唐包點

Open Now

Now Closed

唐包點 簡直係打工仔嘅恩物 特別係依家凍到得幾度嘅日子裏 經過一場温暖嘅被窩同要返工嘅爭扎之後 係返工嘅旅程中難免有點失落 覺得要對自己好啲 要食啲熱辣辣嘅食物安慰下自己 但係講真 我寧願訓多陣 都唔想早少少起身買大x樂 或者 大快x 嘅早餐 要係有限時間買到熱騰騰嘅早餐 唐包點幫到你!平時尖東站近12蚊店依間好多人 次次都要大排長龍 今日算係少人 我今次就買左糯米雞 好大份 而且真係好足料 裏面有冬菇 叉燒兩塊 蛋黃 同雞翼 不過唔知係咪蒸得好熱 隻雞翼啲骨碎左 所以食嘅時候要小心啲 不過整體黎講 依個糯米雞 色香味俱全 當早餐食完可能午餐都唔駛食 $25 都幾底！ 唔錯唔錯

是日要陪男友交收，到達尖東站係15:19，食唔食野好？！連個客都未call，就算到左都好似上次咁，要企係旁邊等佢地吹水半個鐘😒😒餓，就緊係要食野啦，行過去中環線前，行去唐包點買食物先😋😋男友叫我只買牛肉，保險起見我買多隻至愛叉燒包，開開心心行過去尖沙咀站一齊食。牛肉拎到去加gip汁即食，仲熱嘅，好味！叉燒包就唔係咁夠熱，不過味道仲keep到，睇黎以後係尖沙咀港鐵交收，我都係靠唐包點醫肚了！另外，不得不提呢間服務都幾好，年輕店員會請我下次幫襯架！