紅番茄餐廳 (Closed)

今天特別驚喜又開心，約了幾位老同學到深水埗紅番茄餐廳聚舊，地方環境都唔錯，我特別喜歡佢地焗酥皮海鮮湯，同日本活水豬扒🤗🤗超好食，又經濟又實惠，我同學都話無介紹錯，下次多d人可以試多d唔同扒😬😬😬

今日去深水埗買嘢，見OpenRice訂紅蕃茄餐飲卷有折扣$188有二人晚餐，決定去試下。餐湯有紅番茄濃湯同忌廉湯可以揀，蕃茄湯真係幾濃仲好紅添酸酸甜甜幾開胃,忌廉湯就係基本野，有啲粟米粒起入邊有啲咬口。小食仲有炸雞翼同埋炸魷魚鬚可以揀，我揀咗雞翼，炸得幾好唔乾，有d蒜香幾好味。沙律可以揀三文魚或者招牌沙律，有兩大片三文魚，沙律菜都幾新鮮。主菜我揀咗紐西蘭頂級西冷牛扒配香蒜汁朋友揀咗香煎比目魚配薯菜，牛扒7成熟，有D肉汁，比目魚有兩大片，煎得幾香口，薯菜係切大三角配香蒜汁好味。其實食完主菜都幾飽，佢跟餐仲有芝士蛋糕/Tiramisu同飲品。$188 6道菜二人晚餐確實幾優惠，仲有鹹豬手同羊架可以揀，下次可以試試。

侍應生甲動作很劉華，我真是好奇~侍應生甲一直人氣高企~聰哥全晚服務殷勤，而且非常幽默，值得一讚。食物方面，豬手最正，牛扒同羊架都非常好味， 份量亦非常充足，性價比高，食得非常飽 ，一定會再幫襯。

這天晚上約了朋友到深水埗吃晚餐，我們決定吃西餐。「紅番茄餐廳」看似很受歡迎，我們決定就在這裡吃！店面：裡面人頗多，看來區內的人頗喜歡這店：餐單印刷精美，上面有各種食物的圖片：點菜後不久, 餐湯和其他食物陸續送上。忌廉湯:味道香濃, 喝後已經有點飽。粒粒粟米帶來咬口，又有點甜味。紅湯：酸酸甜甜的，很開胃。黑松露鮮野菌忌廉意大利飯 $78份量非常多，基本上兩個人share一碟都沒有問題。黑松露是很正宗的味道，飯香軟而且易咀嚼。蟹籽煙三文魚忌廉意粉 $68又是大大的一碟！煙三文魚肉質鮮嫩，意粉柔軟度剛剛好。$68有這個份量，真是抵到爛！日式魷魚鬚 $39外脆內軟，雖然是油炸，但不算很油膩。很彈牙，有咬口。吃完後意猶未盡。芝士焗扇貝2隻 $39芝士味道濃郁，扇貝新鮮香口。吃後齒頰留香。凍菊花蜂蜜茶甜度適中，很能止渴。什果冰味道像是利賓納，但最底下有些雜果。叫了少冰，但總覺得冰還是有點多。吃完這些已經覺得非常飽，我們決定放棄套餐包含的甜品。埋單$250，平均每人$125，沒有加一服務費，以晚餐的份量和價錢來說，算是抵到爛。餐廳氣氛、食物和服務員質素都很高，我們有機會還要再來！

紅蕃茄巨人T骨扒，$118，香蒜汁，T骨牛扒尺寸都好大下，扒身色澤光滑，帶有小小牛糕，牛味香濃，可惜也帶有小小梳打粉味，令此美味的牛扒失色了一點點。推介指數：7/10法式羊扒，$40/件，我貪食，加了一件，估唔到羊扒味香濃，但羊羶味又不太重，加上羊扒邊位帶有羊糕，羊肉味清香，香口肉爽，香煎做法真係剛剛好。推介指數：8.5/10餐湯，蕃茄湯，係紅蕃茄當然要飮蕃茄湯啦，呢個湯係餐廳的招牌湯，跟羅宋湯有點似，不過，蕃茄味特別濃，但湯濃度不會似汁，飲落帶小小酸又帶小小甜，味道有幾種不同的層次，正！推介指數：8/10即磨咖啡，餐加$4，抵飲，咖啡一到超香咖啡味，好有高質即磨咖啡質素，加入小小淡奶，令咖啡味同牛奶味均衡，更加好飮。推介指數：8.5/10

這間餐廳挺特別, 下層餐廳, 上層提供麻雀服務, 也供包場, 而且食物質素都不錯, 費用亦合理。這晚享用了兩款主食:焗牛扒闊條麵配咖哩汁(自選肉類, 飯麵底及醬汁)及豬手。牛扒軟熟沒有筋, 咖喱汁味濃質地偏糙口, 味道好吃。如果麵底再軟身點更合個人口味! 豬手外皮鬆脆, 肉質淋且鬆軟, 筋位彈而爽也易咬, 絕不肥膩, 配合蜜糖和黑椒汁進食, 正! 在旁的薯角也是啖啖薯仔, 脆口而不油膩。另外, 我們點了芝士焗扇貝, 芝士味重, 肉鮮, 味道亦不錯。作為甜品女們, 我們還點了心太軟及美國乳酪蛋糕。心太軟以草莓醬為餡, 配抹茶雪糕, 不錯。美國乳酪蛋糕整體不算甜, 芝士味可再濃一點。熱杏霜和菊花蜂蜜茶都很好渴, 甜度合適, 杏霜滑, 菊花茶有數粒菊花。整體CP 值高, 絕對是平民餐廳, 未試過的朋友們不妨一試!

同老公行電腦商場，都已經8點幾，我地就係附近搵食。行到依度有間西餐廳就入去試下。行到支力支力地，都唔想林，揀左2人餐最好～先黎前菜 - 三文魚沙律，佢加左芝士粉，同煙三文魚、沙律菜好夾呀！而且更香😘估唔到西餐廳既2人餐有酥炸魷魚鬚做小食，仲要炸得好香脆。魷魚鬚好煙靭！有我地鐘意既餐湯飲，仲要酥皮架，依家唔係度度有得飲，好開心呀！紅湯係紅蕃茄濃湯、是日忌廉湯係磨菇湯。加左酥皮既湯，超香牛油味，加上濃郁既蕃茄雜菜湯，超滿足😋紐西蘭西冷牛扒，黑椒汁，要意粉。牛扒7成熟，岩岩好，無overcook,切開仲見到鮮紅。多肉汁，一d都唔乾👍🏻德國酥炸蜜糖咸豬手，燒汁，要薯菜。豬手皮超脆，一d都唔靭，仲食到微微既蜜糖味。豬手肉都好脆、好香一d都唔乾👍🏻仲有美國芝士蛋糕同意大利蛋糕做甜唔，超滿足😋仲未完，老板今晚送涼粉冰，好懷舊呀！好香奶味，有涼粉又有雜果，好味又岩晒黎緊既夏天！再黎綠茶雪糕，好甜，好香綠茶味😎真係超超超滿足😁老公想飲啤飲，老板介紹飲支 Toffee& Apple Cider 手工啤,我飲左一啖，超鐘意，勁香拖肥和蘋果味，最後成支我飲晒😁老公試左隻黑啤，其他地方好少見，佢好喜歡😁我地見有

我家姐搵食係有一手，專門捐窿捐罅搵平靚正嘅嘢食，今次俾佢帶到嚟深水埗元洲街，食咗個豐盛二人晚餐。餐廳裝修都幾四正，靠牆梳化上面仲放咗一排假番茄，有柔和燈光襯托住，都幾靚㗎。還有一條樓梯可通上樓上，據說，餐廳歡迎包場，更提供卡拉OK、麻雀耍樂。二人晚餐非常抵食，包餐湯、餐包、前菜、沙律、主菜兩個、甜品和餐飲，價格只是$308，仲唔使加一，相信第度都幾難揾得到。【紅番茄濃湯】貫徹餐廳名字，以番茄作主打，番茄味濃郁，還有紅蘿蔔配襯著，是必飲之選。【是日忌廉湯】忌廉湯裡面加咗好多菇菌和粟米粒，令忌廉湯不至於太單調，不過，還是輸了給紅番茄濃湯一籌。餐包是搽了厚厚蒜蓉牛油的蒜蓉包。要提一提的是胡椒、鹽樽是熊 bear bear，好得意。【三文魚沙律】每人一份，好大碟，羅馬生菜上面是捲成玫瑰花形狀的三文魚。把 “玫瑰花” 打開，就知道三文魚好大片，幾乎可以覆蓋整隻碟子。【酥炸魷魚鬚】酥炸出來，好夠熱，夠惹味。【紐西蘭西冷牛扒】12 oz，七成熟，跟了黑椒汁，配菜 (番茄、西蘭花、炸薯角) 又多，用鐵板來上，賣相夠晒吸引。牛扒好稔，一切即開，而且肉味濃。番茄是肉茄，厚肉、甜。【德國酥炸蜜糖鹹豬手】豬手

有事做黎左深水埗，諗住是但食啲野先回家，到了一間叫紅番茄的餐廳，外表看來平平無奇，原來係西餐廳來的。食物選擇甚多，價錢仲唔貴添，樣樣都想試下，最後叫到成枱係食物，不過我同朋友都好肚餓，全部食哂無浪費，哈哈，即刻去片睇下食左咩啦煙三文魚凱撒沙律($50)感覺上食西餐都係會叫一份沙律，個人好喜歡食沙律菜，清新爽脆，個凱撒白沙律汁微酸，仲有芝士粉，收貨了。粟米忌廉湯晚餐無咩啱食就散點，轉餐都係加10蚊，抵喎，梗係轉餐啦。朋友要左粟米忌廉湯，好滑又夠熱。蕃茄湯自己要左蕃茄湯，鮮紅色有著濃濃的蔬菜味，酸酸地好開胃。仲有蒜蓉多士，好香脆。三文魚刺身($20)西餐廳有三文魚刺身食咁搞笑？20蚊咋試試佢先，厚切肥美幾正喎，過下口引一流。生蠔($58)仲有特價29蚊隻生蠔，大size蠔，海水味濃又鮮甜，抵食杞子紅棗茶&蜂蜜生薑茶(+$8/ea)餐飲轉左特飲，揀左兩款養生系朋友杯杞子紅棗茶勁濃紅棗味，不過偏甜。自己杯生薑茶呢，真係勁薑，飲完暖笠笠，冬天食會好正。紐西蘭西冷牛扒($128)食肉獸朋友諗都唔諗就係點牛扒，嘩，好大size又厚切，啖啖肉無筋正呀，肉味都ok，雖然我覺得有落鬆肉粉，但味道不太影響，

男朋友仔好好，知我近排做野辛苦，今晚吾洗我煮飯，拉左我到屋企付近撐枱腳近近地，裝飾都幾雅緻先黎蒜蓉包同紅白湯蒜蓉包好香蒜蓉味，脆脆地我飲白湯，有蘑菇同粟米鰻魚便當鰻魚好多汁好軟熟鰻魚吾算大但味道ok老公知我鐘意食蠔，點左個海鮮拼盆$168三文魚好大塊，新鮮肥美帶子好厚身生蠔好鮮甜蝦都好大隻彈牙黑松露牛柳忌廉意大利飯$108牛柳好淋好多汁意大利飯身比較軟，淡淡黑松露味，忌廉好香滑，配以什菌增加口感酥炸蜜糖豬手$128豬手皮脆卜卜，肉好嫩滑，薯角好脆而且好平，抵食到震心太軟，朱古力好味，吾會太甜，雪糕用cookie and cream ，勁好味，伴多2片西瓜清清地，好細心男朋友仔要左杯鹹檸七，嘩，好正，原隻鹹檸檬，好爽我自己要左杯柚子蜜，吾會太甜，剛剛好，完美今晚好sweet ,侍應又超級有禮貌，好滿足的一晚

雖然位置不是在旺區但深水埗總算方便。我和幾個朋友在紅蕃茄短聚因下邊無位。餐廳老闆比左間細房我地可以靜靜地聚舊地方不大但可以坐8-10人原來可以包套房8個每人消費150就得出邊還有一間可以坐40人我下次會去開生日party今次我地每人點了一個餐。好開心晚餐水準唔差。我朋友食左set曼魚便當。好味T骨 巨人扒好大塊設計好靚。平日唔洗加1我真心覺得好抵食。之前我都去過層。上層第1次覺得好好和朋友歡聚地方。我會約多朋友試攪一次生日會。再回報比大家聽

同朋友行開深水埗買機打 (Nino Kuni 2!!!)  黎左呢間小小西餐廳到食。雖然佢叫小番茄, 但入到去比想像中大好多，有兩層架 ! 見到餐牌有生蠔緊係要叫黎試一試$29一隻咁抵就抱住試試的心態點知黎到後有驚喜鮮鮮鮮!!!!!!!喜歡生蠔的朋友一定要叫!!!!朋友好鐘意食三文魚就點了呢款三文魚好味唔在講多配菜 多菇 👍🏻意粉軟硬度岩岩好不會過份重味同油膩感值得一試鐘意食蝦既朋友一定唔會失望隻蝦賣相已經又大又吸引上碟個蝦殻仲係脆蝦肉都好彈牙個飯睇落好似好漏但食落一啲都無！真係岩岩好呢個超犀利. 係原隻軟殻蟹! 實物更大隻 (平時都好少見成隻上，通上斬到一件件...不似蟹形) 上碟時係熱辣辣 新鮮炸起的香噴噴到不得了真係啖啖都肉 一啖意粉 一啖肉 非常之野味必定要一食再食頂級安格斯肉眼扒都係168....十分超值用木碟上 感覺非常良好選了5成熟 岩岩好 沒有血水肉嫩 少脂肪 輕易切開鐘意牛扒既朋友絕對要試順帶一提就連旁邊的小配菜都是新鮮的最後點左兩杯沙冰藍莓 及芒果啲冰搞得夠碎唔會大大舊冰各有特色 亦有果味👍🏻下次會再試其他味

同朋友行到攰咁岩見到呢間餐廳既餐牌同裝修都幾好咁就試下，點知！有驚喜喎～特別覺得要支持下有心做既良心小店！價錢平民化，但質素係同區入面黎講非常高。珍寶生蠔👍🏻👍🏻👍🏻見到佢竟然有生蠔食！抱住放膽一試既心態每人叫左一隻，點知黎到見到，好新鮮同都幾肥美，食落帶海水味，唔腥之餘仲好鮮甜，下次要再食😋帶子位由其鮮甜。我地幾個估左陣，究意係美國定法國蠔尼 ..... 下次問下老闆先個忌廉湯正正常常(我個人覺得有少少偏淡)，不過好既係d栗米幾甜，同埋個蒜蓉多士整得幾香幾脆大蝦忌廉Risotto👍🏻👍🏻👍🏻好鐘意食Risotto, 不過通常都會比較饇，平時食開Risotto 既人應該都知，Risotto 絕對唔係一個人可以完成既事。今次叫左呢個大蝦忌廉Risotto, 食落又唔算好饇喎，飯既軟硬適中，個汁creamy得黎唔膩。要大讚既係隻蝦! 佢地真係用原隻大蝦上菜, 成隻手指公咁大隻架。三文魚天使麵呢個係我今晚最中意既菜式，因為味道做得最好。佢做法比較多蒜，味道岩岩好，加埋上面幾塊三文魚，易入口得黎食完好舒服。有時西餐，都會因為食得太Heavy食完有睡意，而呢道菜就係比較light 既一款，

同3個朋友喺深水埗想食個西餐仔, 但又唔知食邊間, 之後誤打誤撞嚟左呢間紅蕃茄食, 咦點知又幾抵食唔錯wo。我叫左呢個意式海蝦意大利粉😋啲蝦勁大隻好新鮮咁, 唔會好似好多餐廳啲蝦咁霉霉地😂以呢個價錢嚟講真係足料。朋友叫呢個, 舊牛柳整得幾淋, 食落浸味都好香。薯格就都係基本貨啦😂之後因為啲蝦好味所以另外追加左4隻紅海蝦🙈另外朋有叫左黑松露蜆肉意粉, 都係好好味😳好食過delifrance😂😂😂最尾個朋友叫左西式鹽燒倉魚😳😳😳呢個就真係有啲驚喜, 冇諗到喺西餐廳會有呢隻倉魚食。好入味但就唔會太咸, 又好脆身😳😳好正呀!!總括而言呢間紅蕃茄真係幾正in terms of佢嘅價錢同食物質素, 會再幫襯!

慶祝生日飯三月和朋友慶生🎂套餐set唔過百元，西式餐廳又在市區嚟講算平食品新鮮，和朋友食埋酒🍻🍷好盡慶餐廳內有大電視、不過侍應唔多要耐心等候下次都會再來.