唐記包點 (佐敦大廈)

Open Now

Now Closed

今次我就朝早去咗唐記包點揀啲好嘢！嚟到一陣子香氣四溢，仲有嗰陣陣蒸氣湧出嚟，真係好馋口呀🤤！首先我就點咗個糯米雞，開個蓋，哇，入面嘅餡料真係夠哂晒滿，糯米食落去香糯彈牙，內藏嘅肉亦都鹹香惹味。跟住試咗個奶黃包，外皮毫唔膩口，一咬落去，熱辣辣嘅奶黃似金沙噴發出嚟，好正點！啲奶黃又唔會太甜，啱啱好。再點咗個叉燒包，啱啱蒸嗮拎出嚟，叉燒甘香中帶點叮噹火候，實在係超滿足！仲有嗰皮軟綿綿都係一絕👍。行過筲箕灣時仲發現呢家嘢佢哋婆嬸好掛住，老少咸宜，一家大細都啱食。拎落街行都唔怕，因為裝嘅好嘢嘅盒又實淨又唔易穿。整體黎講，唐記包點真係平民食堂嘅好去處，食品質素同埋價格都好抵玩，而家我講咗咁多，你地仲唔快啲去試吓？下次見到我記得同我講多啲你自己嘅意見呀！食得開心啲咩🌟！

油麻地佐敦道分店幾個呀姐嘅態度奇差，都知道早上繁忙， 叫左5，6樣點心，企埋一邊等，有個呀姐誤將另一位男士要求落喼汁嘅牛肉比我， 我話唔要，佢重話已經經落左咁點？我再講多次唔要佢先換，然後佢隔離嘅同事就大大聲單打式同返個呀姐講睇清楚呀呢張單，成6樣點心，已經發緊癲啦，唔好漏嘢，然後將我嘅蔥油餅扔嚟扔去。。。 。。。 wtf.................永世唔洗我再幫襯呢間嘢好多人都留言員工態度有問題到底係哋公司無糧出定好刻薄啲員工， 搞到要搵客人嚟受氣？

店員自己攞包時自己整跌一個，執返之後放枱面唔拎去掉，相當可疑係想等人客走後冇人見到時……凍包同炸品櫃又成日唔閂，幾次見過有烏蠅飛入，相當噁心！亦令炸品凍晒！包品本身係不錯，哩間舖亦係少有的平價舖，但希望不要就因此疏忽衞生。

🇭🇰唐記包點·因為我平時朝早食一個包已經好夠飽 但係佢一個包$7兩個包$10 我就成日都覺得好唔抵咁 雖然我最後都淨係會買一個🤣所以比我發現原來佢$15有四個凍包之後 我就決定買凍包 但係呢一度買凍包好似打仗咁 以下嘅經歷我已經試過兩次 兩次都係咁所以我決定放棄呢間舖頭😀😀·首先呢間舖頭啲人係完全唔排隊嘅 個個都係打你尖 直接同嗰個阿姐講自己要咩 每一次都係咁😀之後呢一度啲阿姐係完全唔聽人講嘢 我第一句就問佢有無我想要既包 有我先買 之後佢懶係睇過咁答我有 但係2次 2次都無 迫我食啲我唔鍾意既包roarrrr嬲度要上黎打食評roarrrrr·📍佐敦佐敦道37L-37M號佐敦大廈地舖

这家唐记包点位于佐敦道大街上，门面比较大，卖的点心种类也多很多。单是蒸饭类也有不少，20多元的蒸饭真的不容易在其他地方找到。此外，他们还有油炸食物如咸水角、煎堆、春卷和煎饺等等。刚好有有煎饺拿出来，就用15元买了一份共4件。煎饺内是猪肉，填得很饱满，味道是可以。但由于已经煎完一段时间，边缘部分的饺子皮有点韧。另外用10元买了蕃薯包和芋头包各一个，到家时包还是暖的，只是皮起了泡泡。比较起来，芋头包好吃点，里面有不少芋泥，真材实料的，芋头味极浓。以上全部都是饱肚的食物，就很便宜解决了晚餐。

Melody公仔應該深受大人同小朋友都喜愛❤️長駐地鐵站的唐記包點，最近新出左一款Melody包點，仲有大大個廣告牌，超級引人注目。超級3D，超級立體的Melody紅豆包見到個包果時，真係鍾意到爆❤️❤️❤️簡直係可愛到唔捨得食🥰🥰🥰 Melody菜肉包，個樣雖然冇Melody紅豆包咁靓，但係相對於普通嘅菜肉包來講，Melody菜肉包已經更勝一籌👍👍👍食開唐記包點的朋友仔，都知道唐記的菜肉包係好味到冇得彈的😋😋😋真係好靚又好味嘅包點呀😍😍😍鍾意Melody嘅朋友仔，要快啲去買啦溫馨提示：呢款包點超級受歡迎，很早就會賣晒。通常開舖後兩個鐘頭內都會賣晒，超級誇張🤣🤣🤣不過每日都有新貨到鋪，希望你地都可以買到😊

我在「佐敦」光顧某燒雞扒餐廳，外賣自取購買一份燒雞扒，加炸薯條的下午茶套餐，總算是解決了晚餐裡面，餸菜食品材料裡面有關「雞肉」的問題。跟著我沿着「吳松街」北上，去到「佐敦道」跟「上海街」的交界舖位位置，找到「佐敦」分店的「唐記包點」，購買了一份「咖喱牛腩飯」。期間我無意中發現「佐敦」分店「唐記包點」，推出中式飯類食品相關套餐點心優惠，購買了一盒中式飯類食品後另加港幣十三元，可以追加一份「唐記包點」指定點心，當時「佐敦」「唐記包點」指定點心是「鳳爪」。不過「佐敦」「唐記包點」指定點心「鳳爪」，「鳳爪」當時的實際售價，其實都只是港幣十六元，所以購買中式飯加十三元追加一份「鳳爪」，實際上可以賺到就只有區區港幣三元而已，偶然食一次我覺得還可以接受。所以在「佐敦道」旁邊光顧佐敦分店「唐記包點」，購買「咖喱牛腩飯」加一客點心「鳳爪」，實際上從「鳳爪」身上賺到的價錢，真的一點也不多。而且「唐記包點」「鳳爪」本身的肉不多，只有口感偏向乾身的雞皮而已。另一方面「鳳爪」醬汁也都不多，所以無從去評論，「鳳爪」醬汁實際的味道感覺如何。而且「唐記包點」「鳳爪」在我享用的時候，溫度已經冷卻下來，變成口感有點凍冰冰

疫情下Lunch時間，都唔知去邊度食好，行過唐記就不如買點心，扮下有得飲茶，哈哈今次買左兩飯四點心嘅，有<咖喱雞飯>香濃嘅咖喱配上滑雞，少少辣好惹味<咖喱牛腩飯>都係咖喱但配上好淋嘅牛腩，加埋香軟蒸白飯，絕配<鵪鶉蛋燒賣>唔係咁多地方賣嘅燒賣都會加鵪鶉蛋咖<蝦餃>皮唔太厚配有大蝦嘅餡料，唔錯<牛肉球>大大粒嘅牛肉，仲食到有陳皮嘅配搭，正<雞札>好多野啊，有潤有火腿有豬皮有雞件，一齊包埋食，好豐富啊加多少少辣油正啊全部加埋都係百令蚊，好抵嘅一餐takeaway茶，哈哈PS 走嘅時候無check姐姐單，如果唔係仲有生煎包..................

超大個！呢度既糯米雞真係超大個！起身實在太餓，買咗個翻早既時候做早餐食，本身仲諗住加多個包，勁唔飽。食到一半已經飽到上心口，入面有豬肉，鹹蛋黃，雞翼，魯肉，臘腸，加埋糯米，全部高脂肪高膽固醇，不過外面相當唔油膩，於是不知不覺就擺哂落肚，健康寶寶都係同朋友share好d！隻雞翼相當唔錯，唔會唔熟，又唔會熟過龍，梅哂咁，d皮都仲係嫩嫩的，肉都唔會散哂，豬肉好入味，鹹蛋皇唔會勁鹹勁多鹽份。好彩冇加多個叉燒包！重要的事講多次，糯米係好飽肚！(PS 如果唐記有雪山叉燒包 可能我會照加)😋😝

唐記包點 #佐敦阿華田麻薯包 $7.5一搣開啲阿華田醬爆曬出嚟，阿華田味的確好濃郁！麻薯就偏軟糯，一咬就斷嗰隻，我覺得稍為加咗少少口感，但同冇麻薯唔係太大分別。不過成個包最大嘅敗筆就係佢嘅包皮真係好黏，如果唔鍾意會癡牙嘅包，就唔好買。味道:3.6/5性價比:3.9/5

每次我方完工經過呢間唐記包點嘅時候都會買買啲點心啊返屋企食，真係平靚正，又唔使點樣諗係一個懶人嘅選擇，我最鍾意食嘅就係佢嘅豬肉燒賣，雞雜，咖喱牛腩飯，價錢係絕對超值之選，而且食落又覺得好健康，感覺佢又唔係多鹽多油嘅煮法，係一個非常健康嘅選擇。

中午想買個外賣、又想食個中式盅頭飯同點心，第一時間谂起公司附近的唐記包點。贪佢抵食又食得飽，可以有精神繼續工作。Order 了鳳抓排骨飯，鵪鶉蛋燒賣，干蒸燒賣加兩個砵仔糕，（留返兩個砵仔糕做下午茶添）一百蚊都吾驶，扺食饱肚最緊要個飯仲係熱辣辣，點心價錢又平，啱晒我呢啲食量大人士。其實吾洗一定飲茶都可以一盅两件、简单快捷。見到佢哋佢哋有新嘅中式包款，又多飲品選擇，下次一定要試下。也是Lunch 另類選擇

佐敦唐記係巴士站埋面， 行過路過等巴士點都會買返個包醫肚餓， 今日我就買埋飯返屋企， 懶得煮呀嘛。 - 薯仔炆雞翼飯29 唐記新出有汁飯， 呢個係我最愛的家常菜，三大隻雞翼燜得入味， 飯同餸又分開上，抵食。 鳳爪排骨飯18 食唐記當然唔少得食蒸飯啦， 佐敦唐記每日都有一款特價蒸飯， 今日係鳳爪排骨飯。 大大盒， 排骨分量好多， 又唔會醃得過鹹。 而且 椰菜都畀得多， 食一盒飽曬。 阿華田包5 除咗新出薯仔炆雞翼飯之外， 當然唔少得食埋新出嘅阿華田包啦， 阿華田包蒸得軟熟， 一搣開個包， 裏面阿華田嘅流心餡嘭嘭聲流出嚟， 要趁熱食先得。 砵仔糕5. 5 見到有 砵仔糕又忍唔住買番個， 因為一睇佢個面，就知道佢紅豆勁多，每日用米漿新鮮即磨， 充滿米香勁好食。 麥皮饅頭 剛剛出爐，熱騰騰很美味。 叉燒包 多瘦肉小肥肉，調味剛剛好， 不會太甜也不會太鹹。 香姑雞包5. 5 在滑嫩的雞肉裏加入木耳絲， 令到成個包都好爽口， 而且又唔會淨係得肉咁齋。 菜肉包5. 5 菜肉包入面係椰菜同豬肉， 食落感覺 唔會好肥膩， 啖啖肉得黎又有菜， 營養均衡。 糯米卷

一早便good morning.....!朝早返經過一間唐記包點.....早早便大排長龍......不過實在是早餐之選.........有多款包點選擇........以前包點都是在酒樓才有.......而且分店多多.....總有一間在左近.......不過離公司有一段路程......所以決定把午餐也買.....哈哈....有驚喜！份量十分足夠.....！而且點心入味........下次再光顧其他款式....！

早前吃過唐記包點的新品，阿華田包，念念不忘，便到公司附近的店買外賣回家再吃。佐敦道店的店面比較大，選擇也比一般多。除了普通的盅飯，還有咖喱飯、滷肉飯、粥品等等，包點方面亦多是生煎包、鍋貼等，與一家點心餐館無異。沒想到阿華田包早已售罄，唯有改吃其他食物。腸粉、粉果也是其他店少見，質素不錯，價錢也十分相宜。買了一個生煎包嘗嘗，比想像中惹味。煎香的包點，餡料保持肉汁，即使放了一會亦不會乾巴巴的。沒想到這裡連砵仔糕也有，亦不過五元。紅豆饀非常豐富，用來當飯後甜點正好。