紅番茄餐廳 (Closed)

朋友介紹呢間餐廳出名多玩具公仔睇！今日路過深水埗就入去參觀下公仔順便食個晚餐！睇餐牌有正常西餐食品⋯⋯⋯意粉、牛扒、沙律 都叫做多嘢食揀！見到有個重量級西冷牛扒決定一試！其實去一間未去過嘅西餐廳食嘢叫個「西冷牛扒」就最穩陣！因為簡單煎牛扒點都唔會難食！！！！ 今次叫咗呢個「重量級西冷牛扒」4成熟嚟到之後未食已經知道中伏！塊扒厚度厚過塊早餐牛扒少少！唔夠厚唔緊要！最慘係全塊都係筋！食扒幾十年真係未見過一塊牛扒可80%都係筋！扒已上！！！只好食剩下20%肉！點知呢間極品餐廳可以連呢少少用都可以剪到食唔到！！！只好講一句「服咗你」⋯⋯⋯⋯食咗幾十年牛扒終於見識到極品橡筋扒！呢百零蚊真係抵！牛扒食唔到仲有個沙律食！「希望在人間」點知⋯⋯⋯⋯⋯ 今日真係中咗直升機大獎！「伏！伏！伏！伏！伏！」個沙律係「急涷」解涷feel !每一啖都係小冰粒！原來成個餐唯一可以食到嘅係「飯後甜品」！甜品雪糕真係食得冇問題㗎！ 小店經營絕對不易！不過如果廚房肯認真選擇食材、見到食物質量唔俾得人客就扔咗佢唔好

好耐之前收藏咗呢一間餐廳，終於入去見見廬山真面目，就係傳說中Figure公仔收藏家嘅食店。舖頭裏面雖然有人客，但氣氛靜英英，好似行入咗一間保持寧靜嘅博物館。😂#日式便當-雞扒餐廳提供唔少菜式，想挑戰餐廳新事物，便當盒好大，有五格，雞扒煎得夠香唔窿，冇乜皮下脂肪，螺肉都好爽口，中間嗰格酸酸甜甜嘅薑片幾開胃，大體唔錯。#焗飯-西蘭花煎龍脷柳焗飯雖然等咗一陣，但即叫即整未嘗係一件壞事，個底有飯焦，西蘭花大大棵，好入味，龍脷柳，表面煎得幾好，魚肉口感嫩。#加$5 -紅湯（薯仔蕃茄湯+蒜蓉多士）蕃茄湯好濃番茄味，落足料，薯仔好多，沾湯味道加倍好味。#美國芝士蛋糕可惜意大利芝士蛋糕賣晒，如果有就可以為呢頓午餐畫上圓滿的句號。賣相幾靚，加$15就有一個甜品，仲好有心機咁喺碟上面寫朱古力字，味道似爭鮮嘅藍莓芝士蛋糕，口感比較輕盈一啲。

環境很好昏暗有情調，而且有很多figures，動漫迷必來朝聖之地。食物方面價錢合理，不用$100有dinner set 包括餐包餐湯飲品及雪糕，牛扒還可以叫幾成熟，這個價錢真的無敵，牛扒味道還是很不錯呢，有驚喜。

同朋友相約深水埗，行完深水埗經過紅蕃茄入内食個lunch,其實依間野好多時經過都見到， 但一直都未試過 入左去俾鋪頭内的首辦公仔吸引，店主一定好喜歡動漫及Ironman,店內有好多動漫人物公仔，相當養眼。叫野食時等好耐先有人黎幫我地落單，可能人手不夠吧，我地兩個人分别叫左lunch set,我叫左什扒飯+湯及蒜蓉包.蒜容包味道OK，脆!湯係蕃茄湯，濃濃蕃茄味好正，主角什扒飯到.個牛扒略為多少少肥肉及根，牛扒味道略為差D！個豬扒又係太多肥肉！呢個扒餐略為差左少少，而且等左好耐，呢次要扣分。總括黎講~普通，質素略為差少少.但價錢合理。

係一個風和日麗嘅中午 無意中發現呢間咁突出嘅嘅舖頭 內裏竟然係動漫主題樂園 買滿$200仲可以抽獎 我立時點左一份牛扒餐 加一杯凍檸茶 凍檸茶有檸茶味 牛扒嘅比例不錯 薯條雖然有啲少 但係啱啱好 菜心幾Fresh 牛扒汁鹹香 不錯不錯 服務質素唔錯 上菜速度都好快 茄汁係獨立包裝 衛生而且健康 餐廳環境美麗 如果黎下午茶就一流 通風設備都唔錯 入面嘅裝修具有特色 好多模型公仔 有一種和諧感 我認為餐廳食得舒服就是最好 所以我都好推介呢間餐廳 深水埗來講 美而簾～

之前一直都有光顧這間餐廳這間餐廳一直都不過不失，到了今晚再去食晚餐，啲食物質素係急降得好離譜😕我叫了羊架拼比目魚薯菜，一開始個忌廉湯已經出事，個湯又唔熱又杰一啖咸一啖又無味，好明顯調味唔均勻啦！到了主菜個羊架又細又多肥豬肉又無味！個比目魚又乾又係吾熱一定係一早煎定！到咗我朋友拒叫左個重量級西冷牛扒，叫五成熟點知一上枱就見到兩塊牛肉乾😤廿成到嚟緊啦,塊牛扒又係勁乾切都切唔開！啲意粉又係吾熱又無味🤮成個餐都冇乜點食，真係食到成肚火背脊骨落😡到個餐飲諗住好啲喇掛點知杯凍咖啡一半都係糖水，勁勁勁甜😨同個侍應反映個侍應又不了了之完全唔知點處理😓不過唔緊要啦只係唔會再幫襯！🤬個扒餐你話三四十蚊都話算啫又吾係，你賣成百幾蚊你俾啲感既野俾客食你好吾好意思？

今日放假同媽咪落街食飯 咁就試吓食紅番茄🍅其實依間野見到好耐 但一直都未試過 因為入面好似好暗咁😂😂好神秘 咁一定係食蕃茄既野啦👅但選擇真係好多 好多唔同類型既野食 又有日式便當🍱蛋包飯 焗飯 米線🍜 我媽咪就簡左下午茶個款蕃茄米線我話簡左9吋半碗個款招牌番茄滑蛋濃湯米線蕃茄湯+墨魚丸+雞扒x2+餃子🥟雞扒好滑 不過餃子最好就分開上 因為浸淋哂特登加多份雞扒比我🤣我個碗就蕃茄滑蛋五香肉丁+墨丸米線🍜依五香肉丁好大粒🤣🤣蕃茄湯加埋滑蛋一齊食perfect 😍😍朱古力都好夠味濃濃的

係外賣平台叫自取去到話未開始整叫我地搵平台取消然後等左一輪又變左叫嘅野食出黎一拎到返去，打開都心知不妙叫嘅野同整出黎嘅野完全係貨不對辦叫紅酒燒汁雜扒一滴汁都無 扒又錯 仲要唔好食點做生意架？

🔎 深水埗元州街13號地下*📍 紅番茄餐廳.迷迭香穀飼羊架($138)迷迭香配羊架的確係不錯既選擇.加上好厚肉,好多肉汁成件事好juicy.油脂分佈平均,味道真係幾好.頂級美國安格斯肉眼牛扒($158)肉紋理非常細緻,脂肪仍分佈平均,牛味都幾夠,肉質都幾嫩滑,食落都覺得幾甘香,價錢正常,唔算好平同好貴,想dinner食牛都不妨試下.深水埗高質西餐廳，店員服務不錯！而且食物有質素，推介比大家！😍😍😍

味道不俗 - 中西合壁既西餐廳食材豐富所配搭亦具新意，主打招牌定食或晚市套餐各款推介優惠，性價比高免一服務費對於一眾想食西餐迷必定大飽口兼夾抵食開揚環境具包羅萬象的美味慢嚐相伴與三五知己或短聚進餐也不厭其煩「橄欖油香草煎三文魚扒 $128」用低温軟化肉質嫩滑足料多汁，啖啖煙韌輕盈保留層次口感，不僅即叫即煎肥美富質感內層造出各有各的驚喜「皇牌忌廉汁龍脷柳闊條麵」賣相精緻一道主菜外層煎香的龍脷柳，加上沾滿忌廉汁除走魚膩外，三層口感令味蕾更顯豐富享受絕味，無論午市或晚市簡約一頓便飯也相對滿足

陪男友去深水埗睇電子嘢，路過呢間餐廳見到幾抵食，而且好多人幫襯，就去試下先！🤗午餐選擇都幾多，最平既四十幾蚊就有，而且都好豐富！真係好抵食！不過今日既我地好想食扒，所以就揀左比較貴既套餐🤔日本雪花肥牛扒便當🈶️吉列蝦、螺肉、雪花牛扒、另外加錢轉左撈烏東。肥牛扒唔會好肥，入口好重牛味，食得出係高質既牛扒🥩另外仲叫左巨人T骨扒，雖然唔算好厚，但真係好大塊！肉質比較嫩，呢個價錢黎講都唔錯！👍🏻最後跟餐加8蚊要左紅豆冰同涼粉冰，兩個都好飲呀👍🏻奶味好濃郁，溝埋涼粉味/紅豆味，好正呢😺見到呢度既生蠔真係好抵！下次夜晚黎試下先而且呢度既晚餐都好抵，一百頭可以交易

聖誕將至，齊齊出動去深水埗購置彩燈飾物，粉飾家居，增添氣氛。正事辦妥，順道開餐。距離不遠的《紅蕃茄》瀰漫著聖誕的氣氛，很配合我倆的心情。地方不大，但雅座舒適。閣樓是另一片天地，有卡拉OK、電動麻雀枱，可供包場客使用，不另加收費。包場價也是二千幾，今時今日來說，認真超值。先來紐西蘭入口即開珍寶生蠔，每隻$39，近乎入貨價，半賣半送，超抵食，極吸引💖💖！生蠔有成人手掌般大，不愧為珍寶蠔 😍😍；口感爽脆，蠔味清淡。招牌蕃茄濃湯，怎能錯過，味道清而甜，沒有黏稠的感覺，口感清新。蒜蓉包金黃香脆，跟薯片的脆口度不差多少，蒜蓉醬均沾每吋麵包，高質素👍💖。主菜是香煎挪威比目魚 $108，外層金黃香脆、內裏雪白軟滑，配香蒜汁。小妹則喜歡撒把鹽花，更能味嚐到它的真味道。另一空運日本雪花肥牛西冷牛扒餐 $108，單看名字及產地，已相當吸引。肉質軟熟，肉味扁濃，加上燒汁伴隨，又一超值之作。天氣變冷，口味也變起來，近期大愛熱檸蜜，這杯蜜糖夠重手，甜暖窩心 💖💖甜品是意大利朱古力慕絲蛋糕配薄荷碎朱古力碎雪糕及紐約芝士蛋糕配提子啫喱，這種質素的餐後甜品，完美得無話可說 👍💖💖已心思思在計劃，包場這種小玩意！🤗🤗

深水埗原來有一個咁好食既西餐廳，好彩今日同男朋友拍拖周圍行下先發現，真真正正既平靚正！！真係超級推薦所有人黎試下，包你一試回味！入面既裝修，環境非常非常之靚！勁有情調，我地睇到都覺得好浪漫！地方唔算大，但環境真的好正，枱椅餐具超級乾淨，好舒服～先黎個餐湯，我地一人要一款，一個蕃茄薯仔湯，一個忌廉白湯，忌廉白湯比較清，蕃茄薯仔湯既蕃茄好足料，蕃茄味勁濃。跟住就係呢個牛油多士，非常脆口，份量岩岩好。跟住就黎主菜啦，我就叫左個日本空運肥牛肉眼扒配蒜蓉汁跟白飯，好厚既一塊扒，牛味勁濃，有小小牛既肥膏，但食落去唔會太油，仲好香！男朋友就叫左個西班牙黑毛豬二件配黑椒汁跟意粉，勁大塊又厚既兩塊黑毛豬扒，第一次！真係第一次食到咁嫩咁好食既豬，唔會"鞋"口，唔會老，啖啖又香又滑又嫩既肉放入口，回味無窮呀！！我地另外仲叫多左個厚切原條鰻魚，真係原條咁大條，燒得岩岩好，又嫩滑，又厚，好有口感。最後仲有甜品同飲品，甜品好似次次唔同，餐廳推介。今日就有呢兩個，啫哩同抺茶雪糕！每人先百幾蚊，有咁多野食，會唔會太過抵食呀？超級推薦呀！

餐牌好多選擇，雖然二人餐好吸引，但最後都係決定散叫，因為想食意大利飯。雖然話散叫，但仍然係有餐，指緊有湯，嘢飲同埋甜品。蕃茄濃湯，食正番餐廳名，幾足料又好飲。微酸夠開胃。有餐湯有埋蒜蓉包，一上已經香氣撲鼻，拎上手熱辣辣就知堅料。佢整到超級脆，未算好多蒜蓉但已經好夠，超好味。點湯係另一番口感，但呢個我覺得唔點黎食仲正！特飲有叫凍檸賓同埋百香果思慕雪，凍檸賓正常水準，思慕雪透心涼，又足味，只加八蚊真心抵。三文魚剌身，四大片先二十蚊，抵食，所以叫黎試下。佢唔係去到勁高級放題果個水準，但比一般好，佢隻味好特別，唔識形容，但好食過一般日式平民店果啲！最想食嘅菜：黑松露牛柳忌廉意大利飯，賣相不錯，頗香，份量頗多。黑松露同意大利飯好夾，撈埋口感極好！牛柳唔細份（明明望落唔大,食落超充實），未算好韌，整體幾夾！無叫錯，只係108,晚餐連埋湯，包，飲品及甜品堅係抵！澳洲肥牛肩甲牛扒，佢有得揀鐵板上，我想保持五成所以就用咗碟上，可以配飯意粉薯菜，我揀咗薯菜。薯菜不算脆，但夠哂熱，正。牛扒未算好易切開，但係好有口感同埋肉味。由於五成，有raw嘅感覺！佢有汁可點，點同唔點都有佢獨特感覺，不錯！最後上埋甜品，充

今日放假，同屋企人嚟到深水埗呢間紅番茄餐廳食，果然係超級抵食啊。餐廳有西餐之餘又有日式嘢食，我哋就揀咗個西式二人餐。餐包係蒜蓉包，邊邊有啲脆，中間比較軟熟，點埋餐湯飲，好好食。餐湯係忌廉湯，入面有好多粟米同埋菇，又足料又好飲。沙律我哋揀咗招牌沙律，主要係薯仔、蛋、蕃茄同埋生菜，超級開胃。前菜就揀咗蒜香炸雞翼。雞翼好大隻，炸到熱辣辣脆卜卜，雞肉滑得黎多汁，好好味。主菜揀咗紐西蘭西冷牛扒配意粉，牛扒要咗五成熟，肉質新鮮，食落好林，有好濃嘅肉味。意粉煮得啱啱好，唔會過硬或者過軟，配埋肉眼扒，真係好正。另一款主菜就要咗德國酥炸蜜糖鹹豬手配薯菜。鹹豬手超級大份，一切落去發現啲肉好林，食落好新鮮，一啲都唔腥，好好食。粗薯條嘅份量啱啱好，炸到脆卜卜，唔會太油，同豬手好夾。跟餐仲有兩款甜品，我哋要咗美國芝士蛋糕同埋意大利蛋糕。美國芝士蛋糕甜得黎帶少少芝士嘅鹹味，好好食。意大利蛋糕係朱古力味，有好多層次，比較creamy，好啱鍾意食甜品嘅人。餐飲要咗蜂蜜生薑茶，甜得黎好辣，仲有好多薑粒係入面，天氣咁凍，飲呢個真係好暖胃。另外柚子香蜜茶都好香，有好多柚子絲係入面，好正。三百零蚊嘅餐，嘢食質素高，份量又多，