Tommy Yummy (翡翠中心)

Open Now

Now Closed

之前聽朋友講個甜品幾好味但係主食就冇乜特別😂😂最近天氣咁熱 一於同朋友去試吓甜品🤭✨芒果乳酪疊疊冰(💰$118)芒果冰幾有層次 上層有一條凍芒果側邊有啲芒果乳酪冰 再夾雜啲芒果肉😋之後仲有啲cream 芒果冰同糯米飯🍚可以再按個人喜好倒入啲椰漿一齊食🤤✨蝦球炒金邊粉(💰$118)本身就係為咗食個甜品而嚟🥭🍧對主食冇咩期望 食落不過不失咁😂被安排坐呢邊最入面嘅位 有啲唔係幾方便侍應睇唔到個角落位 好難先叫到人幫手咁😂

成日行天橋都經過呢間餐廳佢窗口位好打卡但記得要book台食物質素都超出預期成本可能只有10蚊嘅杯麵俾佢加海鮮炒一炒又真係有鑊氣😃咁就賣三位數不過我覺得值！有泰國feel！🐙牛油果八爪魚沙律呢個超健康！係用泰式酸甜沙律味溝牛油果泥但我想要塊酸種麵包😃🥭芒果乳酪牛奶冰層次好豐富！有凍芒果+椰奶+cream+牛奶冰+芒果乳酪雪糕仲內藏糯米飯😃呢個必食不過我食唔到乳酪味

今日同男朋友過咗嚟港島呢間Tommy Yummy，見到幾多好評，所以就嚟試吓喇🙆🏻‍♀️呢度嘅裝修都幾靚，鋪仔細細，都幾有氣氛～首先我哋叫咗個打拋肉碎生菜包 ($92)，除咗生菜同肉碎之外，佢仲放咗啲蝦片去點綴🤣我用蝦片兜咗啲肉碎食，估唔到都幾好食喎～份量唔算好多，肉碎都唔算辣，有青檸同香料嘅味道😆之後就梗係我慕名而來嘅虎蝦海鮮混亂杯麵 ($128)啦😆呢個造型夠晒特別，佢個冬蔭功味好濃，而麵質真係杯麵嗰種麵質～海鮮都幾新鮮，我最鍾意係啲魷魚，好爽口～呢個麵嘅份量都好多😌男朋友就叫咗個泰式雞肉炒飯 ($102)😀炒得粒粒分明，亦都好惹味☺️估唔到啲配料都幾多，仲有秋葵、粟米仔等等，豐富口感😌飲品我哋叫咗杯牛油果沙冰 ($55)，製作超認真，仲有半個牛油果喺度添，可以就咁食，或者刮埋落個沙冰度🤣佢個口感似奶昔多過似沙冰，但都幾好飲嘅😋呢間餐廳我覺得食物水準唔錯，又可以打卡，係一間值得回訪嘅小店😌

我都係第一次comment openrice，因為間餐廳真心離晒大譜，book左12點，超級準時人齊出席，去到門口話水浸唔做生意，攪到明明大家百忙中抽空早啲去好開心打算去食farewell飯，最後攪到大家大熱天時企街臨時臨急搵餐廳，呢間又爆果間又排，灰到爆炸！點知而家就屈我缺席，我提出反對而家竟然否決，有冇攪x錯！垃圾餐廳！！！！！！！！原本我好想黎試吓，仲同好多朋友同事講，而家唔駛，幫你哋做宣傳！！

同朋友去試呢間新派 fusion 泰國菜, 餐廳就係中環半山梯旁的起步頭段，落地玻璃非常吸睛，幾乎每款食物、飲品、甜品都是打卡照，相當吸引一眾喜歡打卡又嚐新的人。四款食物 ：🥗 木瓜沙律 $82最喜歡它的沙律汁，酸甜度沒一點過火🦐 虎蝦海鮮混亂杯麵 $128造型有趣，有立體感，自家品牌冬蔭功味，微辣🦀 泰式蟹肉蛋捲 $188勁多蟹肉，肉質仲要彈牙的，外面用煎蛋包住d 蟹肉，都算好豐富🥩 燒安格斯牛小排 $218 呢款泰式燒牛肉肉嫰 juicy , 配上特製醬汁，轉眼都食清光了四款飲品 ： 🍹 鮮芒椰漿柚子露 $55芒果控必試，滿滿芒果香甜味，配搭椰漿極夾，加上淡淡的柚子香，整杯味道配合得天衣無縫 🍹 碳燒杏仁咖啡 $44咖啡少少苦，但忌廉 是甜的，喝一口咖啡，再呷一口忌廉就很療癒，不過杏仁味不濃🍹 牛油果沙冰 $55半個牛油果，吃完再飲，香濃不甜，不過似奶昔多過沙冰 🍹 香芒熱情果手標茶梳打 $50呢款香甜解渴，特別之處是用了泰國道地第一品牌的手標茶，道地泰式風味必試甜品 🍧芒果乳酪叠叠冰(2人份) $118整係睇圖都 feel 到好味 😆 用心造造型，面頭那一支以為是芒果雪條，原來係

天氣咁熱，當然要去食個下午茶涼快下，平時在中環搭扶手電梯，實見到間Tommy yummy，今日同2位友人行完街就去試下佢哋嘅下午茶啦。Staff安排左個好正嘅窗邊corner 位俾我哋呀😍好開心😆來到Tommy yummy，當然要叫杯泰奶茶飲下，好飲呀，夠滑夠香，仲有啲碎杯先係精粹，一杯真係唔夠喉！另一杯因為朋友唔食甜野，就order左杯青檸梳打，正常啦，薄荷味係夠哂香嘅。另外仲有杯芒果椰漿柚子露，要大讚嘅係呢杯芒果露，賣相好靚，好吸引，飲落好香滑，唔太甜，芒果蓉份量仲好多添。飲完野，個心都涼快左，終於有返mood食野，上菜啦喂，先來碗冬陰公金邊粉，再加兩串豬頸肉和雞肉串燒。個冬陰公湯，來到唔試就真係好陰功，除了唔係太辣外，香料味、蝦味、椰汁味濃到爆，特別要介紹下豬頸肉串燒，夠晒肥厚juicy😋當然唔少得要叫甜品啦。咁就叫個唔會肥嘅芒果糯米飯，真係唔會肥，真的嗎？不過唔緊要，朋友想食，我試一啖就夠了。個椰子雪糕係正，加埋芒果糯米飯係飽而不滯！大滿足呀！

嚟介紹下特色cafe喇☕️！平時行中環上山嘅扶手電梯都會留意下唔同嘅樓上舖餐廳🤩，當中就留意到一間泰式餐廳經常都會full晒booking🇹🇭。既然係一間咁有人氣嘅餐廳，就當然唔可以錯過啦🥰，所以當日就趁住下午茶嘅時間過嚟🫶🏻，試吓餐廳比較出名嘅美食😋，睇吓係咪真係咁特別😚，新menu睇落幾吸引🤩。如果想知我當日試咗邊幾款特色美食嘅，就一定要繼續睇落去啦～食物方面☝🏻#泰式糯米豬肉腸2串（$68）喺介紹主菜之前，等我先介紹左餐廳嘅串燒先😎。其實今次係我第一次食糯米豬肉腸🤩，淨係見到個配搭都已經覺得好吸引。而味道方面亦都冇令我失望❤️，焦香嘅糯米外皮包住惹味嘅豬肉🐖，真係好令人欲罷不能🤤，再加上餐廳嘅特製海鮮酸辣汁🌶️，令到串燒變得唔係一般嘅開胃😬。#虎蝦海鮮混亂杯麵（$128）之後要介紹嘅呢款主食，可以話係餐廳嘅招牌菜之一👾，因為都真係有幾多人叫嚟打卡㗎📸。睇返佢嘅賣相其實真係幾特別😚，冇諗過原來杯麵嘅賣相都可以咁靚😍。就咁睇個賣相好似啲杯麵多到滿瀉咁樣🫶🏻，而且都有好多唔同種類嘅海鮮😇，每款海鮮都好惹味。另外我都有留意到杯麵嘅包裝係同餐廳同名㗎，都代表呢個杯麵係餐廳獨家發售㗎🫣。講返佢嘅味

三年冇去Thailand 旅行，返黎之後都係好唔捨得泰菜，見到中環呢間泰菜嘅menu 都幾得意，就沖左入去食。我就嗌左虎蝦海鮮混亂杯麵，賣相相當吸引，好似倒瀉杯足料海鮮杯麵。海鮮有魷魚，青口，大虎蝦，麵以青椒洋蔥炒起，醬汁酸酸辣辣，應該係冬陰公汁，以為冬陰公只係當湯咁飲先好飲，估唔到用黎炒麵咁好食咁開胃。另外都嗌埋香辣紅咖喱軟殼蟹配雪糕筒，紅咖喱入面有菠蘿蕃茄同埋青檸。本身會以為好辣，其實只係少少辣，仲有少少甜香，可能有加左少少椰奶嘅關係。軟殼蟹炸得香脆可口，外脆內軟，蟹肉尚算新鮮。最搞笑係可以將紅咖哩汁倒落雪糕筒度食，又甜又辣，又脆又軟，係一個十分新奇嘅食法。我哋覺得個汁好好味，所以呢最後都加埋薄餅點嚟食，咁嘅配搭都唔錯又夠飽肚。嘢飲方面，我嗌咗泰國奶綠，其實就係就係綠茶加奶。飲落唔算甜膩，有淡淡嘅茉莉花茶香，真係幾好飲。朋友嗌左Baileys 朱古力沙冰，開頭以為係普通嘅cream，原來加左椰奶嘅，真係喜出望外。baileys 味好重同朱古力好夾，覺得甜左少少但都係可接受範圍。鐘意泰菜嘅朋友都可以黎呢到試下，菜式創意同味道都唔錯，擺盤同環境都好靚，只係奶綠粒冰都係葉子形狀，冰入面都

天氣太熱行行下中環諗起附近有間食芒果冰好似好多人都有講就諗住去試下入到去就好有cafe feel不過附咗打卡食物嘅質素都好重要我地叫咗兩樣野先怕陣間食唔落個冰Order咗牛油果八爪魚做頭盤味道酸酸小小辣十分開胃p.s.但個主菜係上先。。。主菜就order咗雞肉炒飯呢個好有鑊氣feel 最後就係主角芒果乳酪疊疊冰(2人份)黎到真心整得好靚上層係真芒果周圍好似鳳梨酥嘅係芒果乳酪冰入面有糯米飯下面就有冰味道好豐富而且夏天食真係好爽🧡🧡🧡

今日下午嚟咗中環呢一邊行街shopping, 行到咁上下朋友就話想食吓泰國菜，咁啱見到呢一間裝修都幾靚嘅餐廳，餐廳位置係威靈頓街，其實都幾容易搵，搭lift上一層就係 餐廳嘅裝修係以簡約cafe形式，亦都有好多唔同嘅植物，令人有一種非常舒服嘅感覺，座位亦都非常寬闊，佢係對住中環街市對面嘅天橋，望住人來人往咁都幾得意比較推薦食物有泰式雞肉炒飯，雞肉比預期中多，亦都食得出佢本身預先調味嘅味道，甜甜地非常好食，再加埋炒飯非常乾身，每一粒都做到鮮明嘅效果，食落非常有鑊氣！配料亦都非常多，有蕃茄仔粟米仔，配搭都做得唔錯，令到成個炒飯更加有唔同的口感 佢嘅份量亦都大大份，絕對對得上佢嘅價錢 另外比較推介嘅有佢嘅紅咖喱軟殼蟹，軟殼蟹炸得非常香脆，配上紅咖喱食非常match! 紅咖喱亦都有好多唔同嘅配料，比較鍾意食佢嘅泰式茄子，咬落去非常香甜，亦都同紅咖喱非常配搭 另外我哋都叫咗兩款小食，香茅雞中翼熱辣辣，咬落亦都幾鍾意香茅嘅調味！豬頸肉配上沙嗲醬，亦都令到成個口感更加昇華 飲品我就叫咗泰式青檸手標茶，夏日咁熱飲呢一杯，簡直非常消暑！亦都非常鍾意佢嘅茶底，味道非常特別出邊冇試過呢一個味道消暑一流！總括

今日放工無聊，聽過呢間餐廳,原來我朋友話想是需要就入咗去入到去開頭嘅時候門口已經好吸引,入到去我就見到侍應好好招呼我哋去一個好舒服嘅梳化位坐低, 我就叫咗以下呢幾樣食物,芒果糯米飯,好味，芒果好新鮮牛油果飲品好特別，味道好清新，

Tommy Yummy泰式雞肉金邊粉💲118金邊粉份量好多 味道正宗 而且雞肉入味 肉質嫩滑 入面亦都有大大隻爽滑新鮮嘅蝦！ 芒果乳酪疊疊冰 💲118呢個疊疊冰令人好驚喜，本身冇諗過咁好食！除咗外型好靚之外，亦都有好多元素！有六嚿方形嘅芒果雪糕、芒果冰、乳酪、、原條芒果做雪條同埋糯米飯喺入面，另外配埋一個芒果碎椰漿～望落好似好細碗，咁但係食完之後好滿足～有姿勢亦都有實際～滿足到打卡慾望亦都滿足到我嘅肚仔😆大家去開中環都可以試吓呢間Tommy Yummy~ 價錢都唔算貴！而且都好好味😋環境亦都好舒服，唔會好迫同好光猛～

🥰夏天梗係要食刨冰😋呢間裝修得好靚嘅泰式Cafe 最出名就係佢哋嘅芒果乳酪疊疊冰($118)分量足夠2-3人吃，幾塊芒果冰磚，再加上包裹住糯米飯嘅綿綿冰，食落真係透心涼😆仲可以加上自己喜歡份量的椰汁，整個冰的味道很和諧，頂端放着一根小芒果。主食可以試吓香茅豬扒冬陰功泡飯，冬陰功唔算好辣，酸度適中，加埋香茅豬扒好夾呀～另外仲食咗佢哋嘅船麵，面底用上米粉，吃起來有一點掛湯，湯底比起一般外面的船麵更清新，吃完不會有口渴的感覺。午餐來吃的話，可以用優惠價加購小食，香茅雞翼和蝦餅每樣叫了一舊，這個價錢真的很抵食。

以斑斕綠色為主題的搞怪泰國菜，位於中環，窗外便是中環至半山的扶手電梯景色，難得可以在鬧市享受短暫的輕鬆時光；我們總共點了4款菜式+2杯飲品，人均 $290  ᐅ 虎蝦海鮮混亂杯麵 $128 餐廳招牌打卡菜式混亂杯麵，以冬蔭功味的炒麵為主角，配上多種海鮮，包括魷魚、青口、虎蝦等，濃厚的酸辣風味令人欲罷不能；而且還以「倒瀉」的造型擺盤，已經忍不住拿出電話馬上拍照🤣 我們留意到杯麵盒的品牌和餐廳一樣是 ‘Tommy Yummy’ (可能是自家製的杯麵吧)，炒麵的份量應該有兩個，兩個人吃絕對不會少～ ᐅ 芒果乳酪疊疊冰 $118 必點甜品！底部鋪滿芒果綿綿冰，夾著煙韌軟糯的糯米飯，再鋪上冰磚；冰磚由乳酪、芒果汁及芒果果肉製成，每一口都是濃郁的芒果味，絲毫不誇張；最頂還有新鮮的小芒果，味道十分香甜，某人說像吃榴蓮😆由今天開始已經愛上了綿綿冰的口感！ ᐅ 酸豬肉豆角炒飯 $98 酸豬肉據說是泰國北部最受歡迎的美食之一，經過發酵過後呈粉紅色，翻炒後口感有少許酸味；另外還有一條酸豬肉串，乳酸味更重，推薦大家一口酸豬肉串加上炒飯一起吃，因為燒豬肉串的存在感實在太高了~ ᐅ 任你泰串(3串) $82 我們

今日返工想好食濃味野，放工行行下見到呢間係街角既泰國樓上cafe就入左去試。一出𨋢，都要等一陣位嫁。↘椰香青咖喱雞配薄餅 $98青咖哩好有椰香，唔辣，香香甜甜同薄餅絕配。↘椰子雞湯 $88好多材料，無唔健康同重味精既感覺。↘打拋豬肉碎剪蛋飯 $98我見周圍都無乜人嗌呢個，但真心覺得呢個餅係咁多樣之中最好食既一個，豬肉碎調味好香又夠辣，就算覺得有啲辣，都會一啖接一啖咁食，停唔到口，仲配幾片蝦片，一定要試下！↘芒果乳酪疊疊冰 $118食返食評，好多人食呢間餐廳原來係為左疊疊冰。首先，當然係用黎打卡啦！賣相真係好靚，黎到影完相都唔捨得食。有原原粒芒果冰條，上層芒果磚下層雪花冰，對得住個價錢。