🍳🌟 火腿奄列差唔多半隻碟咁大🥚，入面多火腿其實食完之後都好飽肚。🍞面包烘底唔洗加錢，脆脆地幾好食。整體正正常。最特別係佢個裝修，掛住好多港式懷舊既招牌同埋廣告，好有特色同埋d相影出黎又幾似以前d懷舊電影🎬🎬。😋推薦指數：8/10

今日下午同男朋友去咗蕃茄18食個下午茶，叫咗一個瑞士汁雞翼配沙律飲熱鴛鴦，沙律叫咗走沙律醬的。等咗10幾分鐘後上菜嘅時候沙律係有醬嘅，熱鴛鴦得三份二杯😟我哋問職員點解明明落單時叫咗沙律走醬，但同現實不符？職員話沙律係整好沒有走醬的。🤷🏻‍♀️如果是固定的，為何落單時可以俾客人要求走醬呢？第二，點解我杯鴛鴦只得三分二杯，但同枱客人叫奶茶有一整杯？職員話鴛鴦係用機沖，而奶茶係用人手沖🤷🏻‍♀️鴛鴦唔係由奶茶加咖啡而成咩？點解奶茶就人手沖，鴛鴦就用機沖？🤷🏻‍♀️🤷🏻‍♀️🤷🏻‍♀️真係聽到我哋好無奈,一間餐廳有水吧布熱鴛鴦都要用機沖真係莫名其妙😕單單食一個下午茶有三樣食物有兩樣都不符我所叫的要求，失望。

Lunch @ 1 Apr 2023 (Saturday)番茄18是一間走懷舊老香港格調的冰室，有3間分店，分別在荃灣、觀塘和將軍澳。荃灣分店位於大壩街，鄰近荃灣廣場，地鋪的位置顯眼，在荃灣廣場的百老匯戲院旁邊的出口一出，過條馬路便會見到顯眼的「番茄18」。招牌蕃茄湯通粉+煎蛋+香煎雞扒 ($55) 額外加$8加配鮮牛肉蕃茄湯底濃厚，不難看到有粒粒蕃茄蓉，並非單純以茄膏和茄醬炮製的湯底。湯底鮮甜，蕃茄比起其他的豬骨湯底更為清新，沒那麼油膩，上檯時熱辣辣，別有一番風味。煎蛋熟度剛好，有點脆口的燶邊的同時，蛋黃仍是流心的，令人食指大動。額外加配的鮮牛肉份量不少，口感正常不會過於難咬。香煎雞扒份量非常澎湃，外皮煎的香脆，內裡肉質嫩滑，一切開來還是有相當多的汁水，非常Juicy。不想吃瑞士汁的朋友不妨一試香煎雞扒。總括而言蕃茄18的食物高質素，價錢合理，上菜速度快，店員勤奮有禮，是一間可以多次回顧的餐廳。

第一次在將軍澳光顧過番茄18，想起它的「招牌胡椒豬肚雞湯米線」 想再吃。今天到荃灣店幫襯，胡椒豬肚雞湯好濃香，有咸菜的味道加上重重的白胡椒香味，湯是香而辣，豬肚很稔，雞有脾肉及二支單骨雞翼，幾足料，吃到全身感到溫暖。另外一個是麻辣牛坑腩湯米線紅紅的湯面散出麻香味，牛腩炆得入味很稔，用心之作。