唐包點

Open Now

Now Closed

尖沙咀返工有樣好，就係可以Lunch買嘢喺海邊食，久唔久慳下錢之餘又唔使同人迫，而且我同寶寶一個喺尖沙咀碼頭返工，一個喺尖東返工，喺海邊食完野都方便大家返公司。今日lunch 我哋就喺唐包點買咗幾款食物一起去海邊食🤪，好浪漫呀🤣🙈！秘製豬軟骨飯 $29秘製醬汁超惹味，用嚟撈白飯一流🤤。豬軟骨🍖質感軟腍，而且容易咬開，炆得好入味。十分推薦！唯一唔好就係有啲碎豬骨，應該係淆湯底時嘅豬骨碎，搞到成日食落好似有渣咁，呢樣可以改善下～足料糯米雞$27真係好足料呀！餡料有一隻雞翼，一件冬菇，三至四片叉燒，¼隻鹹蛋，同埋好多肉碎+汁。生熟度掌握得唔錯，冇蒸過龍一坺嘢嘅糊感，而且味道都幾好😌。不過份量來講就唔算話好多，男仔當一個正餐食嘅話就未必夠食喇，加多個蒸包啦😆。呢度嘅蒸包真係幾好，唔單止好衛生，而且啲包嘅質感鬆軟得來又唔會有溶溶爛爛嘅感覺，通常一般買點心嘅地方，啲包都會係蒸左好耐，蒸到爛晒又濕晒咁，蒸包一濕水就會好難食，呢個情況係唐包點從來都唔會有！所以食中式包點，我都好推薦朋友嚟呢度買蒸包做早餐😝。菜肉包 $7.5包軟綿綿，麵粉嘅香味之中好似有少少甜味，餡料好多，真係幾乎塞滿晒個包咁滯😳，椰菜

今日又黎好趕時間番工，係屋企食唔切早餐就唯有經過mtr個陣買啦🙈🙈🙈今日諗住同埋同事一齊share早餐，所以就total買左5樣野啦麥皮饅頭麥皮饅頭微甜，可以中和返點心嘅鹹味，所以早餐來講食落係好舒服，而且麥皮仲有豐富嘅纖維素，所以就算之後會食點心亦都冇咁有罪惡感燒賣每一粒嘅燒賣上面都有一隻細嘅蝦仔，賣相唔錯之餘仲好好味牛肉球牛肉球超大粒，而且加埋腐竹食，令到口感更加豐富鮮竹卷鮮竹卷入面嘅餡料超多，所以每啖嘅口感都好豐富，令人食完真係好滿足糯米雞糯米雞份量同樣係超大，足足有成隻雞翼係入面，如果自己食肯定食完一舊糯米雞已經可以飽到晏晝啦

喺尖東站準備搭車返屋企，入閘前見到呢間《唐包點》就順道外賣今晚嘅晚餐。北菇雞飯 ($29) - Size都ok, 唔會太細碗，表面都有幾多件雞，雖然啲雞望落唔係好滑，但原來食落都幾滑，都有啲雞味，冬菇就得一隻不過就好爽口。菜肉包 ($7.5) - 包身帶點煙韌，入面都有幾多餡，味道都幾鮮甜，不個菜就好似少咗啲，嗰加返啲菜令個餡爽口啲就更好食。呢餐外賣夠曬就腳，味道唔錯，而且價錢實惠，夠曬省時方便，我應該會再嚟幫襯。

一個星期總有幾日會來這裏買早餐，因為這裏的蒸包都是獨立包裝的，確保新鮮衛生，而且味道不錯也不會蒸得過熟，所以我很喜歡在這裏買早餐吃～今天和同事因為要提早開會，所以要提早吃個速食午餐。我們兩個女孩就來了唐包點買外賣午餐吃☺️，夠快嘛🤣，說起來我們也沒有吃過唐包點的午餐呢！我們今天點了好幾款食物一起分享。秘製豬軟骨飯 $29秘製醬汁很惹味，非常適合用來混合白飯一起吃❤️。豬軟骨質感軟腍，容易咬開，非常入味。十分推薦！足料糯米雞$27真的非常足料，有一隻雞翼，一件冬菇，三至四片叉燒，¼隻鹹蛋及不少的肉碎。蒸得生熟剛好，一點也沒有過份煮的糊感，味道也不錯。雖然份量不算很多，但應足夠吃飽一個女生😜。燒賣$18味道和酒樓吃到的差不多，但我感覺這裏的燒賣應該比較新鮮，因為我吃到豬肉和蝦的味道🙈。海鹽檸檬柚子蜜 $9份量不多，味道不會太甜，喝起來感覺清新，喜歡健康飲食的女生應該會很喜歡這個飲料💕。凍黑芝麻豆漿 $9跟市面上賣的新鮮黑芝麻豆漿差不多，芝麻味濃。紅豆包 $7.5麵包軟綿，紅豆餡豐富，用來作飯後甜品真的不錯！

琴晚覺得有點病，今早就想買個粥做午餐，點知10點就賣哂。好啦食蒸飯都健康！下次要早d係屋企個邊分店買先得！香芋包 $7.5包住有快餐包感覺，厚厚芋蓉。紅豆包 $7.5新款包？本身都鐘意食紅豆，會唔會成為新包寵呢？包皮都有紅豆食落有點麥皮包咁。，一開二滿滿紅豆，食到好多紅豆粒！綿綿唔會好甜，鐘意！雞扎 $18大大件，一人一件唔洗爭，無得爭！有芋條，大雞件嫩夾住豆皮食係很好，豆皮足份量唔會一夾就爛！叫蒸飯前，同事想叫魚香茄子個d汁飯，點知暫無。上次食過唔錯對女仔喜菜多大件肉，佢多肉碎。豉椒排骨飯 $27肉既份量夠男或女食，女同事話抵啦又有點菜，有骨可以吸下咁話。無介紹錯呢，我成日都食依個或雞飯。依間分店買飯最大好處係個盒可以入微波爐，正！洗飯盒都不用，之後可以留嚟個水果盒！章魚肉餅飯 $27章魚咸咸地，對於病病地幾好，比較有味。一粒粒章魚混合肉餅口感都好好，有咬勁外又有肉既軟。蒸飯加豉油好食好多喔！海鹽檸檬柚子蜜 $9依個水滴樽都比我留左做小水樽，哈哈！可愛嘛。選柚子蜜想可以濕潤喉嚨，唔好比我喉嚨損落去。另外病就胃口無咁好，檸檬生津開胃就好啦。一點咸又有酸酸甜甜，味道不錯！

放學都差唔多9點，聽朝早又要起身返工😥😥😥所以嗱嗱聲買返個飯食，就返屋企😭😭😭咁啱見到西鐵站唐包點，仲未收檔.....就買咗個糖醋肉飯食，亦好好彩😎😎😎竟然紅豆砵仔糕，仲未賣晒！就買咗一個返屋企！返到屋企個飯仲係暖暖地！嘅味道都唔錯咁樣買，都唔使$50就可以搞掂！一餐真係好適合我呢啲月尾出糧嘅人士😂😂😂估唔到而家仲有得買埋蒸包，下次可以買返屋企蒸一蒸就食😝一袋三隻$19抵過平時買因為一隻要$7.5

唐包點，緊有一間在你左近飲茶終於不只限於在茶樓，在朝早你可以隨時隨地想幾時食到點心燒賣自從多左唐包點起我公司樓下每次尖東西鐵一上黎就會見到好大條長龍排隊多數人都係買飽，但係叫點心拎返公司都不錯由於呢排都落雨，所以我一於就朝早叫埋午餐個份，費時走上走落，懶人啊~~~佢出左新野，有賣野飲，見到都幾養生不妨就試一下先蜂蜜紅棗生薑茶$9生薑味重，大愛佢有一粒粒既生薑、紅棗粒，飲得又食得有料之餘，味道甜甜，好滋潤早餐當然要食返一盅幾件一盅兩件已經滿足不到我既胃口了~~~新鮮蒸出黎既鮮竹卷足料又啖啖肉燒賣亦同樣抵食，有埋蝦在面下面就厚厚的豬肉~~~好飽~~~兩樣都只係$18咋~~最後我就留左碟鳳瓜($18)同章魚肉餅飯($27)章魚肉餅飯我之前成日都叫架~~~不過次次到中午時段，就會被人應購一空，搞到失望而回好彩今朝買定先，厚厚一層的肉餅仲有有一大粒一大粒既章魚粒，好有咬口~~~鳳瓜YIP到好入味，好淋~~~好食~~~

唐包點提供左我每日嘅早餐😂😂😂平時都好想試吓佢哋嘅點心～但係如果一早係公司食點心好似太誇張😂😂因為今日lunch俾人放飛機,所以仲有機會試吓佢哋個點心喇🥰🥰🥰話說我朝頭早先食完佢哋唧一番薯包🤭🤭🤭番薯包嘅餡好重番薯味！熱辣辣食嘅時候最好👍🏻👍🏻點心種類都幾多…而且價錢幾平！我今日就要左燒賣、山竹牛肉球、雞札同埋佢哋新出嘅咖喱雞飯《燒賣》 $18一盒有四粒豬肉燒賣嚟嘅，佢嘅豬肉都幾爽口！而且燒賣嘅份量都幾大粒！唔錯唔錯👍🏻👍🏻《山竹牛肉球》 $18我覺得同係酒樓食嘅感覺冇乜分別！牛肉味都幾香同埋幾新鮮👍🏻👍🏻推薦推薦！《雞札》 $18呢款都相當出色！份量都好大，有兩大舊！入面有雞肉、芋頭同埋豬皮！雞肉好香滑！芋頭好份粉綿！豬皮好爽口《咖喱雞飯》$29估佢唔到嘅一個咖喱飯！香到連我同事喺走廊都話聞到我個飯味😂😂😂估唔到$29有成四至五件雞！真係好唔錯👍🏻👍🏻個咖喱汁非常之香～而且連我食得辣嘅人都覺得會有少少辣🤭🤭🤭非常驚喜👍🏻

團拜小朋友悶悶地，和他們去尖東公園玩捉迷藏，肚餓時，原來尖東站內有家唐包點，這裡的包全部有紙包裝，剛好可以讓小朋友拿著吃，外賣就啱晒啦～（包裝還挺像麥記漢堡包）寫著香港製造，不是內地貨，確是吃得安心一點。蕃薯包是我的最愛，內裡的蕃薯蓉微甜，又夠滑，充飢夠飽，當甜品又得（笑）同樣是素包，芋頭也不錯，這個一樣是十分之飽，粉紫色小朋友就很喜歡。男孩子就喜歡吃肉包，菜肉包內有椰菜，比較平衡，餡料很多。饅頭好像帶點甜味，小朋友好喜歡包的部分，更甚於餡料（笑）最後買了一個外賣魚香茄子飯給自己，因為掛著帶小朋友玩根本沒吃過甚麼（苦笑）外賣帶回家，少少漏汁也在所難免，幸好是西鐵夠快，回家依然暖笠笠！茄子有五六塊，帶點微辣，還不錯。不過說到「魚香」味，其實心中也知道是不會有的，現在的魚香茄子已經沒有鹹魚這回事了。我最欣賞這裡的白飯煮得一粒粒，即使是外賣焗著，依然沒有糊成一片。唐包點的包和飯質素很不錯，而且價錢相宜，一定抵過食麥記（笑）

去探舊同事😆佢而家威威啊喺尖沙咀自己開咗樓上鋪所以就同埋另一個朋友買咗呢間包點想去佢度一齊食😳☝🏻就算出唔到去飲茶都有去飲茶嘅感覺就喺西鐵站P出口附近近晒我個fd 間鋪🤣買咗兩個蒸飯（章魚肉餅飯，北菇滑雞飯$25）飯量好足夠而且好夠熱！絕對可以即買即食魚肉餅入邊真係搵到好多章魚粒粒🥰🥰✅✅，滑雞方面都有肉地☝🏻有埋蒸飯甜豉油添正件事真係好有茶樓食飯感覺！仲見到佢啲包包好似好正咁於是就買咗（一個奶皇包同埋一個芋香包）$7.5兩個都好食尤其係香芋包😍入邊啲芋泥餡多到爆曬出嚟🤤🤤要有飲茶feel除咗飯同大包就梗係要有點心啦於是我哋叫咗一籠燒賣同埋一籠雞扎 每隻燒賣上面都有一舊蝦仁㗎👍🏻👍🏻雞雜一邊有豬皮、芋頭、豬肚！當然會有埋雞雞買到成手都係先至$100底啊係一間抵食快餐版嘅飲茶感覺外賣店👍🏻👍🏻😆😆

平時我都係帶飯多，偶爾無飯帶的日子就會買外賣返公司食尖東呢間唐包點就係我成日幫襯的 呢間位於尖東站的唐包點，乾淨整齊，又唔使排長龍 有蒸飯，點心，蒸包 平時我叫一個蒸飯都夠，特別肚餓個日就叫多個點心或蒸包，都係五十蚊樓下，非常抵食 而且飯同點心既質素真的不錯，味道唔太濃，亦唔會蒸到爛溶溶 今日無飯帶，又去左幫襯，見佢有新野試 今日就全部試新野啦~ 魚香茄子飯 HKD 28 飯同餸都一樣咁多份量，茄子唔係一條條絲，係非常大舊的 就咁睇以為辣的，其實一D都唔辣，茄子煮得好淋好入味 飯都係一粒粒，唔會爛PAT PAT 看似很重口味，但其實味道一D都唔算濃，唔會得個咸字 最重要係我拎到返公司，飯同餸都依然熱辣辣~ 另一款新野就係粥 家下既粥鋪真係買少見少，有時想食碗粥都好難咁 家下唐包點有得賣，仲有我最愛的皮蛋瘦肉粥添 呢個粥驚喜的地方係落左腐竹去煲，除左阿媽煲外，都好少地方有得食 皮蛋係大大舊的 瘦肉都唔少，而且幾滑，唔會煲到嚡霎霎 最鐘意係粥既味道清淡，又唔咸 食完都唔會口渴，比坊間好多粥鋪的味精粥還要好~ 呢個粥唯一缺點係太少，飯的話，呢個size 就夠飽 但轉換係粥的話

星期六都要OT，收工最想做嘅係儘快醫肚同返歸，又攰又唔想行太遠買野食，所以我成日都會係尖東站買埋野番屋企食，貪佢方便吖麻，因為尖東站有兩間，有時行過左唔記得買都可以係入閘之前買埋再番屋企。 今次我就買左個豬軟骨飯，呢個飯我成日都會買嫁，因為佢煮到D肉非常腍，就連D軟骨位都煮到好腍，唔似平時D餐廳諗住佢好腍點知大大啖咬落去咬到牙都痛。好老實講，好少一D唔係堂食餐廳嘅舖頭會做到呢個水準。仲要係香港地，物價一D都唔平，成個飯咁大重要食得飽加埋有好味入味豬軟骨都淨係賣$28，去邊到搵呀……

又到星期六朝頭早，今早好想食粥，但又想慳時間喺尖沙咀地鐵站就見到一間唐包點，馬上買返碗粟米番薯粥試下先，冇記錯好似$12碗，粥底尚算棉，粥有成三，四舊番薯，超級飽肚好抵食，感覺非常健康又可以清下腸胃

早餐食咩好？想快又簡單又比較健康，我會選擇唐記包點😁😁點解🤣🤣首先睇下個包裝進步了，中式蒸包多數是我行我素，絕冇包裝可言，家陣咁衛生用包裝紙獨立包裝，仲有溫馨提示小心燙手，好貼心啊～分量方面都有成個拳頭咁大✊🏻味道好正常都食到雞味，麵包甜甜地😋😋價錢7蚊合理價😉而且食品款式又多，有蒸包，有點心，有蒸飯簡直係一間縮細版迷你酒樓😁😁😁買去外賣回家及公司吃十分方便，而且價錢實惠， 衛生又健康👍🏻👍🏻👍🏻

今日星期一 又要返工 拖着疲憊嘅身軀行屍走肉 唯一令到自己開心啲嘅就係諗下食乜早餐好 本身諗住去買腸粉燒賣 但最後都係揀左係尖東站嘅唐包點 因為佢個地點真係好方便 而我今日就試左佢個皮蛋瘦肉粥比西鐵啲冷氣吹完之後食熱辣辣嘅粥真係正 而且個粥真係幾綿 啲米水唔會淡而無味 (我之前食過粟米粥 同白粥差唔多 不太好味) 同埋好足料 有兩舊皮蛋 同幾多肉絲 不過如果鐘意質感厚啲多啲米嘅人就唔太適合 因為佢依個粥比較流質 水比較多 但總括黎講 $16 一碗 味道唔錯 都算係咁 好過粟米粥