Tommy Yummy (The LOHAS康城)

Open Now

Now Closed

味道正常，但份量就…星期五諗住開開心心食個晏，就叫咗個泰式船王船麵，見佢好似好多料咁，貴啲都唔緊要啦。佢話有牛肉丸，牛肩胛，牛小排，豬肉丸，豬肉片，扎肉，炸豬皮，通菜，芽菜，諗起都興奮！點知碗麵一嚟到，發覺啲份量好少。牛肉丸x2豬肉丸x2牛肩胛x1豬肉片x1牛小排…可以用一粒粒咁去形容其他配菜份量正常啦牛肉丸豬肉丸兩粒丸加埋既大細先等於正常size嘅一粒。成碗嘢嘅份量等於我個friend食嘅泰式牛肉船麵差不多，但佢嗰碗只係需要$49。真係覺得自己交緊智商稅😭😭😭

好耐無食依間餐廳，今日去食，估唔到令人咁失望。入到去發現menu換咗，lunch set終於唔洗一定要加野飲， 依樣野值得讚。 但睇真d原來係貴咗，陰d陰d咁加價。我同朋友都叫咗泰姬宮廷雞飯配秘製汁醬，跟住2碟上到黎，發現有一碟係特別小雞 得雞皮無乜肉，叫咗waiter換，之後就係加多咗一塊雞皮多過肉嘅雞😂碟雞食落味道都正常，雞飯就無味得個色，唔建議大家食依個。以前食咗會飽，依家食完仲可以食多個餐，估唔到差咗咁多。

食咗個泰姬宮廷雞飯秘製汁醬，$68加$12美式咖啡再加一，原本諗住價錢都唔算便，無要求好味，食飽就得。點知！！上到台個下O咗，份雞細到，啲雞皮有咁厚得咁厚，啲雞肉有咁薄得咁薄，食落去勁普通，好似嫩少少既水煮雞咁。我係食水煮雞唔洗食呢個餐啦⋯講埋個飯，又話咩雞飯，食落一啲味都冇，得個色水（黃色），除咗裝修好少少之外，性價比真係好低。講真半年前都唔係咁，隔咗排返嚟食就差咗咁多，少失望，感嘆係咪香港經濟差到咁⋯總結：水煮雞（小份）配白飯盛惠 $75，依家我谷住道氣但又唔飽，一陣返去都唔知食唔食下午茶好，又餓又谷氣呀pu!

今日去咗食泰國餐，點咗二人套餐B，整體食物真的好一般，真係對不起個價格！😕首先，唯一好食嘅就係 泰式小吃拼盤味道幾唔錯，其他嘢就真係唔掂泰式蝦球炒金邊粉蝦球冰鮮感好重，味道一般，完全冇驚喜，食落去都唔夠味！😟泰式雞肉炒飯真係冇味道，個雞有個奇怪嘅味應該都係冰鮮味可以話係普通炒飯，根本唔想食多一口！🍚整體而言，今日嘅餐點好失望，冇咩特別之處，令我對呢間餐廳的印象大打折扣。😩雖然泰式小吃拼盤有啲水準，但其他菜式就真係唔值得再來，唔會推薦畀朋友。希望下次可以有更好嘅選擇！

喺日出康城嗰度見到有間泰式嘢,個裝橫都好靚, 好有度假嘅感覺,我去咗佢嗰度食早餐,一個係雞扒窩夫, 一個係豬扒窩夫,兩個都整得幾好味, 啲肉煎得嫩滑,佢個窩夫係類似壓扁咗嘅牛角包, 係酥皮窩夫, 同平日嗰啲唔同.跟住嗌咗泰式奶茶, 泰式奶茶同我哋飲開嗰啲唔同味道嘅, 係甜少少, 但都係好飲.

朋友推介話好食，諗住同老婆睇完戲諗住去食，本身睇OpenRice佢營業時間星期日係去到10:30，咁我睇完戲過到去食應該差唔多仲有時間，大多我9:15去到門口嘅時候佢已經放咗個牌寫住今日營業時間結束🥴🥴明明仲見到隔籬個牌寫住21:45 last order，last order時間都未到已結束營業時間

見1-2人個排隊number長期唔轉好聲好氣問d staff第一個staff話幫手問下然後人影都唔見第二個staff又係d 勁hea態度勁臭串話係咁架啦 等下啦然後淨係比大枱d入入唔想做1-2人生意咪出聲囉唔好嘥人時間排隊

康城商場入面食飯嘅選擇一向不多，今次就試吓開業幾個月嘅新派泰國餐廳，見到佢入面裝修新淨，而且座位都算闊落，另外價錢喺將軍澳區內亦唔算特別貴，每樣主菜大約$100-200 左右我哋今次叫咗三樣食物，第一樣係屬於前菜類別嘅八爪魚沙律，八爪魚以燒烤方式煮熟，保留住八爪魚嘅鮮味同時有燒烤嘅香味，佢嘅沙律汁亦都非常開胃。第二樣叫嘅係黃咖喱軟殼蟹，咖喱汁係泰式帶有雞蛋嘅做法，鹹度辣度適中，送飯一流，而軟殼蟹嘅炸粉亦唔會太厚，係值得推薦嘅一道菜。最後嘅一樣食物係甜品，芒果乳酪刨冰，味道亦都拍得上泰國著名甜品店嘅出品。今次我哋一行二人分享三樣嘢食，都算夠飽，下次會再嚟試吓其他食物

每星期日帶阿女溜冰經過都好想試，今日終於同老公兩個人試到喇。我地叫咗2個晚餐，一個係燉牛小排面頜飯，一個炒金邊粉，再叫咗泰式奶茶同斑蘭梳打，嘢飲啱晒打卡之餘都好好味好有heart. 環境座位好舒服，食物睇得出好用心製作。牛小排面頜燉飯好"林",好重牛味，味道好好。最驚喜係奶茶，用個樽仔裝住，杯裡面一塊葉形嘅冰，冰裡面有塊葉。平日行過見到門口個牌有榴槤糯米飯，不過今晚太飽，無試到任何一個甜品，留待下一次再試。

今日嚟到康城食泰國菜，門口見到lunch幾抵食就入咗去，餐廳環境裝修好靚，有泰國風情🇹🇭每個位都坐得幾舒服😌午餐選擇都幾多，我就揀左自選粉面，可以揀三樣餸，我就揀咗牛肉豬頸肉通菜冬陰功粉絲，另外加左錢要泰式奶茶🥤冬陰功湯底不算好濃，偏淡，不過粉絲掛左湯都幾入味😋牛肉同豬頸肉味道正常，份量都算足料😝反而泰式奶茶surprise到我，賣相加好多分，味道都幾正宗😆總括嚟講，味道正常，環境一流

星期六及日才開早市 店舖環境非常舒適，職員服務良好但一人分身多角。早餐價錢實惠(但要加一)。QR code自助落單牛肉可選船湯／冬蔭公湯 點選了船湯船湯味道可口，炸豬皮有水準 .食了元氣滿滿

最近去咗 Tommy Yummy (The LOHAS)試咗佢哋新出嘅「泰式斑斕奶凍」，賣相真係靚到唔捨得食！我當然要打卡同埋享受咗一個超甜美嘅下午茶啦，分享俾大家睇下：🍮泰式斑斕奶凍呢個奶凍真係夠哂靚！中間係綠油油嘅斑斕pudding，旁邊有一圈香滑嘅乳酪，仲加咗脆脆同埋啲藍莓、士多啤梨，顏色繽紛到爆！味道仲好清新，超好味！🍵泰式奶綠（凍）呢杯泰式奶綠帶有淡淡嘅芋香同香蘭味，冰凍後飲落好解渴，唔會太甜，perfect配埋個奶凍！...📝Tommy Yummy (The LOHAS康城）地址：將軍澳康城路1號The LOHAS康城3樓352A號舖

❣️超級推薦呢間泰式cafe嘅甜品，將泰式食材元素結合西式甜品，每一款甜品都好高質😋擺盤超有心思🌸味道goodgood🫶🏻推薦芒果乳酪疊疊冰🥭芒果糯米飯🍚泰奶忌廉雪糕牛角包窩夫🧇🌟芒果乳酪疊疊冰 $118 ‼️超級推薦 ‼️招牌必點，一次過食到鮮芒果肉、芒果乳酪雪糕磚同埋綿綿冰、最特別嘅係綿綿冰中間有糯米飯！🥰🌟泰奶忌廉雪糕牛角包窩夫 $78賣相💯🫶🏻泰奶雪糕香濃，茶味好出🧉即焗waffle🧇配上綿滑鮮忌廉，三重滋味👅🌟芒果糯米飯椰子雪糕 $88🥭芒果非常香甜🍚椰汁糯米飯入口好軟糯🥥椰子雪糕清甜可口，食落唔會太甜太漏😋

話說十一國慶早上周圍早餐都排長龍，見Tommy yummy未食過就諗住試下，係自助scan QR code落單，我地叫左三個早餐，上餐都好快，食物質數都唔錯，尤其格仔多士幾特別。待應送來凍咖啡，我隨手想拎起之際，唔知點解隻玻璃杯爆裂打碎了，咖啡倒至枱上流向對面，待應反應好快叫我地先起身，就用地掃幫我抹乾地下的㗎啡，及清理枱面，好快攪掂後坐低繼續食，過左一陣，待應就送上另一杯凍咖啡給我，全程好有禮貌。再隔一星期假日又到此光顧，仍然感受到待應的殷勤服務態度，康城食肆黎講，呢間我一定會繼續幫襯~~

第一次幫襯，店舖環境非常舒適，感覺悠閒。職員服務十分良好。下午茶套餐價錢實惠，包飲品每位大約$58-$78，仲有優惠價加配小食。有實體menu睇，再用QR code自助落單。兩個人點選了3個餐，賣相佳又好吃，食得好飽。1.自選湯麵$68：可選船湯／冬蔭公湯、3款餸及自選麵。很久沒吃船麵了，點選了船湯、牛丸、豬皮、芥蘭配河粉。船湯味道不錯，炸豬皮更有一碗份量，份量十足。2.清邁咖喱豬頸肉金麵$58：有驚喜！面層有炸脆的麵條，下層有椰香咖喱的撈麵配豬頸肉。賣相和味道俱佳。3.奶茶雪糕忌廉牛角窩夫$68：奶茶雪糕很好吃。脆米令食物味道更有層次，淋汁的奶茶醬隨意添加，不錯。跟餐3杯飲品，難得凍飲不用加錢，選了斑蘭梳打、薄荷青檸梳打及奶綠奶茶。味道正常，如果不喜牙膏味的不要點選薄荷。熱飲款式只有咖啡和玫瑰茶，如果多些熱飲選項便好了。值得一提的是，幾位店員服務良好又勤快，最初點餐時我忘了寫甜品後上，結果甜品一早送到，職員主動表示不如稍後再次送上甜品。最後，付款時加$20買了斑蘭小蛋糕，職員亦主動提示產品存放2天因不加防腐劑。整體用餐體驗良好，會再來。